... loading ...
... loading ...
پاکستان کرکٹ بورڈ نے اعلان کیا ہے کہ پاکستانی کرکٹ ٹیم 24۔2023 ء کے سیزن میں نیوزی لینڈ کے خلاف دس اضافی ٹی ٹوئنٹی انٹرنیشنل میچز کھیلے گی،یہ اس حکمت عملی کا حصہ ہے جس کا مقصد پاکستانی کرکٹ ٹیم کو 2024 ء کے آئی سی سی مینز ٹی ٹوئنٹی ورلڈ کپ سے قبل تیاری کے بہترین مواقع فراہم کرنا ہے۔ پاکستانی کرکٹ ٹیم آسٹریلیا میں 14 دسمبر سے 7 جنوری تک آئی سی سی ورلڈ ٹیسٹ چیمپئن شپ کے تین میچ کھیلنے کے بعد نیوزی لینڈ پہنچے گی جہاں وہ پانچ ٹی ٹوئنٹی انٹرنیشنل میچز کھیلے گی جو دراصل ٹی ٹوئنٹی ورلڈ کپ کے لیے اس کی تیاریوں کا آغاز ہوگا۔ یہ پانچ میچز12 سے21 جنوری تک کھیلے جائیں گے۔ شیڈول کے مطابق 12 جنوری کو پہلا ٹی ٹوئنٹی انٹرنیشنل آکلینڈ میں کھیلا جائیگا ،14 جنوری کووسرا ٹی ٹوئنٹی انٹرنیشنل ہیملٹن،17 جنوری کوتیسرا ٹی ٹوئنٹی انٹرنیشنل ڈنیڈن،19 جنوری کوچوتھا ٹی ٹوئنٹی انٹرنیشنل کرائسٹ چرچ اور 21 جنوری کوپانچواں ٹی ٹوئنٹی انٹرنیشنل کرائسٹ چرچ میں کھیلا جائیگا پاکستانی کرکٹ ٹیم کے دورہ نیوزی لینڈ کے جواب میں نیوزی لینڈ کی کرکٹ ٹیم اپریل 2024ء میں پاکستان کا دورہ کرے گی جس میں وہ پانچ ٹی ٹوئنٹی انٹرنیشنل میچز کھیلے گی۔ اس دورے کی تفصیلات دورہ قریب آنے کے وقت جاری کی جائیں گی۔ان دس اضافی ٹی ٹوئنٹی انٹرنیشنل میچوں کا مطلب یہ ہے کہ ویسٹ انڈیز اور امریکہ میں ہونے والے ٹی ٹوئنٹی ورلڈ کپ سے قبل پاکستانی کرکٹ ٹیم 19 ٹی ٹوئنٹی انٹرنیشنل میچز کھیلے گی جن میں دس نیوزی لینڈ کے خلاف تین ہالینڈ کے خلاف دو آئرلینڈ کے خلاف اور چار انگلینڈ کے خلاف ہونگے۔ ان 19 ٹی ٹوئنٹی انٹرنیشنل میچوں کے علاوہ پاکستان کرکٹ بورڈ فروری مارچ 2024ئ میں ایچ بی ایل پاکستان سپر لیگ کی میزبانی بھی کرے گا۔ پاکستان کرکٹ بورڈ نے ان اضافی ٹی ٹوئنٹی انٹرنیشنل میچوں کو شیڈول کرنے کے لیے نیوزی لینڈ کرکٹ اور ویسٹ انڈیز کرکٹ سے مشاورت کے بعد اپنے فیوچر ٹور پروگرام 2025۔2023 میں معمولی ردو بدل کیا ہے۔ ویسٹ انڈیز کے خلاف آئی سی سی ورلڈ ٹیسٹ چیمپئن شپ کے دو ٹیسٹ میچز جو پہلے فروری 2024ء میں پاکستان میں کھیلے جانے تھے اب جنوری 2025ء میں کھیلے جائیں گے اسی طرح پاکستانی کرکٹ ٹیم کا دور? نیوزی لینڈ جو جنوری 2025ء میں ہونا تھا اب اپریل 2025ء میں ہوگا۔ اس دورے میں پاکستانی ٹیم تین ون ڈے انٹرنیشنل اور پانچ ٹی ٹی ٹوئنٹی انٹرنیشنل میچ کھیلے گی۔ پاکستان اور نیوزی لینڈ اسی سال اپریل اور مئی میں راولپنڈی اور لاہور میں پانچ ٹی ٹوئنٹی انٹرنیشنل میچوں کی دلچسپ سیریز کھیل چکے ہیں جو دو دو سیبرابر رہی تھی۔ آئی سی سی مینز ٹی ٹوئنٹی ورلڈ کپ سے قبل پاکستان نے نیوزی لینڈ میں کھیلی گئی سہ فریقی ٹی ٹوئنٹی سیریز جیتی تھی جس میں تیسری ٹیم بنگلہ دیش تھی۔ آئی سی سی کی ٹی ٹوئنٹی انٹرنیشنل ٹیم رینکنگ میں نیوزی لینڈ اور پاکستان اسوقت بالترتیب تیسرے اور چوتھے نمبر پر ہیں اور دونوں کے درمیان صرف دو پوائنٹس کا فرق ہے۔ دریں اثنا پاکستان کی خواتین کرکٹ ٹیم کے دورہ نیوزی لینڈ کے شیڈول کو بھی حتمی شکل دے دی گئی ہے۔پاکستانی ویمنز ٹیم اس سال دسمبر میں نیوزی لینڈ کے خلاف تین ٹوئنٹی انٹرنیشنل کھیلے گی جس کے بعد وہ تین ون ڈے انٹرنیشنل کھیلے گی جو آئی سی سی ویمنز چیمپئن شپ کا حصہ ہونگے۔شیڈول کے مطابق 3 دسمبر کو پہلا ٹی ٹوئنٹی انٹرنیشنل ڈنیڈن،5 دسمبر کودوسرا ٹی ٹوئنٹی انٹرنیشنل ڈنیڈن،9 دسمبر کوتیسرا ٹی ٹوئنٹی انٹرنیشنل کوئنز ٹاؤن،12 دسمبر کوپہلا ون ڈے انٹرنیشنل کوئنز ٹاؤن،15 دسمبر دوسرا ون ڈے انٹرنیشنل کرائسٹ چرچ اور 18 دسمبر کوتیسرا ون ڈے انٹرنیشنل کرائسٹ چرچ میں کھیلا جائیگا۔ آئی سی سی ویمنز چیمپئن شپ میں نیوزی لینڈ کے خلاف سیریز پاکستانی ویمنز ٹیم کی اس سال تیسری سیریز ہوگی۔ اس سے قبل وہ یکم سے چودہ ستمبر تک کراچی میں جنوبی افریقہ کے خلاف ہوم سیریز اور پھر اکتوبر میں بنگلہ دیش کے خلاف اسی کے ملک میں سیریز کھیلے گی۔ پاکستانی ویمنز ٹیم کی آئی سی سی چیمپئن شپ میں آخری دو سیریز ویسٹ انڈیز کے خلاف اپریل 2024 میں پاکستان میں جبکہ مئی 2024میں انگلینڈ کے خلاف انگلینڈ میں ہونگی۔ پاکستانی ویمنز ٹیم نے ابھی تک جو تین سیریز کھیل رکھی ہیں ان میں اس نے سری لنکا کو دو ایک سے اور آئرلینڈ کو تین صفر سے شکست دی ہے جبکہ آسٹریلیا کے خلاف اسے تین صفر سے شکست کا سامنا کرنا پڑا تھا۔ پاکستان اور نیوزی لینڈ دونوں خواتین ٹیمیں ابتک نو نو میچوں پر مشتمل تین تین ون ڈے سیریز کھیل چکی ہیں اور دونوں کے دس دس پوائنٹس ہیں۔ جولائی میں پاکستانی ٹیم کا دورسری لنکاکے دور ان( دو ٹیسٹ ) شامل ہیں، اگست میں پاکستان بمقابلہ افغانستان ( تین ون ڈے انٹرنیشنل ) کھیلے جائینگے ستمبر میں اے سی سی پچاس اوورز کا ایشیا کپ پاکستان اور سری لنکا میں کھیلا جائیگا ۔اکتوبر نومبر آئی سی سی مینز کرکٹ ورلڈ کپ بھارت میں کھیلا جائیگا ،دسمبر جنوری۔ میں پاکستانی کرکٹ ٹیم کا دورہ آسٹریلیا کے دور ان ( تین ٹیسٹ ) کھیلے جائینگے ۔جنوری میں پاکستانی کرکٹ ٹیم کا دورہ نیوزی لینڈ ہوگا ( پانچ ٹی ٹوئنٹی انٹرنیشنل) کھیلے جائینگے ،اپریل میں نیوزی لینڈ ٹیم کا دورہ پاکستان کے دوران( پانچ ٹی ٹوئنٹی انٹرنیشنل) کھیلے جائینگے مئی میں پاکستانی ٹیم کا دورہ ہالینڈ کے دوران ( تین ٹی ٹوئنٹی انٹرنیشنل ) دورہ آئرلینڈ (دو ٹی ٹوئنٹی انٹرنیشنل ) دورہ انگلینڈ کے دوران ( چار ٹی ٹوئنٹی انٹرنیشنل) کھیلے جائینگے، جون میں آئی سی سی مینز ٹی ٹوئنٹی ورلڈ کپ 2024 می ںویسٹ انڈیز اور امریکہ میں کھیلا جائیگا۔اگست میں بنگلہ دیش کا دورہ پاکستان کے دوران( دو ٹیسٹ ) کھلے جائینگے ،اکتوبر میں انگلینڈ کا دورہ پاکستان ہوگا ( تین ٹیسٹ ) کھیلے جائینگے ،نومبر میں پاکستانی ٹیم کا دورہ آسٹریلیا ہوگا ( تین ون ڈے انٹرنیشنل اور تین ٹی ٹوئنٹی انٹرنیشنل ) کھیلے جائینگے، نومبر دسمبر میں پاکستانی ٹیم کا دورہ زمبابوے ہوگا ( دو ٹیسٹ تین ون ڈے انٹرنیشنل اورتین ٹی ٹوئنٹی انٹرنیشنل ) کھیلے جائینگے ،دسمبر جنوری میں پاکستانی ٹیم کا دورہ جنوبی افریقہ ( دو ٹیسٹ تین ون ڈے انٹرنیشنل اور تین ٹی ٹوئنٹی انٹرنیشنل ) کھیلے جائینگے، جنوری میں ویسٹ انڈیز کا دورہ پاکستان ( دو ٹیسٹ اور تین ون ڈیانٹرنیشنل) کھیلے جائینگے ،فروری میں نیوزی لینڈ اور جنوبی افریقہ کا دورہ پاکستان کے دور ان ( سہ فریقی ون ڈے سیریز ) کھیلی جائے گی ،فروری مارچ میں آئی سی سی چیمپئنز ٹرافی 2025 پاکستان میں ہوگا ،اپریل میں پاکستانی ٹیم کا دورہ نیوزی لینڈ کے دور ان ( تین ون ڈے انٹرنیشنل اور پانچ ٹی ٹوئنٹی انٹرنیشنل ) کھیلا جائیگا ،مئی میں بنگلہ دیش کا دور ہ پاکستان ہوگا جس دوران( تین ون ڈے انٹرنیشنل اور تین ٹی ٹوئنٹی انٹرنیشنل) کھیلے جائینگے۔
24نومبر کے پی ٹی آئی احتجاج کے خلاف اسلام آباد کے تاجروں کی توہین عدالت درخواست پر سماعت کے دوران چیف جسٹس عامر فاروق حکومت اور انتظامیہ پر برہم ہوگئے ۔ چیف جسٹس عامر فاروق کا کہنا تھا کہ آپ نے امن و امان بحال کرنا تھا مگر آپ نے پورا اسلام آباد بند کردیا، پی ٹی آئی نے غلط کیا تو ...
وزیراعلیٰ خیبرپختونخوا علی امین گنڈا پور نے وزیرا عظم شہباز شریف سے مطالبہ کیا ہے اسلام آباد میں پاکستان تحریک انصاف (پی ٹی آئی) کے 24 نومبر کے احتجاج کے بعد خیبر پختونخوا سے تعلق رکھنے والے غیر قانونی طور پر گرفتار شہریوں کو فوری رہا کیا جائے ۔ وزیراعلیٰ خیبرپختونخوا علی امین گ...
انسانی حقوق کے عالمی ادارے ’ایمنسٹی انٹرنیشنل‘ نے حکومت پر انسداد دہشت گردی ایکٹ ترمیمی بل 2024 کی منظوری روکنے پر زور دیتے ہوئے مذکورہ ایکٹ کو بین الاقوامی انسانی حقوق کے قانون کے منافی قرار دے دیا۔گزشتہ ماہ حکومت نے انسداد دہشت گردی ایکٹ 1997 میں ترمیم کا بل ملک کے ایوان زیریں ...
پاکستان تحریک انصاف (پی ٹی آئی) کے چیئرمین بیرسٹر گوہر علی خان نے کہا ہے کہ ہمارے پانچ ہزار کارکن لاپتہ ہیں، ضلعی سطح پر لاپتہ کارکنوں کا ڈیٹا اکٹھا کر رہے ہیں۔ایبٹ آباد میں میڈیا سے گفتگو کرتے ہوئے بیرسٹر گوہر نے کہا کہ بشریٰ بی بی کا سیاست میں آنے کا کوئی ارادہ نہیں، وہ احتجاج...
پاکستان تحریک انصاف کے رہنماؤں نے مرکزی قیادت کے خلاف وائٹ پیپر تیار کر کے بانی چیئرمین پی ٹی آئی عمران خان کو بھیجنے کا فیصلہ کیا ہے ۔پی ٹی آئی رہنماؤں نے پارٹی چیئرمین بیرسٹر گوہر، سیکرٹری جنرل سلمان اکرم راجہ سمیت مرکزی قیادت پر الزامات عائد کیے ہیں، پارٹی قائدین کا کہنا ہے کہ...
وفاقی کابینہ نے وزارت داخلہ کی سفارش پر پُرتشدد انتہا پسندی کی روک تھام کے لیے قومی پالیسی 2024 کی منظوری دے دی۔ وزیراعظم ہاؤس کی جانب سے موصول اعلامیے کے مطابق وزیراعظم محمد شہباز شریف کی زیر صدارت وفاقی کابینہ کا اجلاس اسلام آباد میں ہوا۔ جس پر مختلف منصوبوں اور سفارشات کی منظ...
حکومت نے جامشورو، تھل اور ساہیوال کے کول پاور پلانٹس کو تھرکول پر شفٹ کرنے کا فیصلہ کرلیا۔وزیراعلیٰ سندھ سید مراد علی شاہ کی زیر صدارت 28واں تھرکول اینڈ انرجی بورڈ کا اجلاس ہوا۔اجلاس میں صوبائی وزیر توانائی ناصر حسین شاہ، رکن قومی اسمبلی شازیہ مری، چیف سیکریٹری آصف حیدر شاہ، وزی...
پاکستان پیپلز پارٹی کی رابطہ کمیٹی کا اجلاس پارٹی کے چیئرمین بلاول بھٹو زرداری کی زیرِ صدارت بلاول ہائوس میں ہوا، جس کا مقصد موجودہ سیاسی چیلنجز سے نمٹنے کے لیے حکمت عملی پر غور و خوض کرنا تھا۔ اجلاس میں سینٹرل پنجاب، جنوبی پنجاب، بلوچستان اور سندھ سمیت وفاقی سطح پر سیاسی، پالیسی...
بانی پی ٹی آئی کی بہن علیمہ خان کا کہنا ہے کہ گولی کیوں چلی اس کی معافی نہیں ملے گی، میں لوگوں کو روکنے میں ناکام رہی، بشری بی بی نے لیڈ کیا، باقی قیادت کو بھی آگے آنا چاہیے تھا۔علیمہ خان کے مطابق بانی پی ٹی آئی ڈی چوک واقعے پر شاک میں ہیں اور انہوں نے کہا ہے کہ سب سے پہلی ایف آئ...
وزیراعظم شہباز شریف نے کہا ہے کہ ملک میں انتشار پھیلانے والوں کے خلاف قانونی کارروائی پر پیش رفت کا ہفتہ وار جائزہ لیا جائے گا۔ وزیراعظم محمد شہباز شریف کی زیر صدارت اسلام آباد میں 24نومبر کو ہونے والے دھرنے میں فسادات کی تحقیقات کے لیے تشکیل کردہ ٹاسک فورس کا اجلاس ہوا۔ اجلاس سے...
عالمی مالیاتی ادارے (آئی ایم ایف) کی جانب سے قرض پروگرام کی دوسری قسط کی وصولی سے قبل حکومت کو مختلف شرائط پوری کرنا تھیں جن میں سے کئی شرائط تاحال پوری نہیں کی جاسکیں۔ دستاویزات کے مطابق نئے قرض پروگرام کی دوسری قسط وصول کرنے سے قبل آئی ایم ایف کی کئی شرائط تاحال پوری نہ ہوسکی...
آئی ایم ایف نے گیس کی قیمتوں کے نوٹیفکیشن کے لیے 15فروری2025تک کی ڈیڈ لائن دے دی گیس کمپنیوں نے 53.47فیصد تک گیس مہنگی کرنے کامطالبہ کررکھا ہے ، ذرائع کے مطابق ششماہی گیس ٹیرف کی ایڈجسٹمنٹ سے متعلق آئی ایم ایف کی شرط ہے ،حکومتی ذرائع کے مطابق آئندہ سال 15فروری تک گیس ایڈجسٹمنٹ کا...
