... loading ...
... loading ...
اسٹیٹ بینک آف پاکستان کے اعداد و شمار پچھلے آٹھ مہینوں کے دوران ملکی معیشت کی کارکردگی کی جو مجموعی تصویر پیش کررہے ہیں، ان کی کئی توجیہات بھی سامنے آرہی ہیں اور آنے والے دنوں میں اچھے نتائج کی امیدیں بھی کی جارہی ہیں مگر زمینی حقائق ایسے بہرطور نہیں کہ ان پر تشویش ظاہر کیے بغیر رہا جاسکے۔ کسی بھی ملک کے عام آدمی کی پہلی ضرورت یہ ہے کہ اس کا زندہ رہنے کا حق تسلیم کیا جائے۔ ریاست کی ذمہ داری ہے کہ شہریوں کے جسم اور روح کا رشتہ برقرار رکھنے والے بنیادی عوامل کویقینی بنانے اور آسانیاں پیدا کرنے کا ایسا بندوبست کرے جس میں آمدنی کے ذرائع مثلاً پیداواریت ، تجارت اور معیشت کو چلانے والے دیگر عناصر مثبت نتائج دے رہے ہوں، عام آدمی کو روزگار، تعلیم، علاج معالجے سمیت بنیادی سہولتیں میسر ہوں اور سرکاری محکمے اہلکاروں کی ساکھ اور کارکردگی کے حوالے سے اپنی قابل قدر شناخت رکھنے میں کامیاب نظر آئیں۔ جبکہ پیٹرولیم مصنوعات بجلی، پانی سمیت ان اشیاء کے نرخوں میں کمی کا رجحان نظر آئے جن میں اضافہ مہنگائی کا سبب بنتا ہے۔ مگر جب جولائی 2017ء سے فروری 2018ء تک 8ماہ میں تجارتی خسارہ 19ارب 69کروڑ ڈالر، کرنٹ اکائونٹ خسارہ دس ارب 82کروڑ (یعنی جی ڈی پی کے 4.8فیصد کے مساوی) ہوچکا ہو، اشیاء و تجارت کا مجموعی خسارہ 23 ارب 22 کروڑ ڈالر رہا ہو تو یہ سوچنا ضروری ہوجاتا ہے کہ معاشی بہتری کی تمام تر کوششوں اور دعووں کے برعکس اہم شعبوں میں وہ نتائج کیوں نہیں ظاہر ہوئے جن کی توقع کی جارہی تھی۔ یہ درست ہے کہ 8ماہ کے دوران ترسیلات زر کی مالیت 12.83ارب ڈالر رہی جو گزشتہ مالی سال کے اسی عرصے کے دوران حاصل کردہ مالیت 12.41ارب ڈالر سے کچھ زیادہ ہے مگر اس معاملے میں بھی اس سوال کو نظرانداز کرنا درست نہیں ہوگا کہ جنوری کی نسبت فروری میں ترسیلات زر میں کمی کا رجحان کیوں رہا؟ یہ بات حوصلہ افزا ہے کہ جنوری کے مقابلے میں فروری کے دوران برآمدات میں اضافے اور درآمدات میں کمی کی وجہ سے فروری کا تجارتی خسارہ کم رہا۔
رواں ہفتے کے دوران ڈالر اور دیگر غیرملکی کرنسیوں کے مقابلے میں روپے کی غیرمعمولی بے قدری کا نظر آنا اس کتابی فارمولے کے لحاظ سے تو دل خوش کن ہے کہ روپے کی قدر میں کمی سے انڈسٹری کا پہیہ چلے گا مگرعام ا?دمی کے تجربات کے حوالے سے پریشان کن ہے جس کی زندگی میں ڈی ویلویشن کا اس کے سوا کوئی اثر نہیں پڑا کہ گردے بیچنے والوں کی تعداد بڑھ گئی اور غریب مائیں اپنے جگر کے ٹکڑوں کے لیے روٹی کی فراہمی کی آس میں انہیں فروخت کرنے پر آمادہ ہوگئیں جبکہ بیٹیوں کے ہاتھ پیلے کرنے کے لیے زندگی بھر پیٹ کاٹنے والے کی جمع پونجی کا خاصا حصہ بینک میں رکھے رکھے اپنی اصل قوت خرید سے محروم ہوگیا۔ پچھلے مہینوں میں سی پیک سمیت ترقیاتی کاموں کی وجہ سے درآمدات میں کمی اور قرضوں میں اضافہ ہوا تو آنے والے مہینوں میں درآمدات و برآمدات کا توازن بہتر ہونے کی امید یکسر بے محل نہیں۔ یہ بات نظرانداز نہیں کی جانی چاہئے کہ عالمی منڈی میں راج کرنے والے ممالک مسابقت کی دوڑ جیتنے کے لیے محض کرنسی کی قدر گھٹانے کا راستہ اختیار نہیں کرتے بلکہ بجلی، گیس، پانی کے نرخ اور ٹیکس کم کرکے میدان مارتے ہیں۔ جب تک صحت، تعلیم اور افرادی قوت کی تربیت پر وسائل خرچ نہیں کیے جاتے زراعت اور صنعت میں ترقی اور برآمدات کے لیے مسابقتی نرخوں کا ہدف حاصل نہیں کیا جاسکتا۔ وطن عزیز کو مطلوب معاشی نتائج حاصل کرنے کے لیے سنجیدگی سے اپنی ترجیحات سمیت مختلف پہلوئوں پر توجہ دینا ہوگی۔ ہمارے مزدوروں اور کسانوں کو زندہ رہنے کے بنیادی عناصر کی ضرورت ہے جس کے لیے ’’فوڈ باکس سیکورٹی‘‘ اور روزگار پر خصوصی توجہ دی جانی چاہئے۔ اچھا ہوگا کہ ہماری اشرافیہ غریب کا آخری نوالہ چھیننے کے رجحان کو ترک کرکے براہ راست ٹیکس کی صورت میں خود بھی ملک کی خدمت کو شعار بنائے۔
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
