... loading ...
... loading ...
قومی اسمبلی کے اجلاس میں خواتین کے قتل کے واقعات پربعض خواتین ارکان رو پڑیں ۔ نورمقدم قتل کیس سے متعلق نکتہ اعتراضات کے دوران کورم کی نشاندہی کردی گئی حکومت کو شرمندگی کا سامنا کرناپڑا کاروائی ملتوی ہوگئی ۔جمعہ کی شام اجلاس شروع ہو تو حالیہ بارشوں سے جاں بحق ہونے والوں اور غلام علی نظامانی کے لئے فاتحہ خوانی کی گئی ۔ رومینہ خورشید نکتہ اعتراض پر خواتین کے ساتھ ہونے والے واقعات کا ذکر کرتے آبدیدہ ہوگئیں انھوں نے کہا کہ چودہ ماہ کے بچے کے سامنے اس کی ماں کا ریپ کیا جاتا ہے اور پھر اسے قتل کردیا جاتا ہے ۔نور مقدم اور دیگر خواتین کے قتل کردی گئیں لیکن ان کے لیئے دعا نہیں کی گئی۔سیاسی مخالفتیں کو ایک طرف رکھ کر ان معاملات پر غور کیا جائے ۔قوانین تبدیل کیئے جائیں تاکہ مجرموں کو سزائیں مل سکیںنور مقدم کے قاتل کو بار بار میڈیا پر دکھایا جاتا ہے ۔ رومینہ خورشید کی نشاندھی پر مقتولہ خواتین کیلئے دعا کی گئی ۔ قومی اسمبلی میں خواتین کے حقوق کے بارے میں بات کرتے ہوئے اسما قدیر رونے لگ گئیں انھوں نے کہا کہ پاکستان چلانا ہے تو خواتین کو حقوق دینے ہوں گے ۔پاکستان ایسے نہیں چلنے دیں گے ۔خواتین سے ریپ کرنے والے اور قتل کرنے والے کو سرعام پھانسی دی جائے _ ایک بچی سے زیادتی کی گئی ہے اب ریپ کرنے والوں کو سرعام پھانسی دینے کے علاوہ کوئی راستہ نہیں بچا۔اسما قدیر ایوان میں خواتین اور بچوں کے ساتھ ہونے والے واقعات پر روتی رہیں۔ جماعت اسلامی کے رہنما مولانا عبدالاکبر چترالی نے کہا کہ ریپ کے واقعات ہونے کی وجوہات کا جائزہ لینا ہوگا۔ اسلامی سزاوں پر سرعام عمل کریں دیکھیں کیسے یہ واقعات نہیں رکتے ہیں۔ مولانا عبدالاکبر چترالی نے کہا کہ یہاں سے اسلامی سزاوں کے نفاذ کی بات کی جاتی ہے تو کہا جاتا اس زمانے میں بھی اسلامی سزاوں کی بات کی جاتی ہے ۔بچوں بچیوں اور خواتین کے ساتھ ریپ کے مجرمان کو سرعام پھانسی دینے کے لئے تحریک انصاف پی پی پی اور مسلم لیگ ن کی خواتین ارکان اسمبلی متحد ہوگئیں ۔خواتین ارکان اسمبلی کا متفقہ مطالبہ تھا کہ ریپ کے مجرموں کو سرعام پھانسی دینے کے سوا یہ واقعات نہیں رکیں گے ۔وزیرانسانی حقوق شیریں مزاری نے کہا کہ خواتین کے ساتھ زیادتیوں کے خلاف سزاؤں کا بل اپوزیشن بینچوں سے آیا جو پاس ہوگیاآپ کتنے بھی قوانین لے آئیں کوئی فرق نہیں پڑے گاجب تک لوگوں کی ذہنیت تبدیل نہیں ہوتی تب تک کچھ نہیں ہوگا۔نور مقدم کا خوفناک کیس تھا۔پولیس نے اس پر اچھے طریقے سے کام کیالیکن میڈیا و سوشل میڈیا پر جھوٹی خبریں چلائی گئیں۔ ہم خواتین ہیں ان کی سب کو عزت کرنی ہوگی۔سب سے پہلے میں ایک عورت ہوں اس کے بعد میں ماں اور بیٹی ہوںسب سے پہلے بچوں پر جو تشدد ہوتا ہے وہ گھر سے شروع ہوتا ہے ۔ہر جگہ ظلم و تشدد کا کوئی بہانہ نکل آتا ہے ۔قوانین بدلنے سے فرق نہیں بلکہ ذہنیت بدلنے سے فرق پڑے گا۔قانون سخت کریں اور اس پر عمل کریں لیکن ذہنیت کی تبدیلی کے بغیر کچھ نہیں ہوگا۔خواتین یہ نہ سوچیں کہ مرد ان کی حفاظت کرے گاخواتین کو اپنا تحفظ خود کرنا ہے ۔ مسلم لیگ (ن) کے رہنما خرم دستگیر نے کہا کہ تشدد یا قتل کرنے کا کوئی جواز نہیں ہے ۔ یہ بات ہمارے دین میں ہے اور آئین میں بھی ہے ۔آئین میں تمام شہریوں کے حقوق مساوی ہیں ۔قتل کی کوئی توجیہ نہیں پیش کی جاسکتی ہے جس طرح راولپنڈی میں ایک خاتون کو تشدد کا نشانہ بنایا گیا اس کے معصوم بچے کو بھی قتل کردیا گیا ہر شہری تمام بنیادی حقوق، تحفظ حق حاصل ہے ۔ انصاف ہوتا ہوا نظر آنا چاہیے ۔ہماری ثقافت میں خواتین کا ایک محترم مقام ہے ، ان کو بھی ان کا بنیادی حق حاصل ہونا چاہیے اس ایوان کے تمام ارکان چاہے وہ مرد ہو یا خاتون، ہم سب مقتولوں کے ساتھ ہیں ہم انصاف دلانے کے لئے ان کے ساتھ ہیں۔نور مقدم کیس کو ٹیسٹ کیس بنایا جائے تمام قوانین کو بروئے کار لاتے ہوئے قاتل کو سزا دلائیں ایک مثال بنائیں تاکہ صوبے بھی اس پر عمل کریں ۔ عاصمہ حدید نے کہا کہ 2016 میں صرف پنجاب میں 2000 خواتین کے ساتھ ریپ ہوا اس وقت یہ لوگ کہاں تھے ؟ اگر اس وقت کی حکومت اقدام اٹھاتی تو آج ایسی صورتحال کا سامنا نہ ہوتا۔ مشیر پارلیمانی امور ڈاکٹر بابر اعوان بولنے لگے تو مسلم لیگ ن کے رکن شیخ فیاض الدین نے کورم کی نشاندہی کرد ی کورم پورا نہ ہونے پر قومی اسمبلی اجلاس پیر پانچ بجے ملتوی کردیا گیا۔
ہتھیار طالبان کے 2021میں افغانستان پر قبضے کے بعد غائب ہوئے، طالبان نے اپنے مقامی کمانڈرز کو امریکی ہتھیاروں کا 20فیصد رکھنے کی اجازت دی، جس سے بلیک مارکیٹ میں اسلحے کی فروخت کو فروغ ملا امریکی اسلحہ اب افغانستان میں القاعدہ سے منسلک تنظیموں کے پاس بھی پہنچ چکا ہے ، ...
اسحاق ڈار افغان وزیر اعظم ملا محمد حسن اخوند ، نائب وزیر اعظم برائے اقتصادی امور ملا عبدالغنی برادر سے علیحدہ، علیحدہ ملاقاتیں کریں گے افغان وزیر خارجہ امیر خان متقی کے ساتھ وفود کی سطح پر مذاکرات بھی کریں گے ہمیں سیکیورٹی صورتحال پر تشویش ہے ، افغانستان میں سیکیورٹی...
ہم نے شہباز کو دو بار وزیراعظم بنوایا، منصوبہ واپس نہ لیا تو پی پی حکومت کے ساتھ نہیں چلے گی سندھ کے عوام نے منصوبہ مسترد کردیا، اسلام آباد والے اندھے اور بہرے ہیں، بلاول زرداری پیپلز پارٹی کے چیئرمین بلاول بھٹو زرداری نے کہا ہے کہ پانی کی تقسیم کا مسئلہ وفاق کو خطرے...
قرضوں سے جان چھڑانی ہے تو آمدن میں اضافہ کرنا ہوگا ورنہ قرضوں کے پہاڑ آئندہ بھی بڑھتے جائیں گے ایف بی آر کی ڈیجیٹائزیشن کا سفر شروع ہوچکا، یہ طویل سفر ہے ، رکاوٹیں دور کرناہونگیں، شہبازشریف کا خطاب وزیراعظم شہباز شریف نے کہا ہے کہ کھربوں روپے کے زیر التوا ٹیکس کیسز کے فوری فی...
8ماہ میں ٹیکس وصولی کا ہدف 6کھرب 14ارب 55کروڑ روپے تھا جبکہ صرف 3کھرب 11ارب 4کروڑ ہی وصول کیے جاسکے ، بورڈ آف ریونیو نے 71فیصد، ایکسائز نے 39فیصد ،سندھ ریونیو نے 51فیصد کم ٹیکس وصول کیا بورڈ آف ریونیو کا ہدف 60ارب 70 کروڑ روپے تھا مگر17ارب 43کروڑ روپے وصول کیے ، ای...
عمران خان کی تینوں بہنیں، علیمہ خانم، عظمی خان، نورین خان سمیت اپوزیشن لیڈر عمر ایوب، پنجاب اسمبلی کے اپوزیشن لیڈر ملک احمد خان بھچر،صاحبزادہ حامد رضا اورقاسم نیازی کو حراست میں لیا گیا تھا پولیس ریاست کے اہلکار کیسے اپوزیشن لیڈر کو روک سکتے ہیں، عدلیہ کو اپنی رٹ قائ...
روس نے 2003میں افغان طالبان کو دہشت گردقرار دے کر متعدد پابندیاں عائد کی تھیں 2021میں طالبان کے اقتدار کے بعد دونوں ممالک کے تعلقات میں بہتری آنا شروع ہوئی روس کی سپریم کورٹ نے طالبان پر عائد پابندی معطل کرکے دہشت گرد تنظیموں کی فہرست سے نام نکال دیا۔عالمی خبر رساں ادارے کے ...
وزیراعظم نے معیشت کی ڈیجیٹل نظام پر منتقلی کے لیے وزارتوں ، اداروں کو ٹاسک سونپ دیئے ملکی معیشت کی ڈیجیٹائزیشن کیلئے فی الفور ایک متحرک ورکنگ گروپ قائم کرنے کی بھی ہدایت حکومت نے ملکی معیشت کو مکمل طور پر ڈیجیٹائز کرنے کا فیصلہ کر لیا، اس حوالے سے وزیراعظم نے متعلقہ وزارتوں ا...
فاٹا انضمام کے پیچھے اسٹیبلشمنٹ تھی اور اس کے پیچھے بیرونی قوتیں،مائنز اینڈ منرلز کا حساس ترین معاملہ ہے ، معدنیات کے لیے وفاقی حکومت نے اتھارٹی بنانے کا فیصلہ کیا ہے ، 18ویں ترمیم پر قدغن قبول نہیں لفظ اسٹریٹیجک آنے سے سوچ لیں مالک کون ہوگا، نہریں نکالنے اور مائنز ا...
قابل ٹیکس آمدن کی حد 6لاکھ روپے سالانہ سے بڑھانے کاامکان ہے، ٹیکس سلیبز بھی تبدیل کیے جانے کی توقع ہے ،تنخواہ دار طبقے کو ریلیف دینے کے لیے تجاویز کی منظوری آئی ایم ایف سے مشروط ہوگی انکم ٹیکس ریٹرن فارم سادہ و آسان بنایا جائے گا ، ٹیکس سلیبز میں تبدیلی کی جائے گی، ب...
بانی پی ٹی آئی کی بہن علیمہ خان اور سلمان اکرم راجہ نے کہا ہے کہ عمران خان کو فیملی اور وکلا سے نہیں ملنے دیا جا رہا، جیل عملہ غیر متعلقہ افراد کو بانی سے ملاقات کیلئے بھیج کر عدالتی حکم پورا کرتا ہے ۔اسلام آباد ہائی کورٹ میں صحافیوں سے گفتگو کرتے ہوئے عمران خان کی بہن...
پنجاب، جہلم چناب زون کو اپنا پانی دینے کے بجائے دریا سندھ کا پانی دے رہا ہے ٹی پی لنک کینال کو بند کیا جائے ، سندھ میں پانی کی شدید کمی ہے ، وزیر آبپاشی جام خان شورو سندھ حکومت کے اعتراضات کے باوجود ٹی پی لنک کینال سے پانی اٹھانے کا سلسلہ بڑھا دیا گیا، اس سلسلے میں ...
