... loading ...
... loading ...
چیئرمین پاکستان تحریک انصاف اورسابق وزیراعظم عمران خان کا کہنا ہے کہ مجھے نکالنے کا منصوبہ امریکا سے نہیں پاکستان سے امریکا گیا تھا، جنرل (ر) باجوہ امریکیوں کو سمجھانے میں کامیاب ہو گئے تھے کہ میں امریکا مخالف ہوں، جنرل (ر) قمر جاوید باجوہ کے شہباز شریف کے ساتھ بہت گہرے تعلقات تھے اور اس نے سازش کی اور حکومت تبدیل ہوئی، سائفر ایک حقیقت ہے لیکن اب یہ ماضی کی بات ہے، ہمیں آگے بڑھنا ہوگا، امریکا سے اچھے تعلقات پاکستان کے مفاد میں ہیں۔ وائس آف امریکا کو دیے گئے انٹرویو میں پاک فوج کے ساتھ تعلقات میں اتار چڑھاؤ سے متعلق پوچھے گئے سوال پر عمران خان نے کہا کہ پاکستان میں فوج کا مطلب ایک آدمی ہے اور وہ آرمی چیف ہے۔ سویلین حکومت کے ساتھ معاملات کے حوالے سے فوج کی ساری پالیسی اسی ایک انسان کی شخصیت پر منحصر ہے۔ عمران خان نے کہا کہ جنرل (ر) قمر جاوید باجوہ کے ساتھ ہمارے تعلقات کے دوران مثبت پہلو یہ تھا کہ ہم ایک پیج پر تھے، جس کا مطلب یہ تھا کہ ہمارے پاس مدد کے لیے پاک فوج کی منظم طاقت تھی اور ہم نے مل کر کام کیا۔ سابق وزیر اعظم نے کہا کہ اب مسئلہ یہ تھا کہ جنرل ریٹائرڈ باجوہ نے اس ملک کے چند بڑے بدمعاشوں کی حمایت کی، وہ کرپشن کو کوئی بڑا مسئلہ نہیں سمجھتے تھے، اور وہ چاہتے تھے کہ ہم ان کے ساتھ مل کر کام کریں۔ انہیں بدعنوانی کے مقدمات سے استثنی دیا جائے۔ عمران خان نے مزید کہا کہ جنرل (ر) قمر جاوید باجوہ کے موجودہ وزیر اعظم شہباز شریف کے ساتھ بہت گہرے تعلقات تھے اور کسی وجہ سے اس نے سازش کی اور یہ حکومت کی تبدیلی واقع ہوئی۔ عمران خان نے کہا کہ طاقت کے توازن کا اہم اصول یہ ہے کہ منتخب حکومت جس کے پاس ذمہ داری ہے، جسے لوگوں نے مینڈیٹ دیا ہے، اس کے پاس اختیار بھی ہونا چاہیے۔ آپ ذمہ داری اور اختیار الگ الگ نہیں کر سکتے۔ اگر اختیار آرمی چیف کے پاس ہے اور ذمہ دار وزیر اعظم ہو تو پھر نظام کام نہیں کرتا۔ الیکشن کمیشن کے حوالے سے عمران خان نے کہا ہے کہ موجودہ الیکشن کمیشن نے ادارے کی غیر جانبدارانہ ساکھ مکمل طور پر تباہ کر دی ہے۔ اس لیے وہ سمجھتے ہیں کہ ملک میں انتخابات تو ہوں گے لیکن آزادانہ اور منصفانہ نہیں ہوں گے۔ عمران خان نے کہا کہ انتخابات ہارنے کی صورت میں نتائج تسلیم کرنے یا نہ کرنے کا سوال قبل ازوقت ہے، ابھی یہ نہیں کہہ سکتا کہ وہ کس حد تک دھاندلی کریں گے، سندھ میں بلدیاتی الیکشن ہوا، تمام سیاسی جماعتوں نے بلدیاتی الیکشن کو مسترد کر دیا، اس لیے دھاندلی کے پیمانے سے متعلق ابھی کچھ نہیں کہا جا سکتا۔ افغان طالبان سے تعلقات کے حوالے سے عمران خان نے کہا کہ افغانستان میں جو بھی حکومت ہو، پاکستان کے ان کے ساتھ اچھے تعلقات ہونے چاہیئے، میں نے اشرف غنی حکومت کے ساتھ تعلقات میں بہتری لانے کی پوری کوشش کی کیونکہ ہماری ان کے ساتھ 2500 کلومیٹر طویل سرحد ہے۔ عمران خان نے کہا کہ وزیر خارجہ بلاول بھٹو زرداری نے تقریبا سارا وقت پاکستان سے باہر گزارا ہے، لیکن انہوں نے افغانستان کا ایک بھی دورہ نہیں کیا۔ میرے خیال میں ہم دہشت گردی کے خلاف ایک اور جنگ کی پوزیشن میں نہیں اور واحد راستہ یہ ہے کہ کسی طرح کابل کو ہمارے ساتھ کام کرنے پر مجبور کیا جائے تاکہ ہم مشترکہ طور پر اس مسئلے سے نمٹ سکیں۔ سابق وزیراعظم نے کہا کہ جب افغان طالبان نے اقتدار سنبھالا اور انہوں نے ٹی ٹی پی سے متعلق فیصلہ کیا، ہم 30 سے 40 ہزار لوگوں کی بات کر رہے ہیں، جن میں ان کے اہل خانہ بھی شامل ہیں، کیا ہمیں صرف ان کو قطار میں کھڑا کر کے گولی مار دینی چاہیے تھی، یا انہیں دوبارہ آباد کرنے کی کوشش کرنی چاہیے تھی؟ ہمارا خیال تھا کہ ان خاندانوں کی آباد کاری سرحد کے ساتھ ہونی چاہیے لیکن ایسا نہیں ہوسکا کیونکہ ہماری حکومت چلی گئی۔ اپنی حکومت کے خلاف مبینہ امریکی سازش کے حوالے سے عمران خان نے کہا کہ بین الاقوامی تعلقات کی بنیاد رہنماؤں کے ذاتی انا کے بجائے لوگوں کے مفاد پر ہونی چاہیے۔ پاکستان کے امریکا کے ساتھ اچھے تعلقات ہیں اور امریکا ہمارا سب سے بڑا تجارتی پارٹنر ہے، اب جیسے جیسے معاملات سامنے آ رہے ہیں، اس کے مطابق بدقسمتی سے جنرل (ر) باجوہ کسی نہ کسی طرح امریکیوں کو بتانے میں کامیاب ہو گئے کہ میں امریکا مخالف ہوں، اور مجھے نکالنے کا منصوبہ وہاں سے نہیں بلکہ یہاں سے وہاں گیا تھا۔ سابق وزیر اعظم نے کہا کہ سائفر ایک حقیقت ہے، جس میں ایک باضابطہ میٹنگ کا احوال لکھا گیا تھا، لیکن اب یہ ماضی کی بات ہے، ہمیں آگے بڑھنا ہوگا۔ امریکا سے اچھے تعلقات پاکستان کے مفاد میں ہیں اور ہم یہی چاہتے ہیں۔
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
