... loading ...
... loading ...
مجھ سے کسی نے پوچھا کہ حالیہ بلدیاتی انتخابات کا معرکہ کون سر کرے گا تو میں نے بغیر کسی توقف سے جواب دیا کہ ایم کیو ایم۔ پوچھنے والے نے حیرت سے کہا کہ تم تو کہتے ہو کہ الطاف حسین شہر کے سب سے غیرمقبول رہنما اور متحدہ قومی موومنٹ سب سے ناپسندیدہ جماعت تو پھر ایسی کیا وجہ ہے کہ لوگوں کی اکثریت پھر بھی پتنگ پر ہی مہر لگائے گی۔ پوچھنے والے کو کراچی کے زمینی حقائق کا علم نہ تھا ورنہ اسے یہ جاننے میں کوئی دقت پیش نہ ہوتی کہ متحدہ نے کس طرح شہر میں لسانیت، عصبیت اور تعصب کی آبیاری کی اور مہاجرازم کے یوٹوپیا کو سیاسی حقیقت میں تبدیل کیا۔ 30 سال سے برسراقتدار اس جماعت کا تنظیمی ڈھانچہ ملک کی کسی بھی سیاسی جماعت کے مقابلے میں سب سے بڑا، منظم اور متحرک ہے۔ ہر یوسی اور وارڈ میں ان کے مستقل دفاتر ہیں جو عموماً اسکولوں اور پارکوں کی سرکاری زمین پر قائم کیے گئے ہیں۔ سیاسی بنیادوں پر بھرتی کیے گئے ہزاروں صوبائی اور بلدیاتی اداروں کےملازمین ان کی پشت پر ہیں۔ ان لوگوں کی نوکریاں تو مختلف اداروں میں ہے لیکن یہ ڈیوٹی یونٹ اور سیکٹر آفس پر انجام دیتے ہیں۔
کچھ دنوں قبل اسلام آباد کے ایک سینئر صحافی نے کراچی کی سیاست پر اپنے تجزیے میں لکھا تھا کہ اس شہر کے لوگ لبرل اور سیکولر لوگوں کو ووٹ دیتے ہیں۔ ان کے مضمون کو پڑھ کر اندازہ ہوا کہ وہ اور ان جیسے کئی سینئر صحافی حضرات کس حد تک شہر کے حالات سے بے خبر، سیاست سے لاعلم، مزاج سے ناآشنا اور تاریخ سے لاتعلق ہیں۔ کراچی کے لوگ عمومی طور مذہبی رحجان رکھتے ہیں۔ یہاں مساجد آباد ہیں، خیرات اور صدقات کثرت سے دی جاتی ہے، قربانی کا ذوق و شوق عام ہے اور خواتین کی اکثریت حجاب، اسکارف یا چادر لیتی ہے۔ ایسے ماحول میں یہ توقع رکھنا کہ لوگ ایم کیو ایم کو سیکولر اور لبرل ہونے کی وجہ سے ووٹ دیتے ہیں، کسی خوش فہمی کے سوا کچھ نہیں ۔ 60ء سے 80ء کی دہائی تک ملک میں دائیں اور بائیں بازو کی سیاسی لڑائی اپنے جوبن پر تھی تو اس شہر نے اپنا وزن ہمیشہ دائیں بازو کے پلڑے میں ڈالا اور اسی کی دہائی میں جب عصبیت کی فضا پھیلی تو لوگوں نے مہاجرازم کا انتخاب کیا۔ اس دن سے لے کر آج تک ایم کیو ایم کو مہاجرازم پر ہی ووٹ ملتا ہے۔
حالیہ بلدیاتی انتخابات میں بہت سے لوگوں کو یہ امید ہے کہ ایم کیو ایم کو شکست سے دوچار ہونا پڑے گا لیکن میرے مطابق اس امید اور خوش فہمی کی کوئی معقول اور منطقی وجہ نہیں ہے۔ زمینی حقائق یہ ہیں کہ اردو اسپیکنگ علاقوں میں ایم کیو ایم بدستور اپنی جگہ موجود ہے اور اس وقت تک موجود رہے گی جب تک مہاجرازم کا نعرہ زندہ ہے۔ البتہ یہ ضرور ہے کہ پوش، نیم پوش اور نسبتاً تعلیم یافتہ آبادیوں میں تحریک انصاف کی صورت میں ایک متبادل سیاسی قوت کی آمد سے اس کے ووٹ بینک میں کمی ضرور آئی ہے۔ دوسری طرف انہی آبادیوں میں ہمیشہ سے جماعت اسلامی کا بھی ایک روایتی ووٹ بینک رہا ہے۔ اس لیے بعید از قیاس نہیں ہے کہ دونوں متحدہ مخالف جماعتوں کے اتحاد سے ایم کیو ایم کو کچھ اردو اسپیکنگ یونین کمیٹیوں میں شکست کا سامنا کرنا پڑے ۔
اگر ہم اضلاع کا جائزہ لیں تو ضلعی وسطی اور ضلع کورنگی میں ایم کیو ایم کی پوزیشن مستحکم ہے، ضلع شرقی اور ضلع غربی میں اسے تحریک انصاف اور جماعت اسلامی جبکہ ضلعی ملیر اور ضلعی جنوبی میں اسے پیپلزپارٹی اور تحریک انصاف سے مقابلے کا سامنا ہے۔2005ء میں متحدہ نے 178 میں سے 102 یونین کونسلز جیتی تھیں۔ موجودہ بلدیاتی نظام کے تحت کے کراچی میٹروپولیٹن کارپوریشن میں 247 یونین کمیٹیاں ہیں جن میں سے 100 میں متحدہ کی پوزیشن بدستور مستحکم ہے جبکہ 75 میں اسے تحریک انصاف ، جماعت اسلامی، پیپلزپارٹی اور مہاجر قومی موومنٹ سے زبردست مقاملے کا سامنا ہے۔72 کے قریب غیراردو اسپیکنگ یونین کمیٹیوں میں تحریک انصاف، پیپلزپارٹی اور جماعت اسلامی کی پوزیشن مستحکم ہیں۔
مستقبل میں کراچی کی سیاست میں ایم کیو ایم کا سب سے بڑا چیلنج شہر کی آبادی میں مہاجروں کا گرتا ہوا تناسب ہوگا جس کا شاید ان کے پاس کوئی علاج نہیں ہے۔دوسری طرف متحدہ مخالف جماعتوں خاص طور پر تحریک انصاف اور جماعت اسلامی کے لیے سب سے بڑی مشکل مہاجرازم کے نعرے سے نمٹا ہو گا۔ اس کے لیے انہیں ہر محلے اور ہر آبادی میں مستقل طور اپنی موجودگی ،محلوں کی طاقت ور اور بااثر شخصیات کی حمایت اور ہر موسم میں عوامی رابطے کو یقینی بنانا ہوگا۔صرف الیکشن کے دنوں میں چند ریلیاں، جلسے اور پوسٹر سے ایم کیو ایم ایسی طاقتور جماعت کی جڑیں اکھاڑنے کی توقع رکھنا دیوانے کا خواب ہے۔
کمشنر کراچی نے دودھ کے بعد مرغی کے گوشت کی قیمت میں بھی اضافہ کر دیا۔ کمشنر کراچی کی جانب سے زندہ مرغی کی قیمت 260 روپے کلو اور گوشت کی قیمت 400 روپے فی کلو مقرر کر دی گئی۔ قیمتوں میں اضافے کے بعد کمشنر کراچی نے متعلقہ افسران کو نرخ نامے پر فو ری عمل درآمد کرانے کی ہدایت کی ہے۔ ک...
سندھ حکومت نے کراچی اور حیدرآباد میں بلدیاتی الیکشن نہ کرانے کے حوالے سے اپنی ضد پر قائم ہے۔ سندھ حکومت کا الیکشن کمیشن کے خط کا جواب دیتے ہوئے کہنا ہے کہ بلدیاتی انتخابات کیلئے پولیس موجود نہیں۔ الیکشن کمیشن آف پاکستان نے سندھ میں بلدیاتی انتخابات کے دوسرے مرحلے کیلئے سندھ حکومت...
پاکستان تحریک انصاف (پی ٹی آئی) نے کراچی کے حلقے این اے 237 ملیر سے پی ٹی آئی چیئرمین عمران خان کو شکست دینے والے پیپلز پارٹی کے امیدوار حکیم بلوچ کی کامیابی کو چیلنج کر دیا۔ ضمنی انتخاب کے نتائج کو سابق وفاقی وزیر اور پی ٹی آئی سندھ کے صدر علی زیدی نے سندھ ہائی کورٹ میں چیلنج کی...
کراچی سمیت مختلف شہروں میں بجلی کا بڑا بریک ڈاؤن رہا ۔ نیشنل گرڈ میں خلل پیدا ہونے کی وجہ سے ملک کے مختلف علاقوں میں بجلی بند ہو گئی، نیشنل گرڈ میں خلل پیدا ہونے سے 6 ہزار میگا واٹ بجلی سسٹم سے نکل گئی، کراچی میں کینپ نیو کلیئر پلانٹ کی بجلی بھی سسٹم سے نکل گئی ، بجلی بحال کرنے ک...
حکومت سندھ نے ایک مرتبہ پھر بلدیاتی انتخابات میں روڑے اٹکاتے ہوئے الیکشن کمیشن کو کراچی میں بلدیاتی انتخابات ملتوی کرنے کی استدعا کر دی ہے۔ حکومت سندھ کی جانب سے الیکشن کمیشن کو 3 ماہ کے لیے انتخابات ملتوی کرنے کا مراسلہ لکھا گیا جس میں کہا گیا ہے کہ کراچی میں بلدیاتی انتخابات ...
کراچی کے علاقے ملیر میں نامعلوم افراد کی فائرنگ سے 2 رینجرز اہلکار زخمی ہوگئے۔ ایس ایس پی ملیر عرفان بہادر کے مطابق رینجرز اہلکار ملیر میں چیکنگ کر رہے تھے کہ موٹر سائیکل پر سوار دو نوجوانوں کو اہلکاروں نے رکنے کا اشارہ کیا جو رکنے کی بجائے فرار ہوگئے۔ ایس ایس پی نے کہا کہ موٹر س...
کراچی میں اسٹریٹ کرائم کی وارداتوں میں ریکارڈ اضافے کے حوالے سے سی پی ایل سی نے اعداد و شمار کر دیئے۔ سی پی ایل سی رپورٹ کے مطابق رواں سال 8 ماہ کے دوران 58 ہزار وارداتیں رپورٹ ہوئیں اور 8100 سے زائد شہریوں کو اسلحہ کے زور پر لوٹ لیا گیا۔ رپورٹ کے مطابق ستمبر میں 12 شہری دوران ڈک...
بلدیہ عظمی کراچی کا متنازع میونسپل یوٹیلیٹی سروسز ٹیکس کے الیکٹرک کے بلوں میں شامل کرنے کا ردعمل آنا شروع ہوگیا، شہریوں نے کچرا کے الیکٹرک کی گاڑیوں میں ڈالنا شروع کر دیا، کے الیکٹرک کے شکایتی مرکز 118 پر کچرا نا اٹھانے کی شکایت درج کروانا شروع کر دی، کے الیکٹرک کے عملے کو کام می...
کراچی کے علاقے سعود آباد سے جعلی ادویات بنانے والی فیکٹری پکڑی گئی۔ پولیس نے لاکھوں روپے مالیت کی جعلی ادویات برآمد کرلیں۔ پولیس کے مطابق سعود آباد میں فیکٹری پر چھاپہ کارروائی کی گئی، اس دوران چار ملزمان کو گرفتار کیا گیا، غیر قانونی طور پر فیکٹری میں جعلی ادویات بنائی جا رہی تھ...
اسٹریٹ کرائمز کی وارداتوں پر قابو پانے کے لیے شاہین فورس کے قیام اور گشت کے باوجود شہر میں لوٹ مار کی وارداتوں کا سلسلہ تھم نہیں سکا۔ شہر میں اسٹریٹ کرائمز کی وارداتوں کا سلسلہ بدستور جاری ہے، نیو کراچی صنعتی ایریا میں موٹر سائیکل سوار ڈاکو فیکٹری ملازم سے 10 لاکھ روپے نقد لوٹ ک...
کراچی میں شدید گرمی کے باعث لوڈ شیڈنگ نے عوام کا بُرا حال کردیا۔ تفصیلات کے مطابق شہر قائد میں درجہ حرارت میں اضافے کے بعد کے الیکٹرک نے بھی لوڈ شیڈنگ کا دورانیہ بڑھا دیا۔ نارتھ ناظم آباد بلاک ڈبلیو، کورنگی، لیاقت آباد، گلبہار، ابوالحسن اصفہانی روڈ ، پاک کالونی، پی ای سی ایچ ایس،...
بلدیہ عظمیٰ کے ایڈمنسٹریٹر مرتضی وہاب کو تبدیل کیے جانے کا امکان ہے۔ ذرائع کے مطابق سابق صدر آصف زرداری سے ایم کیو ایم رہنماؤں سے گزشتہ روز ہونے والی ملاقات کے بعد امکان ظاہر کیا جا رہا ہے کہ بلدیہ عظمی کے ایڈمنسٹریٹر مرتضی وہاب کو تبدیل کر دیا جائے گا۔ ذرائع کے مطابق بلاول ہاؤس ...
