... loading ...
... loading ...
دنیا بھر میں دو سو سے زائد ممالک ہیں اور آپ نے ان میں سے بیشتر کا نام تو ضرور سنا ہوگا۔مگر اس دنیا میں کچھ ایسی ریاستیں اور خطے بھی ہیں جن کے بارے میں بیشتر لوگ نہیں جانتے۔یہ ریاستیں یا ملک رقبے میں بہت چھوٹے ہیں اور کئی جگہ تو چند افراد ہی رہائش پزیر ہوتے ہیں۔ہم یہاں ایسے ہی چھوٹے ترین ممالک کے بارے میں لوگوں کی آگہی کے لئے تفصیلات پیش کررہے ہیں جن کی آبادی بعض ممالک کے چھوٹے گائوں سے بھی کم ہوسکتی ہے۔
یہ ملک 300 سے زائد جزیروں پر مشتمل ہے اور زمین کے چند حیرت انگیز مقامات میں سے ایک سمجھا جاتا ہے۔ اس کے برساتی جنگلات منفرد اقسام کے پودوں اور پرندوں سے بھرا ہوئے ہیں، اس ملک کا رقبہ 459 اسکوائر کلومیٹر ہے جبکہ یہاں کی آبادی 21 ہزار سے زائد ہے۔
یہ دنیا کی سب سے چھوٹی آزاد جمہوریہ اور جزیرے پر مشتمل ریاست ہے، جس کا رقبہ 21 اسکوائر کلومیٹر جبکہ آبادی 9500 سے زائد ہے۔ یہاں کوئی دارالحکومت نہیں اور نہ ہی پبلک ٹرانسپورٹ نظر آتی ہے بلکہ سڑکوں پر لوگ اپنی گاڑیاں ہی چلاتے ہیں۔
اگر یہ کہا جائے کہ یہ دنیا کا سب سے چھوٹا ملک ہے تو غلط نہیں ہوگا، اس غیر تسلیم شدہ ملک کا رقبہ محض 0.004 اسکوائر کلومیٹر ہے اور یہاں 27 افراد مقیم ہیں، یہ برطانیا کے ساحل سے چھ میل دور واقع ایک سمندری پلیٹ فارم ہے، جہاں ایک خودساختہ شہزادہ رجنٹ حکمرانی کرتا ہے اور اس ریاست کی ویب سائٹ سے کوئی بھی چند سو پاؤنڈ کا خرچہ کرکے اپنے لیے نواب، بیرن یا ڈیوک کا خطاب حاصل کرسکتا ہے۔
261.46 اسکوائر کلومیٹر رقبے پر پھیلے ننھے سے جزیرے پر مشتمل اس ملک کی آبادی 1190 ہے جو کہ جنوب مغربی بحرالکاہل میں واقع ہے۔ اس کا دارالحکومت درحقیقت ایک چھوٹا سا گاؤں ہے جہاں چھ سو سے بھی کم افراد رہائش پزیر ہیں، مگر اس ملک کا اپنا ائیرپورٹ اور بس ایک ہی سپرمارکیٹ بھی ہے۔
ویٹی کین سٹی سے ہٹ کر روم کے اندر ایک اور ننھی ریاست بھی قائم ہے، جس کا رقبہ تو صرف 0.012 اسکوائر کلومیٹر ہے مگر یہاں ایک لاکھ سے زائد افراد مقیم ہیں، اس نے 3 عمارتوںپر قبضہ کیا ہوا ہے جن میں سے2 روم میں جبکہ ایک مالٹا میں ہے۔ اس کی اپنی کرنسی، مہریں، ویب سائٹ اور پاسپورٹس ہیں۔
یہ انتہائی چھوٹا ملک صرف 75 اسکوائر کلومیٹر پر واقع ہے جہاں تیس افراد مقیم ہیں، جو کہ آسٹریلیا میں اسی نام کے صوبے میں واقع ہے، لیونارڈ کیسلے نے اپنے اس فارم کو نئی خودمختار ریاست قرار دیا، حالانکہ کسی اور ملک نے اسے تسلیم نہیں کیا مگر پھر بھی یہاں کی اپنی کرنسی، مہریں اور پاسپورٹ وغیرہ ہیں۔
5 اسکوائر کلومیٹر سے بھی کم رقبے کے اس ملک میں 312 افراد رہائش پزیر ہیں، یہ درحقیقت اٹلی کا ایک حصہ ہے جہاں ایک خاندان حکمرانی کررہا ہے۔ یہ غیرتسلیم شدہ ریاست۳ افراد پر مشتمل فوج بھی رکھتی ہے، جن میں سے ایک وزیر دفاع اور دوسرحدی محافظ ہیں۔
اس ملک کا رقبہ تو صرف 26 اسکوائر کلومیٹر ہے مگر یہاں کی آبادی دس ہزار سے زائد ہے۔ یہ دنیا کے سب سے چھوٹے اور غریب ترین ممالک میں سے ایک ہے۔
یہ امریکا کے قریب کیریبین جزائر پر مشتمل 261 اسکوائر کلومیٹر رقبے پر پھیلا ملک ہے، جس کی آبادی پچاس ہزار سے زائد ہے۔ یہاں ڈھائی لاکھ ڈالرز کی سرمایہ کاری کرکے کوئی بھی شہریت حاصل کرسکتا ہے جبکہ چار لاکھ ڈالرز کی جائیداد بھی یہاں کی شہریت دلوا دیتی ہے۔
محض 0.055 اسکوائر کلومیٹر رقبے پر مشتمل اس ملک کی آبادی صرف سات افراد پر مشتمل ہے، یہ امریکی ریاست نیوڈا میں کیون بوف نامی شخص نے قائم کی، جس کا اپنا ترانہ اور جھنڈا بھی ہے۔ یہاں سنگین جرائم پر سزائے موت بھی دی جاسکتی ہے جبکہ اپنے پاسپورٹ اور خلائی پروگرام بھی ہے۔
