... loading ...
... loading ...
صوبہ پنجاب کے شہر قصور کی معصوم بچی زینب کے ساتھ ایک درندہ صفت مجرم اور قاتل نے جو بہیمانہ سلوک روا رکھا، ہر حساس و دردمند انسان اسے جان کر لرز اٹھا اور خون کے آنسو رونے پر مجبور ہوگیا لیکن دوسری جانب بعض لوگوں نے اس انسانیت سوز واقعے کو بھی سیاسی مفادات حاصل کرنے اور سیاسی مخالفین کو رگیدنے کا سنہری موقع سمجھا۔ من گھڑت افواہوں کا طوفان کھڑا کرنے کی ہر ممکن کوشش کی گئی۔قومی ذرائع ابلاغ کے علاوہ سوشل میڈیا کو اس مقصد کے لیے بے دریغ استعمال کیا گیا۔ منفی اور بے سروپا پروپیگنڈے کی اس مشق کا بدترین مظاہرہ ایک معروف ٹی وی میزبان نے کیا۔ بظاہر کسی ٹھوس ثبوت کے بغیر انہوں نے یہ انکشاف کیا کہ جنونی ملزم کا تعلق پورنوگرافی کے بدنام زمانہ بین الاقوامی کاروبار سے ہے جس نے 37 فارن کرنسی اکاونٹس کھول رکھے ہیںاور ان میں کروڑوں مالیت کی رقوم جمع ہیں جبکہ ایک صوبائی وزیر اور ایک رکن قومی اسمبلی اس گھناونے کاروبار میں شریک ہیں اور ملزم کی پشت پناہی کررہے ہیں۔اس ہوش ربا انکشاف پر ملک بھر میں تشویش کی شدید لہر دوڑ گئی ، بین الاقوامی سطح پر بھی اس کا چرچا رہا، حکومت کے ایوان لرز اٹھے ، ملک کے منصف اعلیٰ نے اس معاملے کا ازخود نوٹس لیا ، اسٹیٹ بینک اوردیگر متعلقہ اداروں کو ہدایات جاری ہوئیںاور حقیقت جاننے کے لیے کارروائی شروع ہوگئی۔
انکشاف کرنے والے ٹی وی میزبان نے پہلے روز چیف جسٹس کی عدالت میں اپنے موقف کا دفاع کرتے ہوئے متعلقہ وزیر کا نام پوچھے جانے پر کاغذ کے ایک پرزے پر لکھ کر عدالت کے حوالے کیا۔ حکومت مخالف سیاسی عناصر نے اس انکشاف سے سیاسی فائدہ حاصل کرنے کے سارے حربے آزمائے لیکن ملزم کے قومی شناختی کارڈ کی مدد سے بینک اکاونٹس کے بارے میں مکمل تحقیقات کے بعد اسٹیٹ بینک کے گورنر نے گزشتہ روزاپنی پریس کانفرنس میں یہ بتا کر پوری قوم کو حیرت زدہ کردیا کہ ملک کے کسی بینک میں ملزم عمران علی کا مقامی یا بیرونی کرنسی میںکوئی اکاونٹ نہیں۔ اس کا محض ایک موبائل فون اکائونٹ ہے جس میں صرف 130 روپے کی رقم موجود ہے۔یہ خبر بھی گرم ہوئی کہ ملزم نے دو شناختی کارڈ بنارکھے ہیں لہٰذا عین ممکن ہے کہ دوسرے شناختی کارڈ پر بینک اکاونٹس کھولے گئے ہوں۔لیکن نادرا نے اپنی رپورٹ میں بتایا کہ ملزم کا ایک ہی قومی شناختی کارڈ ہے اور جس دوسرے کارڈ کی بات کی جارہی ہے وہ زائد المیعاد ہونے کی وجہ سے منسوخ ہوچکا ہے۔ان حقائق کے سامنے آنے کے بعد احساس ذمہ داری کا تقاضا تھا کہ متعلقہ اینکر صاحب عدالت اور جے آئی ٹی میں حاضر ہوکر اپنی غلطی کا اعتراف اور قوم سے معذرت کرتے اور آئندہ محتاط رویہ اپنانے کی یقین دہانی کراتے۔ لیکن انہوں نے اس کے برعکس جے آئی ٹی کے سامنے پیش ہونے سے گریز کیا، اپنا موبائل فون بند رکھا اور ٹی وی چینلوں پر یہ موقف اپنایا کہ میرا کام خبردینا ہے، تصدیق کرنا نہیں اور یہ کہ میں نے یہ خبر کسی بری نیت سے نہیں دی تھی۔ فی الحقیقت یہ طرز عمل غیر ذمہ داری کا بدترین مظاہرہ ہے۔
مہذب معاشروں میں ذرائع ابلاغ کا کام افواہیں پھیلانا نہیں بلکہ مصدقہ اطلاعات فراہم کرنا ہوتا ہے۔ اسلامی تعلیمات تو اس ضمن میں بہت ہی واضح ہیں۔ قرآن کی سورہ حجرات میں مسلمانوں کو یہ دائمی حکم دیا گیا ہے کہ غیر معتبر ذرائع سے ملنے والی خبروں پر کارروائی سے پہلے پوری تحقیق کرلی جائے تاکہ نادانستگی میں کوئی ایسا اقدام نہ ہوجائے جس پر بعد میں پچھتانا پڑے جبکہ نبی کریم صلی اللہ علیہ وسلم کا ارشاد ہے کہ کسی شخص کے جھوٹا ہونے کے لیے اتنا ہی کافی ہے کہ اس تک جو خبر پہنچے وہ اسے بلاتحقیق آگے بڑھا دے۔ صحافتی اصولوں کی رو سے بھی خبر کی اشاعت سے پہلے حتی الامکان تصدیق ضروری ہے اور حساس معاملات میں تو پوری احتیا ط سے کام لینا لازمی ہے۔ ایک اچھا رپورٹر اپنی خبر کی مکمل ذمہ داری لیتا ہے۔لہٰذا متعلقہ اینکر کا رویہ یقینی طور پر انتہائی قابل گرفت ہے جس پر انہیں پوری قوم سے غیر مشروط معافی مانگنی چاہیے اور بصورت دیگر عدالت کو خود ان کے خلاف اقدام کرنا چاہئے۔
تحریک انصاف کے اسلام آباد لانگ مارچ کے لیے مرکزی قافلے نے اسلام آباد کی دہلیز پر دستک دے دی ہے۔ تمام سرکاری اندازوں کے برخلاف تحریک انصاف کے بڑے قافلے نے حکومتی انتظامات کو ناکافی ثابت کردیا ہے اور انتہائی بے رحمانہ شیلنگ اور پکڑ دھکڑ کے واقعات کے باوجود تحریک انصاف کے کارکنان ...
بانی پی ٹی آئی عمران خان کی کال پر پاکستان تحریک انصاف کے قافلے رکاوٹیں عبور کرتے ہوئے اسلام آباد میں داخل ہوگئے ہیں جبکہ دھرنے کے مقام کے حوالے سے حکومتی کمیٹی اور پی ٹی آئی کے درمیان مذاکرات بھی جاری ہیں۔پاکستان تحریک انصاف کے کارکنان چونگی 26 پر چاروں طرف سے بڑی تعداد میں ن...
پاکستان بھر میں انٹرنیٹ اور موبائل ڈیٹا سروس دوسرے دن پیرکوبھی متاثر رہی، جس سے واٹس ایپ صارفین کو شدید پریشانی کا سامنا کرنا پڑا۔ تفصیلات کے مطابق ملک کے کئی شہروں میں موبائل ڈیٹا سروس متاثر ہے ، راولپنڈی اور اسلام آباد میں انٹرنیٹ سروس معطل جبکہ پشاور دیگر شہروں میں موبائل انٹر...
وفاقی وزیر خزانہ سینیٹر محمد اورنگزیب نے اعتراف کیا ہے کہ اٹھارویں آئینی ترمیم، سپریم کورٹ کے فیصلوں اور بین الاقوامی بہترین طریقوں کے پس منظر میں اے جی پی ایکٹ پر نظر ثانی کی ضرورت ہے وزیر خزانہ نے اے جی پی کی آئینی ذمہ داری کو پورا کرنے کے لئے صوبائی سطح پر ڈی جی رسید آڈٹ کے دف...
وزیر داخلہ محسن نقوی نے کہا کہ حکومت کا دو ٹوک فیصلہ ہے کہ دھرنے والوں سے اب کوئی مذاکرات نہیں ہوں گے ۔اسلام آباد میں وفاقی وزیر داخلہ محسن نقوی اور وزیر اطلاعات عطا تارڑ نے میڈیا سے گفتگو کرتے ہوئے کہا کہ پرامن احتجاج کرنے والوں کا رویہ سب نے دیکھا ہے ، ڈی چوک کو مظاہرین سے خال...
پاکستان تحریک انصاف کے بانی چیئرمین عمران خان نے اسلام آباد اور ڈی چوک پہنچنے والے کارکنان کو شاباش دیتے ہوئے مطالبات منظور ہونے تک ڈٹ جانے کی ہدایت کی ہے۔پاکستان تحریک انصاف کے بانی کے آفیشل ایکس اکاؤنٹ سے عمران خان سے منسوب بیان میں لکھا گیا ہے کہ ’پاکستانی قوم اور پی ٹی آئی...
پاکستان تحریک انصاف (پی ٹی آئی) کے اسلام آباد میں احتجاج کے دوران کارکنان پیش قدمی نہ کرنے پر برہم ہوگئے اور ایک کارکن نے علی امین گنڈاپور کو بوتل مار دی۔خیبرپختونخوا کے وزیراعلیٰ علی امین گنڈاپور اور بانی پی ٹی آئی کی اہلیہ بشریٰ بی بی کی قیادت میں کارکنان اسلام آباد میں موجود ہ...
سپریم کورٹ کے جسٹس منصور علی شاہ نے ذوالفقار علی بھٹو ریفرنس میں اپنا اضافی نوٹ جاری کر تے ہوئے کہا ہے کہ آمرانہ ادوار میں ججزکی اصل طاقت اپنی آزادی اور اصولوں پر ثابت قدم رہنے میں ہے ، آمرانہ مداخلتوں کا مقابلہ کرنے میں تاخیر قانون کی حکمرانی کے لیے مہلک ثابت ہو سکتی ہے ۔منگل کو...
بانی پی ٹی آئی عمران خان کی کال پر وزیراعلیٰ خیبرپختونخوا اور اپوزیشن لیڈر عمر ایوب کی قیادت میں قافلے پنجاب کی حدود میں داخل ہوگئے جس کے بعد تحریک انصاف نے حکمت عملی تبدیل کرلی ہے ۔تفصیلات کے مطابق پاکستان تحریک انصاف کے احتجاج میںپنجاب، سندھ، بلوچستان اور خیبرپختونخوا سے قافلے...
تحریک انصاف ک فیصلہ کن کال کے اعلان پر خیبر پختون خواہ ،بلوچستان اورسندھ کی طرح پنجاب میں بھی کافی ہلچل دکھائی دی۔ بلوچستان اور سندھ سے احتجاج میں شامل ہونے والے قافلوںکی خبروں میں پولیس نے لاہور میں عمرہ کرکے واپس آنے والی خواتین پر دھاوا بول دیا۔ لاہور کی نمائندگی حماد اظہر ، ...
وزیراعلیٰ خیبر پختونخوا علی امین گنڈاپور نے کہا ہے کہ وفاقی اور پنجاب حکومت جتنے بھی راستے بند کرے ہم کھولیں گے۔وزیراعلیٰ نے پشاور ٹول پلازہ پہنچنے کے بعد میڈیا سے بات چیت کرتے ہوئے کہا کہ عمران خان کی رہائی کی تحریک کا آغاز ہو گیا ہے ، عوام کا سمندر دیکھ لیں۔علی امین نے کہا کہ ...
پاکستان تحریک انصاف کے ہونے والے احتجاج کے پیش نظر وفاقی دارالحکومت اسلام آباد میں پولیس، رینجرز اور ایف سی کی بھاری نفری تعینات کر دی گئی ہے جبکہ پنجاب اور کے پی سے جڑواں شہروں کو آنے والے راستے بند کر دیے گئے ہیں اور مختلف شہروں میں خندقیں کھود کر شہر سے باہر نکلنے کے راستے بند...
