... loading ...
... loading ...
انٹیلی جنس بیورو (آئی بی) کے ڈائریکٹر جنرل آفتاب سلطان نے سینیٹ کی قائمہ کمیٹی برائے خارجہ امور میں اس امر کا اعتراف کیا ہے کہ ملک میں داعش کا خطرہ اُبھر رہا ہے اور ملک میں کالعدم لشکر جھنگوی اور کالعدم سپاہ صحابہ پاکستان سمیت مختلف عسکریت پسند جماعتیں اس کے لئے ہمدردی کا جذبہ رکھتی ہیں۔ ڈی جی آئی بی کے مطابق داعش اور افغان طالبان کے درمیان تنازع کے باعث کالعدم تحریک طالبان پاکستان داعش کے ساتھ تعاون کررہی ہے۔
ڈی جی آئی بی ک یہ بیان اس لئے بہت زیادہ اہم ہے کہ اس سے قبل وفاقی وزیر داخلہ چودھری نثار پاکستان میں داعش کو ایک عرب تنظیم قرار دیتے ہوئے اس کی موجودگی کے دعوؤں کو متعدد مرتبہ مسترد کرچکے ہیں۔ڈی جی آئی بی کی بریفنگ کا یہ نکتہ بھی بہت اہم ہے کہ پاکستان میں داعش کا خطرہ اُبھر رہا ہے۔ کیونکہ پاک فوج کے سربراہ چند ماہ قبل یہ دعویٰ کر چکے ہیں کہ پاکستان پر داعش کا سایہ تک پڑنے نہیں دیا جائے گا۔ڈی جی آئی بی کے اس اعتراف کا مطلب تو یہ ہوا کہ داعش کا خطرہ دہشت گردوں کے خلاف جاری آپریشن ضرب عضب کے باوجود مسلسل بڑھتا ہی گیا۔ آئی بی کے ڈائریکٹر جنرل آفتاب سلطان نے کمیٹی کو بتایا کہ کراچی میں سانحہ صفورا گوٹھ کے بعد پنجاب بھر میں داعش کا نیٹ ورک پکڑا گیا ہے اوراس سے وابستہ سینکڑوں افراد گرفتار کئے گئے ہیں۔انھوں نے کالعدم تحریک طالبان پاکستان کو ملک میں ہونے والے بیشتر حملوں کا ذمہ دار کالعدم تحریک طالبان کو قرارد یا۔اوراس کے منظم ہونے کی وجہ کالعدم لشکر جھنگوی اور کالعدم سپاہ صحابہ کو قرار دیا۔
ڈی جی آئی بی نے خطرے کی گھنٹی بجاتے ہوئے برصغیر میں القاعدہ کی موجودگی کی تصدیق کرتے ہوئے کہا کہ القاعدہ کی جانب سے بعض پولیس افسران کے قتل میں ملوث ہونے کے شواہد ملے ہیں۔یہ ایک خطرناک پہلو ہے کیونکہ القاعدہ کے خلاف امریکا کے ساتھ نیٹو اتحادایک طویل المعیادآپریشن کے ساتھ بروئے کار ہے مگر اب بھی یہ تنظیم خطرہ بن کر زندہ ہے۔ اس طرح دہشت گرد گروہوں کے خطرناک حد تک باقی رہنے کے آثار ہر قسم کے آپریشن کے باوجود نظر آتے ہیں۔ یہ اس معاملے کی خوف ناک سچائی ہے۔ آفتاب سلطان کی بریفنگ میں یہی بات ٹی ٹی پی فضل اللہ گروپ کے حوالے سے بھی کہی گئی۔اُن کے مطابق یہ گروپ تاحال ایک مضبوط دہشت گرد گروپ ہے اور وہ دیگر کالعدم تنظیموں کے تعاون سے کارروائیاں کررہا ہے۔اُنہوں نے صاف الفاظ میں کہا کہ دہشت گرد دوبارہ منظم ہورہے ہیں ۔ اس ضمن میں ڈی جی آئی بی نے سرحدی کنٹرول خاص طور پر افغانستان کے ساتھ منسلک سرحد کے طریقہ کار، خطے میں تعاون کو بڑھانے، نیشنل ایکشن پلان پر عمل درآمد اور خصوصی توجہ کے ساتھ بنیاد پرستی کے خاتمے کی پالیسی اختیار کرنے پر زور دیا۔اُنہوں نے جہادی عناصر کی بحالی اور سوشل میڈیا اور سائبر اسپیس کی نگرانی کے لیے پالیسی کے مؤثر عمل کے لیے ایک جامع حکمت عملی کا بھی مطالبہ کیا۔ اس کے ساتھ بلوچستان میں مفاہمتی عمل پر ترجیحی بنیادوں پر عمل کرنے اور فاٹا اصلاحات اختیار کرنے کا بھی مطالبہ کیا۔ڈی جی آئی بی نے خبردار کیا کہ ملک میں مزید دہشت گردی کے حملے ہوسکتے ہیں کیونکہ ایسا ممکن نہیں ہے کہ اگلی دہائی میں دہشت گردی کا مکمل خاتمہ کیا جاسکے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
