... loading ...
... loading ...
بزرگ سیاستدان میر بلخ شیر مزاری کو اچانک ’’جنوبی پنجاب صوبہ محاذ‘‘ کا چیئرمین بنا دیا گیا ہے تو ان کے نگران وزیراعظم بننے کا زمانہ آنکھوں کے سامنے گھوم گیا ہے، نوازشریف کی پہلی حکومت کو غلام اسحاق خان نے 18 اپریل 1993ء کو برطرف کرکے میر بلخ شیر مزاری کو یہ منصب سونپا تھا، میر صاحب کی کابینہ میں مرحومہ بیگم نصرت بھٹو اور آصف علی زرداری بھی شامل تھے۔ یہ دوسری حکومت تھی جو غلام اسحاق خان نے آئین کے آرٹیکل 58، 2(بی)کے تحت برطرف کی، اس سے پہلے وہ 6 اگست 1990ء کو محترمہ بے نظیر بھٹو کی پہلی حکومت برطرف کر چکے تھے، برطرفی کی جو وجوہ انہوں نے آن دی ریکارڈ اپنی تقریر میں بیان کی تھیں وہ تو اپنی جگہ، لیکن یہ بات زبان زدِعام تھی کہ وہ آصف علی زرداری کی سرگرمیوں سے خوش نہیں تھے اور برطرفی کے پس پردہ محرکات میں سے ایک محرک آصف علی زرداری بھی تھے۔ لیکن ستم ظریفی ملاحظہ ہو کہ وہ آصف علی زرداری کو وزیر بنانے پر مجبور ہوگئے۔
بے نظیر بھٹو کی حکومت کی برطرفی کے بعد جو انتخابات ہوئے، اْن میں اسلامی جمہوری اتحاد (آئی جے آئی) کامیاب ہو گیا تھا جس کی سربراہی میاں نوازشریف کے پاس تھی، اگرچہ غلام مصطفیٰ جتوئی بھی مضبوط امیدوار تھے، لیکن قرعہ فال نوازشریف کے نام نکل آیا تھا، تاہم جوان نوازشریف اور بوڑھے صدر کے درمیان تعلقات کی خرابی کا آغاز جلد ہی ہو گیا۔ اِس پورے دور میں محلاتی سازشیں اپنے عروج پر تھیں، نوازشریف کی مخالف لابی صدر کے کان بھرتی رہتی تھی اور غلام اسحاق خان کے مخالفین نوازشریف کو اْکساتے رہتے تھے۔ وزیراعظم کی برطرفی سے کئی ماہ پہلے جوڑ توڑ کا سلسلہ زوروں پر تھا، اِنہی ایام میں اْس وقت کے امریکی سفیر کراچی میں سردار شیرباز خان مزاری سے ملے اور انہیں وزیراعظم بننے کا عندیہ دیا، وہ بہت حیران ہوئے کہ ملک میں ایک وزیراعظم موجود ہے، الیکشن بھی ابھی 1995ء میں ہونے ہیں اور امریکی سفیر دو سال پہلے ہی وزیراعظم تلاش کر رہے ہیں۔ شیرباز مزاری نے امریکی سفیر سے کہا کہ جناب میرے حلقہ انتخاب نے تو مجھے قومی اسمبلی کی رکنیت کا اہل نہیں سمجھا، مَیں وزیراعظم کیسے بن سکتا ہوں۔ تو سفیر محترم نے کہا کہ امریکا آپ کو وزیراعظم دیکھنا چاہتا ہے، سردار شیرباز مزاری نے معذرت کر لی۔
اس ملاقات کو زیادہ عرصہ نہیں گزرا تھا کہ یہ خبریں اْڑنے لگیں کہ نوازشریف کی حکومت چند دنوں کی مہمان ہے، جب اْنہیں یقین ہو گیا کہ اب ہونی کو ٹالا نہیں جا سکتا تو اْنہوں نے برطرفی سے پہلے دل کی بھڑاس نکالنے کا فیصلہ کیا اور 17 اپریل کو ٹی وی پر اپنے خطاب میں یہ جملہ کہا کہ وہ ڈکٹیشن نہیں لیں گے، اگلے دن وہ برطرف ہو گئے اور شیرباز کے بڑے بھائی میر بلخ شیر مزاری نگران وزیراعظم بن گئے۔ نوازشریف کی حکومت اور قومی اسمبلی کو سپریم کورٹ نے بحال کر دیا، البتہ بحالی کے باوجود یہ حکومت زیادہ عرصے تک نہ چل سکی اور ایک بار پھر نئے انتخابات کی خاطر نوازشریف کو استعفا دینا پڑا، ساتھ ہی غلام اسحاق خان بھی صدارتی منصب سے رخصت ہو گئے۔ ملک کے اعلیٰ ترین عہدے سے علیحدگی کے بعد غلام اسحاق خان تو گوشہ گیر ہو گئے اور پھر کبھی منظرعام پر نہیں آئے لیکن نواز شریف اس کے بعد دو دفعہ وزیراعظم بنے اور آج بھی اْن کی جماعت برسرِاقتدار ہے۔
میر بلخ شیر مزاری کی یاد اْن کے تازہ عہدے کے حوالے سے آئی ہے اْنہیں ’’جنوبی پنجاب صوبہ محاذ‘‘ کا چیئرمین بنایا گیا ہے، یہ عہدہ غالباً انہیں اْن کی بزرگی کی وجہ سے سونپا گیا ہے اور اِسی وجہ سے سردار نصراللہ دریشک کو شریک چیئرمین بنایا گیا ہے۔ ممکن ہے اِس محاذ کی تشکیل کے لیے پس پردہ سرگرمیاں پہلے سے جاری ہوں لیکن محاذ کے عہدیدار اچانک منظرعام پر آئے ہیں۔ دونوں سردار صاحبان تو از راہ خیر و برکت محاذ کا حصہ بنائے گئے ہیں، کیونکہ اپنی جوانی سے بڑھاپے تک دونوں بزرگوں کی زبان سے ہم نے کبھی جنوبی پنجاب کی سیاست کا تذکرہ نہیں سنا، دونوں کا تعلق اگرچہ ڈی جی خان سے ہے لیکن یاد نہیں پڑتا کہ اْنہوں نے ماضی میں کبھی جنوبی پنجاب کو صوبہ بنانے کے لیے کوئی سیاسی سرگرمیاں کی ہوں، اب اْنہیں نہ جانے کیا سوجھی کہ وہ ایک ایسے محاذ کے چیئرمین اور شریک چیئرمین بن گئے جو جنوبی پنجاب کو صوبہ بنانے کے لیے قائم کیا گیا ہے جونہی اس محاذ کی تخلیق ہوئی اگلے ہی دن اس کی تشہیر شروع کر دی گئی۔
پیر صاحب پگارہ سندھ سے لاہور تشریف لائے تو انہوں نے بھی محاذ کے عہدیداروں سے ملاقات کرکے انہیں نئے صوبے کی حمایت کا یقین دلا دیا، اس دورے میں پیر صاحب نے چودھری شجاعت حسین اور چودھری پرویز الٰہی سے بھی ملاقات کی اور طے پایا کہ گرینڈ ڈیموکریٹک الائنس اور مسلم لیگ (ق) ایک ہی نشان پر الیکشن لڑیں گے۔ بعید نہیں کہ حالات کا رخ دیکھ کر جنوبی پنجاب صوبہ محاذ بھی کسی نہ کسی اتحاد میں شامل ہو جائے کیونکہ ابھی تک اس محاذ نے باقاعدہ سیاسی جماعت کی شکل اختیار نہیں کی، ابھی یہ محاذ الیکشن کمیشن کے پاس رجسٹرڈ بھی نہیں ہے اور نہ ہی اس نے اپنے لیے کوئی انتخابی نشان منتخب کیا ہے۔ ویسے یہ تو کوئی مشکل کام بھی نہیں، محاذ بطور سیاسی جماعت رجسٹر ہو گیا تو نشان بھی مل جائے گا لیکن جب پیپلزپارٹی، تحریک انصاف یہاں تک کہ مسلم لیگ (ن) بھی جنوبی پنجاب کے معاملے پر سیاست کر رہی ہوں گی تو محاذ کی انفرادیت کیا رہ جائے گی۔ یہ تو ممکن ہے کہ محاذ سے وابستہ چند حضرات دوبارہ منتخب ہو جائیں لیکن کیا ان کے پاس اتنی انتخابی طاقت ہوگی کہ وہ جنوبی پنجاب کو عملاً صوبہ بنانے میں کامیابی حاصل کر لیں، ہمارے خیال میں تو یہ سرگرمی الیکشن تک ہے، الیکشن میں محاذ ہارے یا جیتے، اس کے بعد جنوبی پنجاب کے صوبے کا مسئلہ پہلے کی طرح طاقِ نسیاں پر رکھ دیا جائے گا۔ اس لیے محاذ کی سیاسی افادیت کا عرصہ بہت ہی مختصر رہے گا۔ الیکشن کا ہنگامہ ختم ہوا تو یہ محاذ بھی وقت کی دھول میں گم ہوجائے گا۔
بانی پی ٹی آئی عمران خان کی کال پر وزیراعلیٰ خیبرپختونخوا اور اپوزیشن لیڈر عمر ایوب کی قیادت میں قافلے پنجاب کی حدود میں داخل ہوگئے جس کے بعد تحریک انصاف نے حکمت عملی تبدیل کرلی ہے ۔تفصیلات کے مطابق پاکستان تحریک انصاف کے احتجاج میںپنجاب، سندھ، بلوچستان اور خیبرپختونخوا سے قافلے...
تحریک انصاف ک فیصلہ کن کال کے اعلان پر خیبر پختون خواہ ،بلوچستان اورسندھ کی طرح پنجاب میں بھی کافی ہلچل دکھائی دی۔ بلوچستان اور سندھ سے احتجاج میں شامل ہونے والے قافلوںکی خبروں میں پولیس نے لاہور میں عمرہ کرکے واپس آنے والی خواتین پر دھاوا بول دیا۔ لاہور کی نمائندگی حماد اظہر ، ...
وزیراعلیٰ خیبر پختونخوا علی امین گنڈاپور نے کہا ہے کہ وفاقی اور پنجاب حکومت جتنے بھی راستے بند کرے ہم کھولیں گے۔وزیراعلیٰ نے پشاور ٹول پلازہ پہنچنے کے بعد میڈیا سے بات چیت کرتے ہوئے کہا کہ عمران خان کی رہائی کی تحریک کا آغاز ہو گیا ہے ، عوام کا سمندر دیکھ لیں۔علی امین نے کہا کہ ...
پاکستان تحریک انصاف کے ہونے والے احتجاج کے پیش نظر وفاقی دارالحکومت اسلام آباد میں پولیس، رینجرز اور ایف سی کی بھاری نفری تعینات کر دی گئی ہے جبکہ پنجاب اور کے پی سے جڑواں شہروں کو آنے والے راستے بند کر دیے گئے ہیں اور مختلف شہروں میں خندقیں کھود کر شہر سے باہر نکلنے کے راستے بند...
سابق اسپیکر قومی اسمبلی اسد قیصر نے کہا ہے کہ ملک کو انارکی کی طرف دھکیلا گیا ہے ۔ پی ٹی آئی کارکنوں سے خطاب کرتے ہوئے اسد قیصر نے کہا کہ ہمیں 26ویں آئینی ترمیم منظور نہیں۔ انہوں نے کہا کہ بلوچستان میں حکومتی رٹ ختم ہو چکی، ہم ملک میں امن چاہتے ہیں۔ اسد قیصر نے کہا کہ افغانستان ک...
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
