... loading ...
... loading ...
ریونیو اور ٹیکس نیٹ میں اضافے کے لیے کوشاں ایف بی آر کے پالیسی کے باعث رواں مالی سال کے دوران پاکستان میں سگریٹ نوشی کی شرح میں کمی کی بجائے 71 فیصد اضافہ جبکہ ریونیو میں 40 ارب روپے سے زائد کمی کا انکشاف ہوا ہے۔جولائی تا نومبر کے دوران سگریٹ کی پیداوار 71 فیصد اضافے سے 19 ارب 66 کروڑسگریٹ ریکارڈ کی گئی۔ سگریٹ پیک کی قیمت میں اضافے کے ذریعے 25 لاکھ نوجوانوں کو سگریٹ نوشی سے محفوظ، 6 لاکھ 50 ہزار سالانہ اموات میں کمی، ریونیو میں ساڑھے 39 ارب روپے کا اضافہ اور غیر قانونی فروخت روکنے کے اہداف حاصل نہیں ہوسکے۔وزارت نینشل ہیلتھ ریگولیشن نے چئیرمین ایف بی آر کو خط لکھتے ہوئے عوام کی جانوں کا تحفظ اور اموات میں کمی کے لیے فنانس ایکٹ 2017 کے ذریعے نافذ کیا گیا فیڈرل ایکسائز ڈیوٹی میں کمی کا تیسرا سلیب فوری طور پر ختم کرنے کی سفارش کر دی ہے۔
وزارت نیشنل ہیلتھ ریگولیشن نے سگریٹ نوشی میں کمی اور عوام کی صحت کو محفوظ بنانے کے لیے سگریٹ کا پیک 44 روپے مہنگا کرنے کی سفارش کی تھی۔ تاہم بااثر شخصیات کی مخالفت کے باعث سفارش پر عمل کرنے کی بجائے سگریٹ مزید سستے کیے گئے۔ سیکرٹری وزارت نینشل ہیلتھ ریگولیشن نوید کامران بلوچ کی جانب سے چیئرمین ایف بی آر کو لکھے گئے خط کی کاپی کے مطابق پاکستان میں سگریٹ نوشی کے باعث سالانہ 6 لاکھ 50 ہزار افراد موت کے منہ میں چلے جاتے ہیں۔
عالمی ادارہ صحت نے سگریٹ نوشی کے باعث اموات اور علاج معالجے پر عوام کی بھاری رقم خرچ ہونے کے باعث سگریٹ نوشی میں کمی کے لیے متعدد اقدامات تجویز کیے تھے جن میں سگریٹ کی قیمت میں اضافہ کرکے عوام کو سگریٹ سے دور اور نوجوان نسل کو محفوظ رکھنے کی حکمت عملی اپنانے کا مشورہ دیا گیا تھا۔ عالمی ادارہ صحت کے سٹڈی کے مطابق ٹوبیکو کی قیمت میں 10 فیصد اضافے سے کم اور درمیانی آمدن کے حامل افراد میں 8 فیصد تک سگریٹ نوشی میں کمی لائی جاسکتی ہے۔
وزارت نیشنل ہیلتھ ریگولیشن نے عوامی صحت کے پیش نظر ایف بی آر کو 2018-2017 کے بجٹ سے قبل سفارش کی تھی کہ 20 سگریٹ کے پیک کی قیمت میں 44 روپے تک اضافہ کیا جائے۔ یہ سفارش ورلڈ بنک،ایف بی آر، یونیورسٹی آف ٹورنٹو کی پاکستان میں مشترکہ سٹڈی کے بعد کی گئی تھی۔ اس اقدام کے نتیجے میں پاکستان میں 13 اعشاریہ 2 فیصد سگریٹ نوشی میں کمی جبکہ ریونیو میں 39 ارب 50 کروڑ روپے اضافہ ہونا تھا۔ 25 لاکھ 50 ہزار نوجوان سگریٹ نوشی سے محفوظ ہوجاتے مگر حیران کن طور پر ایف بی آر نے دنیا کے دیگر ممالک کے مقابلے میں پاکستان میں سگریٹ کے پیکٹ پر فیڈرل ایکسائز ڈیوٹی کا تیسرا سلیب متعارف کروا کر ایک پیک کی قیمت 16روپے کم کردی۔ یہ اقدام نان ڈیوٹی سگریٹ کی فروخت روکنے کے لیے متعارف کروایا گیا تھا جس کے ذریعے ریونیو میں بھی اضافہ کی امید دلائی گئی تھی مگر نتائج اس کے برعکس رہے۔جولائی تا نومبر 2017 ایف بی آر کا ریونیو گیارہ فیصد اضافے سے 20 ارب 40 کروڑ روپے سے بڑھ کر 22 ارب 62کروڑ روپے ہوا جبکہ سٹیٹ بنک آف پاکستان کی رپورٹ کے مطابق مقامی سگریٹ کی پیداوار 71 فیصد اضافے سے 11 ارب 48 کروڑ سگریٹ سے بڑھ کر 19ارب 66 کروڑ سگریٹ ہوگئی۔
پاکستان میں سگریٹ سستے ہونے کے باعث تمباکو نوشی سے اموات میں اضافہ اور دیگر ممالک کے مقابلے میں پاکستانی عوام کو علاج معالجے پر پہلے سے زیادہ رقم خرچ کرنا پڑے گی۔ سیکرٹری وزارت نیشنل ہیلتھ ریگولیشن نوید کامران بلوچ نے چئیرمین ایف بی آر کو قومی اسمبلی کی قائمہ کمیٹی برائے نیشنل ہیلتھ کی سفارشات کا بھی حوالہ دیا ہے جس کے مطابق سگریٹ سستے کرنے کی پالیسی پر نظرثانی اور ٹوبیکو کمپنیوں میں ٹیکس چوری روکنے کے لیے ٹریکنگ اورٹریسنگ سسٹم کو ترجیحی بنیادوں پر نافذ کرنے کا مطالبہ کیا گیا ہے۔دوسری جانب وزارت نیشنل ہیلتھ ریگولیشن میں مارکیٹ میں سگریٹس کی 40 فیصد غیرقانونی فروخت کے معاملے پر سٹڈی جمع کروا دی گئی ہے جس میں ٹوبیکو کمپنیوں کے 40 فیصد غیرقانونی سگریٹ فروخت کا دعویٰ غلط ثابت ہوا۔ سٹڈی رپورٹ کے مطابق پاکستان کے دس شہروں میں سروے کے بعد نتیجہ اخذ کیا گیا ہے کہ پاکستانی مارکیٹ میں سگریٹ کی غیر قانونی فروخت کا حجم 9 فیصد ہے جس میں زیادہ مہنگے برانڈ کے سگریٹس شامل ہیں۔
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
