... loading ...
... loading ...
بظاہر نیپرا کا ادارہ بجلی سپلائی کرنے والے اداروں کی چیکنگ اور عوام کو ان کی زیادتیوں سے محفوظ رکھنے کے لیے بنایا گیا تھا۔ اس ادارے کا کام ہی یہ تھا کہ وہ یہ چیک کرے کہ الیکٹرک سپلائی کرنے والی کمپنیاں عوام کے ساتھ کوئی ناانصافی اور زیادتی تو نہیں کررہی ہیں لیکن نیپرا کی اب تک کی کارکردگی پر نظر ڈالی جائے تو نیپرا نے بجلی کی تقسیم کار کمپنیوں کی زیادتیوں کو روکنے کے بجائے ان کو بجلی کے نرخ بڑھانے کی اجازت دینے کے سوا اور کچھ نہیں کیا ہے،نیپرا جس انداز سے بجلی کی قیمتوں میں اضافے کی اجازت مرحمت فرماتی ہے اسے دیکھ کر یہ صاف ظاہرہوتاہے کہ یہ سب کچھ بجلی کمپنیوں کی ملی بھگت سے کیا جارہاہے،طریقہ کار یہ اختیار کیاگیاہے کہ لیسکو، حیسکو، واپڈا اور کے الیکٹرک کو اپنے یہاں ریٹ بڑھانے کے حوالے سے جتنی ضرورت ہوتی ہے اس سے زیادہ کی ڈیمانڈ کی جاتی ہے، مثلاً اگر 3روپے 40 پیسے فی یونٹ حقیقت میں اضافے کی ضرورت ہے تو اداروں کی طرف سے 4روپے 80 پیسے فی یونٹ بڑھانے کا مطالبہ کیا جاتاہے جس کے بعد بڑے اہتمام سے نیپرا کا اجلاس بلایا جاتا ہے اور فیصلہ کیا جاتا ہے کہ نیپرا نے بجلی کمپنی کا 4روپے 80 پیسے کا مطالبہ مسترد کردیا اور بجلی کمپنی کو حکم دیا ہے کہ وہ 3روپے 50 پیسے فی یونٹ بڑھائے۔ اس طریقہ کار سے یہ واضح ہوتاہے کہ نیشنل الیکٹرانک پاور ریگولیٹری اتھارٹی یعنی نیپرا عوام کی سہولت کے لیے نہیں بلکہ کے الیکٹرک سمیت پورے ملک میں عوام کو الیکٹرک سپلائی کرنے جتنے ادارے ہیں ان کی سہولت کاری کے لیے بنایا گیا۔بعض اوقات تو یہ گمان گزرتاہے کہ حکومت نے یہ ادارہ بنایا ہی اس لیے ہے کہ اس کے کاندھوں پر رکھ کر بجلی کے ریٹ بڑھائے جاتے رہیں تاکہ کے الیکٹرک سمیت پاکستان میں اور جتنے بجلی سپلائی کرنے والے ادارے لیسکو حیسکو و غیرہ ہیں عوام کا غصہ براہ راست ان اداروں کے خلاف نہ ہو۔پاکستان کے عوام کی سمجھ میں آج تک یہ بات سمجھ میں نہیں آئی کہ نیپرا کا ادارہ کیوں بنایا گیا ہے اس کا کام کیا ہے اگر اس کا کام عوام کی فلاح و بہبود اور الیکٹرک سپلائی کرنے والے اداروں کے ظلم سے عوام کو نجات دلانا ہے، تو نیپرا یہ بتائے اس حوالے سے اس کی کیا کارکردگی رہی ہے۔ نیپرا کو اپنے قیام سے لے کر اب تک کی رپورٹ پرنٹ و الیکٹرونک میڈیا میں دینا چاہیے تاکہ عوام اس کی
کارکردگی سے واقف ہوسکیں، اب تک تو عوام یہی دیکھ رہے ہیں کہ نیپرا کا کام بجلی کے ریٹ بڑھانا رہ گیا ہے بلکہ حقیقت یہ ہے کہ الیکٹرک کراچی کے عوام پر جو ظلم کررہی ہے نیپرا نے اس طرف سے آنکھیں بند کی ہوئی ہیں۔ کے الیکٹرک پر نیپرا کی نوازشات کا اندازہ اس طرح لگایا جاسکتاہے کہ اب سے چار پانچ سال قبل کے الیکٹرک نے تین ارب سے زائد کے تانبے کے تار اتار کر بیچ دیے اور اس کی جگہ سلور کے تار لگائے گئے جس کی کارکردگی تانبے کے تاروں سے بہت کم ہے۔ نیپرا نے اس سلسلے میں کے الیکٹرک کے خلاف کوئی کارروائی نہیں اور یہ تک نہیں پوچھا کہ اس نے یہ کام کیوں کیا؟ نیب وقتاً فوقتاً مختلف سرکاری اور اداروں کے ملازمین کے اثاثے کی تفصیلات مانگتا رہتاہے، لیکن نیب نے آج تک نیپرا کے افسران کے اثاثوں کی تفصیل نہیں مانگی غالباً نیب کے ارباب اختیار اس ادارے کے ملازمین کو فرشتہ صفت تصور کرتے ہیں۔
مولانا محمد سلمان عثمانی حضرت سیدناعمربن خطاب ؓاپنی بہادری، پر کشش شخصیت اوراعلیٰ اوصاف کی بناء پر اہل عرب میں ایک نمایاں کردار تھے، آپ ؓکی فطرت میں حیا ء کا بڑا عمل دخل تھا،آپ ؓ کی ذات مبارکہ کو یہ اعزاز بھی حاصل ہے کہ نبی مکرم ﷺ خوداللہ رب العزت کی بارگاہ میں دعا مانگی تھی ”...
بھارت میں عام انتخابات کا دوسرا مرحلہ بھی اختتام کے قریب ہے، لیکن مسلمانوں کے خلاف مودی کی ہرزہ سرائی میں کمی کے بجائے اضافہ ہوتا جارہاہے اورمودی کی جماعت کی مسلمانوں سے نفرت نمایاں ہو کر سامنے آرہی ہے۔ انتخابی جلسوں، ریلیوں اور دیگر اجتماعات میں مسلمانوں کیخلاف وزارت عظمی کے امی...
مولانا زبیر احمد صدیقی رمضان المبارک کو سا ل بھر کے مہینوں میں وہی مقام حاصل ہے، جو مادی دنیا میں موسم بہار کو سال بھر کے ایام وشہور پر حاصل ہوتا ہے۔ موسم بہار میں ہلکی سی بارش یا پھو ار مردہ زمین کے احیاء، خشک لکڑیوں کی تازگی او رگرد وغبار اٹھانے والی بے آب وگیاہ سر زمین کو س...
نگران وزیر توانائی محمد علی کی زیر صدارت کابینہ توانائی کمیٹی اجلاس میں ایران سے گیس درآمد کرنے کے لیے گوادر سے ایران کی سرحد تک 80 کلو میٹر پائپ لائن تعمیر کرنے کی منظوری دے دی گئی۔ اعلامیہ کے مطابق کابینہ کمیٹی برائے توانائی نے پاکستان کے اندر گیس پائپ لائن بچھانے کی منظوری دی،...
سندھ ہائیکورٹ کے حکم پر گزشتہ روز سوشل میڈیا پلیٹ فارم ٹوئٹر جسے اب ا یکس کا نام دیاگیاہے کی سروس بحال ہوگئی ہے جس سے اس پلیٹ فارم کو روٹی کمانے کیلئے استعمال کرنے والے ہزاروں افراد نے سکون کاسانس لیاہے، پاکستان میں ہفتہ، 17 فروری 2024 سے اس سروس کو ملک گیر پابندیوں کا سامنا تھا۔...
ادارہ شماریات کی تازہ ترین رپورٹ کے مطابق جنوری میں مہنگائی میں 1.8فی صد اضافہ ہو گیا۔رپورٹ کے مطابق گزشتہ ماہ شہری علاقوں میں مہنگائی 30.2 فی صد دیہی علاقوں میں 25.7 فی صد ریکارڈ ہوئی۔ جولائی تا جنوری مہنگائی کی اوسط شرح 28.73 فی صد رہی۔ابھی مہنگائی میں اضافے کے حوالے سے ادارہ ش...
عالمی جریدے بلوم برگ نے گزشتہ روز ملک کے عام انتخابات کے حوالے سے کہا ہے کہ الیکشن کے نتائج جوبھی ہوں پاکستان کیلئے آئی ایم ایف سے گفتگو اہم ہے۔ بلوم برگ نے پاکستان میں عام انتخابات پر ایشیاء فرنٹیئر کیپیٹل کے فنڈز منیجر روچرڈ یسائی سے گفتگو کرتے ہوئے کہا کہ پاکستان کے بیرونی قرض...
علامہ سید سلیمان ندویؒآں حضرت صلی اللہ علیہ وسلم کی بعثت تعلیم او رتزکیہ کے لیے ہوئی، یعنی لوگوں کو سکھانا اور بتانا اور نہ صرف سکھانا او ربتانا، بلکہ عملاً بھی ان کو اچھی باتوں کا پابند اور بُری باتوں سے روک کے آراستہ وپیراستہ بنانا، اسی لیے آپ کی خصوصیت یہ بتائی گئی کہ (یُعَلِّ...
بلوچستان کے اضلاع پشین اور قلعہ سیف اللہ میں انتخابی امیدواروں کے دفاتر کے باہر دھماکے ہوئے ہیں جن کے سبب 26 افراد جاں بحق اور 45 افراد زخمی ہو گئے۔ تفصیلات کے مطابق بلوچستان اور خیبر پختون خوا دہشت گردوں کے حملوں کی زد میں ہیں، آج بلوچستان کے اضلاع پشین میں آزاد امیدوار ا...
مولانا محمد نجیب قاسمیشریعت اسلامیہ نے ہر شخص کو مکلف بنایا ہے کہ وہ حقوق اللہ کے ساتھ حقوق العباد یعنی بندوں کے حقوق کی مکمل طور پر ادائیگی کرے۔ دوسروں کے حقوق کی ادائیگی کے لیے قرآن وحدیث میں بہت زیادہ اہمیت، تاکید اور خاص تعلیمات وارد ہوئی ہیں۔ نیز نبی اکرم صلی اللہ علیہ وسلم،...
پاکستان میں صارفین کے حقوق کی حفاظت کا کوئی نظام کسی بھی سطح پر کام نہیں کررہا۔ گیس، بجلی، موبائل فون کمپنیاں، انٹرنیٹ کی فراہمی کے ادارے قیمتوں کا تعین کیسے کرتے ہیں اس کے لیے وضع کیے گئے فارمولوں کو پڑتال کرنے والے کیا عوامل پیش نظر رکھتے ہیں اور سرکاری معاملات کا بوجھ صارفین پ...
خبر ہے کہ سینیٹ میں عام انتخابات ملتوی کرانے کی قرارداد پر توہین عدالت کی کارروائی کے لیے دائر درخواست پر سماعت رواں ہفتے کیے جانے کا امکان ہے۔ اس درخواست کا مستقبل ابھی سے واضح ہے۔ ممکنہ طور پر درخواست پر اعتراض بھی لگایاجاسکتاہے اور اس کوبینچ میں مقرر کر کے باقاعدہ سماعت کے بعد...
