... loading ...
... loading ...
کراچی:اینٹی نارکوٹکس فورس کے عملے نے کراچی کے ساتھ ایشیا پاکستان ٹرمینل پر خفیہ اطلاع پر بڑی کارروائی کر کے ملائیشیا کے لیے بک کرائے گئے کنٹینر سے 700 کلو سے زائد آئس برآمد کر لی۔
اے این ایف کے حکام کا کہنا ہے کہ برآمد شدہ آئس کے بیگز کے ساتھ رکھ کر اسمگل کی جا رہی تھی۔
انہوں نے بتایا کہ خفیہ اطلاع پر کنٹینر کی تلاشی کے دوران کیلشیم کاربونیٹ کے 854 بیگز کی تلاشی لی گئی جن میں 28 بیگز میں آئس کی موجودگی کی نشاندہی ہوئی۔
حکام نے کہا کہ کنٹینر کراچی میں قائم نجی کمپنی کی جانب سے ملائیشیا کے شہر کوالالمپور کے لیے بک کروایا گیا تھا۔ان کا یہ بھی کہنا ہے کہ کنٹینر بک کرانے والے کراچی کے رہائشی ایک ملزم کو گرفتار کر لیا گیا ہے اور دیگر ملزمان کی گرفتاری کے لیے ملزم سے تحقیقات کا عمل جاری ہے۔
