... loading ...
... loading ...
انسانی حقوق کے نامور اور ڈاکٹر عافیہ صدیقی کیس کے وکیل کلائیو اسٹفورڈ اسمتھ نے کہا ہے کہ وہ ہ عافیہ صدیقی کو وطن واپس لانے کے لیے پاکستان میں موجود ہیں۔کراچی سٹی کورٹ میں بار ایسوسی ایشن جناح آڈیٹوریم میں وکلا سے خطاب کرتے ہوئے کلائیو اسٹفورڈ اسمتھ نے اپنے ملک کی غلطیوں کے لیے معافی مانگی اور تسلیم کیاکہ کس طرح امریکی انصاف کے نظام میں خامیاں ہیں جو عافیہ کی قید اور گوانتاناموبے جیسی غلطیوں کو جاری رکھنے کے قابل بناتی ہیں۔کلائیو اسمتھ نے کہا کہ عافیہ پر ٹارچر گوانتاناموبے سے بھی بدتر ہے، عافیہ کو کوئی اندازہ نہیں ہے کہ وہ اس وقت کہاں ہے؟انھوں نے کہاکہ ایسا لگتا ہے کہ عافیہ کو وطن واپس لانے میں رکاوٹ ان کے اپنے ملک کے اندر سے ہے اور ہمیں مل کر اس رکاوٹ کو شناخت کرنے اور اسے ختم کرنے کی ضرورت ہے۔
اس امر میں کوئی شک نہیں کہ جنرل پرویز مشرف کے دور میں امریکہ کی خوشنودی یا ڈالر حاصل کرنے کی ہوس میں پاکستان کی اس انتہائی ذہین عورت کو امریکی درندوں کے حوالے کیاگیا،جس پر ملک کی تقریباً تمام سیاسی جماعتوں نے صدائے احتجاج بلند کی تھی لیکن ایک آمر نے ان سب کو اپنے بوٹوں تلے روند دیاتھا لیکن اس سے زیادہ افسوسناک بات یہ ہے کہ پرویز مشرف کے دور میں ہونے والے اس بدترین جرم کی بعد میں کسی حکومت نے تلافی نہیں کی۔ افسوس ناک طور پر جمہوریت کی علمبردار ہونے کی دعویدار بعد میں آنے والی حکومتوں جن میں نواز شریف کی شاہانہ حکومت اور عمران خان کی بھاشن کی حد تک مدینہ کی ریاست شامل تھی،عافیہ صدیقی کی واپسی کیلئے کوئی مثبت کوشش نہیں کی گئی،پاکستانی حکومتوں کی اس اہم مسئلے سے اس طرح کی چشم پوشی کی وجہ سے امریکی درندوں کو من مانی کرنے کا موقع ملا اور وہ اس کمزور نہتی خاتون کو انسانیت سوز مظالم کا شکار بناتے رہے اور آہستہ آہستہ ان کی پوری زندگی ان سے چھین لی گئی ہے، ان کو بیرونی دنیا سے بالکل کاٹ دیا گیا، ان کے لیے تمام بیرونی رابطے منقطع کیے جاچکے ہیں جس کے نتیجے میں اب عافیہ کی مثال ایسے ہے جیسے کوئی برفانی طوفان میں پھنس جانے والا مدد کے لیے پکار رہا ہو۔عافیہ صدیقی ایک ماں بھی ہے اور اس ماں سے اس کے کمسن بچوں کو چھیننا انسانی جبر اور تشدد کی بدترین شکل ہے۔ کوئی بھی عورت اپنے بچے کو کھو کر پاگل ہو جائے گی، عافیہ کے ساتھ ایسا اسی لیے کیا گیا ہے کہ وہ اپنے حواس کھوبیٹھیں لیکن پختہ عزم رکھنے والی عافیہ نے یہ ظلم بھی سہ لیا لیکن پاکستان میں دن رات عورت کی آزادی اور خود مختاری کا پرچار کرنے والی خواتین کی تنظیموں یہاں تک ملک کی دوسری سب سے بڑی پارٹی پاکستان مسلم لیگ ن کی بااثر خواتین میں سے کسی کو بھی ان کی رہائی کیلئے آواز اٹھانے یا اس سلسلے میں سفارتی سطح پر ہی صحیح کوئی قدم اٹھانے کی توفیق نہیں ہوئی۔ہمارے کمسن وزیر خارجہ کو گوا پہنچ کر فوٹو سیشن میں شرکت کرنے کا بہت شوق ہے لیکن انھوں نے بھی اپنا عہدہ سنبھالنے کے بعد سے اب تک عافیہ کی رہائی کیلئے کوئی زبانی بیان دینے سے بھی گریز کیاہے۔ اسی طرح تلخ حقیقت اور کڑوی سچائی سے بات شروع کرنے والے ہمارے وزیراعظم کو نمائشی کاموں میں تو بہت دلچسپی ہے اور وہ ماضی میں شریف خاندان کے جائز احتسابی عمل پر بھی گفتگو کرتے رہتے ہیں، مگر کبھی عافیہ صدیقی پر ہونے والی اس انسانیت سوز زیادتیوں پر کوئی کوشش تو کجا ایک حرف بھی زبان پر لانے کی ہمت نہیں کرتے۔ یہی وجہ ہے کہ عافیہ کے وکیل یہ نتیجہ اخذ کرنے پر مجبور ہوئے کہ عافیہ کو وطن واپس لانے میں رکاوٹ ان کے اپنے ملک پاکستان کے اندر سے ہے۔جبکہ حقیقت یہ ہے پاکستان میں لوگ ان سے محبت
کرتے ہیں، وہ قوم کی بیٹی ہیں،لیکن ارباب اختیار کو اپنی حکومت بچانے کیلئے موجودہ جوڑ توڑ کے دوران اتنی مہلت مل سکے گی کہ وہ عافیہ کو پاکستان لانے کیلئے کوئی عملی پیش رفت کرسکیں،ہمیں امید ہے کہ ارباب اختیار اب اس ضمن میں عملی کارروائی پر غورکریں گے اور قوم کی اس بیٹی کو مایوس نہیں کریں گے۔
مولانا محمد سلمان عثمانی حضرت سیدناعمربن خطاب ؓاپنی بہادری، پر کشش شخصیت اوراعلیٰ اوصاف کی بناء پر اہل عرب میں ایک نمایاں کردار تھے، آپ ؓکی فطرت میں حیا ء کا بڑا عمل دخل تھا،آپ ؓ کی ذات مبارکہ کو یہ اعزاز بھی حاصل ہے کہ نبی مکرم ﷺ خوداللہ رب العزت کی بارگاہ میں دعا مانگی تھی ”...
بھارت میں عام انتخابات کا دوسرا مرحلہ بھی اختتام کے قریب ہے، لیکن مسلمانوں کے خلاف مودی کی ہرزہ سرائی میں کمی کے بجائے اضافہ ہوتا جارہاہے اورمودی کی جماعت کی مسلمانوں سے نفرت نمایاں ہو کر سامنے آرہی ہے۔ انتخابی جلسوں، ریلیوں اور دیگر اجتماعات میں مسلمانوں کیخلاف وزارت عظمی کے امی...
مولانا زبیر احمد صدیقی رمضان المبارک کو سا ل بھر کے مہینوں میں وہی مقام حاصل ہے، جو مادی دنیا میں موسم بہار کو سال بھر کے ایام وشہور پر حاصل ہوتا ہے۔ موسم بہار میں ہلکی سی بارش یا پھو ار مردہ زمین کے احیاء، خشک لکڑیوں کی تازگی او رگرد وغبار اٹھانے والی بے آب وگیاہ سر زمین کو س...
نگران وزیر توانائی محمد علی کی زیر صدارت کابینہ توانائی کمیٹی اجلاس میں ایران سے گیس درآمد کرنے کے لیے گوادر سے ایران کی سرحد تک 80 کلو میٹر پائپ لائن تعمیر کرنے کی منظوری دے دی گئی۔ اعلامیہ کے مطابق کابینہ کمیٹی برائے توانائی نے پاکستان کے اندر گیس پائپ لائن بچھانے کی منظوری دی،...
سندھ ہائیکورٹ کے حکم پر گزشتہ روز سوشل میڈیا پلیٹ فارم ٹوئٹر جسے اب ا یکس کا نام دیاگیاہے کی سروس بحال ہوگئی ہے جس سے اس پلیٹ فارم کو روٹی کمانے کیلئے استعمال کرنے والے ہزاروں افراد نے سکون کاسانس لیاہے، پاکستان میں ہفتہ، 17 فروری 2024 سے اس سروس کو ملک گیر پابندیوں کا سامنا تھا۔...
ادارہ شماریات کی تازہ ترین رپورٹ کے مطابق جنوری میں مہنگائی میں 1.8فی صد اضافہ ہو گیا۔رپورٹ کے مطابق گزشتہ ماہ شہری علاقوں میں مہنگائی 30.2 فی صد دیہی علاقوں میں 25.7 فی صد ریکارڈ ہوئی۔ جولائی تا جنوری مہنگائی کی اوسط شرح 28.73 فی صد رہی۔ابھی مہنگائی میں اضافے کے حوالے سے ادارہ ش...
عالمی جریدے بلوم برگ نے گزشتہ روز ملک کے عام انتخابات کے حوالے سے کہا ہے کہ الیکشن کے نتائج جوبھی ہوں پاکستان کیلئے آئی ایم ایف سے گفتگو اہم ہے۔ بلوم برگ نے پاکستان میں عام انتخابات پر ایشیاء فرنٹیئر کیپیٹل کے فنڈز منیجر روچرڈ یسائی سے گفتگو کرتے ہوئے کہا کہ پاکستان کے بیرونی قرض...
علامہ سید سلیمان ندویؒآں حضرت صلی اللہ علیہ وسلم کی بعثت تعلیم او رتزکیہ کے لیے ہوئی، یعنی لوگوں کو سکھانا اور بتانا اور نہ صرف سکھانا او ربتانا، بلکہ عملاً بھی ان کو اچھی باتوں کا پابند اور بُری باتوں سے روک کے آراستہ وپیراستہ بنانا، اسی لیے آپ کی خصوصیت یہ بتائی گئی کہ (یُعَلِّ...
بلوچستان کے اضلاع پشین اور قلعہ سیف اللہ میں انتخابی امیدواروں کے دفاتر کے باہر دھماکے ہوئے ہیں جن کے سبب 26 افراد جاں بحق اور 45 افراد زخمی ہو گئے۔ تفصیلات کے مطابق بلوچستان اور خیبر پختون خوا دہشت گردوں کے حملوں کی زد میں ہیں، آج بلوچستان کے اضلاع پشین میں آزاد امیدوار ا...
مولانا محمد نجیب قاسمیشریعت اسلامیہ نے ہر شخص کو مکلف بنایا ہے کہ وہ حقوق اللہ کے ساتھ حقوق العباد یعنی بندوں کے حقوق کی مکمل طور پر ادائیگی کرے۔ دوسروں کے حقوق کی ادائیگی کے لیے قرآن وحدیث میں بہت زیادہ اہمیت، تاکید اور خاص تعلیمات وارد ہوئی ہیں۔ نیز نبی اکرم صلی اللہ علیہ وسلم،...
پاکستان میں صارفین کے حقوق کی حفاظت کا کوئی نظام کسی بھی سطح پر کام نہیں کررہا۔ گیس، بجلی، موبائل فون کمپنیاں، انٹرنیٹ کی فراہمی کے ادارے قیمتوں کا تعین کیسے کرتے ہیں اس کے لیے وضع کیے گئے فارمولوں کو پڑتال کرنے والے کیا عوامل پیش نظر رکھتے ہیں اور سرکاری معاملات کا بوجھ صارفین پ...
خبر ہے کہ سینیٹ میں عام انتخابات ملتوی کرانے کی قرارداد پر توہین عدالت کی کارروائی کے لیے دائر درخواست پر سماعت رواں ہفتے کیے جانے کا امکان ہے۔ اس درخواست کا مستقبل ابھی سے واضح ہے۔ ممکنہ طور پر درخواست پر اعتراض بھی لگایاجاسکتاہے اور اس کوبینچ میں مقرر کر کے باقاعدہ سماعت کے بعد...
