... loading ...
... loading ...
متحدہ عرب امارات کے اتحاد میں سات ریاستیں شامل ہیں اور اِن میں دبئی کو انتظامی، معاشی اور سماجی ترقی کے تناظر میں ایک مخصوص مقام حاصل ہے… اقوامِ متحدہ کے اعداد و شمار کے مطابق دنیا کے 158 ملکوں میں اچھی اور مناسب زندگی کے حامل شہروں میں دبئی کا مقام بیسواں ہے جبکہ عرب ورلڈ میں یہ پہلی پوزیشن پر ہے…لیکن اب دبئی کے حالات تبدیل ہورہے ہیں۔ پاکستان اور بھارت سمیت کئی ممالک میں کرپشن کے خلاف مہم نے دبئی کو بھی ہلاکر رکھ دیا ہے۔ چونکہ دبئی پاکستان اور بھارت کے ’’منی لانڈرنگ لارڈز‘‘ کی جنت ہے اس لئے جب ہر طرف رکاوٹیں لگنا شروع ہوئیں تو دبئی کی معیشت بھی لرزنے لگی ہے۔ دبئی کی رونقیں پردیسیوں کی آمد سے مشروط ہیں جو آنکھ بند کرکے سرمایہ لٹاتے ہیں اور ماڈل گرلز کی خفیہ جیبوں میں چھپا کر سرمایہ پردیس منگواتے ہیں ۔
دبئی میں پراپرٹی کی خریداری میں پاکستانیوں کا تیسرا نمبر ہے ۔ 2013 سے اب تک پاکستانیوں نے 6 ارب 60 کروڑ ڈالر دبئی میں جائیداد کی خریداری پر خرچ کر ڈالے ہیں۔ سال 2015 میں پاکستانیوں نے دبئی میں پراپرٹی کی خریداری کے 6106 سودے کیے جو 2014 کے مقابلے میں 20 فیصد زائد ہیں۔ صرف ایک سال میں پاکستانیوں نے دبئی میں 2 ارب 20 کروڑ ڈالر کی زمین ، گھر ، فلیٹ اور دکانیں خریدیں۔
پراپرٹی کی خریداری میں پہلے نمبر پر برطانوی شہری اور دوسرے نمبر پر بھارتی شہری ہیں۔ دلچسپ بات یہ ہے کہ سال 2013 سے اب تک جتنی رقم پاکستان نے آئی ایم ایف سے قرض نہیں لی اس سے زائد رقم کی پراپرٹی جس کی مالیت 6 ارب 60 کروڑ ڈالر بنتی ہے، پاکستانیوں نے دبئی کے رئیل اسٹیٹ سیکٹر میں خرچ کر ڈالی۔ پاکستانیوں کا یہ پیسہ دبئی کی اکانومی کا پہیہ تیزی سے گھماتا ہے لیکن کرپشن کیخلاف ’’مہم ‘‘نے سب کچھ روک دیا ہے ۔ اب کراچی اور لاہور سے منی لانڈرنگ کے ذریعے دولت کی دبئی ’’روانگی رک‘‘ گئی ہے ۔ حوالے کا کام کرنے والے قدم قدم پر پکڑ کی وجہ سے قومی دولت بیرونِ ملک منتقل کرنے کا رسک نہیں لے سکتے ۔ نئے اور سخت اقدامات کا نتیجہ یہ نکل رہا ہے کہ پاکستان کا سرمایہ پاکستان ہی میں رکا ہوا ہے کہ اب وہ پاکستان میں سرمایہ کار کے کام آئے گا ۔ ڈالر کو فی الحال مستحکم تو نہیں کہہ سکتے لیکن ڈالر کی قیمت اب مزید اونچی نہیں ہورہی اور ڈالر نے اب پہلے والی ’’اچھل کود‘‘بھی بند کردی ہے۔
ایران پر سے ہٹنے والی پابندیوں اور تیل کی پیداوار میں اضافے نے عرب ریاستوں بالخصوص سعودی عرب پر بھی گہرے اثرات چھوڑے ہیں ۔ سعودی عرب اپنے آپ کو معاشی میدان میں ترقی یافتہ ملک کے طور پر پیش کرنے کی کوشش کرتا ہے مگر اپنے اربوں پیٹرو ڈالرز کو لٹانے کی وجہ سے اس کا خزانہ خالی ہوچکا ہے۔ علاقائی رقیبوں کو پچھاڑنے کے لیے سعودی عرب نے تیل کی قیمتوں کو نچلی سطح پر باقی رکھا مگر اس کی وجہ سے اب وہ خود ہی بحرانی حالات سے دوچار ہوگیا ہے ۔ گرتی ہوئی معیشت کو سنبھالنے کے لیے چند دنوں پہلے سعودی وزیر دفاع محمد بن سلمان نے معاشی اصلاحات کا اعلان کیا تھا۔ سعودی عرب کے معاشی بحران کے بعد اب خبر آئی ہے کہ سعودی بن لادن گروپ نے 50 ہزار غیرملکی ملازمین کو فارغ کرنے کا اعلان کیا ہے ۔ سعودی عرب سے شائع ہونے والے روزنامہ الوطن نے اپنے ذرائع سے نقل کیا ہے کہ’’بن لادن گروپ‘‘ نے اپنے 50ہزار ملازمین کے ایگریمنٹس کو منسوخ کردیا ہے اور انہیں ایگزٹ ویزا بھی دے دیا ہے تاکہ وہ ملک چھوڑ دیں … سعودی روزناموں کے مطابق یہ قدم عالمی منڈی میں تیل کی مسلسل گرتی ہوئی قیمت اور سعودی عرب کی مالی مشکلات کی وجہ سے اٹھایا گیا ہے… آخری اطلاعات تک بے روزگار ہونے والے50ہزا رملازمین سڑکوں پر آگئے ہیں اور احتجاجاً کئی بسوں کو آگ لگادی گئی ہے۔
دبئی بیک وقت دو مختلف قسم کے حالات کا مقابلہ کرنے کی تیاری کررہا ہے، اول سیاحوں کی آمد میں کمی اور دوئم سخت گرمی کی آمد… قابل برداشت حد تک گرمی دبئی کی سوغات سمجھی جاتی ہے اور یورپ نے اس کا نام سن سٹی (چمکتے سورج کا شہر) رکھا ہے لیکن اتنی گرمی کوئی بھی برداشت نہیں کرسکتا کہ سن اسٹروک’’ اٹیک‘‘ کردے اور آدمی تفریح کے بجائے ڈاکٹروں کی مسیحائی کے رحم وکرم پر ہو جائے۔ گزشتہ ہفتے میں دبئی میں تھا کہ دبئی کے ٹیکسی والے نے شکوہ کیا کہ اپریل کا مہینہ جارہا ہے لیکن سیاحوں کی تعداد گزشتہ سال کے مقابلے میں50فیصد تک نہیں پہنچی۔ اگلے مہینے گرمی بڑھ جائے گی اور سیاحوں کی تعداد ’’آٹو میٹک‘‘ مزید کم ہو جائے گی۔ وہ اس کو پاکستان اور بھارت کے سیاسی حالات اور کرپشن کیخلاف مہم کا نتیجہ قرار دے رہا تھا۔ اس کا کہنا تھا کہ یہی حالات رہے تو دبئی کی رونق اور خریداری پر برا اثر پڑے گا۔ دبئی لاکھوں دکانوں میں گھر ا ہوا شہر ہے۔ اس کا کہنا تھا کہ دبئی حکومت کو اس سلسلے میں گزشتہ سالوں کی طرح ملتے جلتے اقدامات کرنے چاہئیں جبکہ ایک ٹریول ایجنسی کے افسر نے بتایا کہ ایک’’ائیر عربیہ ‘‘ائیر لائن نے 25ہزار روپے میں کراچی سے دبئی کا ٹکٹ بمعہ ویزا دینا شروع کر دیا ہے۔ دس ہزار روپے کا ویزا نکال دیا جائے تو یہ پندرہ ہزار روپے ٹکٹ بنتا ہے جو کراچی سے لاہور کے ریٹرن ٹکٹ سے بھی زیادہ سستا ہے۔ دبئی میں فروخت ہونے والی اشیا خاص طور پر کاسمیٹکس خواتین کے استعمال کی چیزیں کپڑے اور ادویات کراچی میں سستے داموں دستیاب ہیں ۔ جو پرفیوم دبئی مارکیٹ میں ایک ہزار روپے میں فروخت ہورہا ہے وہ کراچی میں 600روپے میں دستیاب ہے۔ دبئی میں چیزیں مہنگی نہیں ہیں، کبھی تو یہ چیزیں بہت سستی ہوتی تھیں لیکن اب دکان، مکان کا کرایہ، لائسنس فیس اور ویزے کی فیس آہستہ آہستہ اتنی بڑھ گئی ہے کہ دکان دار کو اپنی اشیا مہنگی کرکے فروخت کرنا پڑرہی ہیں اور اس کے اثرات دبئی کی معیشت پر تیزی سے آرہے ہیں۔ دبئی کراچی سے آٹھ سو ہوائی میل کے فاصلے پر ہے اس لئے دبئی کے اثرات کراچی پر اور کراچی کے اثرات دبئی پر پڑتے ہیں۔ صرف ایک ائیر لائن کی کراچی سے دبئی کے لیے روزانہ5پروازیں ہیں جبکہ روزانہ کل پروازیں تیرہ سے چودہ کے قریب ہیں لیکن بڑھتی ہوئی مہنگائی نے دبئی کی رونقوں پر حملہ کردیا ہے۔ اس کا تعلق کراچی سے نہیں ہے لیکن کراچی والے لاہور سے سے بھی کم فاصلے پر موجود ایک انٹرنیشنل شہر (دبئی) سے خود کو دور ہوتا ہوا محسوس کررہے ہیں۔ پہلی بار یہ ہوا ہے کہ دبئی حکومت یہ منصوبہ بندی کر رہی ہے کہ روٹھے ہوئے سیاحوں کوواپس لانے کے لیے کیا اقدامات کیے جائیں۔ ابتدائی طور پر ویزے کی فیس50درہم (تقریباً 1500روپے) کم کرد ی گئی ہے جو یہ پیغام دے رہی ہے کہ دبئی کے حکام اس مسئلے پر سنجیدگی سے غور و خوض کررہے ہیں۔
متحدہ عرب امارات(یو اے ای)کی انویسمنٹ کمپنی نے دبئی انڈسٹریل سٹی میں الیکٹریکل کاریں تیار کرنے والی الدمانی فیکٹری کا افتتاح کر دیا۔ غیرملکی میڈیا کی رپورٹ کے مطابق یہ امارات میں اپنی نوعیت کی پہلی فیکٹری ہے۔ رپورٹ کے مطابق فیکٹری میں سالانہ 10 ہزار گاڑیاں اسمبل ہوں گی۔ اس جدید ک...
منی لانڈرنگ کیس میں وزیر اعظم میاں محمد شہباز شریف کے شریک ملزم مقصود چپڑاسی وفات پا گئے۔ ایف آئی اے کے اسپیشل پراسیکیوٹر فاروق باجوہ نے مقصود چپڑاسی کی وفات کی تصدیق کر دی۔ مقصود چپڑاسی ان دنوں دبئی میں مقیم تھے۔ مقصود چپڑاسی حرکت قلب بند ہونے سے فوت ہوئے۔ واضح رہے کہ مقصود چپڑا...
متحدہ عرب امارات کے صدر اور ابوظہبی کے حکمران 73 سالہ عزت مآب شیخ خلیفہ بن زاید النہیان طویل علالت کے بعد انتقال کر گئے۔اماراتی میڈیا کے مطابق متحدہ عرب امارات کی وزارت صدارتی امور نے صدر عزت مآب شیخ خلیفہ بن زاید النہیان کے انتقال کی تصدیق کرتے ہوئے کہا کہ متحدہ عرب امارات، عرب ...
خاتون اول بشریٰ بی بی کے بیٹے موسیٰ مانیکا نے فرح خان سے متعلق کہا ہے کہ فرح خان رہائش کیلئے دبئی چلی گئی ہیں، ہمارے خاندان کا فرح خان کی کسی ڈیل سے تعلق نہیں۔ ایک انٹرویو میں موسیٰ مانیکا نے کہا کہ فرح خان سے مانیکا خاندان کا کوئی لینا دینا نہیں، فرح خان رہائش کیلئے دبئی چلی گئی...
پاکستان نے اقوام متحدہ کی جنرل اسمبلی کے اجلاس میں یوکرین سے روسی افواج کے فوری انخلا کا مطالبہ کرنے والی قرارداد پر جاری بحث میں اپنی باری پر حصہ نہیں لیا۔ اجلاس میں بھارت کے ووٹ دینے سے گریز سے متعلق سوال پر امریکی محکمہ خارجہ نے صحافیوں پر زور دیا کہ وہ انفرادی طور پر مخصوص مم...
اسرائیلی خاتون کامیڈین نوئیم شوستر الیاسی نے اسرائیل سے تعلقات جوڑنے پر امارات بالخصوص دبئی کیلئے توہین آمیز گانا مع ویڈیو ریکارڈ کروایا جو دیکھتے دیکھتے عرب دنیا میں وائرل ہوگیا ہے۔فرانسیسی میڈیا کے مطابق گانا عربی زبان میں ہے جس کے نیچے گانے کا ترجمہ انگریزی اور عبرانی دونوں زب...
اسرائیل کے صدر آئزک ہیروزگ اتوار کے روز متحدہ عرب امارات کے پہلے دورے پر ابوظبی پہنچ گئے جہاں ان کا شاندار استقبال کیا گیا۔غیرملکی خبررساں ادارے کے مطابق صدر کے دفتر کی جانب سے اعلان میں کہا گیا کہ یہ اپنی نوعیت کا پہلا دورہ ہے۔ دورے کا مقصد اسرائیل اور امارات کے درمیان تعلقات مض...
اسرائیلی ٹی وی نے کہا ہے کہ عرب ممالک کے ساتھ معاہدوں نے اسرائیلی جرائم پیشہ بالخصوص منشیات کی اسمگلنگ، منی لانڈرنگ اور جسم فروشی کے لیے سنہری منڈیاں کھول دی ہیں۔اسرائیلی ٹی وی چینل نے اسرائیلی حکام کے حوالے سے کہا کہ اسرائیل دنیا بھرمیں منی لانڈرنگ اور منشیات کی اسمگلنگ کے شعبے ...
متحدہ عرب امارات میں کووِڈ19کے قواعد وضوابط کا سوشل میڈیا پرمضحکہ اڑانے والے افراد کو جیل کی سزا کا سامنا ہے۔میڈیارپورٹس کے مطابق یواے ای کی وفاقی ایمرجنسی کرائسس اینڈ ڈیزاسٹرز پراسیکیوشن نے ایک بیان میں کہا کہ سوشل میڈیا صارفین کو نئے قوانین کے تحت سزا دی جا سکتی ہے جس کے تحت گم...
اپوزیشن کے مطالبے پر وزیر اعظم عمران خان کے 3 سالوں کے دوران غیر ملکی دوروں کی تفصیلات پر مبنی رپورٹ ایوان بالا میں پیش کردی گئی۔سینیٹ میں پیش کی گئی رپورٹ کے مطابق وزیراعظم عمران خان نے سال 2018 میں 3 غیر ملکی دورے کیے، ان غیر ملکی دوروں پر 4 کروڑ 56 لاکھ 15 ہزار سے زائد اخراجات...
متحدہ عرب امارات کے دارالحکومت ابوظبی میں جدید ٹیکنالوجی سے لیس شہریوں کے لیے بغیر ڈرائیور ٹیکسی سروس کا آغاز کر دیا گیا ہے۔ میڈیارپورٹس کے مطابق خودکار ٹیکسی کار سروس تفریحی مقام یاس آئی لینڈ میں متعارف کرائی گئی ہے، جہاں فارمولا ون ریس کا ٹریک اور فیراری ورلڈ تھیم پارک بھی موجو...
متحدہ عرب امارات(یو اے ای)نے سنیما سینسر شپ ختم کرنے کا اعلان کردیا ہے۔عرب میڈیا کے مطابق یو اے ای نے ملک میں سنیما گھروں میں فلموں کی نمائش کیلئے سینسر شپ ختم کرتے ہوئے +21 ریٹنگ متعارف کرا دی ۔متحدہ عرب امارات کے میڈیا ریگولیٹری اتھارٹی آفس نے سنیما میں فلموں کی نمائش کیلئے +21...
