... loading ...
... loading ...
امریکی جریدے ’’ فارن پالیسی میگزین ‘‘ نے انکشاف کیا ہے کہ بھارت ریاست کرناٹک میں انتہائی رازداری سے ایک جوہری شہر تعمیر کر رہا ہے جس کامقصد ہائیڈروجن بم بنا نا ہے۔ جریدے کی رپورٹ کے مطابق بھاری ریاست کرناٹکا کے شہر چھلاکرے میں اس منصوبے کا آغاز ۲۰۱۲ء میں کیا گیا۔ جبکہ بھارت اسے بہت تیزی سے تعمیر کرتے ہوئے ۲۰۱۷ء میں اس منصوبے کو ہر صورت میں پایۂ تکمیل تک پہنچانا چاہتی ہے۔ جس کے بعد یہ جوہری مواد کو افزودہ کرنے اور جوہری ہتھیاروں اور ائیر کرافٹ کی پڑتال کا برصغیر میں سے سے بڑا منصوبہ ہوگا۔
ایٹمی معاملات سے متعلق عالمی سیاست پر نگاہ رکھنے والے ماہرین کا خیال ہے کہ یہ منصوبہ صرف پاکستان کے لئے ہی نہیں بلکہ چین کے لئے بھی باعث اشتعال بنے گا۔ وزیراعظم ہاؤس کی براہِ راست نگرانی میں چلنے والے اس منصوبے کے حوالے سے ماہرین متفق ہیں کہ یہ منصوبہ بھارت کی یورینیئم افزودگی کی صلاحیت میں بے پناہ اضافہ کرنے کا باعث بنے گا جس سے وہ بآسانی ہائیڈروجن بم بنا سکے گا۔ بھارت کی طرف سے منصوبے کو خفیہ رکھنے کے باعث اس منصوبے کا ذکر کسی بھی سطح پر نہیں کیا جاتا۔ جبکہ امریکا کے ساتھ سول جوہری معاہدہ کے باعث عالمی جوہری معائنہ ایجنسیوں نے بھی اس جانب رخ نہیں کیا ہے۔
امریکی جریدے کے اس تازہ انکشاف نے پاک بھارت مذکرات کے حوالے سے حالیہ پیش رفت کے تمام معاملات کو نہایت مشکوک بنا دیا ہے۔اس ضمن میں پاک بھارت بات چیت کے بارے میں پہلے سے کہا جارہا تھا کہ یہ امریکی دباؤ کے باعث کئے جارہے ہیں۔ جبکہ امریکا گزشتہ کچھ عرصے سے پاکستان کو بھارت کے ساتھ بات چیت کرنے پر دباؤ میں لانے کے علاوہ جوہری ہتھیاروں پر بھی اُسے کچھ پابندیوں کو قبول کرنے پر مجبور کررہا ہے۔ پاکستان اور افغانستان کے خصوصی مشیر رچرڈ اولسن نے امریکی کانگریس کی خارجہ امور سے متعلق کمیٹی پر یہ واضح کیا ہے کہ ’’امریکا نے پاکستان سے مختلف خدشات پر بامعنی گفتگو کی ہے جس میں محدود صلاحیت والے جوہری نظام پر بات چیت بھی شامل ہے۔ ‘‘
امریکا کی جانب سے پاکستان کو اس کے ایٹی معاملات میں مذاکرات پر مجبور کردینے کے موجودہ ماحول میں انتہائی رازداری سے جاری بھارت کے ہائیڈروجن بم بنانے کے خفیہ منصوبے پر کام کا انکشاف یہ شک پیدا کردینے کے لئے کافی ہے کہ پاکستان کے ساتھ بھارت کی بات چیت کا موجودہ ماحول بھی دراصل اسی منصوبے کا حصہ ہے۔ او رپاکستان کو نہایت خاموشی سے اس کا شکار بنایا گیا ہے۔ رچرڈ اولسن نے پاکستان میں جاری دہشت گردی کا ایک ایٹمی ملک کے لئے لاحق خطرات کے طور پر ذکر کیا ہے۔ جو بجائے خود ایک نہایت خطرناک با ت ہے۔ پاکستان افغانستان کے لئے امریکا کے خصوصی مشیر نے کہا ہے کہ انتہاپسندوں اور باغیوں سے پاکستان کے موجودہ جوہری نظام کو لاحق خطرات سے خو دپاکستان بھی آگاہ ہے۔ واضح رہے کہ پاکستان نے اپنی سرکاری پوزیشن ہمیشہ اس معاملے میں اس کے بالکل برعکس لیتے ہوئے ایسے تمام خدشات کو بے بنیاد قراردیتا دینے کی پالیسی رکھی ہے۔ مگر عملاً اولسن نے امریکی کانگریس کی خارجہ امور کی کمیٹی کو یہ بتایا ہے کہ پاکستان ان خطرات سے نہ صرف آگاہ ہے بلکہ اس پر بات چیت بھی کررہا ہے۔
ایٹمی معاملات سے متعلق یہ تناظر جس میں پاکستان پر امریکی دباؤ اور بھارت کی طرف سے بغیر کسی دباؤ کے ہائیڈروجن بم بنانے میں واضح پیش رفت اور اس کے زیرسایہ پاک بھارت بات چیت کے لئے دباؤ یہ ثابت کرنے کے لئے کافی ہے کہ پاکستان حالیہ برسوں میں ان معاملات میں گہرے غوروفکر کی صلاحیت کا عملی مظاہری نہیں کر سکا ہے اور اس پورے کھیل کا بآسانی شکار بنتا جارہا ہے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
