... loading ...
... loading ...
بھارتی پارلیمان کے مون سون اجلاس کو زبردست ہنگامہ آرائی کے سبب ملتوی کرنا پڑ گیا۔ کووڈ کی وجہ سے یہ اجلاس پہلے ہی کافی تاخیر سے ہو رہا تھا۔وزیر اعظم نریندر مودی اپنے نئے وزرا کا تعارف بھی نہ کرا سکے ۔ بھارتی میڈیا کے مطابق پارلیمان کا مون سون اجلاس 19 جولائی پیر کی صبح جیسے ہی شروع ہوا تو حزب اختلاف کی جماعتوں نے متنازعہ زرعی قوانین اور بڑھتی ہوئی مہنگائی، خاص طور پر پیٹرول اور ڈیزل کی قیمتوں کے سوال، پر حکومت کو آڑے ہاتھوں لیا اور حکومت کی پالیسیوں پر شدید نکتہ چینی شروع کر دی۔ اجلاس کی ابتدا میں وزیر اعظم نریندر مودی نے اپنی کابینہ کے نئے وزرا کا تعارف کروانا شروع کیا تاہم حزب اختلاف کے ارکان نے ان کی ایک بھی نہ سنی اور اس طرح ہنگامہ آرائی جاری رہی۔ تھوڑی دیر بعد ہی اجلاس چند گھنٹوں کے لیے ملتوی کرنا پڑا جس کے لیے وزیر دفاع راج ناتھ سنگھ نے کانگریس پارٹی پر شدید نکتہ چینی کی۔ان کا کہنا تھا،پارلیمانی اصول و ضوابط کی پاسداری رکھتے ہوئے صحت مند روایات قائم ہوئی ہیں۔ میں نے اپنے 24 سالہ کیریئر میں کبھی بھی اس طرح کی بات نہیں دیکھی ہے کہ وزیر اعظم کو اپنے وزرا کا تعارف تک کرنے کی اجازت نہ دی جائے ۔ یہ بہت ہی افسوس ناک اور غیر صحت مند واقعہ ہے ۔”حزب اختلاف سے تعلق رکھنے والے کئی ارکان نے پارلیمان میں اپنے ہاتھوں میں بینر اٹھا رکھے تھے اور پیٹرول اور ڈیزل کی بڑھتی ہوئی قیمتوں کے خلاف نعرے بازی کر رہے تھے ۔ بعض دیگر ارکان کسانوں کے مسائل اور متنازعہ زرعی قوانین کے خلف آواز بلند کر رہے تھے ۔ممتنا بنرجی کی جماعت ترنمول کانگریس کے متعدد ارکان پیٹرول اور ڈیزل کی بڑھتی قیمتوں کے خلاف بطور احتجاج پارلیمان سائیکلوں پر سوا ہو کر پہنچے ۔ دلی میں پیر کے روز مسلسل بارش ہو رہی تھی اور یہ اپنی نوعیت کا انوکھا احتجاج تھا۔ یہ تمام ارکان ایوان کے ایک دوسرے دروازے پر وزیر اعظم مودی کے خلاف نعرے بازی کر رہے تھے ۔بھارت میں آج کل پیٹرول، ڈیزل اور سوئی گیس کے قیمتیں شاید دنیا میں سب سے زیادہ مہنگی ہیں۔ ارکان پارلیمان کا کہنا تھا کہ مودی حکومت کو اس کا جواب دینا ہوگا کہ آخر ضروری اشیا کی قیمتیں اتنی زیادہ کیوں ہو گئی ہیں۔ ان کا نعرہ تھا، “نریندر مودی جواب دو” اور “جواب تو تم کو دینا ہی ہو گا۔”اس سے قبل وزیر اعظم نریندر مودی نے کہا تھا کہ انہیں امید ہے کہ ایوان میں تمام مسائل پر سیر حاصل بحث ہو گی۔ ان کا کہنا تھا کہ اپوزیشن کو سخت سوال پوچھنے کا حق ہے تاہم حکومت کو بھی جواب دینے کا موقع دیا جانا چاہیے ۔مون سون اجلاس تقریبا ایک ماہ تک جاری رہے گا، جس کے دوران حکومت بہت سے نئے قوانین منظور کرنے کا ارادہ رکھتی ہے جبکہ اپوزیشن جماعتوں کا کورونا وائرس کی وبا پر قابو پانے میں حکومت کی ناکامیوں اور مہنگائی سمیت دیگر مسائل پر حکومت کو گھیرنے کا منصوبہ ہے ۔نریندر مودی کی حکومت اس اجلاس کے دوران تقریبا 31 بل پیش کرنے کا منصوبہ رکھتی ہے جن میں سے چھ وہ آرڈیننس ہیں جو بجٹ اجلاس کے بعد منظور کیے گئے تھے جبکہ دو کا تعلق مالیاتی امور سے ہے ۔لیکن اس اجلاس کے ہنگامہ خیز ہونے کی توقع ہے کیونکہ اس میں کسانوں کے احتجاج مظاہرے ، متنازعہ زرعی قوانین اور مہنگائی سمیت متعدد موضوعات پر شدید بحث کا امکان ہے ۔ بھارت میں کورونا وائرس کی لہر کافی خطرناک ثابت ہوئی جس کے دوران دو لاکھ سے زیادہ افراد ہلاک ہو چکے ہیں اور حزب اختلاف کی جماعتیں اس حوالے سے حکومت کی ناکامیوں کو واضع کرنے کی کوشش کریں گے ۔ سب سے زیادہ ہنگامہ گزشتہ روز آنے والی اس رپورٹ کے حوالے سے ہونے کی توقع ہے جس میں مبینہ طور پر کہا گیا ہے کہ مودی حکومت نے ایک اسرائیلی کمپنی کی مدد سے ملک کے معروف صحافیوں، دانشوروں اور ججوں سمیت ملک کی تین سو سے سو زیادہ سرکردہ شخصیات کی جاسوس کی ہے ۔کانگریس پارٹی کے رہنما راہول گاندھی کا کہنا ہے کہ اجلاس شروع ہوتے ہیں اس مسئلے پر حکومت سے سوال کیا جائے گا اور اور پوچھا جائے گا کہ جو حکومت عوام کے حقوق رازداری کی بات کرتی رہی ہے ، آخر اسی کو اپنے ہی شہریوں اور ججوں کی جاسوسی کی ضرورت کیوں آن پڑی ۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
