... loading ...
... loading ...
یکم نومبر، ترکی کی تاریخ کا وہ دن ہے جب 1923ء میں مصطفیٰ کمال اتاترک نے سلطنت عثمانیہ کے 623 سالہ اقتدار کا خاتمہ کردیا تھا۔ آخری عثمانی سلطان وحید الدین ششم کو ناپسندیدہ شخصیت قرار دے کر جلاوطن کردیا گیا۔ لیکن اب یکم نومبر اس مایوس کن دن کے طور پر نہیں بلکہ مستقبل کے لیے ایک امید کی ایک نئی کرن کے طور پر ابھرا ہے۔ ترکی میں عثمانیوں کی وارث عدالت و ترقی پارٹی نے انتخابات میں زبردست کامیابی حاصل کرلی ہے اور تن تنہا حکومت بنانے کی پوزیشن میں آ گئی ہے۔
جون 2015ء ہونے والے انتخابات نے عدالت و ترقی پارٹی کو سخت نقصان پہنچایا تھا۔ کردوں کی حمایت یافتہ خلق لرن ڈیموکریٹک پارٹی کے قومی منظرنامے پر ابھرنے سے عدالت پارٹی کی نشستوں کی تعداد 327 سے گھٹ کر 258 پر آ پہنچی تھی اور وہ غالب اکثریت سے محروم رہ گئی تھی۔ 2002ء کے بعد یہ پہلا موقع تھا کہ عدالت و ترقی پارٹی انتخابات میں 276 نشستوں کی واضح اکثریت حاصل نہ کرپائی۔ پھر اتحادی حکومت کی تشکیل کے لیے مذاکرات کی ناکامی کے بعد دوبارہ انتخابات کا اعلان ہوا اور آج یکم نومبر کو عدالت پارٹی نے تمام تر خدشات کا خاتمہ کردیا۔ 98 فیصد ووٹوں کی گنتی مکمل ہونے کے بعد عدالت پارٹی 316 نشستوں کے ساتھ پہلے نمبر پر ہے جبکہ جمہوری خلق پارٹی 134، ملت چی حرکت پارٹی 41 اور خلق لرن ڈیموکریٹک پارٹی 59 نشستیں حاصل کرچکی ہیں۔ ملت اور خلق پارٹی کی جون میں نشستوں کی تعداد 80، 80 تھی یعنی انہیں دوبارہ انتخابات میں سخت نقصان پہنچا ہے۔
اب تک کے نتائج سے مغربی ذرائع ابلاغ کے غبارے سے وہ ہوا تو نکل گئی ہے جس نے جون کے انتخابات کو عدالت پارٹی کے زوال کا آغاز قرار دیا تھا۔ گزشتہ انتخابات میں ایک کروڑ 89 لاکھ ووٹ لینے والی عدالت پارٹی کے ووٹوں کی تعداد اب 2 کروڑ 30 لاکھ تک پہنچ چکی ہے جو عوام کے بڑھتے ہوئے اعتماد کو ظاہر کرنے کے لیے کافی ہے۔
انتخابات میں سب سے زیادہ نقصان خلق لرن ڈیموکریٹک پارٹی کو ہوا ہے، جو اب دم بخود ہے۔ جون میں 80 نشستیں جیتنے والی جماعت کی نشستیں تو گھٹ کر اب 59 تک پہنچ ہی گئی ہیں لیکن ان کے ووٹوں کی تعداد بھی کم ہوکر 10.65 فیصد تک آ گئی ہے۔ اگر کل ووٹوں کی تعداد کے مقابلے میں ان کے ووٹ 10 فیصد سے کم ہوئے تو ترکی قانون کے مطابق انہیں اپنی تمام نشستوں سے ہاتھ دھونے پڑیں گے۔ ترکی میں کسی بھی جماعت کے پارلیمان میں قدم رکھنے کے لیے کم از کم 10 فیصد ووٹ حاصل کرنا ضروری ہیں۔ اگر کرد حامی جماعت ایسا کرنے میں ناکام رہی تو اس کا بھی فائدہ عدالت پارٹی کو ہوگا اور اس کی نشستوں کی تعداد 330 تک بھی پہنچ سکتی ہے۔ جو ملکی آئین میں تبدیلی کے لیے عوامی ریفرنڈم کرانے کی پوزیشن میں آ سکتی ہے۔
عدالت و ترقی پارٹی کے سربراہ احمد داؤد اوغلو نے اس تاریخی کامیابی سے حاصل ہونے والے اطمینان کو ایک مختصر سے ٹوئٹ میں “الحمد للہ” کہہ کر سمیٹ دیا ہے۔
Elhamdülillah…
— Ahmet Davutoğlu (@Ahmet_Davutoglu) November 1, 2015
مجموعی طور پر ترکی میں انتخابات بہت پرامن ماحول میں ہوئے اور عوام کا ووٹ دینے کا تناسب بھی زبردست رہا۔ 5 کروڑ 40 لاکھ رجسٹرڈ ووٹرز میں سے تقریباً 86 فیصد نے اپنا حق رائے دہی استعمال کیا۔ اس مقصد کے لیے ملک بھر میں ایک لاکھ 75 ہزار پولنگ اسٹیشن قائم کے گئے تھے جن کی حفاظت پر 3 لاکھ 85 ہزار پولیس اہلکار مامور تھے۔
انتخابی نتائج نہ صرف ترکی کی سیاست میں دلچسپی رکھنے والوں، بلکہ مغربی ذرائع ابلاغ کی آنکھ سے دنیا دیکھنے والوں، کے لیے بھی سخت حیران کن ہیں جس نے ماحول باندھ دیا تھا کہ بہت سخت مقابلہ دیکھنے کو ملے گا اور جو نقصان جون میں عدالت پارٹی کو پہنچا ہے، اب اس پر فیصلہ کن ضرب پڑے کی۔ لیکن عدالت پارٹی جس شاندار انداز میں واپس آئی ہے اس نے مخالفین کو حیران کر کے رکھ دیا ہے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
