... loading ...
... loading ...
حکومتی جماعت کی جانب سے قومی اسمبلی میں سندھ میں گورنر راج لگانے کا مطالبہ کردیا گیا جبکہ ڈپٹی اسپیکر قومی اسمبلی نے پی اے آر سی سے ملازمین کو برطرف نہ کرنے کی رولنگ جاری کردی، ماہی گیروں پر سیکورٹی اداروں کی زیادتی کے معاملات متعلقہ قائمہ کمیٹی کے سپرد کردئیے گئے ، ایوان میں واضح کیا گیا ہے کہ لاک ڈائون کے معاملے پر سندھ حکومت وفاقی حکومت کے احکامات سے روگردانی کی جارہی ہے ۔ ایوان کو کپاس کی امدادی قیمت 5ہزار روپے فی من مقرر کرنے کی خوشخبری بھی سنا دی گئی ہے ۔ منگل کو قومی اسمبلی کا اجلاس ڈپٹی اسپیکر قاسم سوری کی صدارت میں ہوا۔ کراچی کے سخت لاک ڈائون، شمالی وزیرستان میں ٹارگٹ کلنگ، سندھ میں بدامنی، پی اے آر سی کے ملازمین کی برطرفیوں اور ماہی گیروں پر سیکورٹی اداروں کی زیادتیوں سے متعلق نکتہ اعتراضات پر حکومتوں کی توجہ دلوائی گئی۔ اجلاس شروع ہوا تو پاکستان پیپلزپارٹی کے رہنما عبدالقادر پٹیل نے کہاکہ کوسٹل بیلٹ میں جون جولائی میں ماہی گیروں کے شکار پر پابندی ہوتی ہے اور اگست میں یہ پابندی ختم ہو جاتی ہے ۔ موجودہ حکومت کے آنے کے بعد چھ ماہ کے شکار کی مدت کو کم کرکے 3ماہ کیا گیا اب ماہی گیروں پر پہاڑ توڑتے ہوئے ہفتے میں چھ دن مچھلیاں پکڑنے کی اجاز ت ہوگی سیکورٹی کے نام پر ماہی گیروں کی تزلیل کی جارہی ہے میری ٹائم سیکورٹی ایجنسی اور دیگر ادارے ماہی گیروں سے کان پکڑواتے ہیں بیٹے کوباپ کے سامنے مرغابنایا جاتا ہے 200،400کشتیوں کو ایک ساتھ سمندر میں روک کر چیکنگ کی جاتی ہے اس دوران ماہی گیروں کی برف پگل جاتی ہے ماہی گیروں کو فاقوں پر مجبور کیا جارہا ہے ۔میری ٹائم سیکورٹی ایجنسی کسٹم اور دیگرچھ اداروں کے مظالم کا ماہی گیروں کو سامنا ہے ۔ ادروں کو دیکھ کر ماہی گیروں کے سمندرمیں پسینے آجاتے ہیں ۔ بس کردیں ماہی گیروںسانس لینے دیں ۔سہولت نہیں دے سکتے تو پابندیاں تو نہ لگائیں ماہی گیروں کو زلیل کیا جارہا ہے ۔آغا رفیع اللہ نے بھی اس معاملے پر بات کی، ۔ڈپٹی اسپیکر نے معاملے کو قائمہ کمیٹی کے سپرد کردیا ۔کراچی سے رکن فہیم خان نے چھ سالہ مہان کے ساتھ زیادتی کا معاملہ اٹھایا اور درندہ صفت مجرم کو سرعام پھانسی کا مطالبہ کیا۔ پاکستان مسلم لیگ ن کے رہنما خواجہ محمد آصف نے پی اے آر سی کے ملازمین کی برطرفی کا معاملہ اٹھایا اور کہاکہ پبلک اکائونٹس کمیٹی نے رپورٹ مانگی ہے پارلیمنٹ نے نوٹس لیا ہے ۔ ادارے کی کارروائی کو روکا جائے ۔ منزہ حسن نے تصدیق کی کہ پی اے سی کو رپورٹ موصول ہوگئی ہے ۔ ریاض فتیانہ کی سربراہی میں سب کمیٹی کو بجھوائی گئی ہے ۔ ڈپٹی اسپیکر قاسم سوری نے رولنگ جاری کی کہ جب تک رپورٹ کے حوالے سے پی اے سی کوئی فیصلہ نہیں کرلیتی پی اے آر سی میں بھرتی کا اشتہار واپس لیا جائے کوئی نیا ملازم نہ لگایا جائے اور پرانوں کو نہ نکالا جائے ۔ ایم کیو ایم کے رہنما اسامہ قادری نے کراچی اندرون سندھ لاک ڈائون کی الگ الگ پالیسیوں کا معاملہ اٹھایا اور کہاکہ کراچی اقتصادی حب ہے تاجر برادری میں شدید بے چینی پائی جاتی ہے اتنے پیمانے پر کرونا سے نہیں مرے لوگ بھوک سے مرہ جائیں گے ۔ تاجر بغاوت پر آمادہ ہیں ۔ سندھ حکومت وفاق کے فیصلوں سے روگردانی کررہی ہے ۔ وفاقی حکومت کو نوٹس لینا چاہیے ۔ ویکسین کے دوران کراچی میں خواتین پر ڈنڈے برسائے جارہے ہیں۔ سید نوید قمر نے کہا کہ کراچی کے ہسپتالوں میں آکسیجن اور کرونا بیڈ ختم ہوگئے ہیں اس لئے سختی کررہے ہیں ورنہ بھارت کی طرح کراچی میں بھی لوگ آکسیجن کے ساتھ سڑکوں پر بستر لگائے نظر آئیں گے ۔ جے یو آئی کے مفتی عبدالشکور نے پشاور بم دھماکے کے بعد پارٹی رہنمائوں کیخلاف کارروائی کی مذمت کی اور کہاکہ طورخم پر زیادتیوں کیخلاف احتجاج کی پاداش میں اساتذہ کو نشانہ بنایا جارہا ہے اب قبائل پشاور میں بھی محفوظ نہیں ہیں۔ پاکستان تحریک انصاف کے رہنما عطاء اللہ خان نے کہاکہ کراچی میں ٹارگٹ کلنگ بڑھ رہی ہے جماعت اسلامی کے رہنما کے بیٹے کو شہید کیا گیا ہے ۔ اندرون سندھ بھی حالات ٹھیک نہیں ہیں۔ یہ سندھ اسمبلیوں میں مستیاں نہ کریں اپوزیشن لیڈر محفوظ نہیں ہیں۔ ان کا لیڈر تو نازک ہے ہم نے کچھ کیا تو یہ برداشت نہیں کرسکیں گے ۔ انہوں نے کہاکہ سندھ میں لوٹ مار، ڈکیتی، ٹارگٹ کلنگ کے علاوہ کچھ نہیں ہے ۔ امن کمیٹی کی سرگرمیاں مشکوک ہیں۔سندھ میں گورنر راج لگایا جائے اس کے علاوہ کوئی حل نہیں ہے ۔ محسن داوڑ نے شمالی وزیرستان میں ٹارگٹ کلنگ کے واقعات کے معاملے پر بات کی اور کہاکہ سیکورٹی چیک پوسٹوں کے قرب و جوار میں لوگوں کی ٹارگٹ کلنگ ہورہی ہے ۔ وزیر دفاع پرویز خٹک سے کہنا چاہتا ہوں کہ اس کی وزارت اور اس کے ذیلی اداروں میں سزا اورجزا کا کوئی نظام ہے کیا کوئی مقامی کمانڈر سے پوچھ سکتا ہے وزیرستان کا امن خراب کیا جارہا ہے ۔ اسلام آباد میں افغان سفیر کی بیٹی کو بلیو ایریا سے اٹھایا گیا اور ویرانے میں پھینک دیا گیا تحقیقات سوالیہ نشان ہیں۔ وزیر مملکت علی محمد خان نے کہاکہ ان معاملات پر سیاست نہ کی جائے تحقیقات ہورہی ہیں۔وزیر خوراک فخر امام نے کہاکہ اجلاس ہوگیا ہے کاٹن کی پانچ ہزار روپے فی من امدادی قیمت مقرر کی جارہی ہے پنجاب اور سندھ کپاس کی پیداوار کے اہداف حاصل نہ کرسکے ۔ اس موقع پر شکور شاد بات کرنا چاہتے تھے محسن داوڑ نے کورم کی نشاندہی کردی کورم پورا نہ ہو نے پر اجلاس جمعہ تک ملتوی کردیا گیا۔
بانی پی ٹی آئی عمران خان کی کال پر وزیراعلیٰ خیبرپختونخوا اور اپوزیشن لیڈر عمر ایوب کی قیادت میں قافلے پنجاب کی حدود میں داخل ہوگئے جس کے بعد تحریک انصاف نے حکمت عملی تبدیل کرلی ہے ۔تفصیلات کے مطابق پاکستان تحریک انصاف کے احتجاج میںپنجاب، سندھ، بلوچستان اور خیبرپختونخوا سے قافلے...
تحریک انصاف ک فیصلہ کن کال کے اعلان پر خیبر پختون خواہ ،بلوچستان اورسندھ کی طرح پنجاب میں بھی کافی ہلچل دکھائی دی۔ بلوچستان اور سندھ سے احتجاج میں شامل ہونے والے قافلوںکی خبروں میں پولیس نے لاہور میں عمرہ کرکے واپس آنے والی خواتین پر دھاوا بول دیا۔ لاہور کی نمائندگی حماد اظہر ، ...
وزیراعلیٰ خیبر پختونخوا علی امین گنڈاپور نے کہا ہے کہ وفاقی اور پنجاب حکومت جتنے بھی راستے بند کرے ہم کھولیں گے۔وزیراعلیٰ نے پشاور ٹول پلازہ پہنچنے کے بعد میڈیا سے بات چیت کرتے ہوئے کہا کہ عمران خان کی رہائی کی تحریک کا آغاز ہو گیا ہے ، عوام کا سمندر دیکھ لیں۔علی امین نے کہا کہ ...
پاکستان تحریک انصاف کے ہونے والے احتجاج کے پیش نظر وفاقی دارالحکومت اسلام آباد میں پولیس، رینجرز اور ایف سی کی بھاری نفری تعینات کر دی گئی ہے جبکہ پنجاب اور کے پی سے جڑواں شہروں کو آنے والے راستے بند کر دیے گئے ہیں اور مختلف شہروں میں خندقیں کھود کر شہر سے باہر نکلنے کے راستے بند...
سابق اسپیکر قومی اسمبلی اسد قیصر نے کہا ہے کہ ملک کو انارکی کی طرف دھکیلا گیا ہے ۔ پی ٹی آئی کارکنوں سے خطاب کرتے ہوئے اسد قیصر نے کہا کہ ہمیں 26ویں آئینی ترمیم منظور نہیں۔ انہوں نے کہا کہ بلوچستان میں حکومتی رٹ ختم ہو چکی، ہم ملک میں امن چاہتے ہیں۔ اسد قیصر نے کہا کہ افغانستان ک...
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
