... loading ...
... loading ...
سابق صدر آ صف علی زرداری نےوفاقی اداروں کی جانب سے پارٹی رہنماؤں کی گرفتاری پر اظہارِ برہمی کے بعد صوبہ کی اہم شخصیات کو دبئی طلب کر لیا ہے۔ یہ حالات کا دباؤ ہے یا بدلتی صورتِ حال کا تقاضا کہ مشکل حالات میں بھی مسکراہٹ چہرے پر سجانے والے آصف علی زرداری جارحانہ موڈ میں آگئے ہیں۔ کبھی وہ اسٹیبلشمنٹ کو للکارتے ہیں تو کبھی نواز حکومت کو سنگین نتائج کی دھمکیاں دیتے نظر آتے ہیں۔ ڈاکٹر عاصم حسین کی گرفتاری پر اُنہوں نے جس شدت کی ناراضی ظاہر کی تھی۔ وہ اب احتساب عدالت کی جانب سے پیپلزپارٹی کے رکنِ سندھ اسمبلی علی نواز شاہ اور دورہنماؤں خادم علی شاہ اور امتیاز علی شاہ کو سزائے قید کے بعد بڑھتی جارہی ہے۔
ذرائع یہ کہتے ہیں کہ کراچی میں نیب ، ایف آئی اے اور رینجرزکی کارروائیوں میں تیزی کے بعد پیپلز پارٹی کی قیادت پر دباؤ بڑھتا جارہا ہے۔ سندھ میں پیپلز پارٹی کے اکثر رہنماؤں کی رائے یہی ہے کہ مفاہمت کی پالیسی اب ترک کرنا ہوگی۔ سابق صدر نے 31 اگست کو اپنے ایک بیان میں اسی لئے نواز شریف حکومت کو دھمکی دی کہ اس نے دوبارہ انتقام کی سیاست شروع کر دی ہے۔ جس کے خطرناک نتائج نکلیں گے۔ اب احتساب عدالت سے علی نواز شاہ کی سزا کو بھی پیپلز پارٹی نوازشریف کی قیادت میں قائم وفاقی حکومت کے ایما پر سمجھتی ہے۔ مگر آصف علی زرداری کے مزاج کو خوب سمجھنے والے پیپلز پارٹی کے بعض رہنماؤں کی اب بھی یہی رائے ہے کہ سابق صدر گھاٹے کا سودا کرتے ہیں نہ ہی وہ کوئی دروازہ ہمیشہ کے لئے بند کر تے ہیں۔
یہ بھی ممکن ہے کہ وفاقی حکومت کے خلاف ان کی سخت بیان بازی محض عارضی ہو یا حکمت ِ عملی کے تحت ہو، کیونکہ وہ سمجھتے ہیں ان کے دیرینہ اتحادی نوازشریف ادارہ جاتی فیصلوں کے باعث ان کی پارٹی کے رہنماؤں کے خلاف کارروائی نہیں روک پارہے۔ان رہنماؤں کا موقف یہ ہے کہ ایسی صورتِ حال میں سابق صدر زرداری کے پاس راستا ہی یہ بچا تھا کہ وہ سندھ میں وفاقی حکومت سے ناراض قوتوں کو کسی ایک نکتے پر متحد کر لیتے۔ اور جس طرح آج ان کی صوبائی حکومت معطل بنی ہوئی ہے ، وہ کم ازکم سندھ کی حد تک وفاقی حکومت کو بھی مفلوج بنادیں ۔ مگر اس ماحول میں اُنہوں نے اُلٹا ایم کیو ایم کے خلاف بیان داغ دیا۔ جس سے لگتا یہی ہے کہ وہ حالات سے تنہا ہی نمٹنے کا ارادہ رکھتے ہیں۔ تاکہ بلدیاتی انتخابات میں پارٹی اندرون ِ سندھ کسی کو ساجھے دار بنائے بغیر اپنی پارٹی مقبولیت کا تاثر دے۔
تازہ اطلاعات کے مطابق سندھ کے وڈیرے سائیں قائم علی شاہ نے وفاق کے سائیں خورشید علی شاہ اور دیگر رہنماؤں کے ساتھ شاہ برادران سے جیل میں ملاقات کرکے اُنہیں حوصلہ دیا ہے۔ اور یہ پیغام بھی دیا ہے کہ وفاقی ادارے جوچاہے سزا دے لیں ۔ محکمہ جیل خانہ جات صوبے کے پاس ہی ہیں۔وہ ان رہنماؤں کی جیلوں کو عقوبت خانوں کے بجائے راحت کدوں میں تبدیل کر دیں گے۔باخبر ذرائع کا کہنا ہے کہ مشکلات کی شکار ایم کیوایم اور پیپلز پارٹی بھی تجدیدِ عہدِ وفا کرکے حکومت پر دباؤ بڑھاسکتے ہیں۔مگر پیپلز پارٹی کی ایم کیوایم گریز پالیسی اس بات کی علامت ہے کہ ابھی وہ مکمل مزاحمت پر آمادہ نہیں ۔ زرداری صاحب کو فی الحال سُرنگ کے اس پار روشنی نظر آرہی ہے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
