... loading ...
... loading ...
صابر ظفر
صورتِ مرگ فقط راہ کی ٹھوکر نکلی
زندگی تُو مرے اندازے سے کم تر نکلی
دھوپ نے دکھ دیا لیکن مجھے تنہا نہ کِیا
ایک پرچھائیں مرے جسم سے باہر نکلی
تیرے چہرے سے کُھلا مجھ سے بچھڑنے کا ملال
شکل اک اور تری شکل کے اندر نکلی
صرف چکّر ہی نہیں پائوں میں زنجیر بھی ہے
میری حالت ، مری قسمت سے بھی ابتر نکلی
آتشِ کبر نکلتی ہی نہ تھی دل سے ظفرؔ
چوبِ منبر کو جلایا تو یہ کافر نکلی
اقبال خاورؔ
وحشت ہے اک عجیب سی وحشت ہے اِن دنوں
دیکھے تو کوئی دل کی جو حالت ہے اِن دنوں
ہر روز چاہیے مجھے وہ چشمِ بے لحاظ
دل کو اِسی ملال کی عادت ہے اِن دنوں
اب کھڑکیوں کی اوٹ میں کچھ ہے تو خوف ہے
کرنا یہاں پہ شام قیامت ہے اِن دنوں
اب وصل کا ہے خواب نہ ہے رنگ ہجر کا
آنکھوں کی کوئی اور ہی صورت ہے اِن دنوں
آ جا ہوائے شام نے بدلی ہے پھر نگاہ
پھر لمسِ یار تیری ضرورت ہے اِن دنوں
خاورؔ جو صبح و شام غزل کہہ رہے ہو تم
لگتا ہے کچھ خراب طبیعت ہے اِن دنوں
خالد ؔ معین
اک خلش بے سبب اُٹھا لائے
ہم بھی کیسی طلب اُٹھا لائے
بارِ گریہ اُٹھائے پھرتے تھے
اب کے موجِ طرب اُٹھا لائے
کج کلاہی پہ حرف آیا تو
ہم بھی نام و نسب اُٹھا لائے
جی تو جی ہے سو اپنی خلوت میں
کیا خبر کس کو کب اُٹھا لائے
جاگنے والے برسرِ مژگاں
گریۂ نیم شب اُٹھا لائے
آخری بار اُس گلی میں گئے
اور الزام سب اُٹھا لائے
اجملؔ سراج
اور تو خیر کیا رہ گیا
ہاں مگر اک خلا رہ گیا
غم سبھی دل سے رخصت ہوئے
درد بے انتہا رہ گیا
رنگ جانے کہاں اُڑ گئے
صرف اک داغ سا رہ گیا
آرزوئوں کا مرکز تھا دل
حسرتوں میں گھرا رہ گیا
جام کیا کیا نہ خالی ہوئے
درد سے دل بھرا رہ گیا
کس کو چھوڑا خزاں نے مگر
زخم دل کا ہرا رہ گیا
کام اجملؔ بہت تھے ہمیں
ہاتھ دل پر دھرا رہ گیا
مجید فکری
آنکھوں سے پیتا رہتا ہوں
عالم پر چھایا رہتا ہوں
یہ چہرہ میرا جگنو ہے
میں جلتا بجھتا رہتا ہوں
جب کوئی سازش ہوتی ہے
میں چہرے پڑھتا رہتا ہوں
یہ کیسا عالم طاری ہے
ہر شے کو تکتا رہتا ہوں
مجھ کو یہ بھی یاد نہیں ہے
میں کب سے تنہا رہتا ہوں
جو مجھ سے ملتے ہیں فِکریؔ
میں ان سے ملتا رہتا ہوں
٭ ٭ ٭
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
