... loading ...
... loading ...
ملاعمر کی وفات سے طالبان صف میں پیدا ہونے والا اختلاف بالآخر ختم ہو گیا ہے۔ اس ضمن میں سب سے نمایاں پیش رفت خود ملا عمرمرحوم کے بھائی ملا عبدالمنان اور اُن کے صاحبزادے مولوی یعقوب کی طرف سے نئے امیر ملااختر منصور کی بیعت سے ہوئی ہے۔
اس ضمن میں طالبان کے نئے امیر ملا اختر منصور، جنہیں خود طالبان، امارت اسلامیہ کے نئے زعیم کے نام سے پکارتی ہے، کی موجودگی میں ایک تقریب گزشتہ روز کسی نامعلوم مقام پر ہوئی۔ جس میں مولوی یعقوب اور ملاعبدالمنان خود شریک ہوئے۔اطلاعات کے مطابق مذکورہ تقریب میں متعدد علمائے کرام ، شیوخ اور طالبان کے اعلیٰ عہدیدار بھی شریک ہوئے۔ ملاعمر کے خاندان کی جانب سے کی جانے والی بیعت کی اس تقریب میں مولوی یعقوب اور خود طالبان کے نئے زعیم ملا اختر منصور نے خطاب کیے۔
ملا اختر منصور نے اپنے خطاب میں ملا عمر کے خاندان کی ستائش کرتے ہوئے تقریب کے شرکاء کو تسلی دی کہ اُن کی قدرومنزلت میں کوئی کمی نہیں آئے گی۔اور اُن کے لیے خدمات کے بہترین مواقع مہیا کیے جائیں گے۔طالبان کے تمام فیصلوں میں ملاعمر کے نظریات اور اُن کے خاندان کے خیالات کا خصوصی لحاظ کیا جائے گا۔
ملا اخترمنصور سے قبل ملاعمر کے صاحبزادے مولوی یعقوب نے اپنے خطاب میں کہا کہ ہماری جانب سے نئے امیر کی بیعت میں تاخیر حُسن ِ نیت کے ساتھ ایک خصوصی مصلحت کے سبب تھی۔اِسے کسی اختلاف کا نتیجہ نہیں قرار دینا چاہیے۔طالبان کے نئے زعیم کو خود ملا عمر نے اپنی زندگی میں ہی خصوصی ذمہ داری تفویض کی تھی۔ اب نئی ذمہ داریوں کے بعد یہ اور زیادہ بھاری ہوگئی ہے۔اس لیے اُن سے ہر قسم کا تعاون کیا جائے گا۔ اور طالبان کی صف میں اتحاد برقرار رکھنے کے لیے کسی بھی قربانی سے دریغ نہیں کیا جائے گا۔
واضح رہے کہ اس تقریب سے چند روز قبل ملا عمر کے خاندان کے تمام تحفظات دور کر دیے گیے تھے۔ جس کے بعد مولوی یعقوب نے اپنے ایک بیان میں اعلان کیا تھا کہ ملا عمر کی موت سے متعلق پھیلائی گئی افواہوں میں کوئی صداقت نہیں ہے اور اُن کی موت ہیپاٹائٹس سی کی وجہہ سے واقع ہوئی تھی۔
طالبان کے امیر ملاعمر کی وفات کی خبر سامنے آنے کے بعد طالبان کی صف میں ایک وقتی اختلاف کا ماحول پیدا ہوگیا تھا۔ جسے دور کرنے کے لیے افغان علماو شیوخ کا ایک جرگہ تشکیل دیا گیا تھا۔ جس نے مختلف فریقین سے فیصلے کا اختیار لینے کے بعد تمام فریقین کے موقف کو سنا تھا۔ اس دوران جرگے نے متعد د نشستیں ملاعمر کے خاندان کے افراد کے ساتھ بھی کی تھیں۔ جس کے بعد اُنہوں نے ملا اخترمنصور کی قیادت پر سب کو اتفاق کرنے کا فیصلہ دیا تھا۔ جسے مختلف فریقین قبول کر تے ہوئے ملا اختر منصور کی بیعت کر رہے ہیں۔ اس ضمن میں گزشتہ روز کی تقریب سب سے زیادہ اہم تھی جس میں ملاعمر کے اپنے خاندان نے ملا اختر منصور کے ہاتھ پر بیعت کی ۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
