... loading ...
... loading ...
امریکی اخبار ٹیلی گراف کی ایک رپورٹ پڑھیں ،پھربات کرتے ہیں۔ ’’57سالہ شامی مسلمان ابراہیم علی اب عیسائی ہوچکا ہے۔ علی 2011 میں جنگ شروع ہوتے ہی حلب (شام) سے نقل مکانی کرکے لبنان آگیا تھا۔ وہ اپنی بیوی اور7 بچوں کوحلب ہی چھوڑ آیا تھا۔ یہاں اس کو جمعدار کی ملازمت ملی وہ ملازمت کے پیسے اپنے باس کے پاس رکھواتا رہا۔ تین سال بعد جب علی نے اپنے باس سے پیسے مانگے جو کہ 10 ہزار ڈالر ہو چکے تھے تو علی کے باس نے انکار کردیا۔ علی کیونکہ غیرقانونی طور پر لبنان میں رہ رہا تھا۔ اس لیے وہ کہاں جاتا؟ کس سے شکایت کرتا؟ پھر علی کو بیروت کے قریب مضافاتی علاقے برج حماد کے ایک ہوٹل میں عراقی عیسائی ملا۔ اس نے علی کو اناجیلی چرچ آف گاڈ آنے کو کہا، جہاں سے علی کو راشن ملنے لگا۔ مگر چرچ کی چند شرائط بھی تھیں، انہوں نے علی کو بستر، روزانہ دو وقت کا کھانا دینے اور ماہانہ چھوٹا سا وظیفہ دینے کی پیشکش کی مگر اس کے لیے علی کو ہفتہ وار بائبل کے مطالعے کے مراحل میں شرکت کرنالازمی تھا۔ علی نے ٹیلی گراف کو بتایا کہ اس کے ساتھ زیادہ تر ان تبلیغی کلاسز کے شرکا مسلمان ہوتے ہیں۔ علی کا نیا نام عبدالمسیح یعنی مسیح کا بندہ رکھا گیا‘‘۔ اب ایک عورت کی کہانی پڑھیں۔ ’’عالیہ الحاج 29 سالہ خاتون ہیں، اس کا شوہر اور تین چھوٹے بچے لبنان میں عیسائیوں کے علاقے اشرافیہ میں چرچ جاتے ہیں، عالیہ نے بتایاکہ لبنانی شہری مہاجرین سے نفرت کرتے ہیں۔ اس لیے ہمارے لیے ہر ممکن حد تک زندگی مشکل بنا دیتے ہیں۔ میرا بیٹا بیمار ہے اور میں اس کے لیے دوا نہیں خرید سکتی۔ میرے شوہر کو کام کرنے کی اجازت نہیں ہے‘‘۔ اب ایک عیسائی پادری سعید ویب کی گفتگو بھی ذرا پڑھ لیں، اور سوچیں کہ باہمی نفرت نے آج مسلمانوں کا کیا حال کر دیا ہے؟ عیسائی پادری نے بتایا کہ’’مسلمان میرے پاس آکر گڑگڑاتے ہیں کہ ہمیں عیسائی بنالو۔ وہ سمجھتے ہیں کہ اس طرح ان کو بیرون ملک پناہ ملنے میں مدد مل سکتی ہے۔ وہ کہتے ہیں بس ہمیں یہاں کی شہریت دلوادو، یہاں سے نکلنے کے لیے میں کسی پر بھی ایمان لانے کو تیار ہوں‘‘۔
یہ رپورٹ ایک امریکی اخبار کی ہے۔ اس نے اپنی رپورٹ میں لبنان میں پھنسے 15 لاکھ شامیوں کے احوال بتائے ہیں، علی، عالیہ الحاج اور عیسائی پادری کی گفتگو کئی سوال پیدا کرتی ہے۔ جن لوگوں نے شام میں ’’جہاد‘‘ کااعلان کیا، کیا ان لوگوں کو اس بات کا احساس تک بھی تھا کہ ان کے اس ’’جہاد‘‘ کے نتیجے میں 15 لاکھ سے زائد مسلمانوں کے ایمان کیا ہوگا؟ کیا ان قوتوں نے، اگرمان بھی لیا جائے کہ اخلاص سے ’’جہاد‘‘ کا آغاز کیا تھا، تو بھی اس کے نتائج کی ذمہ داری کس پر آتی ہے؟ کیا بشار الاسد کے شام میں سنی مسلمانوں کی حالت آج جیسی تھی؟ کیا سنی شام میں آج کے مقابلے میں کل سکون میں نہ تھے؟ راتوں رات حلب کے لیے احادیث مبارکہ کانزول کیسے ممکن ہوا؟ آج سے پہلے حلب کے لیے یہ احادیث اتنی عام کیوں نہ تھیں؟ دجال اورعیسی علیہ السلام کے آنے کا احوال تو عام ہے، پھر شام کے جہاد کا احوال کیوں نہ تھا؟ اور جو لوگ شام کے جہاد میں شرکت کرنے کے لیے جارہے تھے یا جا رہے ہیں ان کی مددکرنے والے خودکیوں نہیں جاتے؟ حلب میں مسلمان عورتوں بچوں کو چھوڑ کر فرار ہونے والے ’’مجاہدین‘‘ اس کا جواز کہاں سے پیش کریں گے؟ 1971ء میں پاکستانی فوج کی پسپائی کو شرم ناک کہنے والے آج حلب میں عورتوں، بچوں کو چھوڑ کر فرار ہونے والوں کو کیا کہیں گے؟ جب یہ تمام ’’مجاہدین‘‘ شہادت کے لیے حلب کی ’’مقدس ‘‘ جنگ میں شریک ہوئے تھے تو حلب میں رک کر مقابلہ کرتے اور عورتوں بچوں کو محفوظ مقام پر روانہ کرتے تو کیا یہ حکمت عملی زیادہ قابل ستائش نہ ہوتی؟ اگر تمام مجاہدین ’’حلب میں ’’شہید‘‘ ہوجاتے لیکن عورتیں، بچے، بوڑھے محفوظ ہو جاتے تو کیا یہ برا تھا؟ کیا عورتوں بچوں کو بے یار و مددگار چھوڑ کر فرار ہونے والوں کا یہ اقدام صحیح ہے؟ اگر شام میں ایڈونچر شروع ہی نہ کیا جاتا تو اسلام کو کیا خطرہ لاحق ہوتا؟ بشار الاسد نے جنگ سے پہلے اتنے مظالم کئے تھے؟ جتنے اس نے جنگ کے بعد کئے؟ جنگ میں شریک سعودی بلاک کے لوگ امریکا سے مددکیوں مانگتے رہے؟ اگر مان لیا جائے کہ شام کی مدد روس کر رہا ہے تو کیا یہ دلیل ہے کہ امریکا کی مددان کے حق میں مددگارثابت ہوسکتی ہے؟ امریکا بھی کافر ہے۔ روس بھی کافر ہے۔ جنگ میں لڑنے والے کیا ہیں؟ اور کافروں کی مدد سے جنگ لڑنا کیسا ہے؟ کافر کی کوئی اخلاقیات نہیں ہوتی۔ مگر کیا مسلمان کی بھی کوئی اخلاقیات نہیں ہوتیں؟ آج شام غالب اکثریت کا ملک بن گیا اس کا ذمہ دار کون ہوگا؟ جنگ میں شریک لوگ اس کے ذمہ دار ہیں یا نہیں؟ یہ جو شامی اپنا مذہب تبدیل کررہے ہیں، ان کے اس عمل کا ذمہ دار کون ہے؟ ان شامیوں کو اس حالت تک لانے میں انقلاب کے داعیوں کا حصہ ہے یا نہیں؟ انقلاب کے داعی اللہ پاک کو اس عمل کا کیا جواب دینگے؟ ایک پر امن ملک میں انقلاب اور حقوق کے نام پر تباہی مچادی گئی۔ اور حقوق۔ ۔ ۔ ! حقوق کیا ہوتے ہیں؟ کیا شام کے سنیوں کو عبادت کے معاملے میں آزادی حاصل نہ تھی؟ اگر ان کو حکومت کے معاملات میں حقوق حاصل نہ تھے تو کیا یہ اتنا بڑا مسئلہ تھا جس کے لیے وہ سب کچھ کردیا گیا جس کا نتیجہ آج ہمارے سامنے ہے؟ حقوق کے نام پر لڑی جانے والی جنگ کو اسلام سے جوڑناکہاں کا انصاف ہے؟ انقلابی کیا اب بھی اس کو حکمت عملی کی غلطی قرار دینگے؟ کتنی حکمت عملی کی غلطیوں کے بعد ہوش آئے گا؟ لاکھوں عورتوں بچوں کی زندگیاں بربادہونے کا ذمہ دار انقلاب لانے والے ہیں یا نہیں؟ جب شام کے مسلمانوں کی اخلاقی حالت یہ تھی کہ امریکا، یورپ اور کینیڈا جانے کے لیے مرتد ہو رہے ہیں، ایسے میں جنگ سے پہلے ان کا ایمان مضبوط کرنے کی محنت کیوں نہ کی گئی؟ ایسے کمزور مسلمانوں پر جنگ مسلط کرنا ٹھیک تھا؟ ان مرتدوں کو اگر آخرت میں سزا ملی تو کیا انقلابی اس سزا سے بچ جائیں گے جن کی وجہ سے یہ لوگ مرتد ہونے تک پہنچ گئے ہیں؟ جنگ کے شروع کرنے سے پہلے ان تمام معاملات کا احساس نہ کرنا کس کی غلطی ہے؟ اور لبرل جن کے منہ نہیں تھکتے یہ کہتے ہوئے کہ واہ کیا بات ہے کینیڈا کی، کسی مسلمان ملک نے مہاجرین کو اتنی پناہ نہیں دی جتنی کینیڈا نے پناہ دی ہے۔ وہ ٹیلی گراف کی رپورٹ پڑھ لیں۔ جرمنی اور کینیڈا مفت میں پناہ نہیں دے رہا۔ مغرب اور یورپ مسلمانوں سے ان کا مذہب چھین کر اس قیمت پر ان کو بھکاری کی زندگی جینے کا حق دیتا ہے۔ یہ یورپ کے گھر کی گواہی ہے۔ اور وہ تمام انقلابی جو اب بھی کسی مہم جوئی کا ارادہ رکھتے ہیں۔ وہ کل پل صراط پر ان مرتد مسلمانوں کا سامنا کرنے کے لیے تیار رہیں۔ اور وہ وقت دور نہیں جب مسلمان انقلابیوں کی حکمت عملیوں کی قیمت چکا چکا کر عام مسلمان اتنے تھک جائیںں گے کہ وہ ان سے برأت کا اعلان کر کے مکمل لبرل ہوجائیں گے۔ اس وقت اگر عیسی علیہ السلام اور امام مہدی بھی آئیں گے تو مسلمان ان پر بھی یقین کرنے میں کئی بار سوچیں گے اور اس کا ذمہ دار حلب کو فتح کرنے کا خواب دیکھنے والے کرائے کے انقلابی ہونگے۔
شامی صدر بشار الاسد کی حکومت کے خلاف مارچ2011ءمیں شروع ہونے والے پر امن احتجاج نے آج پوری دنیا کے امن کو داؤ پر لگا دیا ہے اور ایک اندازے کے مطابق اس تنازعہ میں جہاں 3 لاکھ سے زائد افراد اپنی زندگی کی بازی ہار چکے ہیں۔وہیں نصف سے زائد شامی آبادی بے گھر ہوچکی ہے۔انسانی تہذیب و ...
[caption id="attachment_44290" align="aligncenter" width="784"] سارن گیس حملے میں قصور وار قرار دیے گئے افراد کو امریکا نے بلیک لسٹ قراردے دیا،یہ 271 اہلکار شام کے سائنسی مطالعے اور تحقیقی مرکز کے ملازمین ہیں[/caption] امریکی حکومت نے اپریل کے اوائل میں ادلب کے علاقے خان شیخون...
[caption id="attachment_44130" align="aligncenter" width="784"] شام پر امریکی حملے اور شمالی کوریا کو دھمکی کے تناظر میں گزشتہ روزگوگل پر ’’تیسری عالمی جنگ‘‘ ٹاپ سرچ رہا، شمالی کوریا کی جانب سے ایک اور ایٹمی تجربے کاامکان شمالی کوریا نے اپنے بانی قائد کی 105ویں سالگرہ پر منعقدہ پ...
شامی اپوزیشن نے ملک میں قیام امن کے لیے حال ہی میں روس اور ایران کے درمیان طے پانے والے معاہدے کو یکسر مسترد کرتے ہوئے اسے انسانیت کے خلاف سنگین اور شرمناک جرم قرار دیا ہے۔ عربی خبررساں ادارے کے مطابق ایران اور روس کے باہمی سمجھوتے پر اپنا ردعمل بیان کرتے ہوئے شامی اپوزیشن کے سی...
شام کے بشارالاسد نے گزشتہ روز روسی ٹی وی چینل 24اور این ٹی وی پر انٹرویو دیتے ہوئے امریکا پر الزام عاید کیا ہے کہ وہ شام کی نام نہاد اعتدال پسند اپوزیشن کو آگے بڑھانے کی کوشش کررہاہے۔ انھوں نے کہا کہ امریکا اپنے اس جھوٹ کو چھپا نہیں سکا کیونکہ حقیقت اس کے برعکس ہے اورامریکا جن ل...
سماجی رابطے کی فارسی ویب سائٹوں نے ایک ایرانی طالب علم کی وڈیو جاری کی ہے جس میں اس نے بشار الاسد کے لیے تہران کی سپورٹ کی روشنی میں شامی عوام کے انسانی المیے کے حوالے سے اپنے ملک کے موقف پر سخت احتجاج کیا ہے۔ تہران کی امیر کبیرطلبا کی یونی ورسٹی آف ٹیکنالوجی میں یوم طلبہ کے موق...
شامی فوج نے یرموک پناہ گزین کیمپ کے ایک لاکھ فلسطینی پناہ گزینوںکا ناطقہ بند کیا،ڈاکٹر صادق زیبا۔حلب پرتازہ فضائی بمباری سے ماں بیٹے سمیت اکیس افراد شہید روس اور ایران کی وحشیانہ فضائی مہم میں دشوار نظر آرہا ہے کہ اعتدال پسند اپوزیشن زیادہ عرصے تک اپنی پوزیشن برقرار رکھ سکے،امر...
فیشن شو میں بچوں کو بھی نمائش کے لیے پیش کیا گیا،دوسری جانب لاکھوں بچے بھوک سے بلک رہے ہیں اور ہزاروں بچوں کے والدین کی شہادت کے باعث وہ یتیم و بے آسرا ہوچکے ہیں شام میں صدر بشار الاسد کے آبائی صوبے لاذقیہ میں شامی وزارت سیاحت کے زیر نگرانی ایک ہفتے پر مشتمل فیشن شومنعقد...
امریکا، برطانیہ اور فرانس نے شامی اپوزیشن کیخلاف فوجی اور مالی امداد پہنچاکراس جنگ کو عفریت کی شکل دے دی بشارالاسد کے مخالفین کی صفوں میں شامل ہوکر القاعدہ اور داعش نے نئی قوت حاصل کرلی شام گزشتہ 5سال سے زائد عرصے سے ایک نہ ختم ہونے والی جنگ کی لپیٹ میں آیاہوا ہے اور یہ جنگ اس ...
