... loading ...
... loading ...
پبلک اکاؤنٹس کمیٹی نے اگلا ان کیمرہ اجلاس چھ جنوری کو طلب کرتے ہوئے نیب سے ریکوریز کی تفصیلات مانگ لیں جبکہ چیئر مین نیب نے کہا ہے کہ پارلیمنٹ سپریم ترین ادارہ ہے، اس بارے میں کسی کو کوئی ابہام نہیں ہونا چاہیے، نیب کا چار سال کا آڈٹ ہو چکا ہے، ایک دو بار جائز وجوہات کی بنیاد پر پی اے سی میں پیش نہیں ہوسکا، نیب اپنے آپ کو قانون سے بالا تر نہیں سمجھتا، میں چیئرمین نیب ہوں، مغلیہ بادشاہ نہیں ہوں،نیب احتساب کیلئے ہر وقت تیار ہے جس پر چیئر مین پی اے سی رانا تنویر حسین نے کہا ہے کہ شکر ہے کفر ٹوٹا خدا خدا کرکے، آپ پارلیمنٹ کو جواب دہ ہیں، آپ آئیں گے تو عزت ہوگی۔ منگل کو پبلک اکاؤنٹس کمیٹی کااجلاس رانا تنویر حسین کی زیر صدارت منعقد ہوا جس میں چیئرمین نیب جاوید اقبال نے بھی شرکت کی ۔ چیئر مین نیب جسٹس ریٹائرڈ جاوید اقبال نے کہاکہ نیب اپنے آپ کو قانون سے بالا تر نہیں سمجھتا، میں چیئرمین نیب ہوں، مغلیہ بادشاہ نہیں ہوں۔ انہوں نے کہا کہ پارلیمنٹ سپریم ترین ادارہ ہے، اس بارے میں کسی کو کوئی ابہام نہیں ہونا چاہیے۔ انہوں نے کہاکہ نیب کا چار سال کا آڈٹ ہو چکا ہے، ایک دو بار جائز وجوہات کی بنیاد پر پی اے سی میں پیش نہیں ہوسکا۔ چیئر مین نیب نے کہاکہ نیب احتساب کیلئے ہر وقت تیار ہے، ایک بار آنکھ کے آپریشن کی وجہ سے نہیں آسکا تھا۔ چیئر مین پی اے سی رانا تنویر حسین نے ریمارکس دیئے کہ شکر ہے کفر ٹوٹا خدا خدا کرکے، آپ پارلیمنٹ کو جواب دہ ہیں، آپ آئیں گے تو عزت ہوگی۔ رانا تنویر حسین نے کہاکہ بطور سابق جج آپ کو قانون کی زیادہ پاسداری کرنی چاہیے،ہم آپ سے زیادہ توقع رکھتے ہیں۔ نور عالم خان نے کہاکہ ہمارا کوئی ذاتی عناد نہیں، آپ شریف آدمی ہیں، ہمیں بتایا جائے سیاستدانوں اور دیگر لوگوں کے خلاف کتنے مقدمات ہیں۔ چیئر مین نے کہا کہ یہ معاملہ آج کے ایجنڈے میں شامل نہیں ہے، اگرچہ میں اس حوالے سے جواب دے سکتا ہوں۔چیئرمین پی اے سی نے اس حوالے سے الگ اجلاس بلانے کا فیصلہ کرلیا ۔اجلاس میں پی اے سی میں نیب کے آڈٹ اعتراضات کا جائزہ لیا گیا ۔ آڈٹ حکام نے بتایا کہ سال 2018ـ19 میں نیب کو 3.6 ارب روپے کی گرانٹ ملی، تاہم نیب کے اخراجات 3.9 ارب روپے تک پہنچ گئے، نیب نے 38 کروڑ 70 لاکھ روپے اضافی اخراجات کیئے۔ حکام نے بتایاکہ نیب کا کہنا ہے کہ تنخواہوں کی مد میں اضافہ اخراجات ہوئے، نیب نے آڈٹ پیرا نمٹانے کی سفارش کر دی۔ رانا تنویر حسین نے کہاکہ آپ نے آج تک کسی وزارت کی سپلیمنٹری گرانٹ نمٹانے کی سفارش نہیں کی،آپ نے نیب کی سپلیمنٹری گرانٹ ہی سیٹل کرنے کی سفارش کیوں کی؟۔چیئر مین پی اے سی نے اگلا اجلاس 6 جنوری کو طلب کرلیا ۔ انہوںنے بتایاکہ پی اے سی اجلاس ان کیمرہ ہوگا، نیب سے ریکوریز کی تفصیلات طلب کی ہیں ۔ چیئر مین نیب نے اجلاس کے دور ان بتایاکہ ملک کے درجنوں اداروں کی تنخواہیں بڑھی ہیں، بعض اداروں میں 100 فیصد سے بھی زیادہ تنخواہ بڑھی، نیب ملازمین کی تنخواہوں میں 18 سال بعد نظرثانی ہوئی، ہم نے تمام قواعد و ضوابط پر عمل درآمد کیا ہے۔چیئرمین نیب نے کہاکہ ہم نے باقاعدہ منظوری سے ملازمین کی تنخواہوں میں اضافہ کیا۔ رانا تنویر حسین نے کہاکہ چیئرمین صاحب ہم نیب کی مذمت نہیں کر رہے، ہم آپ پر کوئی الزام نہیں لگا رہے ہیں، آپ نے ضروری خرچہ کر دیا، ایک مہینے میں ریگولر کرا لیں۔ انہوںنے کہا کہ جب تک قومی اسمبلی سپلیمنٹری گرانٹ منظور نہ کرے ہم پیرا نہیں نمٹا سکتے۔ رانا تنویر حسین نے کہاکہ تنخواہوں کے اخراجات منظور کرا لیں تاکہ جان چھوٹے۔ جسٹس جاوید اقبال نے کہاکہ درجنوں اداروں کی تنخواہیں بڑھی ہیں شاید آپ ان اداروں تک نہ پہنچ سکیں۔بعد ازاں میڈیا سے گفتگو کے دور ان صحافی نے چیئر مین نیب سے سوال کیاکہ کیا حکومت کا کوئی بندہ کرپشن میں ملوث نہیں جو کوئی ریفرنس فائل نہیں کیا گیا۔ چیئرمین نیب نے صحافی کو جھاڑ پلا دی اور کہ اکہ آرام سے بات کریں، صحافی ہونے کا یہ مطلب نہیں کہ غیر ضروری شاوٹ کریں۔ چیئر مین نیب نے جواب دیا کہ آج تک کمپلینٹس کتنی آئی ہیں حکومت کے بارے میں؟ ۔ چیئر مین نیب نے کہا کہ کیا سبطین خان کیخلاف کارروائی جاری نہیں ہوئی، کیا بلین ٹری کے بارے میں کارروائی جاری نہیں ہوئی، مالم جبہ بی آر ٹی کے بارے کیا ہم نے کارروائی نہیں کی، آٹا اور گندم کا معاملہ ایف آئی اے کے پاس ہے
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
