... loading ...
... loading ...
سشمیتا سین کا کہنا ہے کہ 2020 میں انہیں ‘ایڈیسن عارضے’ کی تشخیص ہوئی تھی جس سے وہ 4 سال نبردآزما رہیں۔ سشمیتا نے بتایا کہ ان کا جسم لاغر ہوگیا تھا، شدید اضطراب اور غصیلی کیفیت ہوگئی تھی، آنکھوں کے گرد سیاہ حلقے بن گئے تھے۔ انہوں نے کہا کہ رواں سال کے اوائل میں ویب شو کی شوٹنگ کے دوران انہیں دل کا دورہ پڑا، انجیوپلاسٹی کے ذریعے دل میں اسٹنٹ ڈالا گیا۔ بھارتی میڈیا سے بات کرتے ہوئے سشمیتا سین کا کہنا تھا کہ دل کے دورے کے بعد وہ مزید بے خوف ہوگئی ہیں۔ انہوں نے کہا کہ مجھے اس بات کا احساس ہوگیا ہے کہ میں یہاں اس دنیا میں کسی بڑے کام اور بڑے مقصد کیلیے موجود ہوں۔ ان کا کہنا تھا کہ اب میں زندگی کو بے مقصد نہیں گزارتی، پہلے میں بس یوں سمجھتی تھی کہ ‘بس ٹھیک ہے، زندگی ہی تو ہے، سب کو ملی ہوئی ہے۔
