... loading ...
... loading ...
افغانستان میں طالبان کی پیش قدمی جاری ہے ، افغان فوج سے لڑائی میں وہ آہستہ آہستہ دارالحکومت کابل کے قریب پہنچ رہے ہیں، طالبان نے مزید دو صوبوں پکتیکا اور کنڑ کے دارالحکومتوں شاران اور اسد آباد پر کنٹرول حاصل کر لیا ہے جس کے بعد وہ ملک کے آدھے سے زیادہ صوبائی دارالحکومتوں کا کنٹرول سنبھال چکے ہیں۔ ادھر صدر اشرف غنی نے کہا ہے کہ وہ ملک میں مزید عدم استحکام، تشدد اور ہلاکتوں کی اجازت نہیں دیں گے ۔برطانوی میڈیا کے مطابق طالبان نے دو مزید صوبوں پکتیکا اور کنڑ کے دارالحکومتوں پر کنٹرول حاصل کر لیا ہے۔ پکتیکا کی صوبائی کونسل کے سربراہ نے تصدیق کی ہے کہ دارالحکومت شاران پر ہفتہ کے روز قبضہ کیا گیا تھا۔انھوں نے بتایا کہ صوبے کا محکمہ انٹیلیجنس، گورنر کا دفتر، پولیس ہیڈکوارٹر اور مقامی جیل اب طالبان کے کنٹرول میں ہیں۔ شاران ملک کے دارالحکومت کابل کے جنوب میں 200 کلومیٹر کے فاصلے پر ہے ۔اسدآباد صوبہ کنڑ کا دارالحکومت ہے اور ایک مقامی رکنِ پارلیمان نے برطانوی نشریا تی ادارے کو بتایا ہے کہ اس پر بھی طالبان نے ہفتہ کے روز قبضہ کر لیا ہے ۔ٹوئٹر پر شائع ہونے والی غیرتصدیق شدہ فوٹیج میں طالبان کا جھنڈا لہراتے افراد گلیوں سے گزرتے دکھائی دیتے ہیں،کابل کے قریب ایک شہر میدان شار میں دونوں فریقین کی لڑائی جاری ہے ۔ یہ شہر کابل سے 40 کلو میٹر کی دوری پر ہے ۔طالبان نے اب تک ملک کے نصف صوبائی دارالحکومتوں پر کنٹرول حاصل کرنے کا دعوی کیا ہے ۔دوسری طرف شمالی شہر مزار شریف میں بھی لڑائی جاری ہے جو فی الحال وہ واحد بڑا صوبائی شہر ہے جو اب بھی پوری طرح حکومت کے کنٹرول میں ہے ۔ طالبان نے جمعے اور ہفتہ کی درمیانی شب کے دوران پکتیکا اور کنہڑ صوبوں کے کئی علاقوں پر کنٹرول حاصل کرنے کا دعوی کیا تھا۔ تاہم اب تک سرکاری سطح پر اس کی تصدیق نہیں کی گئی۔افغان میڈیا کے مطابق 70 فیصد افغانستان پر طالبان نے کنٹرول حاصل کرلیا ، افغان صدر اشرف غنی کا آبائی صوبہ لوگر کا دارالحکومت پل علم بھی طالبان کے قبضے میں چلا گیا۔افغان میڈیا کا کہنا ہے کہ کابل طالبان کی پہنچ سے صرف 70 کلو میٹر دور رہ گیا ہے ، طالبان نے اب تک افغانستان کے 34 میں سے 20 صوبائی دارالحکومتوں پر کنٹرول حاصل کرلیا ہے ۔جن صوبوں پر طالبان نے قبضہ کیا ہے ان میں نمروز، جوزجان، سریل، تخار، قندوز، سمنگان، فراہ، بغلان، بدخشاں، غزنی، ہرات، بادغیس، قندھار، ہلمند، غور، اروزگان، زاہل، لوگر، پکتیکا اور کنڑ شامل ہیں۔افغان میڈیا کے مطابق کابل شہر کے قریب افغان فورسز اور طالبان کے درمیان شدید لڑائی جاری ہے ۔واضح رہے کہ افغان صدر اشرف غنی نے افغانستان کی موجودہ صورتحال کے پیش نظرعالمی برادری سے تعاون کی اپیل کرتے ہوئے کہا کہ بطور صدر میری توجہ ملک کومزید کشیدگی سے بچانا ہے ۔،افغان صدر کا کہنا تھا کہ موجودہ صورتحال میں افغان سکیورٹی اورافواج کو پھر متحرک کرنا اولین ترجیح ہے ، ہم جانتے ہیں کہ عوام کو اپنے مستقبل کی فکر ہے ، بطور صدر میری توجہ ملک کومزید کشیدگی سے بچانا ہے ،دوسری طرف امریکی محکمہ دفاع نے افغانستان میں طالبان کی تیز پیش قدمی پر سخت تشویش کا اظہار کیا ہے ۔واشنگٹن میں صحافیوں سے گفتگو کرتے ہوئے پینٹا گون کے ترجمان جان کربی نے کہا کہ طالبان کی کوشش ہے کہ کابل کو تنہا کر کے اس کو فتح کر لیں جبکہ زمینی صورتحال خطرناک ہے ۔انہوں نے اس عزم کا اعادہ کیا کہ امریکہ افغان افواج کی حمایت جاری رکھے گا جو فتح حاصل کرنے کی صلاحت رکھتی ہیں۔انہوں نے اعتراف کیا کہ جنگی فتوحات کی وجہ سے طالبان کے لڑنے کی صلاحیت میں اضافہ ہوا جس سے افغان افواج کا حوصلہ پست ہوا ہے جان کربی نے افغان قیادت اور فوج پر زور دیا کہ وہ اپنی صفوں میں اتحاد پیدا کریں تاکہ جنگ جیت سکیں۔
پیپلز پارٹی وفاق کا حصہ ہے ، آئینی عہدوں پر رہتے ہوئے بات زیادہ ذمہ داری سے کرنی چاہئے ، ہمیں پی پی پی کی قیادت کا بہت احترام ہے، اکائیوں کے پانی سمیت وسائل کی منصفانہ تقسیم پر مکمل یقین رکھتے ہیں پانی کے مسئلے پر سیاست نہیں کرنی چاہیے ، معاملات میز پر بیٹھ کر حل کرن...
وزیر خارجہ کے دورہ افغانستان میںدونوں ممالک میں تاریخی رشتوں کو مزید مضبوط بنانے پر تبادلہ خیال ، مشترکہ امن و ترقی کے عزم کا اظہار ،دو طرفہ مسائل کے حل کے لیے بات چیت جاری رکھنے پر بھی اتفاق افغان مہاجرین کو مکمل احترام کے ساتھ واپس بھیجا جائے گا، افغان مہاجرین کو ا...
دوران سماعت بانی پی ٹی آئی عمران خان ، شاہ محمود کی جیل روبکار پر حاضری لگائی گئی عدالت میں سکیورٹی کے سخت انتظامات ،پولیس کی بھاری نفری بھی تعینات کی گئی تھی 9 مئی کے 13 مقدمات میں ملزمان میں چالان کی نقول تقسیم کردی گئیں جس کے بعد عدالت نے فرد جرم عائد کرنے کے لیے تاریخ مق...
واپس جانے والے افراد کو خوراک اور صحت کی معیاری سہولتیں فراہم کی گئی ہیں 9 لاکھ 70 ہزار غیر قانونی افغان شہری پاکستان چھوڑ کر افغانستان جا چکے ہیں پاکستان میں مقیم غیر قانونی، غیر ملکی اور افغان سٹیزن کارڈ ہولڈرز کے انخلا کا عمل تیزی سے جاری ہے۔ حکومت پاکستان کی جانب سے دی گئ...
حملہ کرنے والوں کے ہاتھ میں پارٹی جھنڈے تھے وہ کینالوں کے خلاف نعرے لگا رہے تھے ٹھٹہ سے سجاول کے درمیان ایک قوم پرست جماعت کے کارکنان نے اچانک حملہ کیا، وزیر وزیر مملکت برائے مذہبی امور و بین المذاہب ہم آہنگی کھیئل داس کوہستانی کی گاڑی پر ٹھٹہ کے قریب نامعلوم افراد کی جانب سے...
کان کنی اور معدنیات کے شعبوں میں مشترکہ منصوبے شروع کرنے کا بہترین موقع ہے غیرملکی سرمایہ کاروں کو کاروبار دوست ماحول اور تمام سہولتیں فراہم کریں گے ، شہباز شریف وزیراعظم شہباز شریف نے 60 ممالک کو معدنیات کے شعبے میں سرمایہ کاری کی دعوت دے دی۔وزیراعظم شہباز شریف نے لاہور میں ...
ہتھیار طالبان کے 2021میں افغانستان پر قبضے کے بعد غائب ہوئے، طالبان نے اپنے مقامی کمانڈرز کو امریکی ہتھیاروں کا 20فیصد رکھنے کی اجازت دی، جس سے بلیک مارکیٹ میں اسلحے کی فروخت کو فروغ ملا امریکی اسلحہ اب افغانستان میں القاعدہ سے منسلک تنظیموں کے پاس بھی پہنچ چکا ہے ، ...
اسحاق ڈار افغان وزیر اعظم ملا محمد حسن اخوند ، نائب وزیر اعظم برائے اقتصادی امور ملا عبدالغنی برادر سے علیحدہ، علیحدہ ملاقاتیں کریں گے افغان وزیر خارجہ امیر خان متقی کے ساتھ وفود کی سطح پر مذاکرات بھی کریں گے ہمیں سیکیورٹی صورتحال پر تشویش ہے ، افغانستان میں سیکیورٹی...
ہم نے شہباز کو دو بار وزیراعظم بنوایا، منصوبہ واپس نہ لیا تو پی پی حکومت کے ساتھ نہیں چلے گی سندھ کے عوام نے منصوبہ مسترد کردیا، اسلام آباد والے اندھے اور بہرے ہیں، بلاول زرداری پیپلز پارٹی کے چیئرمین بلاول بھٹو زرداری نے کہا ہے کہ پانی کی تقسیم کا مسئلہ وفاق کو خطرے...
قرضوں سے جان چھڑانی ہے تو آمدن میں اضافہ کرنا ہوگا ورنہ قرضوں کے پہاڑ آئندہ بھی بڑھتے جائیں گے ایف بی آر کی ڈیجیٹائزیشن کا سفر شروع ہوچکا، یہ طویل سفر ہے ، رکاوٹیں دور کرناہونگیں، شہبازشریف کا خطاب وزیراعظم شہباز شریف نے کہا ہے کہ کھربوں روپے کے زیر التوا ٹیکس کیسز کے فوری فی...
8ماہ میں ٹیکس وصولی کا ہدف 6کھرب 14ارب 55کروڑ روپے تھا جبکہ صرف 3کھرب 11ارب 4کروڑ ہی وصول کیے جاسکے ، بورڈ آف ریونیو نے 71فیصد، ایکسائز نے 39فیصد ،سندھ ریونیو نے 51فیصد کم ٹیکس وصول کیا بورڈ آف ریونیو کا ہدف 60ارب 70 کروڑ روپے تھا مگر17ارب 43کروڑ روپے وصول کیے ، ای...
عمران خان کی تینوں بہنیں، علیمہ خانم، عظمی خان، نورین خان سمیت اپوزیشن لیڈر عمر ایوب، پنجاب اسمبلی کے اپوزیشن لیڈر ملک احمد خان بھچر،صاحبزادہ حامد رضا اورقاسم نیازی کو حراست میں لیا گیا تھا پولیس ریاست کے اہلکار کیسے اپوزیشن لیڈر کو روک سکتے ہیں، عدلیہ کو اپنی رٹ قائ...
