... loading ...
... loading ...
سابق وفاقی وزیر ڈاکٹر عاصم حسین کے خلاف ہونے والی تحقیقات آخری مرحلے میں داخل ہوچکی ہے جب کہ ان کی گرفتاری کے بعد گرفتار ہونے والے محکمہ صحت سندھ کے گریڈ 19 کے ڈاکٹر یوسف ستار میمن، ڈاکٹر عاصم کے خلاف گواہی دینے کے لئے تیار ہوگئے ہیں۔ واضح رہے کہ ڈاکٹر یوسف ستار سندھ گورنمنٹ قطر اسپتال اورنگی ٹاؤن میں نائٹ شفٹ میں ایڈیشنل میڈیکل سپریٹنڈنٹ تھے لیکن وہ اپنی سرکاری ڈیوٹی پر ہفتے میں ایک دوبار محض چکر لگانے جاتے تھے جبکہ وہ 1987ء سے قطر اسپتال میں ہی ملازم تھے اور گریڈ 19 میں ترقی پانے کے بعد چند دنوں کے لئے قانونی تقاضے کو پورا کرنے کے لئے لانڈھی میڈیکل کمپلیکس میں تعینات رہے۔یہ سول سروسز کے قواعد کی خلاف ورزی ہے۔ جس کے مطابق تین سال میں قانونی طور پر تبادلہ ضروری ہو جاتا ہے۔ مگر ڈاکٹر یوسف ستار نے جب تک گریڈ اٹھارہ سے انیس میں ترقی نہیں پائی ، وہ تقریباً اٹھارہ سے انیس برس تک مسلسل قطر اسپتال میں تعینات رہے۔
ڈاکٹر یوسف ستار اس کے علاوہ 1989ء سے ضیاء الدین اسپتال نارتھ ناظم آباد میں ڈاکٹر عاصم حسین کے معتمد کے طور پر پہلے سینئر میڈیکل افسر اور پھر 1998ء سے بطور ایڈمنسٹریٹر کام کر رہے تھے۔ اس طرح وہ سرکاری ڈیوٹی پر جائے بغیر وہاں سے ماہانہ ایک لاکھ روپے تنخواہ لیتے رہے۔ جبکہ ضیا الدین اسپتال کی جانب سے انہیں ماہانہ تین لاکھ روپے تنخواہ کے علاوہ گاڑی اور رہائش کی سہولت میسر تھی۔ اُن پر ڈاکٹر عاصم حسین کے اعتماد کا یہ حال تھا وہ ڈاکٹر عاصم کی جانب سے مریضوں کے بلز میں پچاس فیصد تک کی رعایت بھی دینے کا اختیار رکھتے تھے۔ ڈاکٹر یوسف پولیس کو مطلوب زخمی دہشت گردوں کے علاج معالجے کے بھی کام کیاکرتے تھے۔ ڈاکٹر یوسف ستار اُن چند ایک لوگوں میں شامل ہیں جو ڈاکٹر عاصم حسین کے گزشتہ چھبیس برسوں کے رازوں کے امین ہیں۔ اگر رینجرز اُنہیں ڈاکٹر عاصم حسین کے خلاف گواہی کے لیے تیار کر چکی ہے۔ تو اس کا مطلب یہ ہے کہ رینجرز اپنے اس موقف کو ثابت کرنے کے قریب پہنچ چکی ہے کہ بدعنوانی سے لوٹی گئی رقم کا ایک بڑا حصہ دہشت گردوں کے لیے بھی استعمال ہوتا رہا ہے۔ باخبر حلقوں نے وجود ڈاٹ کام کو بتایا ہے کہ مذکورہ گواہی اس پورے تناظر میں نہایت اہم ہے۔
اس ضمن میں ایک حیرت انگیز بات یہ ہے کہ ڈاکٹر یوسف ستار کی گرفتاری پر محکمہ صحت سندھ نے ابھی تک کوئی توجہ نہیں دی۔ اور ان کی جگہ تاحال کسی افسر کو تعینات بھی نہیں کیا۔ جبکہ حکومت سندھ نے اینٹی کرپشن محکمے کی فعالی کا جودعویٰ کررکھا ہے وہ مذکورہ افسر کی گرفتاری پر مکمل چپ سادھے ہوئے ہے۔ حکومت سندھ کے انسدادِ بدعنوانی کے اس محکمے نے نیشنل ایکشن پلان کے تحت گرفتار حکومت سندھ کے مذکورہ افسر کی بدعنوانیوں کو جاننے میں کوئی دلچسپی اب تک نہیں دکھائی ہے۔
تحقیقات کے آخری مرحلے میں پاکستان میڈیکل اینڈ ڈینٹل کونسل کا ریکارڈ بھی قبضے میں لے لیا گیا ہے۔ ذرائع کے مطابق کراچی سے پروفیسر مسعود حمید اور اسلام آباد سے پروفیسر راجہ احمد اور ڈاکٹر اجمل کی گرفتاریاں بھی کسی وقت متوقع ہے۔ جو پروفیسر مسعود حمید کے فرنٹ مین کی حیثیت سے چین اور روس سے ایم بی بی ایس کی تعلیم حاصل کرکے آنے والے ڈاکٹروں کو پندرہ سے بیس لاکھ کے عوض امتحان کے ذریعے پی ایم ڈی سی کی رجسٹریشن کا کام کرانے کی شہرت کے حامل تھے ۔اطلاعات کے مطابق اسی سلسلے میں کراچی میں نجی تدریسی اسپتال دارالصحت کے بعض ڈاکٹروں کی بھی آئندہ چند دنوں میں گرفتاریاں متوقع ہیں۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
