... loading ...
... loading ...
ایم کیوایم کی لندن قیادت نے کراچی میں اب ایک نئی جماعت الیکشن کمیشن میں رجسٹرد کرانے کا فیصلہ کرلیا ہے۔ انتہائی باخبر ذرائع کے مطابق نئی جماعت کے لیے نسبتاً نئے چہروں کو ابتدا میں سامنے لایا جائے گا، مگر جو درحقیقت بانی متحدہ کے حقیقی وفادار اور پرانے روابط رکھنے والے ہی افراد ہوں گے، نئی جماعت کے طورپرایم کیوایم وفا پرست کے نام پر اتفاق ہوا ہے۔ جس میں ابتدائی طور پر چار رہنما منظر عام پرآکر ابتدائی کارروائی کو پورا کریں گے۔ جس میں الیکشن کمیشن میں نئی جماعت کے لیے رجسٹریشن کے مختلف مراحل سے لے کر دیگر اْمور شامل ہیں۔ایم کیوایم لندن کی قیادت نے وہاں موجود رہنماؤں کے ساتھ طویل مشاورت کے بعد یہ فیصلہ کیا ہے کہ ایم کیوایم وفا پرست کے نام سے اس نئی جماعت میں پاک سرزمین پارٹی اور ایم کیوایم پاکستان کے کچھ رہنماؤں کو چھوڑ کر سب کے لیے معافی کے ساتھ گھر واپسی کے لیے دروازے کھول دیے جائیں گے، ایم کیوایم پاکستان کے جن چار رہنماؤں کے لیے دروازے ہمیشہ کے لیے بند کردیے گئے ہیں اْن میں ڈاکٹر فاروق ستار، عامر خان ، خواجہ اظہار الحسن اور فیصل سبزواری کے نام شامل ہیں۔ جبکہ پاک سرزمین پارٹی میں سے مصطفی کمال اور انیس احمد ایڈووکیٹ کے نام ناقابل قبول لوگوں کی فہرست میں شامل کیے گئے ہیں۔ وجود کو قابل اعتماد ذرائع سے ملنے والی اطلاعات کے مطابق ایم کیوایم وفا پرست کے نام سے نئی جماعت بعد ازاں نائن زیرو اور خورشید بیگم میموریل ہال کی حوالگی کے لیے عدالت سے بھی رجوع کرے گی۔واضح رہے کہ گزشتہ دنوں بعض مقتدر حلقوں کی جانب سے ڈاکٹر فاروق ستار کو یہ پیشکش کی گئی تھی کہ وہ ایم کیوایم کا مرکز نائن زیرو اور خورشید بیگم میموریل ہال کو اپنی جماعت کی تحویل میں لے لیں۔ مگر ڈاکٹر فاروق ستار نے بوجوہ یہ پیشکش قبول نہیں کی تھی۔ انتہائی ذمہ دار ذرائع کے مطابق گزشتہ دنوں ایک رکن صوبائی اسمبلی پر ہونے والے حملے کو بھی نئی جماعت کے قیام کے فیصلے کے تناظر میں دیکھا جارہا ہے۔ ایم کیوایم پاکستان کے حلقوںمیں اس حملے کے حوالے سے تشویش کی ایک نئی لہر دوڑ گئی ہے، بعدازاں یہی تشویش ، اضطراب او رخوف کے عناصر نئی جماعت کے لیے ایم کیوایم کے تمام گروپوں کے مختلف رہنماؤں کی گھر واپسی کا راستہ بھی ہموار کرسکتے ہیں۔بانی متحدہ اور ایم کیوایم لندن کے رہنماؤں کی اس سوچی سمجھی مگر اچانک چال سے ایم کیوایم پاکستان اور پاک سرزمین کے لیے مزید مشکلات پیدا ہوسکتی ہیں، جو ابھی بھی آپس میں اتحاد نہ کرنے کے باعث کافی پریشانیوں کا شکار ہوچکی ہیں۔ اس ضمن میں وجود کو یہ معلوم ہوا ہے کہ پاک سرزمین پارٹی اور ایم کیوایم پاکستان کو متحد کرنے کی تمام اندرونِ خانہ کوششیں عملاً ناکام ہو چکی ہیں۔ اور اس کے ذمہ دار پاک سرزمین پارٹی کے دورہنماؤں یعنی مصطفیٰ کمال اور انیس احمد ایڈووکیٹ کو قرار دیا جارہا ہے۔ ذرائع کے مطابق دونوں جماعتوں کے انضمام پر پاک سرزمین پارٹی کے دوسرے بڑے طاقت ور رہنما انیس قائم خانی پوری طرح تیار ہیں۔باخبر ذرائع کے مطابق اس حوالے سے انیس قائم خانی کے ڈاکٹر فاروق ستار اور عامر خان سے براہِ راست رابطے بھی ہوچکے ہیں، مگر یہ رابطے اور کوششیں عملاً پاک سرزمین پارٹی کے سربراہ مصطفیٰ کمال کے باعث رنگ نہیں لاسکی ہیں، جو اگلے انتخابات میں دونوں جماعتوں کے لیے انتہائی نقصان دہ ثابت ہوسکتا ہے۔ کیونکہ ایسی صورت میں ایم کیوایم وفا پرست گروپ کے پاس کراچی کے اردو بولنے والوں کو متاثر کرنے کے لیے زیادہ موثر بیانیہ ہو گا۔ اس پوری صورتِ حال میں ایک پہلو سب سے زیادہ چونکا دینے والا ہے جس کی طرف اس پورے کھیل میں اب تک کسی کی توجہ نہیں گئی ہے۔اگر چہ وزیرداخلہ چودھری نثار اور اْن کے ماتحت ادارے ایف آئی اے کی جانب سے ہرروز بانی متحدہ کی انٹرپول کے ذریعے گرفتاری کی مختلف خبریں گردش میں آتی رہتی ہیں، مگر ذرائع کا دعویٰ ہے کہ مسلم لیگ نون کے بعض رہنما اب بھی اگلے انتخابات کے لیے بانی متحدہ کو کارآمد سمجھتے ہیں، مسلم لیگ نون کے بعض زعماء کے حوالے سے یہ معلوم ہوا ہے کہ مسلم لیگ نون کے اندرونی حلقے میں یہ سوچ پروان چڑھ رہی ہے کہ پاناما کیس سے نوازشریف اور اْن کے اہلِ خانہ کے نکلنے کے بعد ساری توجہ پیپلزپارٹی کا مقابلہ کرنے پر دی جائیگی جس میں بانی متحدہ فیکٹر موثر ثابت ہوسکتا ہے۔ شاید یہی وجہ رہی ہو گی کہ ان دنوں بانی متحدہ نے اپنا وزن حیرت انگیز طور پر کم کردیا ہے اور وہ باقاعدہ طور پر ورزشیں کرنے لگے ہیں، اس حوالے سے ایک دلچسپ ویڈیو بھی سامنے آئی ہے جس میں وہ اپنا پْرانا کوٹ پہن کر دکھا رہے ہیں، دیکھنا یہ ہے کہ ایم کیوایم وفاپرست کے نام سے نئی جماعت کا فیصلہ ایم کیوایم لندن کو کراچی میں ایک بار پھر زندگی دے سکے گا یا نہیں اور بانی متحدہ کی ڈوب کر پھر اْبھرنے کی خواہش کو پورا کرنے میں کوئی مدد کرے گا یا نہیں۔
اسپیکر ایاز صادق کے بیان پر ردعمل دیتے ہوئے صاحبزادہ حامد رضا خان نے ایکس پر بیان جاری کرتے ہوئے کہا کہ اپوزیشن مذاکراتی کمیٹی کے سربراہ عمر ایوب خان کی طرف سے آج اسپیکر ایاز صادق سے ٹیلی فونک رابطہ کی کوشش کی گئی مگر رابطہ قائم نہ ہوسکا۔اسپیکر قومی اسمبلی کو بذریعہ میسج آگاہ کرد...
جمعیت علمائے اسلام (ف )کے سربراہ مولانا فضل الرحمن نے کہا ہے کہ اسٹیبلشمنٹ کا کوئی نظریہ نہیں ہے، ان کا نظریہ صرف اتھارٹی ہے کہ گرفت ہماری رہے،وہ جائز ہو، ناجائز ہو، اس پر ہمیں اعتراض ہے اور رہے گا۔کراچی میںپریس کانفرنس سے خطاب کرتے ہوئے انہوں نے کہا کہ پی ٹی آئی نے حکومت کے سات...
چیئرمین پیپلز پارٹی بلاول بھٹو نے کہا ہے کہ ہمارا خاندان 3 نسلوں سے کراچی کی ترقی میں کردار ادا کررہا ہے، پبلک پرائیویٹ پارٹنر شپ کے تحت شہر کے مسائل کا حل نکالیں گے، صوبہ سندھ کے ساتھ وفاق ہمیشہ سے سوتیلا سلوک کرتا آیا ہے۔کراچی میں شاہراہ بھٹو کی افتتاحی تقریب سے خطاب کرتے ہوئے ...
پاکستان تحریک انصاف کے مرکزی رہنما اور سابق اسپیکر قومی اسمبلی اسد قیصر نے الزام عائد کیا ہے کہ مریم نواز اور خواجہ آصف مذاکرات کو ناکام بنانے کی کوشش کررہے ہیں۔تفصیلات کے مطابق پی ٹی آئی کے مرکزی رہنما اسد قیصر نے خواجہ آصف اور مریم نواز کے بیان کے حوالے سے رد عمل کا اظہار کرتے...
کرم میں سرکاری قافلے پر فائرنگ اور دھرنے کے بعد ٹل سے پاڑا چنار تک شاہراہ آج بھی بند ہے، جس کی وجہ سے شہریوں کی مشکلات بڑھتی جا رہی ہیں۔ لوئر کرم کے علاقے مندوری میں جاری دھرنے کی وجہ سے آمد و رفت کے راستے آج بھی بند ہیں۔ ٹل تا پاڑا چنار مرکزی شاہراہ بند کرنے والے مظاہرین کا کہن...
بانی پی ٹی آئی عمران خان نے کہا ہے کہ ہمارے پاس کوئی راستہ نہیں بچا، ہم اپنے کیسز عالمی سطح پر لے جائیں گے۔اڈیالہ جیل کے باہر میڈیا سے گفتگو کرتے ہوئے عمران خان کی بہن علیمہ خان نے بتایا کہ بانی پی ٹی آئی نے کہا کہ ہم اسلام آباد ہائی کورٹ گئے، سپریم کورٹ گئے، کوئی ہماری بات سننے ...
سپریم کورٹ کے آئینی بنچ میں فوجی عدالتوں میں سویلینز کے ٹرائلز سے متعلق کیس کی سماعت کے دوران جسٹس جمال خان مندوخیل نے ریمارکس دیے کہ ملٹری کورٹس میں ٹرائل کے طریقہ کار پر مطمئن کریں، آرمی ایکٹ کا اطلاق صرف فوج پر ہوتا ہے، فوجی افسران کو بنیادی حقوق اور انصاف ملتا ہے یا نہیں ہم...
وزیر اعظم نے ایف بی آر کو محصولات کے مقدمے جلد نمٹانے کی ہدایت کردی۔ اسلام آباد میں وزیراعظم محمد شہباز شریف کے زیر صدارت ان لینڈ ریونیو کے اپیلیٹ ٹربیونلز کے امور پر جائزہ اجلاس ہوا، اجلاس میں وزیراعظم نے عدالتوں میں رکی ہوئی محصولات کے قانونی مقدمات کو جلد از جلد نمٹانے کی ہد...
ڈیرہ اسماعیل خان کے علاقے میں سیکیورٹی فورسز کے آپریشن میں 5 دہشتگرد ہلاک ہوگئے۔ آئی ایس پی آر کے مطابق 10جنوری کو سکیورٹی فورسز نے دہشت گردوں کی موجودگی کی اطلاع پر ضلع ڈیرہ اسماعیل خان کے علاقے مدی میں انٹیلی جنس پر مبنی آپریشن کیا۔آپریشن کے دوران سیکیورٹی فورسز نے دہشت گردو...
کرم میں سرکاری قافلے پر فائرنگ اور دھرنے کے بعد ٹل سے پارا چنار تک شاہراہ آج بھی بند ہے اور لوگ قافلوں کی آمد کا انتظار کررہے ہیں۔ لوئر کرم مندوری میں دھرنے کے باعث ٹل تا پاڑاچنار مین شاہراہ آج بھی بند ہے، شاہراہ پر دھرنا دینے والے مظاہرین کا کہنا ہے کہ مطالبات کی منظوری تک مین...
وزیراعظم شہباز شریف نے کہا ہے کہ زیادہ ٹیکس پاکستان کو نہیں چلنے دیں گے تاہم ہمیں آئی ایم ایف سے کیے گئے معاہدے پورے کرنے ہیں اور وقت آنے پر آئی ایم ایف کو خیرباد کہیں گے۔پاکستان اسٹاک ایکس چینج کراچی میں منعقدہ تقریب سے خطاب کرتے ہوئے وزیراعظم شہباز شریف نے کہا کہ پہلی بار اس...
سپریم کورٹ میں فوجی عدالتوں میں سویلئنز کے ٹرائل کے فیصلے کے خلاف انٹرا کورٹ اپیل پر سماعت ہوئی جس کے دوران جسٹس مسرت ہلالی نے ریمارکس دیے ہیں کہ سویلین کا ملٹری کورٹس میں ٹرائل اے پی ایس جیسے مجرمان کے خلاف ٹرائل کے لیے تھا، کیا تمام سویلین کے ساتھ وہی برتائو کیا جاسکتا ہے جیسے ...
