... loading ...
... loading ...
ویسے تو18ویں آئینی ترمیم کےبعد کوئی بھی صوبائی حکومت اپنے آپ کو کرپشن اور کمیشن سے بالکل بری الذمہ قرار نہیں دے سکتی لیکن وفاقی حکومت اور سندھ کی حکومت اس کرپشن اور کمیشن کے معاملے میں ایک دوسرے سے قریب قریب محسوس ہوتے ہیں۔ چیف جسٹس آف پاکستان ثاقب نثار نے گزشتہ روز تھر پار کر میں بچوں کی ہلاکت کی سرکاری رپورٹ مسترد کرتے ہوئے نہ صرف سیکرٹری صحت سندھ پر برہمی کا اظہار کیا تھا بلکہ آغاخان اسپتال کے چیف ایگزیکٹو کو ایک ماہ میں تحقیقاتی رپورٹ پیش کرنے کے علاوہ تحقیقاتی کمیٹی کو سیکیورٹی فراہم کرنے کی بھی ہدایت دی اور ساتھ ہی یہ ریمارکس بھی دیئے کہ رپورٹ دیکھ کر یہی محسوس ہوتا ہے کہ آپ تو بےقصور ہیں۔لیکن چیف جسٹس صاحب اس سے قبل آپ نے سندھ کے سابق وزیراطلاعات شرجیل انعام میمن کی بیماری کی سرکاری رپورٹ مسترد کرتے ہوئے ایک آزاد بورڈ تشکیل دیاتھا جس بورڈ نے عدالت عظمیٰ کویہ توبتادیاہے کہ شرجیل میمن کی سرکاری بورڈ کی رپورٹ تضادات پرمبنی ہے لیکن بورڈ نے شرجیل میمن کا معائنہ کرکے اپنی نئی طبی رپورٹ پیش نہیں کی جس کا صاف مطلب یہ ہے کہ سرکاری بورڈ بھی سیاسی دبائو میں ہے لیکن آپ کا تشکیل کردہ بورڈ بھی آزاد نہیں ہے اس صورتحال میں جب انصاف کے حصول میں سپریم کورٹ جیسی اعلیٰ عدلیہ کی راہ میں رکاوٹیں ہوں توان رکاوٹوں کورکاوٹ ڈالنے والے تودور نہیں کریں گے لہٰذا اس معاملے پربھی عدالت عظمیٰ کو مناسب حل تلاش کرناہوگا۔ اس بار ڈاکٹروں کی ترقیوں اورتقرریوں کا معاملہ بھی زیر سماعت آیا جناب چیف جسٹس آف پاکستان ڈاکٹروں کی ترقیوں کیلئے معاملہ کتنے سالوں سے لٹکا ہوا ہے اس کی تفصیل کا آپ کواچھی طرح سے علم ہے لیکن آپ کی جانب سے ایک سے زائد بار ڈاکٹروں کی ترقیوں میں سیکریٹری صحت سندھ ڈاکٹرفضل اﷲ پیچوہو کومہلت دینے کا معاملہ بھی طبی حلقوں میں ہی نہیں عوام کے سامنے اب مذاق بن چکا ہے گزشتہ رمضان المبارک کے مہینے میں سیکریٹری صحت نے ڈاکٹروں کی ترقیوں کے حوالے سے سیکریٹریٹ کی ہفتہ واری دونوں تعطیلات ختم کرنے کا ڈرامہ رچایا تھا اس کے باوجود اس سماعت پربھی 300ڈاکٹروں کی ترقی کوجلدپورا کرنے کی یقین دہانی کرائی گئی ہے۔ جبکہ پاکستان میڈیکل ایسوسی ایشن کے صوبائی رہنما اورمذکورہ کیس کوسپریم کورٹ تک لانے والے ڈاکٹر عثمان ماکوٹھوس ثبوت کے ساتھ ڈاکٹروں کی ترقیوں کی شفافیت کوچیلنج کررہے ہیں لیکن یہ تو عدالت عظمیٰ محکمہ صحت کی سنگین بے قاعدگیوں کا کوئی نوٹس لے رہی ہے اورنہ ہی تاخیری حربوں پرسیکریٹری صحت کے سروس رولز کے مطابق انہیں ڈی گریڈ کرنے جیسی کسی انظباطی کارروائی سے گزار رہی ہے جبکہ خود چیف جسٹس صاحب آپ کوشاید یاد نہیں کہ آپ نے ڈاکٹروں کی ترقی کے عمل کے بغیر ان کے کسی اورمحکمے میں تبادلے پرپابندی عائد کی ہے اورپھر آپ خود ی بغیر کسی سزا کے انہیں دوسرے محکمے میں خدمات انجام دینے کا مشورہ دے رہے ہیں جناب چیف جسٹس صاحب یہ آپ کے علم میں ہوگا کہ سیکریٹری صحت کامنصب نبھانے سے قبل ڈاکٹر فضل اﷲ پیچوہو سیکریٹری تعلیم تھے ۔جہاں کے وزرائے تعلیم نے نامزدگی کے باوجود ان کے ساتھ کام کرنے سے انکار کردیا تھا اوریہ وہاں سے نیب کے مقدمے کے اعزازکے ساتھ محکمہ صحت میں آئے ہیں جہاں محکمہ تعلیم کی طرح وزیراعلیٰ سندھ سید مراد علی شاہ نے ایمرجنسی نافذ کررکھی ہے جہاں5400ڈاکٹروں کی بھرتی یہ کہہ کرکی گئی ہے کہ یہ ڈاکٹرز بھرتی نہ ہوئے تو محکمہ صحت سندھ میں تالا لگ جائے گا لیکن5400ڈاکٹروں کے انٹرویو کیلئے سیکریٹری صحت نے گریڈ20کے سینئر اورایمان دار افسران کو پبلک سروس کمیشن میں بھیجنے کے بجائے گریڈ19کے جونیئر ڈاکٹروں ڈاکٹر محمود قریشی ،ڈاکٹر خلیل پٹھان کونامزد کیا جودونوں سکریٹری صحت کے کلاس فیلو ہونے کی شہرت رکھتے ہیں اورڈاکٹرخلیل پٹھان محکمہ صحت میں کرپشن کا مجسمہ ہیں جولیاری جنرل اسپتال میں واٹرکمیشن کے چیئرمین جناب جسٹس (ر)امیرمسلم ہانی کے ہاتھوں کرپشن کے مبینہ ثبوت کے ساتھ پکڑے گئے ہیں5400نئے بھرتی ہونے والے ڈاکٹروں کی تقرریاں محکمہ ریونیو کے فہیم چاچڑ کو سیکشن افسر بناکرکروڑوں روپے کمائے گئے 5400ڈاکٹروں کا میڈیکل فٹنس ان کے اضلاع کے بجائے کراچی میں کرایاگیا ان ڈاکٹروں میں خواتین ہندو ڈاکٹروں کی اکثریت ہے جن کا تعلق ضلع تھرپارکر سے ہے۔ پھرعدالت عظمیٰ میں تھر کے اسپتالوں میں سینکڑوں اسامیاں خالی ہیں کی رپورٹ جمع کرائی جاتی ہے جناب چیف جسٹس صاحب بتانے کو ابھی اوربھی بہت کچھ ہے لیکن محکمہ صحت کوایمرجنسی میں بچانے کے لئے جے آئی ٹی بنانا اب بہت ضروری ہے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
