... loading ...
... loading ...
حکومت اور کالعدم تحریک لبیک پاکستان (ٹی ایل پی) معاملے پر بنائی گئی مذاکراتی کمیٹی کے رکن مولانا بشیر فاروقی نے اہم انکشاف کیا ہے۔اپنے ایک بیان میں مولانا بشیر فاروقی نے کہا کہ آرمی چیف جنرل قمر جاوید باجوہ طاقت کے استعمال کے حق میں نہیں تھے، انہوں نے مذاکرات پر زور دیا۔مولانا بشیر فاروقی نے زور دے کر کہا کہ حکومت اور کالعدم ٹی ایل پی کے درمیان جو معاہدہ ہوا ہے، اس میں ہزار فیصد کردار آرمی چیف کا ہے۔ اُنہوں نے مزید کہا کہ آرمی چیف ایک ہزار فیصد چاہتے ہیں کہ ملک میں امن ہو، ان کا زور مذاکرات پر تھا۔ اُن کا کہنا تھا کہ الحمدللّٰہ جنرل قمر جاوید باجوہ کی برکتوں سے سارا کام ہو گیا۔ واضح رہے کہ مولانا بشیر فاروقی کالعدم تحریک لبیک سے مذاکرات کرنے کے لیے قائم کمیٹی کا حصہ تھے،اور اُنہوں نے ٹھیک معاہدے کے دوران آرمی چیف سے ایک اہم ترین ملاقات بھی کی تھی جس میں اُن کے ساتھ معروف صنعت کار عقیل کریم ڈھیڈی اور مفتی منیب الرحمان بھی شامل تھے۔ واضح رہے کہ ایک روز قبل وزیراعظم کی جانب سے یہ واضح کیا گیا تھا کہ وہ کالعدم تحریک لبیک کے موجودہ سربراہ سعد رضوی کو کسی بھی قیمت پر رہا نہیں کریں گے اور اُنہیں کوئی بلیک میل نہیں کرسکتا۔ اس سے قبل ایک اہم ترین پیش رفت میں وزیراعظم کی جانب سے کالعدم تحریک لبیک کے دھرنے کے خلاف ایک حکمت عملی ترتیب دینے کے لیے سیکورٹی کمیٹی کا اجلاس طلب کیا گیا تھا۔ اجلاس سے قبل وزیراعظم کی جانب سے وفاقی وزیرداخلہ شیخ رشید کی جانب سے کالعدم تنظیم سے ہونے والے معاہدے کو مسترد کردیا گیا تھا۔ چنانچہ ملک بھر میں ایک عمومی فضا یہ بن گئی تھی کہ وزیراعظم کالعدم تنظیم کے خلاف ایک کریک ڈاؤن کی جانب مائل ہے،اس خیال کو تقویت مختلف وزراء کے سخت بیانات سے بھی ملی۔ خود وزیر داخلہ شیخ رشید نے کالعدم تحریک لبیک کے متعلق واضح کیا کہ وہ اب نرمی نہیں دکھائیں گے۔ اس دوران میں وزیراطلاعات فواد چودھری نے کالعدم تنظیم کے خلاف بھارت سے فنڈنگ کے الزامات بھی عائد کردیے۔ جس سے واضح ہونے لگا کہ وزیراعظم کی جانب سے کالعدم تنطیم کو رعایت نہ دینے کے اعلان کا مطلب ایک سخت آپریشن ہو سکتا ہے۔ اس تناظر میں سیکورٹی کمیٹی کے اجلاس کی غیر معمولی اہمیت ہوگئی تھی۔ مگر اجلا س کے بعد باوثوق ذرائع سے واضح ہوا کہ چیف آف آرمی اسٹاف نے وزیر اعظم کو پرامن طریقے سے بحران کو حل کرنے کا مشورہ دیا ہے۔ اس پورے منظرنامے میں سیلانی ویلفیئر ٹرسٹ کے سربراہ بشیر فاروقی کی جانب سے اس بیان کے گہرے اثرات مرتب ہوسکتے ہیں۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
