... loading ...
... loading ...
شہباز تاثیر بازیاب کرائے گیے یا رہا؟ وجود ڈاٹ کام نے اپنی ابتدائی خبرمیں ہی یہ واضح کردیا تھا کہ اُن کی رہائی کو بازیابی باور کرائی جارہی ہے۔ قانون نافذ کرنے والے اداروں کی طرف سے جس طرح شہباز تاثیر کی رہائی کو ایک کامیاب آپریشن قرار دینے کی کوششیں کی گئیں ، اس سے یہ ظاہر ہوتا ہے کہ وہ دہشت گردی کے خلاف جنگ میں کس قدر مبالغہ آمیز طریقے سے بروئے کار آتے ہیں؟
انتہائی معتبر ذرائع اب تصدیق کرتے ہیں کہ شہباز تاثیر کسی بھی طرح سے بازیاب نہیں کرائے گیے اور وہ مختلف ہاتھوں سے ہوتے ہوئے کسی طرح جب افغان طالبان کے پاس پہنچے ہیں تو اُنہیں افغان طالبان نے کچلاک پہنچایا ہے۔شہبازتاثیر اغواکاروں کے ہاتھوں گرفتار ہونے کے بعد ایک طویل عرصے تک لاہور میں ہی چھپائے گیے تھے، پھر اُنہیں شمالی وزیرستان پہنچایا گیا ۔ آپریشن ضرب عضب کےشروع ہونے کے بعد اُنہیں افغانستان منتقل کردیا گیا۔ جہاں پر اغواکاروں کو ملا داد اللہ کی طرف سے پناہ میسر آئی۔ ملاداد اللہ طالبان سے الگ ہونے والا ایک ایسے گروہ کے سرپرست تھے ، جو پاکستانی طالبان اور وسط ایشیائی ریاستوں کے عسکریت پسندوں کے ساتھ ساتھ داعش کی بھی حمایت رکھتے تھے۔ ملاداد اللہ نے افغان طالبان سے علیحدگی کے بعد زابل کو اپنی پناہ گاہ بنایا تھا۔ طالبان کے نئے امیر ملا اختر منصور نے اُنہیں کوئی رعایت دینے کے بجائے مزید تنہائی میں دھکیل دیا تھا۔ جس کے بعد ملا داد اللہ ہر قسم کی مدد حاصل کرنے کے لیے تمام ہی قسم کے جنگجوؤں کو زابل میں اکٹھا کر رہے تھے۔ شہباز تاثیر کے اغواکاروں کے لیے بھی یہی ایک مقام محفوظ تھا ۔ مگر افغان طالبان نے چند ماہ قبل جب زابل میں ملا داد اللہ کے ٹھکانوں کو نشانہ بنایا تو شہباز تاثیر وہاں سے فرار ہونے میں کامیاب ہو گیے۔ اور کسی طرح مقامی افغان طالبان کمانڈر کے پاس پہنچ گیے۔ جنہوں نے شہباز تاثیر کو بلوچستان میں کچلاک کے ایک ہوٹل پہنچایا ۔ جہاں شہباز تاثیر نے اپنی والدہ سے فون پر بات کی ۔ مگر اس کے بعد قانون نافذ کرنے والے اداروں نے اِسے انٹلیجنس کی بنیا دپر ایک کامیاب کارروائی کے نتیجے میں بازیابی کا واقعہ قرار دینا شروع کردیا ۔
اس ضمن میں آئی جی بلوچستان نے شہباز تاثیر کی بازیابی کے لیے آپریشن کی خبر دی تھی۔ یہاں تک کہ آئی ایس پی آر کے ٹوئٹر ہینڈل نے بھی شہباز تاثیر کی بازیابی کو انٹلیجنس کی بنیاد پر کی جانے والی کارروائی باور کرایا تھا۔مگر وزیرداخلہ چوہدری نثارعلی نے سابق گورنر پنجاب سلمان تاثیر کے صاحبزادے شہباز تاثیر کی رہائی کے معاملے پر غلط معلومات دینے کا نوٹس لیتے ہوئے تحقیقاتی کمیٹی تشکیل دے دی ہے۔ وزارت داخلہ کے ترجمان کے مطابق کمیٹی میں ایڈیشنل سیکریٹری داخلہ اور ڈی جی این سی ایم سی شامل ہیں جب کہ کمیٹی 2 دن میں اپنی رپورٹ پیش کرے گی۔ترجمان کے مطابق وزیرداخلہ کا کہنا تھا کہ آئی جی بلوچستان نے شہباز تاثیر کی بازیابی سے متعلق آپریشن کی خبر کیوں دی؟جبکہ شہباز تاثیر کی بازیابی سے متعلق اصل واقعات خبرکے برعکس تھے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
