... loading ...
... loading ...
سپریم کورٹ نے ملک بھر میں چنگ چی رکشے چلانے کی باقاعدہ اجازت دے دی ہے۔ منظور شدہ ڈیزائن والے رکشے چلائے جا سکیں گے اور ڈرائیور کے لیے باقاعدہ لائسنس حاصل کرنا ضروری قرار دیا گیا ہے۔ چنگ چی رکشے چلانے کی اجازت دینے کا فیصلہ سپریم کورٹ کے جسٹس گلزار احمد نے کیا ہے۔ یہ فیصلہ مختلف رکشہ یونینوں کے عہدیداروں کی طرف سے دائر کی گئی درخواستوں کی سماعت کے بعد جاری کیا گیا۔ سپریم کورٹ نے چنگ چی چلانے کی اجازت دیتے ہوئے مختلف شرائط کو پورا کرنا لازم قرار دیا ہے۔ ان شرائط میں رکشے کا فٹنس سرٹیفکیٹ، منظور شدہ رکشہ ڈیزائن، ایکسائز اینڈ ٹیکسیشن ڈیپارٹمنٹ میں رجسٹریشن، ڈرائیور کے لیے ڈرائیونگ لائسنس، کرایہ نامہ طے کر کے آویزاں کرنا، چار سے زائد سواریاں نہ بٹھانا شامل ہو گا۔ چنگ چی رکشے چاروں صوبوں میں ہر شہر اور قصبے میں چل رہے ہیں۔ ایک محتاط اندازے کے مطابق ان رکشاؤں کی تعداد اڑھائی لاکھ سے زائد بتائی جاتی ہے۔
لاکھوں خاندانوں کا روزگار اس سے وابستہ ہے۔ ان میں رکشہ ڈرائیوروں کے ساتھ ساتھ رکشے کی ورکشاپس، ا سپیئر پارٹس اور دیگر ساز و سامان فروخت کرنے اور ورکشاپس کے مالکان اور ملازمین بھی شامل ہیں۔ ایک دہائی سے زیادہ عرصے سے یہ رکشے کسی نہ کسی صورت میں چلائے جا رہے ہیں۔ بعض بڑے شہروں میں صرف چند سڑکوں تک ہی رکشے چلانے کی اجازت دی جاتی ہے، لیکن ممنوعہ سڑکوں پر بھی رکشے چلائے جاتے ہیں۔ ٹریفک پولیس چالان کر کے روکنے میں ناکام دکھائی دیتی ہے۔ سپریم کورٹ کی طرف سے اس سواری کو چلانے کی اجازت دینا خوش آئند ہے۔ لاکھوں خاندانوں کے روزگار کو تحفظ دیا گیا ہے اس فیصلے کے نہایت خوشگوار اور دور رس نتائج برآمد ہوں گے۔چنگ چی رکشے عوام کے لیے سستی سواری کے طور پر بہت زیادہ استعمال ہو رہے ہیں۔ آٹو رکشے کا کرایہ بہت زیادہ طلب کیا جاتا ہے۔ چنگ چی کے لیے فی سواری دس سے بیس اور پچیس روپے تک کرایہ ادا کرنا پڑتا ہے۔ طالبعلم، مزدور، سرکاری اور نجی ملازمین کے ساتھ ساتھ خواتین کی بڑی تعداد اس رکشے سے استفادہ کرتی ہے جبکہ ویگنوں میں دو یا چار خواتین ہی جگہ حاصل کر پاتی ہیں، جبکہ چنگ چی رکشے میں تین سے چار اور بعض رکشاؤں میں چھ چھ خواتین آسانی سے وقت ضائع کیے بغیر سفر کرتی ہیں۔
اس معاملے میں سپریم کورٹ کی طرف سے جن شرائط کا ذکر کیا گیا ہے، انہیں پورا کرتے ہوئے تمام مراحل کو تیزی سے طے کرنے کی ضرورت ہے۔ یہاں اس پہلو کو نظر انداز نہیں کرنا چاہئے کہ نو عمر لڑکے جنہوں نے باقاعدہ ڈرائیونگ نہیں سیکھی ہوتی ، وہ غیر محتاط طریقے سے رکشہ چلاتے ہیں۔ انتہائی تیز رفتاری کے ساتھ رکشہ چلانے کی وجہ سے اکثر حادثات ہوتے رہتے ہیں۔ یہ رکشے ٹکراتے ہی نہیں، عدم توازن کی وجہ سے الٹ بھی جاتے ہیں۔ ڈرائیونگ لائسنس ضروری قرار دینے سے اناڑی ڈرائیوروں سے چھٹکارا حاصل ہو جائیگا۔ رکشاؤں کے سائلنسر نہ لگانے سے فضا میں بہت شور ہوتا ہے۔ سائلنسر لگانے کی پابندی ہونی چاہئے۔ رکشے کی رفتار تیس سے چالیس کلومیٹر تک محدود رکھنا یقینی بنانے کی ضرورت ہے۔ رکشاؤں میں آٹھ سے دس افراد بھی سفر کرتے دیکھے جاتے ہیں۔ اس پر ٹریفک پولیس کو سختی سے کام لینا چاہئے۔ سپریم کورٹ کے اس خوش آئند اور مفید فیصلے کے مثبت نتائج حاصل کرنے کے لیے تمام صوبوں میں بہتر طریق کار اختیار کرنا ضروری ہے جلد از جلد اس پر عملدرآمد کو یقینی بنانا چاہئے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
