... loading ...
... loading ...
پاکستان پیپلز پارٹی کے شریک چیئرمین اور سابق صدر آصف علی زرداری نے جنرل راحیل شریف کی ریٹائرمنٹ کے اعلان کو قبل ازوقت قرار دیتے ہوئے کہا ہے کہ اس سے دہشت گردی کے خلاف جنگ پر منفی اثرات مرتب ہو سکتے ہیں۔ زرداری کا کہنا تھا کہ پاکستانی تاریخ کے اس اہم موڑ پر ریٹائرمنٹ کے فیصلے سے لوگوں کی امیدیں مایوسی میں بدل جائیں گی ،کیونکہ داخلی اور بیرونی عناصر ملک کے خلاف مسلسل سازشیں کر رہے ہیں۔دبئی سے جاری ہونے والے بیان میں مزید کہا گیا ہے کہ دہشت گردی کے خلاف پاک فوج کی پرخلوص اور پرعزم جدوجہد ملکی استحکام کی ضامن ہے۔پاکستان پیپلز پارٹی فوج کے ساتھ کندھے سے کندھا ملا کر کھڑی ہے اور قربانیاں پیش کرنے پرانہیں سلام پیش کرتی ہے۔ حیرت انگیز طور پر زرداری نے جنرل راحیل کے کردار کواُن کی مدت ملازمت سے آگے دیکھتے ہوئے ان خیالات کا بھی اظہار کیا کہ دہشت گردی کے خلاف جنگ میں قوم متحد اور پرامید ہے کہ یہ جنگ جنرل راحیل کی سربراہی میں منطقی انجام تک پہنچے گی۔
آصف زرداری کے ان خیالات کو قومی حلقوں میں انتہائی حیرت سے دیکھا جارہا ہے۔ کیونکہ یہ زرداری صاحب کی سیاسی پوزیشن سے قطعی مختلف اور متضاد خیالات ہیں۔ آصف علی زرداری نے 16 جون 2015 کو وفاق کے زیر انتظام قبائلی علاقوں سے پارٹی عہدیداروں کی حلف برداری کی تقریب سے خطاب کرتے ہوئے آصف علی زرداری نے کہاتھا کہ اگر اُنھیں دیوار سے لگانے اور ان کی کردار کشی کرنے کی روش ترک نہ کی گئی تو وہ قیام پاکستان سے لے کر آج تک جرنیلوں کے بارے میں وہ کچھ بتائیں گے کہ فوجی جرنیل وضاحتیں دیتے پھریں گے۔زرداری صاحب نے تب فوج کی تقریباً تمام پالیسیوں کی مخالفت کرتے ہوئے یہ کہا تھاکہ وہ(فوی قیادت) تو تین سال کے لیے آئے ہیں اور پھر چلے جائیں گے جبکہ سیاست دانوں نے ساری عمر پاکستان میں رہنا ہے۔ سیاست دانوں کے راستے میں رکاوٹیں نہ کھڑی کی جائیں ورنہ اینٹ سے اینٹ بجا دیں گے۔ آصف علی زرداری کی طرف سے ان خیالات کے اظہار کے بعد وزیراعظم نوازشریف نے اگلے روز اُن سے ملاقات کے طے شدہ پروگرام کو منسوخ کردیا تھا۔ اور فوج کے حق میں ایک بیان جاری کیا تھا۔ بعد ازاں آصف علی زرداری ملک سے باہر چلے گئے تھے اور جب سے وہ آج تک پاکستان تشریف نہیں لاسکے۔ اس ضمن میں یہ قیاس آرائیاں بھی گردش کرتی رہیں کہ اُنہیں وطن واپسی پر بعض معاملات کی تحقیقات کے لئے طلب کیا جاسکتا ہے۔اس دوران میں پیپلز پارٹی کی سارے رہنما آصف علی زرداری کے اس بیان کے مضر اثرات کا مقابلہ کرتے رہے اور اُن کا مقدمہ لڑتے رہے۔ مگر اچانک گزشتہ روز آصف علی زرداری نے دبئی سے اپنے تمام سابقہ خیالات کے برعکس ایک بیان جاری کرتے ہوئے نہ صرف موجودہ فوجی قیادت پر اپنے کھلے اعتماد کا اظہار کیا بلکہ اُن کی مدت ملازمت میں توسیع کے حق میں اپنا جھکاؤ بھی ظاہر کردیا۔
سابق صدر اپنے اور اپنے قریبی ساتھیوں کے خلاف بدعنوانی کے مختلف مقدمات میں تحقیقات کی ساری ذمہ داری بھی ماضی میں فوجی اداروں پر عائد کرتے رہے ہیں۔ مگر اپنے تازہ بیان میں اُنہوں نے فوج کو ان الزامات سے بھی بری کردیا ہے۔ اُنہوں نے اپنی ماضی کے موقف کے بالکل برخلاف یہ بھی کہا ہے کہ کچھ حلقوں کی طرف سے سیاسی معاملات، احتساب یا دیگر قومی معاملات میں فوج کا ممکنہ کردار تلاش کرنا مناسب نہیں جب کہ قوم اور میڈیا کو قیاس آرائیوں اور افواہوں سے گریز کرنا چاہیے۔پیپلزپارٹی سندھ میں ہونے والے احتسابی عمل کے حوالے سے فوجی اداروں بشمول رینجرز کو نشانہ تنقید بناتی رہی ہے۔ مگر زرداری صاحب کے حالیہ بیان میں اس حوالے سے بھی ایک الٹی قلابازی کھائی گئی ہے۔
سیاسی حلقے اس امر پر غور کررہے ہیں کہ آخر آصف علی زرداری نے اس موقع پر اس قسم کے خیالات کا اظہار کیوں کیا ؟ کیا وہ سیاسی حالات اور موجودہ سیاسی بندوبست میں کسی بڑی تبدیلی کے امکانات کو دیکھ رہے ہیں؟ یا کیا وہ موجودہ حالات میں مسلم لیگ نون سے مکمل طور پر دور اور علیحدہ دکھائی دینا چاہتے ہیں؟
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
