... loading ...
توشہ خانہ کیس میں ایڈیشنل سیشن جج اسلام آباد ظفر اقبال نے پاکستان تحریک انصاف کے چیئرمین اور سابق وزیر اعظم عمران خان کی طبی بنیادوں پر ایک روزہ حاضر ی سے استثنیٰ کی درخواست منظور کر لی۔ عمران خان پر ایک مرتبہ پھر کیس میں فرد جرم عائد نہ ہوسکی۔ عمران خان کے وکلاء کو الیکشن کمیشن کی جانب سے کیس کی تصدیق شدہ کاپیاں فراہم کرنے کے بعد فرد جرم عائد کرنے کی اگلی تاریخ مقرر کی جائے گی۔ عدالت کی جانب سے کیس کی آئندہ تاریخ کا اعلان بعد میں کیا جائے گا۔ عدالت کا کہنا تھا کہ ہمیں بتائیں عمران خان کب پیش ہوں گے تاکہ کارروائی آگے بڑھ سکے، ایک تاریخ بتا دیں کب عمران خان عدالت آئیں گے۔ عدالت نے عمران خان کو فرد جرم عائد کرنے کے لیے طلبی کے نوٹسز جاری کیے تھے تاہم وہ عدالت میں پیش نہیں ہوئے۔ الیکشن کمیشن آف پاکستان کی جانب سے عمران خان کے خلاف توشہ خانہ کیس میں فوجداری کارروائی کے لیے دائر کیس پر جج ملک ظفر اقبال نے سماعت کی۔ دوران سماعت عمران خان کی جانب سے طبی بنیادوں پر حاضری سے استثنیٰ کی درخواست دائر کی گئی۔ درخواست عمران خان کے وکیل بیرسٹر علی گوہر خان کی جانب سے دائر کی گئی۔ جج کی جانب سے استفسار کیا گیا کہ کیا مچلکے جمع کروادیے ہیں؟ اس پر وکیل گوہر علی خان کا کہنا تھا کہ گزشتہ روز عمران خان کے20ہزار روپے کے ضمانتی مچلکے جمع کروادیے۔ جبکہ الیکشن کمیشن کے وکیل سعد حسن کی جانب سے عمران خان کی حاضری سے استثنیٰ کی درخواست پر اعتراض کیا گیا۔ عدالت نے عمران خان کے وکیل سے کہا کہ کوئی ایک تاریخ بتا دیں جب عمران خان عدالت میں پیش ہوں گے۔ اس پر وکیل کا کہنا تھا کہ جب ڈاکٹرز عمران خان کو اجازت دیں گے اور ان کو ڈاکٹرز کی جانب سے فٹ قراردیا جائے گا تووہ ضرورعدالت کے سامنے پیش ہوں گے۔ اس پر الیکشن کمیشن کے وکیل سعد حسن کا کہنا تھا کہ عمران خان کنٹینرز پر تونظر آتے ہیں لیکن عدالتوں کے سامنے نظر نہیں آتے۔ عمران خان کے وکیل کا کہنا تھا کہ الیکشن کمیشن کے وکیل قانونی نکات پر بات کریں اوراس طرح کی زبان استعمال کر کے عدالت کے وقار کو خراب نہ کریں۔ دوران سماعت عمران خان کے وکلا اورالیکشن کمیشن کے وکیل کے درمیان شدید تلخ کلامی ہوئی۔ عمران خان کی عدم پیشی پرالیکشن کمیشن کے وکیل نے کہا عمران خان کیٹینر پر ڈانس کر رہے ہیں عدالت نہیں آ رہے جس کے جواب میں عمران خان کے وکلا ء نے منشی کہنا شروع کیا تو الیکشن کمیشن کے وکیل نے ان کو مراسی کہہ دیا۔ دوسری جانب توشہ خانہ ریفرنس کیس میں عمران خان نے سینئر وکیل خواجہ حارث احمد کی خدمات بھی حاصل کر لیں۔ عمران خان کی لیگل ٹیم میں سینیٹر بیرسٹرسید علی ظفر ، بیرسٹر گوہر علی خان اورمحمد علی بخاری ایڈوکیٹ بھی شامل ہوں گے ۔
پیپلز پارٹی وفاق کا حصہ ہے ، آئینی عہدوں پر رہتے ہوئے بات زیادہ ذمہ داری سے کرنی چاہئے ، ہمیں پی پی پی کی قیادت کا بہت احترام ہے، اکائیوں کے پانی سمیت وسائل کی منصفانہ تقسیم پر مکمل یقین رکھتے ہیں پانی کے مسئلے پر سیاست نہیں کرنی چاہیے ، معاملات میز پر بیٹھ کر حل کرن...
وزیر خارجہ کے دورہ افغانستان میںدونوں ممالک میں تاریخی رشتوں کو مزید مضبوط بنانے پر تبادلہ خیال ، مشترکہ امن و ترقی کے عزم کا اظہار ،دو طرفہ مسائل کے حل کے لیے بات چیت جاری رکھنے پر بھی اتفاق افغان مہاجرین کو مکمل احترام کے ساتھ واپس بھیجا جائے گا، افغان مہاجرین کو ا...
دوران سماعت بانی پی ٹی آئی عمران خان ، شاہ محمود کی جیل روبکار پر حاضری لگائی گئی عدالت میں سکیورٹی کے سخت انتظامات ،پولیس کی بھاری نفری بھی تعینات کی گئی تھی 9 مئی کے 13 مقدمات میں ملزمان میں چالان کی نقول تقسیم کردی گئیں جس کے بعد عدالت نے فرد جرم عائد کرنے کے لیے تاریخ مق...
واپس جانے والے افراد کو خوراک اور صحت کی معیاری سہولتیں فراہم کی گئی ہیں 9 لاکھ 70 ہزار غیر قانونی افغان شہری پاکستان چھوڑ کر افغانستان جا چکے ہیں پاکستان میں مقیم غیر قانونی، غیر ملکی اور افغان سٹیزن کارڈ ہولڈرز کے انخلا کا عمل تیزی سے جاری ہے۔ حکومت پاکستان کی جانب سے دی گئ...
حملہ کرنے والوں کے ہاتھ میں پارٹی جھنڈے تھے وہ کینالوں کے خلاف نعرے لگا رہے تھے ٹھٹہ سے سجاول کے درمیان ایک قوم پرست جماعت کے کارکنان نے اچانک حملہ کیا، وزیر وزیر مملکت برائے مذہبی امور و بین المذاہب ہم آہنگی کھیئل داس کوہستانی کی گاڑی پر ٹھٹہ کے قریب نامعلوم افراد کی جانب سے...
کان کنی اور معدنیات کے شعبوں میں مشترکہ منصوبے شروع کرنے کا بہترین موقع ہے غیرملکی سرمایہ کاروں کو کاروبار دوست ماحول اور تمام سہولتیں فراہم کریں گے ، شہباز شریف وزیراعظم شہباز شریف نے 60 ممالک کو معدنیات کے شعبے میں سرمایہ کاری کی دعوت دے دی۔وزیراعظم شہباز شریف نے لاہور میں ...
ہتھیار طالبان کے 2021میں افغانستان پر قبضے کے بعد غائب ہوئے، طالبان نے اپنے مقامی کمانڈرز کو امریکی ہتھیاروں کا 20فیصد رکھنے کی اجازت دی، جس سے بلیک مارکیٹ میں اسلحے کی فروخت کو فروغ ملا امریکی اسلحہ اب افغانستان میں القاعدہ سے منسلک تنظیموں کے پاس بھی پہنچ چکا ہے ، ...
اسحاق ڈار افغان وزیر اعظم ملا محمد حسن اخوند ، نائب وزیر اعظم برائے اقتصادی امور ملا عبدالغنی برادر سے علیحدہ، علیحدہ ملاقاتیں کریں گے افغان وزیر خارجہ امیر خان متقی کے ساتھ وفود کی سطح پر مذاکرات بھی کریں گے ہمیں سیکیورٹی صورتحال پر تشویش ہے ، افغانستان میں سیکیورٹی...
ہم نے شہباز کو دو بار وزیراعظم بنوایا، منصوبہ واپس نہ لیا تو پی پی حکومت کے ساتھ نہیں چلے گی سندھ کے عوام نے منصوبہ مسترد کردیا، اسلام آباد والے اندھے اور بہرے ہیں، بلاول زرداری پیپلز پارٹی کے چیئرمین بلاول بھٹو زرداری نے کہا ہے کہ پانی کی تقسیم کا مسئلہ وفاق کو خطرے...
قرضوں سے جان چھڑانی ہے تو آمدن میں اضافہ کرنا ہوگا ورنہ قرضوں کے پہاڑ آئندہ بھی بڑھتے جائیں گے ایف بی آر کی ڈیجیٹائزیشن کا سفر شروع ہوچکا، یہ طویل سفر ہے ، رکاوٹیں دور کرناہونگیں، شہبازشریف کا خطاب وزیراعظم شہباز شریف نے کہا ہے کہ کھربوں روپے کے زیر التوا ٹیکس کیسز کے فوری فی...
8ماہ میں ٹیکس وصولی کا ہدف 6کھرب 14ارب 55کروڑ روپے تھا جبکہ صرف 3کھرب 11ارب 4کروڑ ہی وصول کیے جاسکے ، بورڈ آف ریونیو نے 71فیصد، ایکسائز نے 39فیصد ،سندھ ریونیو نے 51فیصد کم ٹیکس وصول کیا بورڈ آف ریونیو کا ہدف 60ارب 70 کروڑ روپے تھا مگر17ارب 43کروڑ روپے وصول کیے ، ای...
عمران خان کی تینوں بہنیں، علیمہ خانم، عظمی خان، نورین خان سمیت اپوزیشن لیڈر عمر ایوب، پنجاب اسمبلی کے اپوزیشن لیڈر ملک احمد خان بھچر،صاحبزادہ حامد رضا اورقاسم نیازی کو حراست میں لیا گیا تھا پولیس ریاست کے اہلکار کیسے اپوزیشن لیڈر کو روک سکتے ہیں، عدلیہ کو اپنی رٹ قائ...