... loading ...
... loading ...
شیخوپورہ میں مارے جانے والے کالعدم تنظیم کے امیر اور خطرناک دہشت گرد رضوان علی عرف آصف چھوٹو نے وزیر اعلی پنجاب شہباز شریف سمیت متعدد اہم شخصیات کی ٹارگٹ کلنگ کا منصوبہ بنا رکھا تھا۔شیخوپورہ بائی پاس کے قریب انسداد دہشت گردی فورس کے ساتھ مقابلے میں مارے جانے والا دہشت گرد رضوان علی عرف آصف چھوٹو کالعدم لشکر جھنگوی کا امیر تھا۔ مذکورہ دہشت گرد نے کراچی سمیت ملک کے مختلف علاقوں میں فرقہ وارانہ ٹارگٹ کلنگ کے دوران درجنوں اہم شخصیات کو بیدردی سے قتل کیا۔ علامہ طالب جوہری کے بھتیجے ابن حسن، کراچی میں دو ایرانی شہریوں کے قتل سمیت ایک ہوٹل میں 8 افراد کے قتل کا مرکزی ملزم بھی آصف چھوٹو تھا۔ امام بارگاہ اورنگی کے متولی شمیم حیدر، سی آئی ڈی کے ملازم عبدالعلیم، کراچی میں بس حملے سمیت متعدد امام بارگاہوں پر خودکش حملے بھی آصف چھوٹو نے ہی کروائے تھے۔ مذکورہ دہشت گرد اورکزئی ایجنسی میں بیٹھ کر کراچی سمیت دیگر شہروں کی اہم شخصیات سے بھتا بھی وصول کرتا رہا۔ آصف چھوٹو خودکش حملہ آوروں اور بارودی مواد تیار کرنے کا بھی ماہر تھا۔ وفاقی حکومت کی جانب سے آصف چھوٹو کے سر کی قیمت 30 لاکھ روپے مقرر کی گئی تھی۔وہ سات سال جیل میں بھی رہا اور 2012میں ضمانت پر رہا ہونے کے بعد روپوش ہو گیا تھا جو گزشتہ رات اپنے دیگر ساتھیوں شاکر اللہ اور نورالعین کے ساتھ مقابلے میں مارا گیا تھا۔شیخوپورہ بائی پاس کے قریب محکمہ انسداد دہشت گردی (سی ٹی ڈی)کی کارروائی میں کالعدم تنظیم سے تعلق رکھنے والا رضوان عرف آصف چھوٹواور اس کے3 ساتھی ڈاکٹرشاکراللہ عرف علی سفیان، نور الامین اور ایک نا معلوم دہشت گردمارا گیا۔ضلع مظفرگڑھ سے تعلق رکھنے والے آصف چھوٹو کے سرکی قیمت 30لاکھ روپے مقررتھی، وہ22سال سے ایک کالعدم تنظیم کے عسکری ونگ کا سرگرم رکن تھا۔ اس نے ریاض بسرا اور اکرم لاہوری کے ساتھ مل کر سیکڑوں افرادکوبیدردی سے قتل کیا۔آصف چھوٹو مومن پورہ قبرستان لاہور، ملتان امام بارگاہ اوربہاولپور میں ایرانی کیڈٹس پر حملوں سمیت پنجاب، سندھ،خیبر پختونخوا اور بلوچستان میں200سے زائد افراد کے قتل میں ملوث تھا۔وہ 2005 سے 2012 تک جیل میں رہا، 2012 میں ضمانت پررہا ہو گیا تھا۔ رہائی ملنے کے بعدبھی اس نے دہشت گردانہ کارروائیاں جاری رکھیں۔اس کے ساتھ مارے جانے والے ڈاکٹرشاکر عرف علی سفیان کے متعلق بتایا گیاہے کہ وہ کے پی کے میں 50افراد کے قتل جبکہ تیسرا دہشت گردنورالامین راولپنڈی میں ایک انسپکٹرراجا ثقلین سمیت 20 افراد کے قتل میں ملوث تھا،کراچی میں سیکیورٹی فورسز کے ہاتھوں چند ماہ قبل گرفتار خطرناک دہشت گرد نعیم بخاری، صابر خان اور مثنی کے سنسنی خیز انکشافات سامنے آئے تھے کہ کالعدم لشکر جھنگوی اندرونی اختلافات کا شکار ہو چکی ہے۔گرفتار دہشت گردوں نے انکشاف کیا کہ کالعدم لشکر جھنگوی کے امیر نعیم بخاری اور آصف چھوٹو کے درمیان اختلافات ہوچکے ہیں۔ اب دونوں دہشت گرد الگ الگ گروپ چلا رہے تھے۔کاونٹر ٹیررزم ڈیپارٹمنٹ کے ہاتھوں گرفتار دہشت گرد شکار پور بم دھماکے کے اہم ملزم محمد انور نے تفتیش میں بھی اہم انکشافات کیے تھے۔ دہشت گرد نے انکشاف کیا تھا کہ شکار پور دھماکے کی منصوبہ بندی تحریک طالبان پاکستان نے کی۔دھماکے کا ٹاسک آصف چھوٹو نامی دہشت گرد کو دیا گیا جس کے لیے شکار پور میں میٹنگ ہوئی جس میں 5 دہشت گرد شریک تھے۔ دھماکے کے بعد آصف چھوٹو کو نصیر آباد چھوڑ دیا گیا۔ سندھ میں دہشت گردوں کا منظم نیٹ ورک موجود ہے۔ آصف چھوٹو بلوچستان کے راستے سندھ میں داخل ہوتا تھا۔دہشت گرد نے انکشاف کیا ہے کہ کالعدم تنظیموں کے دہشت گرد سندھ کے اسپتالوں میں علاج کراتے تھے جس کا انتظام یہاں موجود دہشت گرد کرتے تھے۔ اس حوالے سے سی ٹی ڈی کے ذرائع کا کہناتھاکہ دوران تفتیش دہشت گرد کی ڈائری ملی تھی جس سے دہشت گردوں کے نیٹ ورک کا سراغ ملا۔ہلاک ہونے والے کالعدم لشکر جھنگوی کے امیر رضوان عرف آصف چھوٹو کے گروہ میں300سے زائد دہشت گرد ہیں جن کی اکثریت افغانستان میں تربیت حاصل کرچکی ہے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
