... loading ...
... loading ...
رہنما پاکستان تحریک انصاف فواد چودھری نے کہا ہے کہ سندھ سے تعلق رکھنے والے رکن الیکشن کمیشن نثار درانی کے خلاف سپریم جوڈیشل کونسل میں ریفرنس دائر کررہے ہیں، چیف الیکشن کمیشنر کے خلاف بھی ریفرنس لانے کا فیصلہ کررہے ہیں، ملک کی سب سے بڑی سیاسی جماعت کا الیکشن کمیشن پر اعتماد صفر ہوچکا ہے، عزت دار طریقہ یہی تھا الیکشن کمشنر خود استعفیٰ دے دیتے، رانا ثنا اللہ دھمکیوں پر حکومت چلانے کی کوشش کررہے ہیں، ایف آئی اے کو اینکرز، صحافیوں اور سیاسی مخالفین کے گھروں میں رات کو 2، 2 بجے بھیجا جارہا ہے،20 مئی سے پہلے الیکشن کا اعلان نہیں ہوا تو سری لنکا سے بھی بدترین صورتحال ہوسکتی ہے۔ سابق وزیر اطلاعات فواد چودھری نے الیکشن کمیشن کے باہر میڈیا سے گفتگو کرتے ہوئے کہا کہ الیکشن کمیشن کے خلاف ایک قانونی جدوجہد کا آغاز کرنے جارہے ہیں۔ انہوں نے کہا کہ اداروں کی ذمہ داری ملک میں توازن قائم رکھنا ہے، اس مقصد میں ادارے اس وقت ناکام ہوجاتے ہیں جب اس ادارے میں تعیناتیاں میرٹ کی بنیاد پر نہ ہوں، اس وقت ملک میں سیاسی بحران کی سب سے بڑی وجہ الیکشن کمیشن کا بحیثیت ادارہ غیر فعال ہونا ہے۔سابق وزیر فواد چوہدری نے کہا کہ ملک کی سب سے بڑی سیاسی جماعت کا الیکشن کمیشن پر اعتماد صفر ہوچکا ہے، سب سے بڑی سیاسی جماعت کے سربراہ عمران خان کہہ چکے ہیں کہ چیف الیکشن کمشنر مسلم لیگ (ن) میں کوئی عہدہ لے لیں، عزت دار طریقہ یہی تھا کہ الیکشن کمیشنر خود استعفیٰ دے دیتے لیکن بدقسمتی سے اس کے برعکس ہوا۔انہوں نے کہا کہ اس الیکشن کمیشن میں پنجاب اور خیبرپختونخوا کی نمائندگی نہیں ہے، اس کا مطلب پاکستان کی 70 فیصد آبادی کی نمائندگی کا نہ ہونا ہے، الیکشن کمیشن مسلسل پاکستان کی سب سے بڑی سیاسی قوت کے خلاف ایک پارٹی بنا ہوا ہے۔انہوں نے کہا کہ اس صورتحال میں ہمارے پاس یہ آپشن ہے کہ ایک جانب تو ہم سیاسی جدوجہد جاری رکھیں، دوسرے طرف ہم قانونی جدوجہد کا آغاز کریں، آج ہم اس الیکشن کمیشن کے خلاف ایک قانونی جدوجہد کا آغاز کرنے جارہے ہیں۔فواد چوہدری نے کہا کہ الیکشن کمیشن کے ظلم کا نشانہ بنے والے فیصل واڈا نے فیصلہ کیا ہے کہ وہ ابھی پہلا ریفرنس سندھ سے تعلق رکھنے والے رکن الیکشن کمیشن نثار درانی کے خلاف سپریم جوڈیشل کونسل میں دائر کررہے ہیں، ہم چیف الیکشن کمیشنر کے خلاف بھی ریفرنس لانے کا فیصلہ کررہے ہیں۔انہوں نے کہا کہ اس حکومت نے بیرون ملک پاکستانیوں سے ووٹ کا حق چھیننے کی کوشش کی اور ایک لوٹے کے ذریعے بل ایوان میں پیش کیا، اس بل سے 90 لاکھ بیرون ملک پاکستانیوں سے ووٹ کا حق چھیننے کی سازش کی گئی، ہم اس بل کو شدت سے مسترد کرتے ہیں۔انہوں نے کہا کہ رانا ثنا اللہ دھمکیوں پر حکومت چلانے کی کوشش کررہے ہیں، ایف آئی اے کو اینکرز، صحافیوں اور سیاسی مخالفین کے گھروں میں رات کو 2، 2 بجے بھیجا جارہا ہے۔فواد چوہدری نے کہا کہ عمران خان نے اپنے دور حکومت میں جتنا پیسہ بچایا تھا وہ سارا موجودہ حکومت نے ایک ہی دورے میں خرچ کردیا، عوام میں اس وقت شدید غم و غصہ پایا جارہا ہے، یہ لوگ لندن میں جاکر ایک سزا یافتہ مجرم سے ملاقاتیں کررہے ہیں، اس سے یہ ثابت ہوتا ہے کہ پاکستان کا سیاسی نظام لندن سے یرغمال ہے۔سابق وزیر فواد چوہدری نے کہا کہ 20 مئی سے پہلے الیکشن کا اعلان نہیں ہوا تو پاکستان میں سری لنکا سے بھی بدترین صورتحال ہوسکتی ہے، اس کی وجہ یہ ہے کہ پاکستان کی آبادی سری لنکا کی آبادی سے بہت زیادہ ہے، لوگ جس طرح غصے میں ہے آپ اس سے کھلواڑ نہ کریں اور آئین اور قانون کے مطابق چلیں۔انہوں نے کہا کہ اگر سپریم کورٹ اور الیکشن کمیشن میں لوٹوں کا فیصلہ ہوجاتا تو پاکستان میں سیاسی بحران کم ہوجاتا تاہم الیکشن کمیشن کی غیر ذمہ دارانہ روش سے پاکستان اس بحران میں مزید دھنستا جارہا ہے۔اس موقع پر فیصل واڈا نے میڈیا سے گفتگو کرتے ہوئے کہا کہ جو بربریت اور ناانصافی میرے ساتھ کی گئی ہے اس کی مثال نہیں ملتی، مجھ پر زیادتی اور قتل کے سوا تمام الزامات لگا دیے گئے۔انہوں نے کہا کہ نثار درانی نے ایک عہدہ ہوتے ہوئے سیاسی جماعتوں کے تعاون سے ایک اور سرکاری عہدہ رکھ لیا، سندھ لا کالج کر پرنسپل بن گئے اور اسے ڈکلیئر بھی نہیں کیا، اس کا کیس ہائی کورٹ میں زیر سماعت ہے، سارے شواہد اس میں موجود ہیں، آرٹیکل 216 واضح طور پر بتاتا ہے کہ آپ یہ کام نہیں کر سکتے۔انہوں نے کہا کہ میں بلوچستان سے الیکشن کمیشن کے رکن کو کہنا چاہتا ہوں کہ وہ گانا سننا شروع کردیں کیونکہ اگلی پریس کانفرنس ان کے بارے میں ہوگی، اور ان سب کا سربراہ الیکشن کمیشنر ہے جو فون پر آرڈر لیتا ہے، ان کے خلاف بھی ریفرنس کی تیاری کررہے ہیں، ہم ریفرنس اور شواہد کے ساتھ سپریم کورٹ کے پاس جار ہے ہیں۔ انہوں نے کہا کہ ان شواہد کو میڈیا کے ساتھ بھی شیئر کروں گا، ابھی ہم سپریم جوڈیشل کونسل میں یہ ثبوت جمع کروانے جارہے ہیں۔
گھریلو صارفین کو 34روپے 37پیسے فی یونٹ بجلی ملے گی ، صنعتوں کیلئے بجلی کی قیمت میں مزید 7روپے 59پیسے کمی ،جس کے بعد صنعتی صارفین کیلئے فی یونٹ 40 روپے 60پیسے ہوگئی 77 سال سے ملک کو غربت کی جانب دھکیلنے والے مسائل کو جڑ سے اکھاڑ نہ پھینکا تو یہ ریلیف اور آئندہ آنیوا...
پی ٹی آئی کے مرکزی سیکریٹری اطلاعات شیخ وقاص اکرم نے کہا ہے کہ بانی پی ٹی آئی عمران خان نے اسٹیبلشمنٹ سے بات کرنے کے لیے کسی کو کوئی ٹاسک نہیں دیا۔میڈیا سے گفتگو کرتے ہوئے انہوں نے کہا کہ علی امین گنڈاپور اور بیرسٹر سیف کی بانی سے ملاقات سے متعلق غلط خبریں چل رہی ہیں۔شی...
اگر ججز اپنے احکامات پر عمل درآمد نہ کروا سکے تو بہتر ہے استعفیٰ دیکر کر گھر چلے جائیں اضلاع میں حکومت کی رٹ نہیں، انتظامیہ بلوچستان میں لا اینڈ آرڈر نہ ہونے کا اقرار کر رہی ہے قومی اسمبلی میں اپوزیشن لیڈر عمر ایوب نے الزام لگایا ہے کہ عمران خان کو عید کی نماز نہیں پڑھنے دے...
پاکستان کی خودمختاری اور عوامی حقوق کے تحفظ کے لیے ہر ممکن اقدام کریں گے صدر مملکت کا ذوالفقار علی بھٹو کی برسی پر تعزیتی پیغام، شاندار الفاظ میں خراج تحسین صدر مملکت آصف علی زرداری نے کہا ہے کہ ہم شہید ذوالفقار علی بھٹو کے مشن کو جاری رکھیں گے اور پاکستان کو اُن کے وژن کے م...
سردار اختر مینگل کی جانب سے احتجاج کے دوران 3 مطالبات رکھے گئے ہیں دھرنے میں بی این پی قیادت، سیاسی و قبائلی رہنما، لاپتا افراد کے لواحقین شریک بلوچستان کے ضلع مستونگ میں بلوچستان نیشنل پارٹی (بی این پی۔ مینگل) کی جانب سے انسانی حقوق کے کارکنوں کی حالیہ گرفتاریوں کے...
پارٹی رہنماؤں کو اسٹیبلشمنٹ سے مذاکرات کرنے کا ٹاسک دینے کے فیصلے سے لاعلمی کا اظہار عدالتیں زیرو ہو گئیں، عدلیہ ، ججز اپنی عزت کی حفاظت خود کریں گے ، قائد حزب اختلاف سینیٹ سینیٹ میں قائد حزب اختلاف اور پاکستان تحریک انصاف کے سینئر رہنما شبلی فراز نے بانی پی ٹی آئی...
ملاقات میں اداروں سے ٹکراؤ کی پالیسی پر نظرثانی پر بھی گفتگو، علی امین اور بیرسٹرسیف بانی پی ٹی آئی کو قائل کرنے میں کامیاب ،عمران خان نے دونوں رہنماؤں کو اسٹیبلشمنٹ سے مذاکرات کا ٹاسک دے دیا ڈھائی گھنٹے طویل ہونے والی اس ملاقات کا محور اسٹیبلشمنٹ سے مذاکرات تھا، علی ...
رائٹس ایکٹوسٹس کی حالیہ گرفتاریوں کے خلاف بی این پی کا احتجاج چھٹے روز میں داخل ، بلوچستان میںوائی فائی پھر بند، حکومتی وفد اور سردار اختر مینگل کے درمیان بات چیت کا کوئی نتیجہ نہیں نکلا ہمارے جائز مطالبات پر مذاکرات کے لیے کل جو حکومتی وفد آیا تھا، ان کے پاس آزادانہ ب...
جنرل سید عاصم منیر نے مغربی سرحد پر تعینات افسروں اور اہلکاروں کے ساتھ عید الفطر منائی پاک فوج کے جوانوں کا عزم اور قربانیاں پاکستان سے گہری محبت کی بھی عکاسی کرتی ہے آرمی چیف جنرل عاصم منیر نے مسلح افواج اور قانون نافذ کرنے والے اداروں کی کارکردگی کو سراہتے ہوئے کہا ہے کہ خیب...
غیر قانونی افغانوں کیخلاف سرچ آپریشن کیے جائیں گے، بائیومیٹرک ریکارڈ محفوظ رکھا جائے گا غیر افغان باشندوںکو جائیدادیں کرائے پر دینے والے شہریوں کو بھی نتائج کا سامنا کرنا پڑے گا 31 مارچ تک پاکستان چھوڑنے والے غیرقانونی افغان باشندوں کی تعداد 8 لاکھ 85 ہزار 902 ہوگئ...
وزیر اعظم آج پاور سیکٹر کے اعلیٰ سطحی اجلاس کی صدارت اور قوم سے خطاب کریں گے شہباز شریف خطاب میں قوم کو سرپرائز ، بڑی خوشخبری سنائی جائے گی، وزارت اطلاعات وزیر اعظم شہباز شریف کی جانب سے آج بجلی کی قیمتوں میں نمایاں کمی کا اعلان متوقع ہے ۔رپورٹ کے مطابق وزیر اعظم شہبازشریف ...
صدر کا بخار اور انفیکشن کم ہوگیا، ڈاکٹرز ان کی طبیعت کی مسلسل نگرانی کررہے ہیں طبیعت بہتر ہوتے ہی صدرمملکت باقاعدہ اپنا دفتر سنبھالیں گے ، ذرائع پیپلز پارٹی صدر مملکت آصف علی زرداری کی طبیعت میں کافی بہتری آگئی تاہم وہ کورونا میں مبتلا ہوگئے ہیں اور ڈاکٹروں نے انہیں...
