... loading ...
... loading ...
منقسم اپوزیشن کی موجودگی میں قومی اسمبلی کا ہنگامہ خیز بجٹ سیشن شروع ہوگیا، سانحہ گھوٹکی کے حوالے سے قاتلو، جواب دو، خون کا حساب دو، گو نیازی گو، کے نعرے لگ گئے ، دونوں بڑی اپوزیشن جماعتوں کے رہنمائوں بلاول بھٹو زرداری اور احسن اقبال کے درمیان تلخ کلامی ہوگئی، کورم کے معاملے پر اپوزیشن کو شرمندگی کا سامنا کرنا پڑا، حکومت قانون سازی میں کامیاب رہی، سانحہ گھوٹکی کے حوالے سے وزیراعظم عمران خان کے استعفے کا مطالبہ کردیا گیا ہے ۔ پیر کو قومی اسمبلی کا اجلاس شروع ہوا تو پاکستان پیپلزپارٹی کے چیئرمین بلاول بھٹو زرداری نے مطالبہ کیا کہ معمول کا ایجنڈا معطل کرکے سانحہ گھوٹکی پر بحث کی جائے ، عمران خان خود سابقہ حکومتوں سے اس قسم کے سانحات پر استعفوں کا مطالبہ کرتے تھے ۔ وزیراعظم کا استعفیٰ کہاں ہے ، وزیر ریلوے کا استعفیٰ کہاں ہے ، غیر جانبدار تحقیقات کرائی جائیں۔ پاکستان مسلم لیگ ن کے رہنما احسن اقبال نے ڈپٹی اسپیکر کو مخاطب کرتے ہوئے کہاکہ پہلا حق اپوزیشن کی بڑی جماعت کا ہے مگر ہمیں بولنے کے حوالے سے نظر انداز کیا جارہا ہے میرا قد 6فٹ 6انچ ہے کیا میں نظر نہیں آرہا۔ ایم ایم اے کے رہنما مولانا اسعد محمود نے بھی سانحہ گھوٹکی پر بحث اور آزادانہ تحقیقات کا مطالبہ کیا۔ وزیر انفارمیشن ٹیکنالوجی امین الحق نے سانحہ گھوٹکی پر افسوس کا اظہار کرتے ہوئے کہاکہ کراچی میں لشکر کشی کا سلسلہ جاری ہے ایک ہائوسنگ سوسائٹی کو نشانہ بنایا گیا۔ جئے سندھ کے نعرے لگے ، سینکڑوں لوگ جدید اسلحہ سے لیس تھے ۔ پاکستان کے خلاف نعرے لگائے گئے ، پولیس خاموش تماشائی بنی رہی۔ پولیس کس کے ماتحت ہے سندھ حکومت جواب دے ۔ ان نکتہ اعتراضات کے بعد ڈپٹی اسپیکر نے ایجنڈے کے مطابق کارروائی شروع کی تو اپوزیشن جماعتوں کے ارکان نے ان کا گھیرائو کرلیا۔بے ضمیروں جواب دو ، خون کا حساب دو، استعفیٰ دو استعفیٰ دو، قاتلوں جواب دو، گو نیازی گو، ہم نہیں مانتے ظلم کے ضابطے اور دیگر نعرے لگانے شروع کردئیے ۔ فلور وزیر اطلاعات و نشریات فواد چوہدری کو دیدیا گیا ۔ فواد چوہدری نے سانحہ گھوٹکی پر ابتدائی رپورٹ پیش کی اور کہاکہ آزادانہ تحقیقات کے نتیجہ میں ذمہ دار سرکاری افسران کا تعین کیا جائے گا۔ انہوں نے ان واقعات کی ذمہ داری سابقہ حکومتوں پر ڈال دی جس پر ایوان میں شدید ہنگامہ شروع ہوگیا۔ اپوزیشن نے وزیر اطلاعات کو تقریر نہ کرنے دی۔ شور شرابے اور ہنگامہ آرائی میں فواد چوہدری نے تقریر جاری رکھی اور کہاکہ اداروں کی تباہی کی وجہ سے یہ سانحات ہورہے ہیں، چاچے ، مامے لگائے گئے ذاتی مفاد کیلئے اداروں کو استعمال کیا گیا۔ اس دوران مسلم لیگ ن کے جاوید حسین نے کورم کی نشاندہی کردی۔ جنوبی پنجاب اور بلوچستان عوامی پارٹی کے بعض ارکان بھی ایوان سے باہر چلے گئے تاہم کورم پورا نکلا کارروائی کے مطابق ایجنڈے کو آگے بڑھایا گیا۔ کراچی اور حیدر آباد میں کاروباری برادری پر کووڈ 19 کے اثرات کے حوالے سے ایم کیو ایم کے ارکان نے توجہ دلائو نوٹس پیش کیا۔ انجینئر صابر حسین نے کہاکہ خاطر خواہ اقدامات نہیں کیے گئے اپوزیشن کے شور شرابے کی وجہ سے پارلیمانی سیکرٹری کنول شوزف کا بیان سنائی نہ دیا۔ اسامہ قادری نے کہاکہ ہائوسنگ سوسائٹی پر لشکر کشی کے دوران کراچی میں جدید اسلحہ بردار دندناتے پھرتے رہے پاکستان کے خلاف نعرے لگائے گئے ۔ اقبال محمد علی خان نے کہا کہ کسی نے نوٹس نہیں لیا۔ ایم کیو ایم کے ارکان نے دھمکی دی۔ کراچی میں راستے روک دئیے جائیں گے ۔ ہماری بات نہ سنی تو ہم ایسی نشستوں کو لات مار دیں گے ۔ مستعفی ہو جائیں گے ۔ حکومت کی جانب سے کوئی واضح جواب نہ آسکا۔ اپوزیشن سانحہ گوٹھکی پر بحث کا مطالبہ کرتی رہی۔ اس دوران مشیر پارلیمانی امور نے انتخابی دوسرا ترمیمی آرڈیننس 2021پیش کردیا۔ وزیر قانون فروغ نسیم نے والدین کے تحفظ کا آرڈیننس پیش کی۔ وزیر انسانی حقوق شیریں مزاری نے فوجداری قوانین میں ترمیمی بل پیش کیا۔ تحفظ صحت کی اتھارٹی کا بل بھی پیش کردیا گیا۔ وزیر تعلیم شفقت محمود نے اسلام آباد یونیورسٹی کے قیام کا بل پیش کیا جسے اپوزیشن کی شدید مخالفت کے باوجود منظور کرلیا گیا۔ سید نوید قمر نے کہاکہ سانحہ گھوٹکی پر سیاست کی جاریہ ہے خدارا آج کسی یونیورسٹی کے بل کو رہنے دیں۔ گھوٹکی میں لوگ خود آلود ہیں تاہم ڈپٹی اسپیکر نے کارروائی جاری رکھی۔ نجکاری کمیشن کا بل بھی منظور کرلیا گیا۔ ضروری قانون سازی کے بعد ڈپٹی اسپیکر نے فلور ایک بار پھر بلاول بھٹو زرداری کو دیدیا جس پر احسن اقبال سیخ پا ہوگئے اور کہاکہ چند ہی لمحوں بعد دوسری بار کیوں فلور دیا گیا جس پر بلاول بھٹو زرداری نے اپنی تقریر کے آغاز میں احسن اقبال کو کاغذی عہدیدار قراردیدیا۔ یہ کاغذی عہدیدار کون ہوتا ہے مجھ پر بات کرنے والا۔ انہوں نے سانحہ گھوٹکی کے حوالے سے وزیراعظم عمران خان، وزیر ریلوے کے استعفوں کا مطالبہ کیا۔ فواد چوہدری نے گھوٹکی کے سانحہ کا خون اپوزیشن جماعتوں کی سابقہ حکومتوں کو قراردیدیا اور کہاکہ یہ خون اس طرف بیٹھے ان لوگوں کے ہاتھوں پر ہے ۔ وزیر مواصلات مراد سعید کو بلاول بھٹو کی تقریر کا جواب دینے کیلئے فلور دیا گیا انہوں نے بلاول کو پرچی چیئرمین قرار دیا تو اپوزیشن کے سخت ریمارکس اور نعروں کا سامنا کرنا پڑ گیا۔ آغا رفیع اللہ نے مراد سعید کی طرف اشارہ کرتے ہوئے چاچو جواد چاچوجواد واشل واشل کے نعرے لگائے ۔ مراد سعید کو گفتگو کرنا مشکل ہوگیا۔ ڈپٹی اسپیکر نے ایجنڈے کی دیگر کارروائی آگے بڑھائی۔ پیپلزپارٹی کے چیئرمین بلاول بھٹو زرداری نے یہ بھی بتایا کہ گزشتہ ماہ ڈی ایس سکھر ریلوے نے سب کمیٹی کے سامنے 13 خطرناک ٹریکس کی نشاندہی کردی تھی اور واضح کیا کہ مرمت نہ کی گئی تو کوئی بھی حادثہ ہوسکتا ہے جس کی ذمہ دار حکومت اور وزیر ریلوے ہوں گے ۔ غریبوں کے سفر کی بات ہے اسے محفوظ بنانا ہے ۔
ہم نے امریکی سفارتخانے کی طرف مارچ کا کہا تھا، حکمرانوںنے اسلام آباد بند کیا ہے ، ہم کسی بندوق اور گولی سے ڈرنے والے نہیں ، یہ ہمارا راستہ نہیں روک سکتے تھے مگر ہم پولیس والوں کے ساتھ تصادم نہیں کرنا چاہتے حکمران سوئے ہوئے ہیں مگر امت سوئی ہوئی نہیں ہے ، اسرائیلی وح...
پانی کی تقسیم ارسا طے کرتا ہے ، کینالز کا معاملہ تکنیکی ہے ، اسے تکنیکی بنیاد پر ہی دیکھنا چاہیے ، نئی نہریں نکالی جائیں گی تو اس کے لیے پانی کہاں سے آئے گا ، ہم اپنے اپنے موقف کے ساتھ کھڑے ہیں(پیپلزپارٹی) ارسا میں پانی کی تقسیم کا معاملہ طے ہے جس پر سب کا اتفاق ہے ،...
نیشنل کمپیوٹر ایمرجنسی رسپانس کا جی میل اور مائیکروسافٹ 365پر 2ایف اے بائی پاس حملے کا الرٹ رواں سال 2025میں ایس وی جی فشنگ حملوں میں 1800فیصد اضافہ ، حساس ڈیٹا لیک کا خدشہ جعلی لاگ ان صفحات کے ذریعے صارفین کی تفصیلات اور او ٹی پی چوری کرنے کا انکشاف ہوا ہے ۔نیشنل ک...
خالص آمدنی میں سے سود کی مد میں 8 ہزار 106 ارب روپے کی ادائیگی کرنا ہوگی وفاقی حکومت کی مجموعی آمدن کا تخمینہ 19 ہزار 111 ارب روپے لگایا گیا ، ذرائع وزارت خزانہ نے یکم جولائی سے شروع ہونے والے آئندہ مالی سال 26-2025 کے لیے وفاقی بجٹ خسارے کا تخمینہ 7 ہزار 222 ارب...
حکومت پولیو کے انسداد کے لیے ایک جامع اور مربوط حکمت عملی پر عمل پیرا ہے وزیراعظم نے بچوں کو پولیو کے قطرے پلا کر 7روزہ انسداد پولیو کا آغاز کر دیا وزیراعظم شہباز شریف نے ملک سے پولیو کے مکمل خاتمے کے عزم کااظہار کرتے ہوئے کہا ہے کہ حکومت پولیو کے انسداد کے لیے ایک...
سندھ کے پانی پر قبضہ کرنے کے لیے مشترکہ مفادات کونسل کا اجلاس ہی نہیں بلایا گیا پاکستان میں استحکام نہیں ،قانون کی حکمرانی نہیں تو ہارڈ اسٹیٹ کیسے بنے گی؟عمرایوب قومی اسمبلی میں قائد حزب اختلاف اور پاکستان تحریک انصاف (پی ٹی آئی) کے رہنما عمر ایوب نے حکومتی اتحاد پر...
پیپلز پارٹی وفاق کا حصہ ہے ، آئینی عہدوں پر رہتے ہوئے بات زیادہ ذمہ داری سے کرنی چاہئے ، ہمیں پی پی پی کی قیادت کا بہت احترام ہے، اکائیوں کے پانی سمیت وسائل کی منصفانہ تقسیم پر مکمل یقین رکھتے ہیں پانی کے مسئلے پر سیاست نہیں کرنی چاہیے ، معاملات میز پر بیٹھ کر حل کرن...
وزیر خارجہ کے دورہ افغانستان میںدونوں ممالک میں تاریخی رشتوں کو مزید مضبوط بنانے پر تبادلہ خیال ، مشترکہ امن و ترقی کے عزم کا اظہار ،دو طرفہ مسائل کے حل کے لیے بات چیت جاری رکھنے پر بھی اتفاق افغان مہاجرین کو مکمل احترام کے ساتھ واپس بھیجا جائے گا، افغان مہاجرین کو ا...
دوران سماعت بانی پی ٹی آئی عمران خان ، شاہ محمود کی جیل روبکار پر حاضری لگائی گئی عدالت میں سکیورٹی کے سخت انتظامات ،پولیس کی بھاری نفری بھی تعینات کی گئی تھی 9 مئی کے 13 مقدمات میں ملزمان میں چالان کی نقول تقسیم کردی گئیں جس کے بعد عدالت نے فرد جرم عائد کرنے کے لیے تاریخ مق...
واپس جانے والے افراد کو خوراک اور صحت کی معیاری سہولتیں فراہم کی گئی ہیں 9 لاکھ 70 ہزار غیر قانونی افغان شہری پاکستان چھوڑ کر افغانستان جا چکے ہیں پاکستان میں مقیم غیر قانونی، غیر ملکی اور افغان سٹیزن کارڈ ہولڈرز کے انخلا کا عمل تیزی سے جاری ہے۔ حکومت پاکستان کی جانب سے دی گئ...
حملہ کرنے والوں کے ہاتھ میں پارٹی جھنڈے تھے وہ کینالوں کے خلاف نعرے لگا رہے تھے ٹھٹہ سے سجاول کے درمیان ایک قوم پرست جماعت کے کارکنان نے اچانک حملہ کیا، وزیر وزیر مملکت برائے مذہبی امور و بین المذاہب ہم آہنگی کھیئل داس کوہستانی کی گاڑی پر ٹھٹہ کے قریب نامعلوم افراد کی جانب سے...
کان کنی اور معدنیات کے شعبوں میں مشترکہ منصوبے شروع کرنے کا بہترین موقع ہے غیرملکی سرمایہ کاروں کو کاروبار دوست ماحول اور تمام سہولتیں فراہم کریں گے ، شہباز شریف وزیراعظم شہباز شریف نے 60 ممالک کو معدنیات کے شعبے میں سرمایہ کاری کی دعوت دے دی۔وزیراعظم شہباز شریف نے لاہور میں ...
