... loading ...
... loading ...
بدھ 7 فروری 2018 کو وطن عزیز کی بین الاقوامی اہمیت کا اعتراف و اظہار ایک سے زیادہ صورتوں میں سامنے آیا۔اس روز واشنگٹن میں دی گئی ایک بریفنگ میں امریکا کی ڈپٹی وزیر خارجہ برائے جنوبی اور وسطی ایشیا ایلس ویلز نے تصدیق کی کہ افغانستان میں استحکام کے لیے پاکستان کا اہم کردار امریکا کو مدد فراہم کرسکتا ہے۔ انہوں نے اعتراف کیا کہ پاکستان کو اپنی پالیسیوں میں تبدیلی لانے پر مجبور کرنے کے لیے دبائو کے جو طریقے استعمال کئے گئے ان میں واشنگٹن کو ناکامی ہوئی۔ امریکی ڈیفنس انٹیلی جنس ایجنسی (ڈی آئی اے) کے سربراہ جنرل رابرٹ پی ایشلے نے بھی اسی روز عالمی صورتحال پر کانگریس کی ا?رمڈ سروسز کمیٹی میں اپنی رپورٹ پیش کی جس میں دہشت گردی اور فرقہ واریت کے خلاف پاکستانی کوششوں کی کامیابی کے اعتراف کے ساتھ پاکستانی سرزمین پر باہر سے در اندازی کے خلاف آپریشنوں اور مغربی افغان سرحدپر باڈر مینجمنٹ کی کاوشوں کا بھی ذکر کیا گیا ہے۔ پچھلے مہینوں کے دوران ٹرمپ انتظامیہ نے پاکستان کو الزامات کا ہدف بناتے ہوئیسیکورٹی امداد کی معطلی سمیت جو کچھ کیا اس کے باوجود پاکستان کی حکومت اور عوام اپنے اس موقف پر قائم ہیں کہ وطن عزیز کی سرزمین پر تمام دہشت گردوں کے خلاف بلاامتیاز کارروائی ہورہی ہے اور یہاں کسی افغان گروپ کے محفوظ ٹھکانے نہیں۔ اس لیے افغان گروپوں کے خلاف انہی فورسز کو کارروائی کرنی چاہئے جو افغانستان میں موجود ہیں۔ دونوں ممالک کے درمیان کئی ماہ کی کشیدگی کے بعد دوبارہ رابطوں اور بات چیت کا عمل پچھلے ہفتے اس وقت شروع ہوا جب امریکا کی سینئر ڈائریکٹر برائے جنوبی و وسطی ایشیا لیزاکرٹس نے ہفتے کے روز پاکستان کا دورہ کیا۔ چنانچہ ان سطور کی اشاعت کے وقت پاکستان کی سیکریٹری خارجہ تہمینہ جنجوعہ واشنگٹن میں اسٹیٹ ڈپارٹمنٹ کے اعلیٰ حکام سے بات چیت کررہی ہیں۔امریکی حکومتیں اگرچہ اپنے حلیف ملک پاکستان کو اپنے مقاصد کے لیے استعمال کرتی اور مشکل حالات میں ساتھ چھوڑتی بلکہ پابندیوں اور الزامات کا نشانہ بناتی رہی ہیں مگر موجودہ امریکی حکومت کے لیے جو چیز سب سے زیادہ گراں باری کا سبب بن رہی ہے وہ پاک چین اقتصادی راہداری کی تعمیر کا کام ہے۔ اس منصوبے کو ناکام بنانے کے لیے پاکستان کے وجود کے دشمن اور واشنگٹن کے نئے حلیف ملک بھارت کی طرف سے بحریہ کے حاضر سروس افسر کلبھوشن یادیو کی سرگرمی میں دہشت گردی نیٹ ورک کے قیام سمیت بہت کچھ کیا گیا مگر پاک چین اقتصادی راہداری کے مختلف مراحل پر تیزی سے کام جاری ہے اور 7 فروری 2018 کی تاریخ اس اعتبار سے بھی خاص اہمیت کی حامل ہے کہ اس روز گوادر بندرگاہ سے تجارتی سرگرمیوں کا باقاعدہ آغاز ہوگیا۔گوادر جنوبی اور وسطی ایشیا کو باقی دنیا سے ملانے والی وہ بندرگاہ ہے جہاں کٹے پھٹے ساحل اور گہرے پانیوں کے باعث بڑے بحری جہازوں کا لنگرانداز ہونا اور مال کا اتارنا یا چڑھانا دوسری بہت سی بندرگاہوں کے مقابلے میں زیادہ آسان ہے۔بدھ کے روز اس بندرگاہ سے پہلا کمرشل بحری جہاز ایم ایس ٹائیگر سمندری خوراک سے بھرے کنٹینرز لیکر عرب امارات کی بندرگاہ جبل علی کے لیے روانہ کردیا گیا۔ قبل ازیں یہ جہاز پاک بحریہ کے جہازوں کی سیکورٹی میں گوادر پہنچا تھا۔ اس موقع پر منعقدہ تقریب میں وزیراعلیٰ بلوچستان عبدالقدوس بزنجو اور چین کے قونصل جنرل کے علاوہ سول اور فوجی حکام نے شرکت کی۔ جیسا کہ بتایا گیا، ابتدائی مرحلے میں ہر بدھ کو گوادر پورٹ سے کمرشل بحری جہاز عرب امارات بھیجے جائیں گے۔ اس بندرگاہ میں ہزاروں کنٹینرز کو 48 گھنٹے سے بھی پہلے کلیئر کردیا جائے گا اور تاجروں کو کولڈ اسٹوریج میں بھی جگہ کی کمی کا سامنا نہیں ہوگا۔ یہ بات قابل ذکر ہے کہ پاکستان کے چین اور روس سمیت مختلف ممالک سے بڑھتے ہوئے تعاون کو یہ بندرگاہ مہمیز کرے گی جبکہ واشنگٹن کے تازہ رابطوںسے ظاہر ہوتا ہے کہ امریکا سی پیک کی افادیت کو جلد یا بدیر تسلیم کرلے گا اور مغربی دنیا کے ملکوں تک بھی اس تجارتی راہداری کے ثمرات پہنچ سکیں گے۔
ऀ̦ࠀ̥ᬁ̈́ሁŽ斟
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
