... loading ...
... loading ...
ملک میں جاری افواہوں اور قیاس آرائیوں کے باوجودبالآخر پاک فوج کے نئے سپہ سالار کا تعین انتہائی خوش اسلوبی سے ہوچکا ہے۔ اور پاک فوج کے نئے سپہ سالا ر جنرل قمر جاوید باجوہ 29 نومبر کو چیف آف آرمی اسٹاف کی وہ جادوئی چھڑی سنبھالیں گے۔ جبکہ جنرل زبیر محمود حیات نئے چیئرمین جوائنٹ چیفس آف اسٹاف کمیٹی کے طور پر اپنی ذمہ داریاں سنبھالیں گے۔
وزارت دفاع کی جانب سے جاری کیے گئے نوٹیفکیشن کے مطابق لیفٹیننٹ جنرل قمر باجوہ اور لیفٹیننٹ جنرل زبیر محمود حیات کو فور اسٹار جنرلز کے رینک پر ترقی دے دی گئی ہے، جس کا اطلاق 28 نومبر بروز پیر سے ہوگا۔دونوں جنرل 29 نومبر بروز منگل سے اپنی نئی ذمہ داریاں سنبھال لیں گے اور اسی دن موجودہ آرمی چیف جنرل راحیل شریف ریٹائرڈ ہو جائیں گے۔ جنرل قمر باجوہ جی ایچ کیو(جنرل ہیڈ کوارٹرز )میں انسپکٹرجنرل آف ٹریننگ اینڈ ایویلیوایشن تعینات تھے، یہ وہی عہدہ ہے جوفوجی سربراہ بننے سے قبل جنرل راحیل شریف کے پاس تھا۔جنرل قمر فوج کی سب سے بڑی 10 ویں کور کو کمانڈ کرچکے ہیں جو کنٹرول لائن کے علاقے کی ذمہ داری سنبھالتی ہے۔تاہم جنرل قمر کے حوالے سے ایک خاص بات یہ بھی ہے کہ وہ اقوام متحدہ کے امن مشن میں بھارتی فوج کے سربراہ جنرل بکرم سنگھ کے ساتھ بطور بریگیڈ کمانڈر کام کرچکے ہیں جو وہاں ڈویژن کمانڈر تھے۔
اگر غور سے دیکھا جائے تو چیف آف آرمی اسٹاف کے لیے سنیارٹی فہرست میں سب سے آخری نام جنرل قمر جاوید باجوہ کا تھا۔ اُن سے پہلے جو نام سنیارٹی فہرست میں آتے تھے، اُن میں بالترتیب لیفٹیننٹ جنرل مقصود احمد ، لیفٹیننٹ جنرل زبیر حیات، لیفٹیننٹ جنرل سید واجد حسین، لیفٹیننٹ جنرل نجیب اللہ خان ،لیفٹیننٹ جنرل اشفاق ندیم احمد اور لیفٹیننٹ جنرل جاوید اقبال رمدے کے نام آتے تھے۔ ان میں لیفٹیننٹ جنرل مقصود احمد اقوام متحدہ میں ملٹری ایڈوائزر کے طور پر خدمات انجام دے رہے ہیں اور وہ پہلے ہی توسیع پر ہیں اس لیے وہ مزید پروموشن کے اہل نہ ہونے کے باعث اس دورڑ میں کہیں پر بھی شامل نہیں تھے۔ فہرست میں دوسرے نمبر پر موجود لیفٹیننٹ جنرل زبیر حیات کو چیئرمین جوائنٹ اسٹاف کمیٹی کے طور پر تعینات کردیا گیا ہے۔ اہم بات یہ ہے کہ فوجی سربراہ کے لئے جنرل زبیر کے علاوہ جن تین جنرلز کے ناموں کو زیر بحث لایا گیا اُن میں جنرل قمر جاوید باجوہ کانام سب سے نیچے تھا۔ اور اُنہیں ایک انگریزی اخبار نے اپنی ایک اشاعت میں “چھپے رستم ” قسم کا امیدوار قرار دیا تھا۔ اس ضمن میں سب سے زیادہ زیر گردش رہنے والے نام لیفٹیننٹ جنرل اشفاق ندیم اور لیفٹیننٹ جنرل جاوید اقبال رمدے کے تھے۔ لیفٹیننٹ جنرل اشفاق ندیم کور کمانڈر ملتان کے طور پر فرائض انجام دے رہے ہیں اور ماضی میں چیف آف جنرل اسٹاف رہ چکے ہیں۔ جنرل راحیل شریف نے فوجی سربراہ کا عہدہ سنبھالتے ہی جو کام سب سے پہلے کیا تھاوہ جنرل اشفاق کی بطور چیف آف جنرل اسٹاف تعیناتی تھی۔ عسکری امور کے ماہرین جنرل راحیل شریف کی کامیابی کا سہرا جنرل اشفاق کو ہی دیتے ہیں۔نوازشریف کی نگاہ انتخاب نے اُنہیں موزوں سمجھے بغیر لیفٹیننٹ جنرل جاوید اقبال رمدے کو بھی نظرانداز کیا۔ اب اگر غور کیا جائے تو جنرل قمر کے انتخاب کے بعد اب فوجی سربراہی کے امیدواروں میں لیفٹیننٹ جنرلز کی موجودہ 26 افراد کی فہرست میں کوئی ایک بھی ایسا نہیں رہا جو نئے چیف آف آرمی اسٹاف جنرل قمر کے فوجی سربراہی کے تین سالہ دور کے بعد 2019 میں امیدوار کی فہرست میں جگہ بنا سکیں ۔ کیونکہ اس فہرست کے تمام کے تمام جنرلز ستمبر 2019 میں ریٹائر ہو جائیں گے۔ اس فہرست کے آخری ریٹائر ہونے والے جنرل عاصم باجوہ ستمبر 2019 تک اپنی میعاد رکھتے ہیں۔ اس کا واضح مطلب یہ ہوا کہ نومبر 2019 میں نئے فوجی سربراہ کے لیے جو سنیارٹی فہرست مرتب ہوگی وہ دراصل نئے پروموٹ ہونے والے فوجی افسران سے بن سکے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
