... loading ...
... loading ...
نوے کی دہائی میں فلم کی جگماتی اسکرین پر اپنی پاٹ دار آواز سے گونجنے والے افضال احمد گزشتہ روز انتقال کر گئے۔ اپنے شاندار اظہار اور جاندار کردار کے باعث فلمی دنیا میں ایک نام اور مقام بنانے والے افضال احمد کی موت نے اس رنگین دنیا کے بظاہر پرشور مگر درحقیقت پرسکوت سمندر میں ذرا سی لرزش بھی پیدا نہیں کی۔ چمک کے پیچھے بھاگنے والی نئی نسل کے لیے اداکار افضال احمد کی زندگی اور موت میں کئی اخلاقی سبق پوشیدہ ہیں۔ اداکار افضال احمد نے ایچی سن کالج سے تعلیم حاصل کی تھی۔ اُنہوں نے مرحوم اشفاق احمد کے ڈرامے ”اُچے برج لاہور دے“ میں صرف اٹھارہ برس کی عمر میں ایک پچاس سالہ بوڑھے کا کردارادا کیا تو دیکھنے والے مبہوت رہ گئے تھے۔ اداکاری سے جنون کی حد تک پیا رکرنے والے افضال احمد نے صرف 35برسوں میں اردو، پنجابی اور پشتو فلموں میں کام کرکے نوے کی دہائی میں بے پناہ شہرت کمائی۔اداکار قوی خان کے ساتھ بھی افضال احمد کی جوڑی نے پزیرائی حاصل کی۔ اپنی پاٹ دار آواز، کھنکتے لہجے اورزیروبمِ الفاظ سے وہ ایک ایسا ماحول بنا دیتے تھے کہ اُن کا ناظر سحر زدہ رہ جاتا تھا۔ مگر اکیس برس قبل وہ فالج کے شکار ہوئے اور وہیل چیئر تک محدود ہو کر رہ گئے۔ پھر اُن کا جس زبان اور اُس کے صوتی تاثر کا ایک ڈنکا بجتا تھا، اُسی پر لقوہ پڑ گیا، جس کے باعث وہ قوت گویائی سے ہی محروم ہو گئے۔ اس حالت میں وہ زندگی کی گاڑی کو ہانکتے رہے۔ کوئی تصور بھی کرسکتا ہے کہ حیات سے ان بیماریوں کے ساتھ اُن کی کشمکش اکیس برس سے زیادہ پر محیط ہے۔ موت شاید افضال احمد کے لیے ان تکلیفوں سے نجات کا وسیلہ ہو، مگر اُن کی موت ہماری زندگیوں کو جھنجھوڑنے کا سب سے بڑا ذریعہ ہے۔ یہ چمکتی زندگی کے پیچھے لپکتے لوگوں کے لیے ایک عبرت کا موقع ہے۔ افضال احمد کی موت کے وقت اُن کے پاس کوئی نہیں تھا۔ اسکرین سے اوجھل ہوجانے والے اداکار سے زندگی روٹھ گئی تھی۔ اداکار کو برین ہیمبریج کے باعث یکم دسمبر کو جنرل اسپتال لاہور لایا گیا تھا۔ مگر جنرل اسپتال نے اس سینئر ترین اداکار کے لیے کوئی الگ سے بستر تک فراہم نہیں کیا۔ آنکھ اوجھل تو پہاڑ بھی اوجھل۔
زیر نظر تصویر میں آپ دیکھ سکتے ہیں کہ افضال احمد کے بستر پر دوران علاج ایک دوسرا مریض بھی موجود تھا۔ کیا معلوم کہ وہی مریض اس بستر کا پہلا مریض ہو، اور افضال احمد اس بستر کے دوسرے مریض ہوں۔ یہی نہیں۔ اداکار کا کوئی قریبی رشتہ دار بھی موت کی اس کشمکش کے بدترین ایام میں اُن کے ساتھ نہ تھا۔ اُن کی ایک بہن امریکا میں مقیم تھی اور تین بیٹیاں بھی بیرونِ ملک رہائش پزیر ہیں۔ اس منظر نامے میں افضال احمد کے لیے موت نظر آنے والی اور دکھائی نہ دینے والی تکلیفوں سے نجات کا ایک ذریعہ رہی ہوگی۔ وہ موت سے ہمکنار ہوتے ہوئے زندگی سے ایسے بھاگ رہے ہوں گے جیسے زندہ رہنے والے موت سے بھاگتے ہیں۔ یہ واقعات انسانوں کو جھنجھوڑنے کے لیے سامنے آتے ہیں مگر ہم اس کے اخلاقی سبق سے محروم رہتے ہیں۔ ہمارا پورا گردوپیش ایک مادی اور چمکتی دمکتی دنیا کا یرغمال بن گیا ہے۔ جگمگاتی اسکرینوں کی مصنوعی دنیا نے ہم سے زندگی کا سکھ چین سیکھ لیا ہے اور ہمارا ماحول حرص وہوس سے مکمل آلودہ کردیا ہے۔ بدقسمتی سے اس معاشرے میں کوئی اخلاقی معلمین بھی دکھائی نہیں دیتے جو سادگی کے ساتھ ایک حقیقی دنیا کی تعلیم دیتے ہوں۔ ہماری تعلیمی، مذہبی، عسکری، سیاسی اور عدالتی اشرافیہ مسابقت کی ایک ایسی دوڑ کا حصہ بن چکی ہیں جس میں اندازا ہی نہیں ہورہا کہ اُنہوں نے اس عظیم الشان ملک کو کیا بنا دیا ہے۔ ہمارے ارد گرد ہر میدان میں زرداروں کا غلبہ ہے۔ کردار کی کوئی حرارت اب اس بے معنی زندگی میں باقی نہیں رہ گئی۔ مگر یہ سب نہیں جانتے کہ دولت اور شہرت موت کا راستہ نہیں روکتی۔ افضال احمد ایسے اداکار کی موت ایسی مصنوعی اور غیر حقیقی زندگی کے لیے عبرت کا تازیانہ ہے۔
مولانا محمد سلمان عثمانی حضرت سیدناعمربن خطاب ؓاپنی بہادری، پر کشش شخصیت اوراعلیٰ اوصاف کی بناء پر اہل عرب میں ایک نمایاں کردار تھے، آپ ؓکی فطرت میں حیا ء کا بڑا عمل دخل تھا،آپ ؓ کی ذات مبارکہ کو یہ اعزاز بھی حاصل ہے کہ نبی مکرم ﷺ خوداللہ رب العزت کی بارگاہ میں دعا مانگی تھی ”...
بھارت میں عام انتخابات کا دوسرا مرحلہ بھی اختتام کے قریب ہے، لیکن مسلمانوں کے خلاف مودی کی ہرزہ سرائی میں کمی کے بجائے اضافہ ہوتا جارہاہے اورمودی کی جماعت کی مسلمانوں سے نفرت نمایاں ہو کر سامنے آرہی ہے۔ انتخابی جلسوں، ریلیوں اور دیگر اجتماعات میں مسلمانوں کیخلاف وزارت عظمی کے امی...
مولانا زبیر احمد صدیقی رمضان المبارک کو سا ل بھر کے مہینوں میں وہی مقام حاصل ہے، جو مادی دنیا میں موسم بہار کو سال بھر کے ایام وشہور پر حاصل ہوتا ہے۔ موسم بہار میں ہلکی سی بارش یا پھو ار مردہ زمین کے احیاء، خشک لکڑیوں کی تازگی او رگرد وغبار اٹھانے والی بے آب وگیاہ سر زمین کو س...
نگران وزیر توانائی محمد علی کی زیر صدارت کابینہ توانائی کمیٹی اجلاس میں ایران سے گیس درآمد کرنے کے لیے گوادر سے ایران کی سرحد تک 80 کلو میٹر پائپ لائن تعمیر کرنے کی منظوری دے دی گئی۔ اعلامیہ کے مطابق کابینہ کمیٹی برائے توانائی نے پاکستان کے اندر گیس پائپ لائن بچھانے کی منظوری دی،...
سندھ ہائیکورٹ کے حکم پر گزشتہ روز سوشل میڈیا پلیٹ فارم ٹوئٹر جسے اب ا یکس کا نام دیاگیاہے کی سروس بحال ہوگئی ہے جس سے اس پلیٹ فارم کو روٹی کمانے کیلئے استعمال کرنے والے ہزاروں افراد نے سکون کاسانس لیاہے، پاکستان میں ہفتہ، 17 فروری 2024 سے اس سروس کو ملک گیر پابندیوں کا سامنا تھا۔...
ادارہ شماریات کی تازہ ترین رپورٹ کے مطابق جنوری میں مہنگائی میں 1.8فی صد اضافہ ہو گیا۔رپورٹ کے مطابق گزشتہ ماہ شہری علاقوں میں مہنگائی 30.2 فی صد دیہی علاقوں میں 25.7 فی صد ریکارڈ ہوئی۔ جولائی تا جنوری مہنگائی کی اوسط شرح 28.73 فی صد رہی۔ابھی مہنگائی میں اضافے کے حوالے سے ادارہ ش...
عالمی جریدے بلوم برگ نے گزشتہ روز ملک کے عام انتخابات کے حوالے سے کہا ہے کہ الیکشن کے نتائج جوبھی ہوں پاکستان کیلئے آئی ایم ایف سے گفتگو اہم ہے۔ بلوم برگ نے پاکستان میں عام انتخابات پر ایشیاء فرنٹیئر کیپیٹل کے فنڈز منیجر روچرڈ یسائی سے گفتگو کرتے ہوئے کہا کہ پاکستان کے بیرونی قرض...
علامہ سید سلیمان ندویؒآں حضرت صلی اللہ علیہ وسلم کی بعثت تعلیم او رتزکیہ کے لیے ہوئی، یعنی لوگوں کو سکھانا اور بتانا اور نہ صرف سکھانا او ربتانا، بلکہ عملاً بھی ان کو اچھی باتوں کا پابند اور بُری باتوں سے روک کے آراستہ وپیراستہ بنانا، اسی لیے آپ کی خصوصیت یہ بتائی گئی کہ (یُعَلِّ...
بلوچستان کے اضلاع پشین اور قلعہ سیف اللہ میں انتخابی امیدواروں کے دفاتر کے باہر دھماکے ہوئے ہیں جن کے سبب 26 افراد جاں بحق اور 45 افراد زخمی ہو گئے۔ تفصیلات کے مطابق بلوچستان اور خیبر پختون خوا دہشت گردوں کے حملوں کی زد میں ہیں، آج بلوچستان کے اضلاع پشین میں آزاد امیدوار ا...
مولانا محمد نجیب قاسمیشریعت اسلامیہ نے ہر شخص کو مکلف بنایا ہے کہ وہ حقوق اللہ کے ساتھ حقوق العباد یعنی بندوں کے حقوق کی مکمل طور پر ادائیگی کرے۔ دوسروں کے حقوق کی ادائیگی کے لیے قرآن وحدیث میں بہت زیادہ اہمیت، تاکید اور خاص تعلیمات وارد ہوئی ہیں۔ نیز نبی اکرم صلی اللہ علیہ وسلم،...
پاکستان میں صارفین کے حقوق کی حفاظت کا کوئی نظام کسی بھی سطح پر کام نہیں کررہا۔ گیس، بجلی، موبائل فون کمپنیاں، انٹرنیٹ کی فراہمی کے ادارے قیمتوں کا تعین کیسے کرتے ہیں اس کے لیے وضع کیے گئے فارمولوں کو پڑتال کرنے والے کیا عوامل پیش نظر رکھتے ہیں اور سرکاری معاملات کا بوجھ صارفین پ...
خبر ہے کہ سینیٹ میں عام انتخابات ملتوی کرانے کی قرارداد پر توہین عدالت کی کارروائی کے لیے دائر درخواست پر سماعت رواں ہفتے کیے جانے کا امکان ہے۔ اس درخواست کا مستقبل ابھی سے واضح ہے۔ ممکنہ طور پر درخواست پر اعتراض بھی لگایاجاسکتاہے اور اس کوبینچ میں مقرر کر کے باقاعدہ سماعت کے بعد...
