... loading ...
... loading ...
آل پارٹیز حریت کا نفر نس (گیلانی)نے حکومتِ ہند کے آبادکار پنڈتوں کے لیے کمپوزٹ ٹاؤن شپ قائم کرنے کے منصوبے پر بضد رہنے کو بلاجواز قرار دیتے ہوئے خبردار کیا ہے کہ کشمیریوں کو مذہب کے نام پر تقسیم کرنے اور پنڈتوں کو سماج سے الگ تھلگ کرنے کی کسی بھی صورت میں اجازت نہیں دی جائے گی اور دونوں برادریاں مل کر اس خطرناک منصوبے کو ناکام بنائیں گی۔
ذرائع ابلاغ کے نام جاری اپنے ایک بیان میں انہوں نے واضح کیا ہے کہ پنڈت کشمیری سماج کا ایک حصہ ہیں اور کوئی بھی فرد یا گروہ ان کی وادی واپسی کا مخالف نہیں ہے۔ وہ اپنے گھروں کو لوٹ آئیں تو ان کا خیرمقدم ہے۔ البتہ ان کے لیے علیحدہ بستیاں بسانے کے منصوبے کی کسی بھی صورت میں اجازت نہیں دی جائیگی۔ حریت کانفرنس نے بھارتی امورِ داخلہ کے مرکزی وزیر مملکت ہری بھائی پراٹھی بھائی چوہدری کے پارلیمنٹ میں دئے گئے اس بیان کو سختی کے ساتھ مسترد کردیا، جس میں انہوں نے کہا ہے کہ ’’مائیگرنٹ پنڈتوں کے لیے وادی میں علیحدہ بستیاں بسانے کا منصوبہ اب بھی زیرِ غور ہے اور ریاستی سرکار کو اراضی کی نشاندہی کرنے کے لیے کہا گیا ہے، جس کے بعد اس منصوبے پر باضاطہ عمل شروع کیا جائے گا‘‘۔
حریت نے کہا کہ وہ مائیگرنٹ پنڈتوں کی وادی واپسی اور ان کی بازآبادکاری میں مدد دینے کی کسی بھی طور مخالف نہیں ہے، البتہ بھارتی حکومت اور اس کے پالیسی ساز اس کی آڑ میں ایک خطرناک کھیل کھیلنا چاہتے ہیں اور وہ اس کے ذریعے سے نہ صرف ہم کو مذہب کے نام پر تقسیم کرانا چاہتے ہیں، بلکہ وہ کشمیریوں کے اپنے بنیادی اور پیدائشی حقوق کے لیے جاری جدوجہد کو بھی نقصان پہنچانا چاہتے ہیں۔ بیان میں کہا گیا کہ کشمیر ی عوام حقِ خودارادیت کے لیے پچھلی سات دہائیوں سے مصروف جدوجہد ہیں۔ بھارت اس جدوجہد پر فرقہ واریت کا رنگ چڑھاکر عالمی برادری کو گمراہ کرانا چاہتا ہے اور پنڈتوں کے لیے کمپوزٹ ٹاؤن شپ قائم کرنے کی کوشش اس منصوبے کا حصہ ہے۔ حریت بیان میں کہا گیا کہ بھارت ایک عرصے سے جموں کشمیر کی ڈیموگرافی تبدیل کرانے اور یہاں کی مسلم اکثریت کو اقلیت میں تبدیل کرانے کے منصوبوں پر عمل کررہا ہے۔ حریت بیان میں کہا گیا کہ بھارت کے پالیسی سازوں کا اصل ہدف کشمیریوں کی جدوجہدِ آزادی ہے اور وہ ہر ممکن طریقے سے اس کو ناکام بنانے کی کوششیں کررہے ہیں۔ معروف حریت رہنما شبیر احمد شاہ نے اپنے ایک بیان میں کہاکہ پنڈتوں کی وطن واپسی خوش آ ئند، لیکن الگ بستیوں کا قیام ناقابل قبول ہے ۔انہوں نے کہاکہ آر ایس ایس کے مائنڈ سیٹ اور منصوبے کے لئے حامی بھرلی تو ریاست میں پی ڈی پی کے لئے زمین تنگ ہوگی ۔شبیر احمد شاہ نے وادی سے چلے گئے پنڈتوں کے لئے علیحدہ بستیوں کے قیام کو ریاستی تشخص کے لئے سازش قرار دیتے ہوئے اس کی سخت مخالفت کی ہے ۔ کہ ہم کسی بھی صورت میں اس سازش کو کامیاب نہیں ہونے دیں گے ۔انھوں نے واضح کیا کہ بھارتی سرکار پنڈتوں کی بازآبادکاری کے لئے جس قدر بھی اقدامات کریں اس پر ہمیں کوئی اعتراض نہیں۔ البتہ اس کی آڑ میں ریاست کے بھائی چارے پر کوئی آنچ نہیں آنے دیں گے اور نہ ہی اسرائیلی طرز پر بستیوں کے قیام کی اجازت دی جائے گی ۔شبیر احمد شاہ نے بھارتی اور ریاستی سرکار کو خبردار کیا کہ وہ آگ سے کھیلنے کی کوشش نہ کریں اور ریاست کی آبادیاتی تشخص کو تبدیل کرنے کے اپنے گھناونے منصوبے سے باز آئیں۔ جموں و کشمیر لبریشن فرنٹ نے بھی کشمیر میں پنڈتوں کی علیحدہ بستیاں بسانے کے منصوبے کو مسترد کرتے ہوئے واضح کیا کہ اسرائیلی طرز کی یہ علیحدہ کالونیاں کسی بھی صورت میں قبول نہیں کی جائیں گی ۔ فرنٹ نے اپنے ایک بیان میں کہا کہ کشمیری مسلمان اپنے پنڈت بھا ئیوں کی کشمیرواپسی کے متمنی ہیں اور چاہتے ہیں کہ وہ واپس آکر اپنے مسلمان بھائیوں کے ساتھ مل جل کر رہیں لیکن اُنہیں علیحدہ کالونیوں میں بساکر کشمیر میں ایک اور فلسطین بنانے کی کسی کو اجازت نہیں دی جائے گی۔فرنٹ نے کہا کہ کشمیریوں نے ماضی میں بھی پی ڈی پی/بی جے پی کے اِن آرایس ایس منصوبوں کے خلاف مزاحمت کی ہے اور مستقبل میں بھی ان سیاہ منصوبوں کے خلاف سینہ سپر ہو کر مقابلہ کیا جائے گا۔
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
چیف آف آرمی اسٹاف جنرل سید عاصم منیر نے شہر قائد میں جاری دفاعی نمائش آئیڈیاز 2024 کا دورہ کیا اور دوست ممالک کی فعال شرکت کو سراہا ہے ۔پاک فوج کے شعبۂ تعلقات عامہ (آئی ایس پی آر) کے مطابق آرمی چیف جنرل عاصم منیر نے کراچی کے ایکسپو سینٹر میں جاری دفاعی نمائش آئیڈیاز 2024 ...
ڈپٹی کمشنر اسلام آباد نے وفاقی دارالحکومت میں 2 ماہ کے لیے دفعہ 144 نافذ کر دی جس کے تحت کسی بھی قسم کے مذہبی، سیاسی اجتماع پر پابندی ہوگی جب کہ پاکستان تحریک انصاف نے 24 نومبر کو شہر میں احتجاج کا اعلان کر رکھا ہے ۔تفصیلات کے مطابق دفعہ 144 کے تحت اسلام آباد میں 5 یا 5 سے زائد...
بانی پی ٹی آئی عمران خان کی ہمشیرہ علیمہ خان نے کہا ہے کہ عمران خان نے علی امین اور بیرسٹر گوہر کو اسٹیبلشمنٹ کے ساتھ مذاکرات کی اجازت دے دی ہے ۔اڈیالہ جیل کے باہر میڈیا سے گفتگو میں انہوں نے کہا کہ بانی پی ٹی آئی سے طویل ملاقات ہوئی، 24نومبر بہت اہم دن ہے ، عمران خان نے کہا کہ ...
چیف آف آرمی اسٹاف جنرل سید عاصم منیر نے کہا ہے کہ ملکی سیکیورٹی میں رکاوٹ بننے اور فوج کو کام سے روکنے والوں کو نتائج بھگتنا ہوں گے ۔وزیراعظم کی زیر صدارت ایپکس کمیٹی کے اجلاس میں گفتگو کرتے ہوئے آرمی چیف نے کہا کہ دہشت گردی کی جنگ میں ہر پاکستانی سپاہی ہے ، کوئی یونیفارم میں ...
