... loading ...
... loading ...
٭ ایس ایس پی ملیر راؤ انوار امسال دسمبر میں ریٹائر ہونگے اس لیے کھل کر کارروائیاں کررہے ہیں۔ زمینوں پر قبضہ کرنے یا چھڑانے‘ بے گناہ لوگوں کو اغوا کرنے سمیت ہر وہ کام تیزی سے ہورہا ہے جس سے لاکھوں کروڑوں روپے روزانہ مل جائیں٭ سکھن پولیس نے جس جھوٹے مقدمے میں احمد نواز کو پھنسایا اس میں ان کو فوری طورپر جیل بھجوادیا اب سکھن پولیس کی نیندیں اڑگئی ہیں کہ ان کا کیا حشر ہوگا۔
جیسا کہ جرأت نے پہلے ہی انکشاف کردیا تھا کہ ایس ایس پی ملیر راؤ انوار رواں سال کے آخری ماہ یعنی دسمبر میں ریٹائر ہورہے ہیں، اس لیے وہ کھل کر تابڑتوڑ کارروائیاں کررہے ہیں۔ زمینوں پر قبضے‘ گھروں پرقبضے کرنے یا قبضے چھڑانے‘ بے گناہ لوگوں کو اغوا کرنے سمیت ہر وہ کام تیزی سے کیا جارہا ہے جس سے لاکھوں کروڑوں روپے روزانہ مل جائیں اور راؤ انوار کے خلاف اب سب نے چپ سادھ لی ہے ۔حتیٰ کہ وزیراعلیٰ سید مراد علی شاہ کی بھی زبان بند ہے چونکہ راؤ انوار کا براہ راست تعلق آصف زرداری سے ہے اس لیے باقی پی پی قیادت کے لیے وہ نوگوایریا یا مقدس گائے کی حیثیت رکھتے ہیں۔ راؤ انوار ضلع ملیر میں بادشاہ بن کر لوگوں کا جینا اجیرن بناچکے ہیں، چار روز قبل ضلع لاڑکانہ میں پیپلز پارٹی کے رہنما احمد نواز مغیری کے تربوز لاکر سبزی منڈی میں فروخت کردیے اس کے پاس ڈھائی لاکھ روپے کیش اور دس لاکھ روپے کا چیک تھا جیسے ہی وہ پیسے اور چیک لے کر باہر نکلے راؤ انوار کے مخبر وہاں ان کے پیچھے لگے اور ان کو وہاں سے پولیس موبائلوں میں اغوا کرلیا ان کی تو چاندی ہوگئی۔ پولیس نے ان سے مذاکرات شروع کردیے کہ راؤ انوار کے لیے دس پندرہ لاکھ کچھ نہیں پچاس لاکھ روپے کا انتظام کریں۔ پی پی رہنما احمد نواز مغیری بیچارا ہکابکا رہ گیا کہ انہوں نے جرم کیا ہے کہ50لاکھ روپے راؤ انوار کے لوگوں کو دے؟ وہ سوال کرتا رہا مگر ان کو یہی جواب ملتا کہ راؤ انوار روزانہ پانچ‘ دس بندے قتل کردیتے ہیں تم کو پولیس مقابلہ میں مار دیں گے تو کیا فرق پڑے گا۔ ادھر ان کے ورثاءسمیت پریشان تھے مگر احمد نواز کا کوئی پتہ نہیں چل رہا تھا اچانک کسی انسانیت کے درد رکھنے والے شخص نے ڈی آئی جی شرقی عارف حنیف سے رابطہ کرلیا اور ڈی آئی جی نے جب احمدنواز کے موبائل فون کی لوکیشن معلوم کی تو پتہ چلا کہ وہ تو تھانہ سکھن کے قریب ہے۔ ڈی آئی جی نے ڈی ایس پی سکھن سے کہا کہ وہ احمد نواز کو بازیاب کرائیں۔ ڈی ایس پی کو تو پتہ تھا۔ انہوں نے فوری طور پر راؤ انوار کو بتایا، راؤ انوار بھی پریشان ہوگیا کیونکہ وہ اب ان کو جعلی پولیس مقابلے میں نہیں مارسکتا تھا اس لیے ہنگامی طور پر حکم دیا کہ ان پر ایک پسٹل لگاکر ایف آئی آر درج کی جائے۔ ڈی ایس پی نے ڈی آئی جی کو رپورٹ دی کہ احمد نواز پر لاڑکانہ میں ایک مقدمہ درج ہے اور ان سے ایک پسٹل بھی برآمد ہوا ہے، ڈی آئی جی نے اس انسان دوست سماجی رہنما کو بتادیا جس پر انہوں نے لاڑکانہ کا15سال پرانا کیس بھی منگوالیا جس میں ذاتی دشمنی میں کیس درج ہوا تھا اور دس سال پہلے وہ کیس ختم بھی ہوگیا تھا جب انسان دوست سماجی رہنما نے ڈی آئی جی کو پوری تفصیل فراہم کی تو ڈی آئی جی کو پتہ لگ گیا کہ یہ سب راؤ انوار کا ڈرامہ ہے۔ انہوں نے ایس ایچ او سکھن کو فون کرکے سخت لہجہ میں کہا کہ کیا ان کو خوف خدا نہیں ہے، ہر ایک کے ساتھ یہی ڈرامہ کرتے ہو اپنے ذاتی پسٹل لگاکر بے گناہ افراد کو پھنساتے ہو۔ اب ایس ایچ او کی بھی ہوائیاں اڑنے لگیں اب پوری صورتحال جب واضح ہوئی تو اس سماجی رہنما نے آئی جی سندھ پولیس اے ڈی خواجہ سے بات کی ،آئی جی سندھ پولیس نے فوری طور پر ویسٹ زون کو تحقیقات کا حکم دے دیا۔ سکھن پولیس نے جس جھوٹے مقدمے میں احمد نواز کو پھنسایا اس میں ان کو فوری طورپر جیل بھجوادیا اب سکھن پولیس کی نیندیں اڑگئی ہیں کہ ان کا کیا حشر ہوگا۔ راؤ انوار کو تو کچھ پریشانی نہیں ہے کیونکہ جو پیسے وصول کیے گئے تھے اب وہی پیسے سکھن پولیس کو واپس کرنے ہیں اور الٹا پسٹل لگاکر جھوٹا مقدمہ درج کیا ہے۔ اس میںان کی شامت آئے گی اور الٹا سکھن پولیس پر ایف آئی آر درج ہوگی۔ پوسٹنگ بھی باقی نہیں رہے گی۔ آئی جی سندھ پولیس ایک بے گناہ انسان کو انصاف دلانے کے لیے اقدامات کررہے ہیں اور یہ بھی دیکھ لیا کہ اس واقعہ کے پیچھے راؤ انوار کا ہاتھ ہے لیکن افسوس صد افسوس کہ جب احمد نواز کا پتہ چلا کہ وہ سکھن تھانہ میں جھوٹی ایف آئی آر میں گرفتار ہے تو احمدنواز کے رشتہ داروں نے پی پی سندھ کے صدر نثار کھوڑو‘ لاڑکانہ کی رکن قومی اسمبلی فریال تالپر‘ وزیراعلیٰ سندھ سید مراد علی شاہ سے رابطہ کرکے ان کو درخواست کی کہ وہ ان کی مدد کریں مگر سب کو سانپ سونگھ گیا کسی میں اتنی اخلاقی جرأت بھی نہیں تھی کہ وہ ان رشتہ داروں کو دلاسہ بھی دیتے۔ سب نے اس لیے خاموشی اختیار کی کیونکہ سامنے راؤ انوار تھا۔ وہ تو ڈرگئے مگر خوف خدا رکھنے والے سماجی رہنما اور آئی جی پولیس نہیں ڈرے۔ اب دیکھیں آگے کیا ہوتا ہے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
