... loading ...
... loading ...
پاکستان کا سیاسی منظرنامہ ہی تتر بتر نہیں، سماجی دامن بھی تار تار ہے۔یہاں زندگی کو ٹی وی کی آنکھ سے دیکھا جانے لگا ہے۔ جسے مغرب میں “idiot box”کہا جاتا ہے۔ سیاسی و سماجی زندگی کی اجتماعی حرکیات میں چھائے مادی تناظر نے اقدار، غیرت، حیا، وفا، ایثار، بھرم اور قربانی کی تمام روایتوں کو خطرے میں ڈال دیا ہے۔ ہمارے بچوں کے لیے ایسی گندی، آلودہ، چھچھوری، غلیظ اور بے ہودہ مثالیں قائم کی جارہی ہیں جس کی پیروی میں بچے مذہب، تہذیب اور روایات سے مسلسل دور ہوتے جارہے ہیں۔ اجتماعی زندگی کی تمام کاوشیں ایک مصنوعی زندگی جینے میں صرف ہورہی ہیں۔ جس کے آخر میں بندگلی، تیرہ شبی اور آپادھاپی کے سوا کچھ نہیں۔ حالیہ دنوں میں عامر لیاقت نامی ایک شخص کی زندگی سوشل میڈیا اور مرکزی ذرائع ابلاغ میں زیر بحث ہے۔ توازن سے محروم، مواقع کا متلاشی، موقع پرستی کا شکار یہ شخص بدقسمتی سے ہماری قومی سیاسی و صحافتی زندگی پر مسلسل اثرانداز ہوتا ہے۔ وہ معاشرہ کیسے حیات بخش روایات کا پاسدار ہوسکتا ہے جہاں ایسے بے ہودہ شخص کو اُگال دان میں تھوک نہیں دیا جاتا۔ پچھلے چند دنوں سے اس کی تیسری شادی کا چرچا ہے۔ اس سے خلع لینی والی طوبی نامی ایک لڑکی اس کی غیر شرعی زندگی کے لیل ونہار کو جواز کے طور پر پیش کررہی ہے۔ خود کو بے خود رکھنے والے، راتوں میں بہکی بہکی زندگی گزارنے والے یہ لوگ ٹی وی اسکرینوں پر جگمگاتے ہیں۔ تہذیب، مذہب اور روایتوں کے نام پر کمزور ذہنوں اور ضعیف عقیدوں کو اپنی ”غذا“ بناتے ہیں۔ مگر اپنی عملی زندگی میں اباحیت پسندانہ زندگی شعار کرتے ہیں۔ ایسے لوگ نئی نسل کے لیے ایک خطرہ ہے۔ عامر لیاقت کی زندگی سے جڑے تما م معاملات مجہول ہیں۔ اس کا فکری نسب، تعلیمی کسب، سیاسی حسب اور پیشہ ورانہ ڈھب سب کچھ مجہول، معیوب اور مشکوک ہے۔ ایسا شخص ٹی وی اسکرین پر جگمگاتا ہے۔ مذہبی پروگراموں کی میزبانی کرتا ہے۔ ٹی وی اسکرینوں کے بھوکے علمائے کرام اس کی شرم ناک سرگرمیوں پر سرجھکائے رہتے ہیں۔ مگر اس کے پروگراموں میں جانے سے گریز نہیں کرتے۔ عامر لیاقت پر ”ڈاکٹریٹ“ کی جعلی سند کے علاوہ بھی بہت سی جعل سازیوں میں ملوث ہونے کے الزامات ہیں۔ وہ مختلف معاملات میں بھی انتہائی مشکوک قرار دیا جاتا ہے۔ اب اُس کی زندگی کے اباحیت پسندانہ ماحول کے حوالے سے خود اس کے گھر سے گواہیاں سامنے آرہی ہیں۔یہ شخص نکاح کے مقدس رشتے کو انتہائی چھچھوری سطح پر لاکر اپنی زندگی کو رنگین و سنگین سانچوں میں اس طرح ڈھال رہا ہے کہ اس کی عمومی زندگی کی بدچلنی آشکار ہوتی جاتی ہے۔ یہ شخص سیاسی زندگی میں بھی ایسی ہی اچھل کود اور الٹی سیدھی قلابازیوں کی شہرت رکھتا ہے۔ کیا ایسا شخص ہمارے سیاسی، صحافتی افق پر اس طرح ناچتا، گاتا،لہراتا، اِٹھلاتا ہوا بے مواخذہ رہنا چاہئے؟ اس کی ذاتی زندگی کی تاریکیوں سے اجتماعی زندگی پر چھانے والے مشکوک سائے سمیٹنے کی ضرورت ہے۔ ایسے شخص کو دیکھ کر ناک پر رومال رکھ کر اجتناب کرنے کی ضرورت ہے۔ اپنی زندگی کو شرعی احوال میں دیکھنے کے خواہش مندوں کو اس سے فاصلہ پید اکرنے کی ضرورت ہے۔ تاکہ ایسے بے ہودہ لوگ ہماری اجتماعی زندگی کے آئیڈئیلز کے طور پر کبھی اُبھرنے کے قابل نہ رہے۔ ہماری نئی نسل کو معلوم ہو کہ ہر چمکتی چیز سونا نہیں ہوتی۔ اُن کے حقیقی آئیڈئیلز ٹی وی جیسے “idiot box” سے نہیں اُبھرتے اور حقیقی زندگی، مصنوعی ماحول میں صرف نہیں کرنی چاہئے. (محمد طاہر)
مولانا محمد سلمان عثمانی حضرت سیدناعمربن خطاب ؓاپنی بہادری، پر کشش شخصیت اوراعلیٰ اوصاف کی بناء پر اہل عرب میں ایک نمایاں کردار تھے، آپ ؓکی فطرت میں حیا ء کا بڑا عمل دخل تھا،آپ ؓ کی ذات مبارکہ کو یہ اعزاز بھی حاصل ہے کہ نبی مکرم ﷺ خوداللہ رب العزت کی بارگاہ میں دعا مانگی تھی ”...
بھارت میں عام انتخابات کا دوسرا مرحلہ بھی اختتام کے قریب ہے، لیکن مسلمانوں کے خلاف مودی کی ہرزہ سرائی میں کمی کے بجائے اضافہ ہوتا جارہاہے اورمودی کی جماعت کی مسلمانوں سے نفرت نمایاں ہو کر سامنے آرہی ہے۔ انتخابی جلسوں، ریلیوں اور دیگر اجتماعات میں مسلمانوں کیخلاف وزارت عظمی کے امی...
مولانا زبیر احمد صدیقی رمضان المبارک کو سا ل بھر کے مہینوں میں وہی مقام حاصل ہے، جو مادی دنیا میں موسم بہار کو سال بھر کے ایام وشہور پر حاصل ہوتا ہے۔ موسم بہار میں ہلکی سی بارش یا پھو ار مردہ زمین کے احیاء، خشک لکڑیوں کی تازگی او رگرد وغبار اٹھانے والی بے آب وگیاہ سر زمین کو س...
نگران وزیر توانائی محمد علی کی زیر صدارت کابینہ توانائی کمیٹی اجلاس میں ایران سے گیس درآمد کرنے کے لیے گوادر سے ایران کی سرحد تک 80 کلو میٹر پائپ لائن تعمیر کرنے کی منظوری دے دی گئی۔ اعلامیہ کے مطابق کابینہ کمیٹی برائے توانائی نے پاکستان کے اندر گیس پائپ لائن بچھانے کی منظوری دی،...
سندھ ہائیکورٹ کے حکم پر گزشتہ روز سوشل میڈیا پلیٹ فارم ٹوئٹر جسے اب ا یکس کا نام دیاگیاہے کی سروس بحال ہوگئی ہے جس سے اس پلیٹ فارم کو روٹی کمانے کیلئے استعمال کرنے والے ہزاروں افراد نے سکون کاسانس لیاہے، پاکستان میں ہفتہ، 17 فروری 2024 سے اس سروس کو ملک گیر پابندیوں کا سامنا تھا۔...
ادارہ شماریات کی تازہ ترین رپورٹ کے مطابق جنوری میں مہنگائی میں 1.8فی صد اضافہ ہو گیا۔رپورٹ کے مطابق گزشتہ ماہ شہری علاقوں میں مہنگائی 30.2 فی صد دیہی علاقوں میں 25.7 فی صد ریکارڈ ہوئی۔ جولائی تا جنوری مہنگائی کی اوسط شرح 28.73 فی صد رہی۔ابھی مہنگائی میں اضافے کے حوالے سے ادارہ ش...
عالمی جریدے بلوم برگ نے گزشتہ روز ملک کے عام انتخابات کے حوالے سے کہا ہے کہ الیکشن کے نتائج جوبھی ہوں پاکستان کیلئے آئی ایم ایف سے گفتگو اہم ہے۔ بلوم برگ نے پاکستان میں عام انتخابات پر ایشیاء فرنٹیئر کیپیٹل کے فنڈز منیجر روچرڈ یسائی سے گفتگو کرتے ہوئے کہا کہ پاکستان کے بیرونی قرض...
علامہ سید سلیمان ندویؒآں حضرت صلی اللہ علیہ وسلم کی بعثت تعلیم او رتزکیہ کے لیے ہوئی، یعنی لوگوں کو سکھانا اور بتانا اور نہ صرف سکھانا او ربتانا، بلکہ عملاً بھی ان کو اچھی باتوں کا پابند اور بُری باتوں سے روک کے آراستہ وپیراستہ بنانا، اسی لیے آپ کی خصوصیت یہ بتائی گئی کہ (یُعَلِّ...
بلوچستان کے اضلاع پشین اور قلعہ سیف اللہ میں انتخابی امیدواروں کے دفاتر کے باہر دھماکے ہوئے ہیں جن کے سبب 26 افراد جاں بحق اور 45 افراد زخمی ہو گئے۔ تفصیلات کے مطابق بلوچستان اور خیبر پختون خوا دہشت گردوں کے حملوں کی زد میں ہیں، آج بلوچستان کے اضلاع پشین میں آزاد امیدوار ا...
مولانا محمد نجیب قاسمیشریعت اسلامیہ نے ہر شخص کو مکلف بنایا ہے کہ وہ حقوق اللہ کے ساتھ حقوق العباد یعنی بندوں کے حقوق کی مکمل طور پر ادائیگی کرے۔ دوسروں کے حقوق کی ادائیگی کے لیے قرآن وحدیث میں بہت زیادہ اہمیت، تاکید اور خاص تعلیمات وارد ہوئی ہیں۔ نیز نبی اکرم صلی اللہ علیہ وسلم،...
پاکستان میں صارفین کے حقوق کی حفاظت کا کوئی نظام کسی بھی سطح پر کام نہیں کررہا۔ گیس، بجلی، موبائل فون کمپنیاں، انٹرنیٹ کی فراہمی کے ادارے قیمتوں کا تعین کیسے کرتے ہیں اس کے لیے وضع کیے گئے فارمولوں کو پڑتال کرنے والے کیا عوامل پیش نظر رکھتے ہیں اور سرکاری معاملات کا بوجھ صارفین پ...
خبر ہے کہ سینیٹ میں عام انتخابات ملتوی کرانے کی قرارداد پر توہین عدالت کی کارروائی کے لیے دائر درخواست پر سماعت رواں ہفتے کیے جانے کا امکان ہے۔ اس درخواست کا مستقبل ابھی سے واضح ہے۔ ممکنہ طور پر درخواست پر اعتراض بھی لگایاجاسکتاہے اور اس کوبینچ میں مقرر کر کے باقاعدہ سماعت کے بعد...
