... loading ...
... loading ...
گزشتہ چند دنوں سے ملک بھر میں الطاف حسین کی صحت کے متعلق خبریں بہت گرم ہیں۔ یہاں تک کہ سوشل میڈیا پر اُن کی موت کے متعلق بھی افواہیں گردش کرتی رہی ہیں۔ کراچی میں بعض اہم شخصیات اور قانون نافذ کرنے والے اداروں سے لے کر انٹلیجنس سے وابستہ افراد تک ان قیاس آرائیوں میں شامل رہے ہیں ۔یہ ایک حیرت انگیز بات ہے کہ جن افراد سے اس نوع کی افواہوں اور خبروں کی تصدیق یا تردید ممکن ہونی چاہیئے ، وہ افراد اور ادارے بھی ان ہی خبروں اور افواہوں کے شکار نظر آتے ہیں۔
یہ ایک درست بات ہے کہ ایم کیو ایم کے قائد کی صحت ہر گز قابل رشک نہیں ۔ اور وہ مسلسل اپنی گرتی ہوئی صحت کا تذکرہ خود بھی تقریروں میں کرتے رہتے ہیں۔ مگر اپنی خرابی صحت کے باوجود اُن کے متعلق زیرگردش افواہیں پوری طرح درست نہیں۔ حیرت انگیز طور پر اُن کے خرابی صحت کے متعلق خبریں تب بھی جاری رہیں، جب اُنہوں نے مصطفیٰ کمال کی کراچی آمد پر ایک نئی جماعت بنانے کا اعلان کردیا۔ حالانکہ ایم کیو ایم کے قائد نے اس کے بعد ایک تقریر میں مصطفیٰ کمال کو آڑے ہاتھوں لیا۔ اُن کی تقریرکا وہ حصہ بھی گردش کرتا رہا مگر اس کے باوجود اُن کے صحت سے متعلق افواہیں بھی گردش کرتی رہیں۔ اب ان افواہوں کے بعد کچھ مزید ایسے واقعات ہوئے جن سے الطاف حسین کی صحت کے متعلق درست اندازے لگائے جاسکتے ہیں۔
اطلاعات کے مطابق ایم کیو ایم کے قائد الطاف حسین نے بی بی سی اردو کو ایک انٹرویو دیا ہے جس میں اُنہوں نے یہ بھی کہا ہے کہ وہ مکمل صحت یاب ہیں۔ اس دوران میں الطاف حسین کی طرف سے ایم کیو ایم کے مرکز پر الطاف حسین کے مزید ایک اور خطاب کیے جانے کی بھی اطلاع ہے۔ واضح رہے کہ الطاف حسین نے کراچی میں پارٹی کے اہم رہنماؤں سے بھی رابطے کیے ہیں۔
ان تمام باتوں کے باوجود متحدہ قومی موومنٹ کے کنوینر ندیم نصرت نے پارٹی قائد الطاف حسین کی صحت کے بارے میں پھیلائی جانے والی افواہوں کی تردید بھی کی ہے۔ ندیم نصرت نے اپنے ایک بیان میں کہا ہے کہ الطاف حسین کی صحت بالکل ٹھیک ہے اور وہ پہلے کی طرح بدستور اپنے روزمرہ کے نجی اور تنظیمی فرائض کی انجام دہی میں مصروف ہیں۔ندیم نصرت کے مطابق متحدہ کے قائد معمول کے مطابق رابطہ کمیٹی، زونوں ،تنظیمی شعبہ جات اور ذمہ داروں سے رابطے میں ہیں۔
ایم کیو ایم کے بعض ذرائع کا خیال ہے کہ الطاف حسین کی خرابی صحت کے متعلق افواہیں اس لیے پھیلائی جارہی ہے تاکہ ایم کیو ایم کے حلقوں میں مایوسی پیدا ہو اور وہ ایم کیو ایم کے حوالے سے اپنے قائد کی زندگی کے خطرات کے پیش نظر متبادل راستہ اختیار کرنے کی کوشش کریں۔ ندیم نصرت نے بھی اپنے ایک بیان میں ان خدشات کا اظہارکرتے ہوئے یہ کہا ہے کہ الطاف حسین کی علالت کی افواہیں ایک منظم سازش کے تحت پھیلائی جارہی ہیں جس کا مقصد تحریک کے کارکنوں اور عوام کی صفوں میں مایوسی اور انتشار پیدا کرنا ہے۔بعض ذرائع کے مطابق اس طرح کی افواہوں کا مقصد ایم کیو ایم سے الگ ہونے والے رہنماؤں مصطفیٰ کمال اور انیس قائم خانی کو فائدہ پہنچانا مقصود ہے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
