... loading ...
... loading ...
سندھ اسمبلی کا اجلاس پیر کواسپیکر آغا سراج درانی کی صدارت میں سوا گھنٹہ تاخیر سے شروع ہوا اورکرونا وائرس کی تیسری لہرنے سندھ اسمبلی کے اجلاس کوبھی متاثر کرنا شروع کردیا ہے ۔ایوان کی کارروائی کے آغاز میں اسپیکر آغا سراج درانی نے ایوان کو مطلع کیا کہ کرونا کی بگڑتی صورتحال کے پیش نظر اب سندھ اسمبلی کے اجلاس میں 20 فیصد اراکین کو بلانے اور ان کی اجلاس میں شرکت کا فیصلہ کیا گیا ہے ۔اسپیکر نے کہا کہ 20 فیصد اراکین کی شرکت کا فیصلہ تمام پارلیمانی جماعتوں کے مشاورت کے بعد کیا گیا ہے ۔اسپیکر آغا سراج درانی نے گیلری میں موجود افراد کو باہر نکلنے جانے کا حکم دیا اور کہا کہ ایوان میں صرف محکمہ فنانس کے افسران کو بیٹھے رہنے کی اجازت ہوگی، اسپیکر نے کہا کہ یہ برا وقت ختم ہوجائے گا ایس او پیز پرسختی سے عمل کریں گے ۔ایوان کی کارروائی کے دوران اسپیکر کی جانب سے اعلان کیا گیا کہ سندھ اسمبلی کا اجلاس 5 روز کے لئے پری بجٹ پر بحث کے لئے مختص کردیا گیا ہے ۔ایوان میں پری بجٹ بحث کا آغاز ہوگیا جس میں اپوزیشن کے دو اور ایک سرکاری رکن نے حصہ لیا۔پی ٹی آئی کے رکن سندھ اسمبلی ارسلان تاج نے بحث کا آغاز کرتے ہوئے اپنے خطاب میں کہا کہ سندھ اپنے مالی اہداف حاصل کرنے میں ایک بار پھر ناکام رہا۔مراد علی شاہ دس سال سے صوبائی وزیر خزانہ ہیں مگران کی کارکردگی صفر ہے ۔انہوں نے کہا کہ مراد علی شاہ کی کارکردگی صرف اومنی گروپ کیلئے ہے ۔مراد علی شاہ کو پی ڈی ایم کے جلسوں میں کرونا نظر نہیں آیا۔وزیر اعلیٰ نے کرونا پر دوہرا معیار اختیا کیا۔ان کے لاک ڈاؤن کا فائدہ پولیس اور بیوروکریسی اٹھا رہے ہیں۔ارسلان تاج نے کہا کہ آج تک لوگ بیس لاکھ راشن کے تھیلے ڈھونڈ رہے ہیں۔ایک وزیر الیکشن کا خرچہ تو کیا شادی کا خرچہ بھی اٹھاتا ہے ۔انہوں نے سینیٹ کی خریدو فروخت کیلئے بھی بجٹ مختص کیا تھا اس کا بوجھ بھی اسی وزیر پرہے ۔2011 میں بجٹ کا 80 فیصد بابوں پر لگتا تھا اب وہ بڑھ کہ 88 فیصد ہو گیا ہے ۔ان کا سیکریٹری خزانہ نیب میں اپنا جرم قبول کر چکا ہے ۔قوم کا پیسہ چوری کر کے ان کے سیکریٹری نے واپس بھی کیا۔اسکول ہسپتال ایمپولنس جب سب نجی اداروں نے چلانا ہے تو یہ بابو کیا کرتے ہیں ؟ان سے حکومت نہیں چلتی تو حکومت کو بھی نجی ادارے کو دے دیں۔تحریک انصاف کے رکن اسمبلی عدیل احمدنے اپنی تقریر میں کہا کہ سندھ حکومت ایک تسلسل سے چلتی آرہی ہے ۔لیکن عوام کیلیے کچھ نہیں کیا۔پیپلز پارٹی کے رکن ذوالفقار شاہ نے اپنے خطاب میں کہا کہ میر پور خاص میں کافی اسکیمیں دی گئی ہیں۔سندھڑی کے لوگوں کا درینہ مطالبہ ہے ۔سندھ نالہ دیا جائے ۔این آئی سی وی ڈی بھی دیا جائے ۔انہوں نے کہا کہ میر پور خاص میں 12, 12 گھنٹے بجلی کی لوڈ شیڈنگ ہے ۔انہوں نے پی ٹی آئی حکومت پر تنقید کرتے ہوئے کہا کہ تھر پارکر ،ملیر میں ضمنی انتخاب میں ان کو طمانچہ مارا ہے ۔آئندہ انتخابات میں لوگ ان کو ٹماٹر ماریں گے ۔بعدازاں سندھ اسمبلی کا اجلاس منگل کی دوپہر دو بجے تک ملتوی کردیا گیا۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
