... loading ...
... loading ...
حاجی محمدحنیف طیب
گناہ اﷲرب العزت کی نافرمانی کرنے اور نبی علیہ السلام کی مبارک سنتوں سے روگردانی کرنے کو کہتے ہیں ،گناہ میں انسان کے لیے دنیاوی نقصانات بھی ہیں اور اُخروی نقصانات بھی ہیں ،امام غزالی رحمۃ ُاﷲعلیہ نے لکھا ہے کہ عالم شخص وہ ہوتا ہے جس پر گناہوں کے نقصانات اچھی طرح واضح ہوجائیں ۔گویا جو شخص گناہوں کے نقصانات سے جتنا زیادہ واقف ہوگاوہ اُتنا ہی بڑا عالم ہوگا۔یہ بات بہت کام کی ہے وجہ یہ ہے کہ جب انسان کسی چیز کے نقصانات سے واقف ہو تو وہ اس سے بچتاہے یہ انسان کی فطرت ہے جیسے انسان زہر کے نقصانات سے واقف ہوتاہے۔اس لیے اس سے بچتا ہے ،نفس کی خواہش ہمارے لیے زہر کی مانند ہے ،جس طرح انسان زہر سے بچتا ہے اسی طرح وہ نفس کے ان زہریلے خیالات سے بھی بچتا ہے ۔
علم کے باوجو دگمراہی
جس انسان کے نزدیک نیکی اور گناہ میں فرق ہی نہیں ہوتا وہ ایک طرف گناہ بھی کررہا ہوتاہے اور دوسری طرف تسبیح بھی پڑھ رہا ہوتاہے ،گویااس کے پاس علم ہے ہی نہیں اور اگر علم ہے تو وہ علم نافع سے محروم ہے ،جیسا کہ قرآن مجید میں ہے کہ ترجمہ ’’کیا آ پ نے اس کو دیکھا ہے جس نے اپنی خواہشات کو اپنا معبو د بنالیا ہے اﷲنے علم کے باوجو د اس کو گمراہ کردیا ‘‘(الجاثیہ :23)
نیکی اور گناہ کا وہی فرق ہے جو روشنی اور اندھیرے کا ہوتا ہے ،اگر کسی جگہ اندھیراہوتو وہاں انسان کو سانپ ،بچھو،نظر نہیں آتے اور وہ ان سے بچ نہیں سکتا ،جیسے ہی روشنی آتی ہے سانپ بچھو کا پتہ چل جاتاہے اور انسان ان سے بچ جاتا ہے ،اسی طرح جس انسان کے پاس علم کا نو ر ہوتا ہے اس نو ر کے آتے ہی گناہوں کے سانپ ،بچھو اس کے سامنے واضح ہوجاتے ہیں ،پھر وہ ان سے بچنے کی کوشش کرتاہے ۔
شریعت مطہرہ میں اس بات کو پسند کیا گیا ہے کہ انسان لمبی عبادتیں کرنے کی بجائے گناہوں سے زیادہ بچیں ۔ مثلاًایک آدمی تہجد نہیں پڑھتا ،لمبے لمبے اذکا ر نہیں کر تا ،نفلی روزے نہیں رکھتا ،مگر گناہوں سے بچتا ہے تو وہ اﷲ کا ولی ہے ،کیونکہ اسکی زندگی میں معصیت نہیں ہے ،اسی لیے مشائخ کہتے ہیں کہ گناہوں سے پہلے بچو،تب ذکرواذکا ر کافائدہ ہوگا۔خواجہ خرقانی رحمۃ ُاﷲعلیہ نے ایک بڑی ہی پیاری بات لکھی ،وہ فرماتے ہیں کہ جس بندے نے کوئی دن گناہوں کے بغیر گزاراایسا ہی ہے کہ جیسے اس نے وہ دن نبی علیہ السلام کی معیت میں گزارا۔اسلیے روزانہ اُٹھ کر صبح کواﷲسے دعائیں مانگنی چاہئے کہ اے مالک ومولا آج کادن ایسا گزارنا جس میںتیرے حکم کی نافرمانی نہ ہواگر کوئی ایک دن بھی ہماری زندگی میں ایسا ہوتو ہم امید کرسکتے ہیں کہ اس دن کی برکت سے قیامت کے دن ہم پر اﷲتعالیٰ کی رحمت ہوجائے گی ۔
بلکہ ولی اس کو کہتے ہیں جو اپنے آپ کو گناہوں سے بچالیتا ہے،قرآن مجید نے ان الفاظ میں کہہ دیا :ترجمہ’’ اﷲکے والی وہ ہوتے ہیں جو متقی ہیں ‘‘(الانفال )یہ بھی یاد رکھیں کہ تقویٰ کچھ کرنے کا نام نہیں بلکہ کچھ نہ کرنے کو تقویٰ کہتے ہیں،یعنی وہ باتیں جن سے اﷲتعالیٰ ناراض ہوتا ہے ،انکو نہ کرنا تقویٰ کہلاتا ہے ،آسان الفاظ میں یہ سمجھ لیجئے کہ تقویٰ یہ ہے کہ آپ ہر اس کام سے بچیں جس کو کرنے سے کل قیامت کے دن آپ کاگریبان پکڑنے والاہو۔
گناہ نجاست کی مانند
گناہ باطنی طور پر نجاست کی مانندہوتاہے ،چنانچہ ہم جس عضو سے بھی گناہ کرتے ہیں ہماراوہ عضو باطنی طور پرناپاک ہوجاتا ہے اور نجاست کے اندر بدبوہوتی لہٰذا انسان جن اعضاء سے گناہ کرتا ہے ان اعضاء سے باطنی طور پر بدبو آتی ہے ،اس کی دلیل حدیث پاک سے ملتی ہے ،حدیث پاک میں ارشاد ہو ا کہ انسان جب جھوٹ بولتا ہے ،تو اس کے منہ سے بدبو نکلتی ہے حتیٰ کے فرشتے اس سے تکلیف محسوس کرتے ہیں اور اس بندے سے دور ہوجاتے ہیں ،ایک اور حدیث پاک میں ارشاد ہواکہ جب آدمی کی وفات ہونے کا وقت قریب آتاہے تو ملک الموت کے ساتھ آنے والے فرشتے اس آدمی کے اعضا ء کو سونگھتے ہیں ،جن اعضاء سے اس نے گناہ کیے ہوتے ہیں ان اعضاء سے ان کو بدبو محسوس ہوتی ہے،نیکو کارانسان ہوتاہے،اس کے اعضاء گناہوں سے پاک ہوتے ہیں۔لہٰذا ان سے بدبومحسوس نہیں ہوتی ۔جبکہ نیکی میں خوشبو ہوتی ہے ،لہٰذا نیک لوگوں کے اعضاء سے خوشبو آتی ہے ،اﷲتعالیٰ اپنے پسندیدہ افراد کے اندرنیکی کی خوشبو اتنی بڑھادیتا ہے کہ وہ لوگوں کو ظاہر میں بھی محسوس ہوتی ہے۔مثال کے طور پر خودنبی کریم ﷺکے پسینے مبارک سے اتنی خوشبو آتی تھی کہ مدینہ منورہ کی دلہنیں بھی وہ پسینہ مبارک بطور خوشبو استعمال کرتی تھی ۔اورآپ علیہ السلام جس راستے سے گزرجاتے تو وہ راستہ معطر ہوجایاکرتا تھا ۔سیدنا ابوبکر رضی اﷲتعالیٰ عنہ کواﷲتعالیٰ نے گناہوں سے اس قدرمحفوظ کیاہواتھا کہ جس کسی وجہ سے ان کے جسم سے خوشبو آیاکرتی تھی ۔حضرت عمر رضی اﷲتعالیٰ عنہ کی روایت ہے کہ حضرت ابو بکر صدیق رضی اﷲتعالیٰ عنہ کے جسم سے ایسی خوشبو آتی تھی جومشک کی خوشبو سے بہتر ہواکرتی تھی ۔
کئی ایسے نیکوکاربھی ہوتے ہیں کہ ان کے جسم کی خوشبو قبر کی مٹی کو بھی خوشبو دار بنادیتی ہے ،جیسا کہ امام بخاری رحمۃ ُاﷲعلیہ کوجب ان کو قبر میں دفن کیاگیاتو قبر کی مٹی سے خوشبو آتی رہے اور آج تک خوشبو محسوس ہورہی ہے ۔امام عاصم رحمۃ ُاﷲعلیہ جب مسجد نبوی میں جاتے تھے تو وہاں قرآن پاک پڑھا کرتے تھے ،ان کے منہ سے خوشبو آیا کرتی تھی ،کسی نے پوچھا !حضرت ،کیاآپ منہ میں الائچی رکھتے ہیں یاکوئی اور چیز رکھتے ہیں ،ہم نے ایسی خوشبوکبھی نہیں سونگھی ،وہ کہنے لگے،نہیں بات یہ ہے کہ ایک مرتبہ خواب میں نبی علیہ السلام کی زیارت نصیب ہوئی تو آپ علیہ السلام نے ارشادفرماکہ عاصم!تو اتنی محبت کیساتھ قرآن پڑھتا ہے کہ مجھے بہت پسندآتا ہے ،آؤ میں تمہارے منہ کو بوسہ دے دوں ،جب سے نبی علیہ السلام نے خواب میں میرے منہ کابوسہ لیا اس وقت سے میرے منہ سے خوشبو آتی ہے۔ اﷲتعالیٰ ہمیں بھی گناہوں سے محفوظ فرمائے اور نیک اعمال کرنے کی توفیق مرحمت فرمائے۔حضرت عمر رضی اﷲتعالیٰ عنہ کی روایت ہے کہ ابوبکر صدیق رضی اﷲتعالیٰ عنہ کے جسم سے ایسی خوشبو آتی تھی جو مشک کی خوشبو سے بہتر ہواکرتی تھی ۔
تحریک انصاف کے اسلام آباد لانگ مارچ کے لیے مرکزی قافلے نے اسلام آباد کی دہلیز پر دستک دے دی ہے۔ تمام سرکاری اندازوں کے برخلاف تحریک انصاف کے بڑے قافلے نے حکومتی انتظامات کو ناکافی ثابت کردیا ہے اور انتہائی بے رحمانہ شیلنگ اور پکڑ دھکڑ کے واقعات کے باوجود تحریک انصاف کے کارکنان ...
بانی پی ٹی آئی عمران خان کی کال پر پاکستان تحریک انصاف کے قافلے رکاوٹیں عبور کرتے ہوئے اسلام آباد میں داخل ہوگئے ہیں جبکہ دھرنے کے مقام کے حوالے سے حکومتی کمیٹی اور پی ٹی آئی کے درمیان مذاکرات بھی جاری ہیں۔پاکستان تحریک انصاف کے کارکنان چونگی 26 پر چاروں طرف سے بڑی تعداد میں ن...
پاکستان بھر میں انٹرنیٹ اور موبائل ڈیٹا سروس دوسرے دن پیرکوبھی متاثر رہی، جس سے واٹس ایپ صارفین کو شدید پریشانی کا سامنا کرنا پڑا۔ تفصیلات کے مطابق ملک کے کئی شہروں میں موبائل ڈیٹا سروس متاثر ہے ، راولپنڈی اور اسلام آباد میں انٹرنیٹ سروس معطل جبکہ پشاور دیگر شہروں میں موبائل انٹر...
وفاقی وزیر خزانہ سینیٹر محمد اورنگزیب نے اعتراف کیا ہے کہ اٹھارویں آئینی ترمیم، سپریم کورٹ کے فیصلوں اور بین الاقوامی بہترین طریقوں کے پس منظر میں اے جی پی ایکٹ پر نظر ثانی کی ضرورت ہے وزیر خزانہ نے اے جی پی کی آئینی ذمہ داری کو پورا کرنے کے لئے صوبائی سطح پر ڈی جی رسید آڈٹ کے دف...
وزیر داخلہ محسن نقوی نے کہا کہ حکومت کا دو ٹوک فیصلہ ہے کہ دھرنے والوں سے اب کوئی مذاکرات نہیں ہوں گے ۔اسلام آباد میں وفاقی وزیر داخلہ محسن نقوی اور وزیر اطلاعات عطا تارڑ نے میڈیا سے گفتگو کرتے ہوئے کہا کہ پرامن احتجاج کرنے والوں کا رویہ سب نے دیکھا ہے ، ڈی چوک کو مظاہرین سے خال...
پاکستان تحریک انصاف کے بانی چیئرمین عمران خان نے اسلام آباد اور ڈی چوک پہنچنے والے کارکنان کو شاباش دیتے ہوئے مطالبات منظور ہونے تک ڈٹ جانے کی ہدایت کی ہے۔پاکستان تحریک انصاف کے بانی کے آفیشل ایکس اکاؤنٹ سے عمران خان سے منسوب بیان میں لکھا گیا ہے کہ ’پاکستانی قوم اور پی ٹی آئی...
پاکستان تحریک انصاف (پی ٹی آئی) کے اسلام آباد میں احتجاج کے دوران کارکنان پیش قدمی نہ کرنے پر برہم ہوگئے اور ایک کارکن نے علی امین گنڈاپور کو بوتل مار دی۔خیبرپختونخوا کے وزیراعلیٰ علی امین گنڈاپور اور بانی پی ٹی آئی کی اہلیہ بشریٰ بی بی کی قیادت میں کارکنان اسلام آباد میں موجود ہ...
سپریم کورٹ کے جسٹس منصور علی شاہ نے ذوالفقار علی بھٹو ریفرنس میں اپنا اضافی نوٹ جاری کر تے ہوئے کہا ہے کہ آمرانہ ادوار میں ججزکی اصل طاقت اپنی آزادی اور اصولوں پر ثابت قدم رہنے میں ہے ، آمرانہ مداخلتوں کا مقابلہ کرنے میں تاخیر قانون کی حکمرانی کے لیے مہلک ثابت ہو سکتی ہے ۔منگل کو...
بانی پی ٹی آئی عمران خان کی کال پر وزیراعلیٰ خیبرپختونخوا اور اپوزیشن لیڈر عمر ایوب کی قیادت میں قافلے پنجاب کی حدود میں داخل ہوگئے جس کے بعد تحریک انصاف نے حکمت عملی تبدیل کرلی ہے ۔تفصیلات کے مطابق پاکستان تحریک انصاف کے احتجاج میںپنجاب، سندھ، بلوچستان اور خیبرپختونخوا سے قافلے...
تحریک انصاف ک فیصلہ کن کال کے اعلان پر خیبر پختون خواہ ،بلوچستان اورسندھ کی طرح پنجاب میں بھی کافی ہلچل دکھائی دی۔ بلوچستان اور سندھ سے احتجاج میں شامل ہونے والے قافلوںکی خبروں میں پولیس نے لاہور میں عمرہ کرکے واپس آنے والی خواتین پر دھاوا بول دیا۔ لاہور کی نمائندگی حماد اظہر ، ...
وزیراعلیٰ خیبر پختونخوا علی امین گنڈاپور نے کہا ہے کہ وفاقی اور پنجاب حکومت جتنے بھی راستے بند کرے ہم کھولیں گے۔وزیراعلیٰ نے پشاور ٹول پلازہ پہنچنے کے بعد میڈیا سے بات چیت کرتے ہوئے کہا کہ عمران خان کی رہائی کی تحریک کا آغاز ہو گیا ہے ، عوام کا سمندر دیکھ لیں۔علی امین نے کہا کہ ...
پاکستان تحریک انصاف کے ہونے والے احتجاج کے پیش نظر وفاقی دارالحکومت اسلام آباد میں پولیس، رینجرز اور ایف سی کی بھاری نفری تعینات کر دی گئی ہے جبکہ پنجاب اور کے پی سے جڑواں شہروں کو آنے والے راستے بند کر دیے گئے ہیں اور مختلف شہروں میں خندقیں کھود کر شہر سے باہر نکلنے کے راستے بند...
