... loading ...
... loading ...
یہ بھی کیسا عجب ہے کہ جمہوری دور میں مقننہ اور انتظامیہ اپنے آئینی فرائض کو بحسن و خوبی ادا کرنے سے قاصر ہیں۔ جس کی بنا پر حالیہ جمہوری دور میں مفاد عامہ کے مختلف خصوصی، عمومی اور بنیادی نوعیت کے مسائل اور حقوق پر پاکستان کی تاریخ میں پہلی بار آئین کے مطابق حاصل اختیارات کے تحت عدلیہ کو اپنا کردار ادا کرنا پڑ رہا ہے۔ عدالتوں کے اس اقدام سے جہاں روبہ زوال قومی اداروں کو استحکام حاصل ہوا ہے۔ وہیں معاشرے میں عدلیہ کے اس کردار کے دور رس اثرات مرتب ہوئے ہیں اور مجموعی طور سے مایوس عوام میں اُمید کی نئی کرن اور زندہ رہنے کا حوصلہ بیدار ہوا ہے۔ عدالتوں کے وقار میں اضافہ ہوا ہے، بہت سارے حساس نوعیت کے مسائل پر عدالتوں کی جانب سے ازخود نوٹس لینے پر اداروں اور لوگوں کو انصاف ملا ہے۔ لیکن ان تمام مثبت پہلوئوں کا ایک دوسرا منفی پہلو یہ ہے کہ قانون کی زد میں آنے والی حکومتوں اور انتظامیہ نے اپنی اصلاح کرنے کے بجائے اسے اپنی انا اور بقا کا مسئلہ بنالیا ہے3 اور کورٹ ایکٹوازم سمیت عدالتوں کی خامیوں اور کمزوریوں پر اچھے برے تبصروں کی صورت میں جو کچھ اب تک کیا ہے اس سے ایسا محسوس ہوتا ہے کہ کیا قوم اور ملک کو مافیا کے رحم و کرم پر چھوڑ دیا جائے؟ بہر حال صحت کے شعبے میں بھی دیگر شعبوں کی طرح حکام کے کانوں پر تو تاحال جوں تک نہیں رینگی لیکن عدالت کے نوٹس پر صحت انتظامیہ میں ضرور تبدیل دکھائی دے رہی ہے۔ کم از کم کراچی کے سرکاری ہسپتالوں میں ججز کمیٹی کے اچانک دوروں اور معائنے کے نتیجے میں انتظامی اعتبار سے بہتری دکھائی دے رہی ہے۔ انتظامیہ اور عملہ الرٹ رہتا ہے، صفائی ستھرائی سمیت دیگر انتظامی امور میں خرابیوں اور کمی کو دور کرنے کی عملی کوششوں کو بخوبی محسوس کیا جاسکتا ہے۔ جس کا اعتراف خود ججز کمیٹی نے گزشتہ ہفتے سول ہسپتال کراچی میں کیا ہے۔ ہسپتال کے اطراف میں موجود فلاحی اداروں میں سے سیلانی ویلفیئر انٹرنیشنل ٹرسٹ کی انتظامیہ نے جلد فٹ پاتھوں کو خالی کرنے کا سول ہسپتال کی انتظامیہ کو یقین دلایا ہے۔ لیکن حیرت انگیز طور پر ایدھی اور چھیپا جیسی تنظیموں نے سول ہسپتال کے اطراف میں فٹ پاتھوں پر قابض تنظیموں نے سول ہسپتال کے اطراف میں فٹ پاتھوں پر قبضے سے متعلق کسی یقین دہانی کرانے کو بھی شاید اپنی انا کے خلاف تصور کیا ہے۔ فٹ پاتھ پیدل چلنے والوں کا بنیادی حق ہے۔ لیکن تجاوزات مافیا نے کراچی کے پیدل چلنے والوں کے پائوں کے نیچے سے فٹ پاتھوں پر قبضہ کرکے پیدل چلنے والوں کو سڑک پر چلنے پر مجبور کرکے موت کے منہ میں دھکیل دیا ہے۔ یہ صورتحال صرف سول ہسپتال کراچی کے اطراف میں ہی نہیں دیگر ہسپتالوں سمیت نیو ایم اے جناح روڈ پر دو طرفہ کار شوروم والوں کی جانب سے بھی ہے۔ جبکہ ماضی قریب میں بلدیاتی قیادت نے تجاوزات ہٹانے کے بجائے فٹ پاتھوں کو ہی کاٹ کر اتنا چھوٹا کردیا ہے کہ وہ پیدل چلنے والوں کے قابل ہی نہیں رہیں۔ اس لئے صرف سول ہسپتال کے اطراف میں فٹ پاتھ پر قبضہ کرنے والی تین این جی اوز ایدھی، چھیپا اور سیلانی کے علاوہ برنس وارڈ کی پارکنگ، ایس آئی یو ٹی کی پارکنگ پھر خود سول ہسپتال کراچی کی فٹ پاتھوں پر پارکنگ کے علاوہ ایک موٹر سائیکل کی ناجائز پارکنگ کے خلاف ججز کمیٹی کو بلاامتیاز و تفریق قانون کے مطابق کارروائی کرنی چاہئے لیکن اس کے ساتھ ہی ججز کمیٹی کو تجاوزات قائم کرنے والوں کے خلاف کارروائی کرنے سے قبل ان اداروں کے خلاف بھی پہلے کارروائی کرنی چاہئے۔ جس میں ضلعی بلدیات، انکروچمنٹ ڈپارٹمنٹ، ٹریفک پولیس اور مقامی پولیس اور چارجڈ پارکنگ کا شعبہ بھی شامل ہے۔ یہ تمام شعبے عوام کے ٹیکسوں سے چلتے ہیں اگر ان شعبوں نے اپنی ذمہ داری قانون کے مطابق ادا کی ہوتی تو ججز کمیٹی کو عوام کی جان بچانے کے لئے ناجائز قابضین کے خلاف مقدمہ قائم کرنے جیسے سخت احکامات صادر نہیں کرنا پڑتے اس کے ساتھ ہی بصد ادب ججز کمیٹی مفاد عامہ کے حق میں ناجائز قابضین کو حکم امتناع کے ذریعے ان کے ناجائز قبضے پر انہیں عارضی سہولت دینے کے اپنے فیصلے پر بھی ضرور نظرثانی کرے تو انکروچمنٹ کی مافیا کو قابو کرنا اداروں کے لئے مشکل نہیں رہے گا اور منتخب نمائندوں نے اپنی ذمہ داریوں کو پورا کیا ہوتا تو ججز کمیٹیوں کو ہسپتال کے دورے کی ضرورت نہیں ہوتی۔
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
