... loading ...
... loading ...
پاکستان ڈیمو کریٹک موومنٹ (پی ڈی ایم ) نے ایک بار پھر انتخابی اصلاحات کیلئے مجوزہ ترامیم کو مکمل طور پر مسترد کرتے ہوئے واضح کیا ہے کہ دھاندلی کے ذریعے آنے والی حکومت کو شفاف انتخابات کیلئے فارمولا یا قانون دینے کا کوئی حق نہیں،نیب کا ادارہ ہی آمریت کی باقیات میں سے ہے ،یہ ہمیشہ مخالفین اور حزب اختلاف کے خلاف سیاسی انتقام کے طور پر استعمال ہوا ہے ،اس ادارے سے احتساب کی کوئی توقع نہیں ، ہم نئے الیکشن چاہتے ہیں ، اسمبلی کے اندر تبدیلی کی بات ہوتی تو پیپلز پارٹی کی بات مان لیتے،افغانستان اور ایران سے منسلک بارڈر کاروبار اور تجارت کیلئے فوری طورپر کھولے جائیں ، 20 اکتوبر سے پاکستان ریلیوں اور مظاہروں کا آغاز ہو جائے گا ، مہنگائی کے خلاف تحریک کی پی ڈی ایم مکمل قیادت کرے گی اور عوام کے شانہ بشانہ رہے گی، پہیہ جام ہڑتالیں ہونگی ، لانگ مارچ تک معاملات جائیں گے۔ پیر کو پی ڈی ایم کا سربراہی اجلاس مولانا فضل الرحمن کی زیر صدارت مسلم لیگ (ن) کے مرکزی سیکرٹریٹ میں منعقد ہوا جس میں سابق وزیر اعظم نوازشریف ، شہباز شریف ، اختر مینگل ویڈیو لنک کے ذریعے شریک ہوئے ۔ اجلا س کے بعد میڈیا سے گفتگو کرتے ہوئے مولانا فضل الرحمن نے بتایاکہ گزشتہ روز ہنگامی پریس کانفرنس میں اعلان کیا گیاکہ مہنگائی کیخلاف بیس اکتوبر سے پورے ملک میں مظاہرے شروع کر دیئے جائیں گے ،سربراہی اجلاس میں اس اعلان کی توثیق کی گئی ہے ۔ انہوںنے کہاکہ مہنگائی کیخلاف پورے ملک کے صوبائی اور ضلعی ہیڈ کوارٹرز میں بیس اکتوبر سے ریلیاں اور مظاہرے شروع ہو جائیں گے ۔ انہوںنے کہاکہ تمام صوبائی قیادت کو یہ ہدایات جاری کی جارہی ہیں کہ وہ آپس میں فوری طورپر رابطہ کر کے اپنے اجلاس کریں ، صوبائی سطح پر کوآر ڈینیٹرز کا تقرر کریں تاکہ ایک مضبوط اور مربوط نظام قائم کیا جائے اور پرامن اور نظم و نسق کے ساتھ مظاہروں کی نگرانی کی جاسکے ۔ انہوںنے کہاکہ اجلاس میں نیب ترمیمی آر ڈیننس کو مکمل طورپر مسترد کر دیا گیا ہے ، نیب کا ادارہ ہی آمریت کی باقیات میں سے ہے اور ہمیشہ مخالفین اور حزب اختلاف کیخلاف سیاسی انتقال کے طورپر استعمال ہوا ہے اس ادارے سے احتساب کی کوئی توقع نہیں ہے ۔ انہوںنے کہاکہ حکومت کی طرف سے انتخابی اصلاحات کیلئے مجوزہ ترامیم کو مکمل طوپر مسترد کرتے ہیں ، یہ درحقیقت آر ٹی ایس کا دوسرا نام ہے تاکہ بڑے تکنیکی وسائل سے دھاندلی کی جائے ، ووٹ چوری کئے جاہئیں ،جو حکومت خود دھاندلی کے نتیجے میں آئی ہے اس کو یہ حق نہیں پہنچتا کہ وہ ملک کو ایک آزاد انہ ، منصفانہ اور شفاف انتخابات کیلئے فارمولایا قانون دے سکے ۔ انہوںنے کہاکہ اس وقت پاکستان میں افغانستان اور ایران کے ساتھ باڈر وابستہ ہیں وہ بند کر دیئے گئے ہیں جس سے سرحد پر واقع عوام بری طرح متاثر ہو رہے ہیں، بارڈر تجارت اور کاروبار کیلئے فوراً کھول دیئے جائیں ۔انہوںنے کہاکہ بار بار بلدیاتی انتخابات کی بات ہوتی ہے ، ہمارا مطالبہ جنرل الیکشن کا ہے ، جب تک اس ملک میں صاف ، شفاف انتخابات نہیں ہوتے اور جائز حکومتیں قائم نہیں ہوتیں ،موجودہ حکمرانوں کی نگرانی میں بلدیاتی انتخابات کا کوئی جواز نہیں ہے ۔انہوںنے کہاکہ 20اکتوبر سے پاکستان میں ریلیوں اور مظاہروں کا اعلان ہو جائیگا ، کسی قیمت پر بھی اب مہنگائی کے پہاڑ کو داشت نہیں کیا جائیگا اور انشاء اللہ پی ڈی ایم عوام کے شانہ بشانہ رہے گی اور متاثرہ لوگوں کو حق دلانے کیلئے میدان میں رہے گی ۔ ایک سوال پر انہوںنے کہاکہ مظاہروں اور ریلیوں کا اعلان کر دیا ہے ،ہم نے شیڈول بنانا ہے ، پہیہ جام ہڑتالیں ہونگی اور لانگ مارچ تک معاملات جائیں گے ، جیسے جیسے صورتحال آگے بڑھتے جائے گی اس پر سٹیرنگ کمیٹی اور سربراہی اجلاس بھی ہونگے ،نئے مرحلے کیلئے قیادت کی سطح پر فیصلے ہونگے ۔ انہوںنے کہاکہ ہو سکتا ہے کہ لوگ اتنے سرگرم ہو جائیں جس مقصد کیلئے کارواں کر نا چاہتے ہیں وہ مقصد بغیر کارواں کے حاصل ہو جائے ۔آئی ایس ایس سربراہ کے تقرر کے حوالے سے جاری کشمکش کے بارے میں سوال پر جمعیت علمائے اسلام(ف) کے سربراہ نے کہا کہ پی ڈی ایم کسی سرکاری معاملات میں مداخلت نہیں کررہی اور صرف اور صرف ملک میں جمہوری اور آئینی نظام چاہتی ہے، ہماری توجہ اپنے مقصد پر مرکوز ہے اور ہم کسی دوسرے کے معاملات پر اپنی توانائیاں صرف نہیں کرنا چاہتے۔انہوںنے کہاکہ ہم نے محنت کر نی ہے ،موقعوں پر کھڑے رہنے ہیں ، ڈٹ جانا ہے اور ہمارے موقف کوئی تبدیلی نہیں آئیگی ۔ایک سوال پر انہوںنے کہاکہ ہم اپنے نظریئے پر فوکس کررہے ہیں ۔ایک سوال پر انہوںنے کہاکہ ہم نئے الیکشن چاہتے ہیں ، اسمبلی کے اندر تبدیلی کی بات ہوتی تو پیپلز پارٹی کی بات مان لیتے۔انہوں نے کہا کہ اس وقت تو حکومت کے پاس ایسا کوئی تعویز نہیں کہ وہ قیمت کم کر سکیں اور عمران خان کے اپنے فارمولے کے مطابق وہی سب سے بڑے چور نظر آرہے ہیں۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
