... loading ...
... loading ...
بھارت کے متعصب وزیراعظم نریندر مودی کے نام پر مغربی بنگال کے پنچایتی انتخابات میں بی جے پی کی طرف سے فتح حاصل کرنے کی کوشش بُری طرح ناکام ہوگئی ہے۔مغربی بنگال کے بدھان نگر، آسنسول اور ہوڑہ کے میونسپل کارپوریشن کے انتخابات میں بی جے پی کو تاریخی شکست کا سامنا کرنا پڑا ہے۔ بدھان نگر اورہوڑہ کارپوریشن کے کسی ایک وارڈ میں بھی بی جے پی کو کوئی کامیابی نہیں ملی ہے۔ جبکہ آسنسول کارپوریشن کے 106 وارڈز میں سے صرف دس وارڈز میں بی جے پی اپنی بچی کھچی عزت بچا پائی ہے۔ اس کے بالکل برعکس قومی اسمبلی کے 2014ء کے انتخابات میں آسنسول کے پارلیمانی حلقے سے بی جے پی امیدوار بابل سپریہ (گلوکار) نے فتح حاصل کی تھی۔ اور صوبائی اسمبلی کے حلقوں میں سے کئی پر بہت فرق کے ساتھ جیت حاصل کی تھی مگر مقامی یا پنچایتی انتخابات میں یہی بی جے پی مکمل طور پر ناکام اور بہت پیچھے چلے گئی ہے۔جبکہ یہ وہ علاقے ہیں جو ہندو اکثریتی ہونے کے ساتھ ساتھ صنعتی علاقے بھی کہلاتے ہیں جو نریندر مودی کی خاص حمایت کے حامل سمجھے جاتے ہیں ۔ آسنسول میں بائیں محاذ کو سولہ وارڈز میں کامیابی ملی ہے اس طرح حزب اختلاف کی حیثیت بھی بی جے پی کو نہیں مل سکی اور یہ بایاں محاذ نے اُس سے چھین لی ہے۔ واضح اکثریت لیتے ہوئے یہاں سے ترنمول کانگریس نے وارڈ اپنے نام کر لیے ہیں۔
اسی طرح بدھان نگر کارپوریشن کے 41 وارڈوں میں سے ترنمول کانگریس نے 37 بایاں محاذ اور کانگریس دو دو وارڈ اپنے نام کر سکے جبکہ بی جے پی کو ایک وارڈ بھی نہیں مل سکا۔
اسی طرح ہوڑہ کارپوریشن کے سولہ وارڈز میں انتخابات ہوئے جس میں سے تمام کی تمام پر ترنمول کانگریس نے فتح حاصل کی ہے اور یہاں ایک طرح سے کسی حزب اختلاف تک کا وجود باقی نہیں رہ گیا۔ اس سے ثابت ہوتا ہے حکمران ترنمول کانگریس کی وزیراعلیٰ ممتا بینرجی پر ابھی تک وہاں کے عوام کا اعتماد برقرار ہے۔
بھارت کی مرکزی حکمران جماعت بی جے پی کے لیے یہ صورتِ حال انتہائی تشویشناک شکل اختیار کر چکی ہے کیونکہ 2014ء کے لوک سبھا انتخابات میں کامیابی کے بعد اُس نے خود کو ترنمول کانگریس کے متبادل اور ریاستی حکومت میں اصل حزب اختلاف کے طور پر پیش کیا تھا۔ مگر اب وہ پنچایتی انتخابات کے نتائج کے مطابق نہ صرف حکمران ترنمول کانگریس کے متبادل کی حیثیت سے دور چلی گئی ہے بلکہ وہ بایاں محاذ سے حزب اختلاف کا مقام بھی اپنے نام پانے میں ناکام رہی ہے۔ بی جے پی کے لیے یہ نتائج اس لیے بھی ایک بھیانک خواب بن چکے ہیں کیونکہ مغربی بنگال کے ریاستی انتخابات میں اب صر ف چند ماہ ہی باقی رہ گیے ہیں ۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
