... loading ...
... loading ...
وفاقی دارالحکومت اسلام آباد اور جڑواں شہر راولپنڈی میں مون سون کی پہلی بارش نے تباہی مچادی، دیوار گرنے کے واقعات میں بچی سمیت 13 افراد جاں بحق اور کئی زخمی ہوگئے۔ تفصیلات کے مطابق وفاقی دارالحکومت اسلام آباد میں شدید بارش کے باعث کے تھانہ نون کے علاقے میں پشاور روڈ پر گولڑہ موڑ کے قریب ایک دیوار گرگئی جس کے نتیجے میںگیارہ مزدور دب کر زندگی کی بازی ہار گئے تاہم ایک کی حالت تشویشناک ہے۔ سپرنٹنڈنٹ آف پولیس (ایس پی) انڈسٹریل ایریا خان زیب نے حادثے کی تصدیق کرتے ہوئے بتایا کہ امدادی ٹیموں نے مشین کی مدد سے 12 افراد کی لاشیں نکالی ہیں، ملبے کے نیچے سے 6 زخمیوں کو بھی زندہ حالت میں نکال لیا گیا ، انہوں نے کہا کہ فوری طور پر ریسکیو ٹیموں کو جائے وقوع پر پہنچا دیا گیا، مزید افراد کی تلاش کے لیے مشین کی مدد سے ریسکیو آپریشن شروع کر دیا گیا ہے ۔حکام کے مطابق بارش کا پانی دیوار کے دونوں جانب جمع ہوگیا تھا جس کی وجہ سے دیوار گری۔چیف کمشنر اسلام آباد، ڈپٹی کمشنر اسلام آباد و نیشنل ہائی وے اتھارٹی (این ایچ اے) سمیت دیگر عہدیداران موقع پر پہنچے۔ڈپٹی کمشنر اسلام آباد کی جانب سے جاری بیان کے مطابق نیشنل ہائی وے اتھارٹی کی جانب سے جی ٹی روڈ پر انڈر پاس کی تعمیر جاری تھی۔بیان کے مطابق انڈر پاس کی تعمیر کی وجہ سے مزدوروں نے اپنا ٹینٹ نصب کیا ہوا تھا، بارش کے باعث دیوار مزدوروں کے ٹینٹ کے اوپر گرنے کی وجہ سے مزدوروں کے جاں بحق ہونے کا افسوس ناک واقعہ پیش آیا۔پاکستان انسٹی ٹیوٹ آف میڈیکل سائنسز (پمز) کے ایگزیکٹو ڈائریکٹر کے ترجمان ڈاکٹر مبشر ڈاہا نے بتایا کہ پمز میں 12 مزدوروں کی لاشیں لائی گئی ہیں، مرنے والوں کی عمریں 19 سے 36 سال کے درمیان ہیں۔انہوں نے بتایا کہ دیوار گرنے کے باعث پمز میں 6 زخمی افراد بھی لائے گئے ہیں، زخمی ہونے والے افراد خطرے سے باہر ہیں، زخمی ہونے والوں میں سے ایک مزدور کو ابتدائی طبی امداد کے بعد ڈسچارج کر دیا گیا ہے۔ڈاکٹر مبشر ڈاہا نے بتایا کہ پمز انتظامیہ جڑواں شہروں میں شدید بارش کے بعد مکمل الرٹ ہے، پمز کا عملہ کسی بھی ناگہانی آفت سے نمٹنے کے لیے متحرک ہے۔دریں اثناء بارش کے باعث ایم ون موٹر وے پر برہان کے قریب تین بسیں آپس میں ٹکرا گئیں ،بسوں کے ٹکرانے کے ساتھ ایک کار بھی بس سے جا ٹکرائی ۔ ترجمان موٹر وے پولیس کے مطابق حادثے کے نتیجے میں گیارہ افراد معمولی زخمی ہوئے ۔ ترجمان موٹر وے پولیس کے مطابق حادثے میں کوئی شدید زخمی یا جاںبحق نہیں ہوا ۔دریں اثناء مون سون الرٹ نے انتظامیہ کا پول کھول دیا پہلی بارش نے عوام کو پریشان کر دیا،نالہ لئی میں طغیانی اور تجاوزات کی وجہ سے تمام نشیبی علاقے ڈوب گئے جبکہ پیر ودھائی کا علاقہ اعوان کالونی مہر کالونی نالہ لئی سے ملحقہ علاقہ پانی میں ڈوب گیا۔شدید بارش سے نالہ لئی میں طغیانی لوگوں کے گھروں میں پانی داخل ہوگیا ،گلی محلے کوڑے کرکٹ سے بھر گئے گندا پانی گھروں میں داخل کروڑوں کا نقصان پہنچا۔ادھرنالہ لئی کے مقام پر پاک فوج کے مزید دستوں کو تعینات کر دیا گیا۔ ذرائع کے مطابق واسا راولپنڈی اور ریسکیو راولپنڈی کی مزید امدادی ٹیمیں بھی گوالمنڈی کے مقام پر پہنچی ،سول ڈیفنس اور ہلال احمر پاکستان کے ورکرز بھی نالہ لئی کے مقام پر پہنچے ،ضلعی انتظامیہ کی جانب سے مرکزی کنٹرول روم سے مانیٹرنگ جاری رہی ،نالہ لئی میں پانی کی سطح کم ہونے لگی تاہم قریبی آبادیوں کو الرٹ رہنے کی ہدایت جاری کی ۔ مزید بارشوں کے باعث نالہ لئی میں پانی کی سطح مزید بلند ہونے کا امکان ہے ۔ ضلعی انتظامیہ نے وارننگ دی کہ شہری نالہ لئی کے اطراف جانے سے پرہیز کریں۔دریں اثناء وزیرِ اعظم محمد شہباز شریف نے اسلام اباد راولپنڈی میں موسلادھار بارش کی وجہ گولڑہ موڑ، پشاور روڈ پر 13 افرد کے جاں بحق ہونے پر گہرے دکھ اور رنج کا اظہار کیا ہے ۔وزیر اعظم نے موحومین کیلئے مغفرت اور لواحقین کیلئے صبر جمیل کی دعا ۔وزیر اعظم نے بارش کے سبب انتظامیہ کو ہائی الرٹ پر رہنے کی ہدایت کی ۔ اپنے بیان میں چیئرمین پیپلزپارٹی اور وزیر خارجہ بلاول بھٹو زرداری نے اسلام آباد دیور گرنے سے ہلاکتوں پر اظہار افسوس کیا ۔وزیر خارجہ بلاول بھٹو زرداری نے جاں بحق افراد کے لواحقین سے ہمدردی اور تعزیت کا اظہار کیا ہے ۔ انہوںنے کہاکہ انسانی جانوں کا نقصان افسوسناک ہے ۔بلاول بھٹو زرداری نے زخمیوں کی جلد صحت یابی کیلئے دعا کی ۔ اپنے تعزیتی بیان میں اسپیکر قومی اسمبلی راجہ پرویز اشرف نے گولڑہ موڑ قائد اعظم ہسپتال کے قریب مزدوروں پر بارش کی وجہ سے دیوار گرنے کے نتیجے میں ہلاکتوں پر اظہار افسوس کیا ہے ۔اسپیکر قومی اسمبلی نے حادثے کے نتیجے میں 13 قیمتی جانوں کے نقصان پر گہرے دکھ اور افسوس کا اظہار کی اہے ۔اسپیکر قومی اسمبلی نے متاثرہ خاندانوں سے دلی ہمدردی کا اظہار کیا ہے ۔ اسپیکر نے کہاکہ حادثے میں جان بحق افراد کے اہل خانہ کے غم میں برابر کے شریک ہیں۔ اسپیکر قومی اسمبلی نے متعلقہ حکام کو حادثے میں زخمی ہونے والوں کو بہترین طبی امداد کی فراہمی کی ہدایت کی۔ اسپیکر قومی اسمبلی نے حادثے میں جاں بحق افراد کے درجات کی بلندی، زخمیوں کی جلد صحتیابی اور سوگوار خاندانوں کو اس ناقابل تلافی نقصان کو برداشت کرنے کے لیے صبر جمیل عطا فرمانے کی دعا کی۔ وزیرِ داخلہ رانا ثناء اللہ خان نے گولڑہ موڑپشاور روڈ پر بارش کی وجہ سے دیوار گرنے کے حادثے میں 13 افرد کے جاں بحق ہونے پر گہرے دکھ اور افسوس کا اظہارکیا ۔اللہ تعالیٰ مرحومین کی مغفرت کرے اور درجات بلند فرمائے، وزیر داخلہ نے لواحقین سے تعزیت اور ان کیلئے صبر جمیل کی دعا کی۔ وزیر داخلہ نے چیئرمین سی ڈی اے کو زخمیوں کو تمام تر امداد فراہم کرنے اور بارشوں کے دوران ہائی الرٹ پر رہنے کی ہدایت کی۔
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
