... loading ...
... loading ...
سات سمندر دور کینیڈا اور اس کے نو منتخب وزیر اعظم جسٹن ٹروڈو کی طرف دیکھنے سے پہلے ہم کیوں نہ اپنے ارد گرد کے ماحول کا ہی جائزہ لے لیں۔ ہماری مشرقی سرحد کے ساتھ جو آہنی لکیر ہے اسکی دوسری طرف ہندوستان ہے اور اس سے کچھ آگے بنگلادیش۔ ان دونوں ممالک کے ساتھ ہمارا جغرافیائی، تاریخی، سیاسی اور معاشرتی تعلق انتہائی گہرا ہے اور اس واسطے انکے تجربات ہمارے لئے ہزاروں میل دور واقعی اقوام اور معاشروں سے زیادہ اہمیت رکھتے ہیں۔ چنانچہ ہندوستان اور بنگلادیشن میں سیکولرازم کے اثرات اور افادیت کا تجزیہ کر کے ہی ہم اس خطے میں ان تصورات اور نظریات کے مستقبل اور پاکستان میں اسکے ممکنہ اثرات کا جائزہ لے سکتے ہیں۔
بھارت میں 26 نومبر 1949 میں سیکولر دستور منظور ہوا اور 16 مئی 1996 تک مسلسل47 برسوں تک کانگریس برسر قتدار رہی۔ اس عرصے میں جہاں جمہوریت چلتی، سیکولرازم بھاگتی اور لبرل ازم انگڑائیاں لیتی رہی، وہیں غربت، جہالت اور بدعنوانی بڑھتی اور اقلیتوں کی حالت بد سے بدتر ہوتی گئی۔ ہندو اکثریت بدعنوانی، بدانتظامی اور اقرباء پروری سے عاجز تھی تو مسلم، دلت، سکھ اور عیسائی اقلیت کے لئے سماج کے دروازے بند اور ترقی کی راہیں مسدود تھیں۔ بہار، یوپی، ممبئی اور دلی میں مسلم کش فسادات، گولڈن ٹیمپل کا سانحہ اور کشمیر و آسام ریجن میں علیحدگی پسندوں کے ساتھ کشت و خون اسکے علاوہ ہیں۔ایک ارب انسانوں کی معیشت، دنیا کی سب سے بڑی زراعت، تین عظیم الشان بندرگاہیں، غرض ترقی میں کوئی چیز مانع نہ تھی لیکن پھر بھی غربت اور پسماندگی نے جان نہ چھوڑی۔ایسے ماحول میں قدامت پرستی کی حامل ہندو قوم پرست جماعت بھارتیہ جنتا پارٹی ایک متبادل کے طور پر ابھری اور چند ہی سالوں میں بجھا ہو صنم خانہ ہند “شائن” کرنے لگا۔ سیکولرازم خطرے میں ہے کہ نعرے کے ساتھ کانگریس دوبارہ برسرِاقتدار آئی تومن موہن سنگھ ایسے ماہر معیشت کو وزیر اعظم بنانے اور بی جے پی کی معاشی پالیسی کو برقرار رکھنے کے باوجود اس سے چمٹی کرپشن کی نحوست نے لوگوں کو ایک بار پھر مایوس کیااور اگلی بار انکی نظریں مودی پر جا ٹھہریں۔اس مودی پر، جس کا ایک چہرہ مذہبی تنگ نظر کا ہے تو دوسرا ایک بہترین منتظم کا۔وہ 2000کے مسلم کش فسادات کے باوجود بار بار گجرات کے حکمران بنتے رہے یہاں تک کہ دلی کی راج شاہی نے انہیں بلالیااور چشم فلک نے دیکھا کہ ہندستانیوں کو کانگریس کے کتابی نعروں کے برخلاف عملی ترقی کی ایک سمت نظر آچکی تھی۔
ہندوستان کی طرح بنگلہ دیش کا پہلا دستور بھی سیکولر قرار پایا تھا لیکن جب حکومت بدلی تو اس نے معاشرے کے تمام طبقات کے ساتھ مفاہمت کو آگے بڑھایا۔ 4 سالہ ضیاء الرحمن دور آج تک بنگلادیش کی تاریخ کا سب سے درخشاں دور قرار دیا جاتا ہے۔ ایک طرف معیشت نے ترقی کی تو دوسری طرف سیاسی مفاہمت اوربرادشت نے اپنی جڑیں پکڑیں۔لیکن آج کا بنگلادیش ایک بار پھر سیکولر اور لبرل ہے اور اسکی عملی شکل یہ ہے کہ حزب اختلاف پر عرصہ حیات بند، معیشت پر جمود اور اظہار آزادی پر عوامی لیگ کی فکر کا پہرا ہے۔صرف مذہبی جماعتوں ہی نہیں، دائیں بازو کی جماعتیں بھی بقاء کی جنگ لڑ رہی ہیں اور میاں سومرو، اسحاق خاکوانی اور سہگل کے دوست صلاح الدین قادر چوہدری کے لئے پھانسی کا پھندا ہے۔
ہمارے ڈرائنگ روم دانشور سمجھتے ہیں کہ دستور کی کتاب پر الفاظ کی ہیر پھیر کرکے لوگوں کے مسائل حل کئے جاسکتے ہیں۔وہ مشرق اور مغرب کے نفسیاتی تجزیے، ماحول، تاریخ، سماجی خدوخال او ر حالات کے فرق کو سمجھنے میں دلچسپی نہیں لیتے۔ مزید یہ کہ انہوں نے مغربی ممالک کی ترقی کو اس غیر منطقی خیال سے اخذکررکھا ہے کہ گویا سیکولرنظریات ہی انہیں اس مقام تک لائیں ہیں۔ اب انہیں کون سمجھائے کہ ملک سیکولرازم اور مذہبی ریاست یا جمہوریت اور آمریت کے تصور سے نہیں، حسن انتظام (گڈ گورننس) سے ترقی کرتے ہیں۔آپ مغرب سے اسکا حسن انتظام چھین لیں، یورپ کے وسط میں ایک عراق تشکیل دے دیں اور معیشت کا پہیہ روک دیں، پھر جس سیکولرازم، لبرل ازم اور جمہوریت کے آپ گن گارہے ہیں، انہی سے فتنوں کے وہ شرارے بکھریں گے کہ مورخ انکے مقابلے میں داعش ایسی قوتوں کو بھی انسانیت کا خیرخواہ لکھے گا۔
بھارت کی حکمران بھارتیہ جنتا پارٹی (بی جے پی ) کے رہنما کا کہنا ہے کہ بالی وڈ کے لیجنڈ شبانہ اعظمی اور نصیر الدین شاہ ملک کو توڑنے والے گینگ کا حصہ ہیں۔ بی جے پی کے رہنما اور ریاست مدھیہ پردیش کے وزیرداخلہ ناروتم مشرا نے بھارتی فلم انڈسٹری کے لیجنڈ اداکار شبانہ اعظمی اور نصیرالدی...
انڈونیشیا اور ملائیشیا نے بھارت کے سفیروں کو طلب کرکے بھارتیہ جنتا پارٹی (بی جے پی)کے 2 ارکان کی جانب سے حضور اکرم صلی اللہ علیہ وسلم سے متعلق توہین آمیز تبصروں پر احتجاج کیا۔ میڈیارپورٹس کے مطابق انڈونیشیا کی وزارت خارجہ کی ترجمان تایئکو فائزہشاہ نے کہا کہ جکارتہ میں بھارتی سفیر...
بھارت کی حکمران انتہا پسند قوم پرست جماعت بھارتیہ جنتا پارٹی (پی جے پی) معطل رکن اور سابق قومی ترجمان نوپورشرما نے پیغمبراسلام حضرت محمد صلی اللہ علیہ وسلم کے خلاف ایک ٹی وی مباحثے کے دوران میں دیے گئے توہین آمیز متنازع بیان کو غیرمشروط طورپر واپس لے لیا ہے اور کہا ہے کہ کسی کے...
بھارتی پنجاب میں کانگریس کے صدر نوجوت سنگھ سدھو الیکشن میں شکست کھاگئے۔بھارتی میڈیا کے مطابق نوجوت سدھو کو مشرقی امرتسر سے عام آدمی پارٹی کی امیدوار جیون جیوت کورنے شکست دی۔بھارتی میڈیا کا بتانا ہے کہ الیکشن میں سدھو کو 6 ہزار ووٹوں سے شکست کا سامنا کرنا پڑا جس میں سدھو نے 32929 ...
معروف بھارتی مصنفہ ارون دھتی رائے نے کہا ہے کہ یوگو سلاویہ اور سوویت یونین کی طرح بھارت بھی ایک دن ٹوٹ جائے گا۔ کشمیرمیڈیاسروس کے مطابق ارون دھتی رائے نے ایک انٹرویو میں بھارت کی موجودہ صورتحال کو انتہائی مایوس کن قرار دیتے ہوئے بھارت میں جمہوریت کو ایک دکھاوا قرار دیا۔انہوں نے ک...
بھارتی ریاست مدھیہ پردیش میں برقع پہن کر کالج آنے والی مسلمان طالبہ سے تحریری معافی نامہ طلب کرلیا گیا۔ میڈیا رپورٹس کے مطابق ریاست مدھیہ پردیش کے صدر مقام بھوپال کے علاقے ستنا میں واقع ایک خود مختار سرکاری کالج میں ایک طالبہ سے جبری طور پر کہا گیا کہ وہ نقاب پہننے پر پابندی کے خ...
بھارتی ریاست گجرات میں سینکڑوں ہندو انتہا پسند مظاہرین نے سوشل میڈیا پر مقبوضہ جموں و کشمیرسے اظہار یکجہتی کی پاداش میں متعدد ملٹی نیشنل کمپنیوں کی ملکیت والے اسٹورز کو بند کرادیا۔ میڈیا رپورٹس کے مطابق پانچ فروری (یوم کشمیر) کے موقع پر پاکستان میں ملٹی نیشنل کمپنیوں ہنڈائی موٹرز...
بھارت میں بے جے پی کی ہندو انتہاپسند حکومت کی پالیسیوں پرتنقید کرنے والی مسلمان خاتون صحافی رعنا ایوب کی ایک کروڑ روپے سے زائد کی رقم ضبط کرلی گئی۔ بھارتی میڈیا کے مطابق مودی سرکارکی ہندو انتہا پسند پالیسیوں پر کھل کرتنقید کرنے والی بھارت کی عالمی سطح پر مشہور مسلمان خاتون صحافی ...
بھارت میں مغل دور میں قائم ہونے والی تاریخی بابری مسجد کو شہید ہوئے 29 برس کا عرصہ گزر گیا، بابری مسجد کو بھارتی انتہاپسند ہندو جماعت وشو اہندو پریشد اور بھارتی جنتا پارٹی کے کارکنوں اور حمایتیوں نے حملہ کر کے مسمار کر دیا تھا۔وشوا ہندو پریشد، راشٹریہ سویم سنگھ اور بی جے پی 1980 ...
بھارتی اپوزیشن جماعت کانگریس کے رہنما راہول گاندھی نے کہا ہے کہ بھارتیہ جنتا پارٹی کاہندوتوا نظریہ ایک سکھ یا مسلمان کو مارنے کے سوا کچھ نہیں۔ انہوں نے کہا کہ آرایس ایس اور بی جے پی کا نفرت انگیز نظریہ کانگریس پارٹی کے محبت اور قوم پرست نظریے پر بھاری پڑ گیا ہے۔ بھارتی میڈیا کے م...
بنگلا دیش کی حکمران جماعت ملکی آئین کو سیکولر ازم کی جانب واپس لے جانے کی تیاری کررہی ہے۔غیرملکی خبررساں ادارے کے مطابق حکومتی وزیر مراد حسن نے بتایاکہ1972 کے سیکولر آئین کی طرف پلٹنے کیلئے نئی ترمیم جلد پارلیمنٹ میں پیش کی جائے گی، اس ترمیم کے بغیر کسی رکاوٹ کے ایوان سے منظور ہو...
فرانسیسی مصنف کرسٹوف جیفرلاٹ نے انکشاف کیا ہے کہ ہندو انتہا پسند قوم پرست سیلف سنسر شپ کیلئے طرح طرح کے حربے استعمال کر رہے ہیں۔ بھارت میں ہندوتوا کے خلاف اٹھنے والی ہر آواز کو مْلک و قوم دْشمنی اور غداری سے جوڑا جاتا ہے۔ مغربی دْنیا بھارت میں دم توڑتی جمہوریت پر خاموش کیوں؟ کنگز...
